ທາບທາມ ເນື້ອໃນ ແລະ ບຸກຄະລາກອນສະໝັກຮັບເລືອກຕັ້ງໂຄງປະກອບຄະນະພັກແຂວງເຊກອງ

ທາບທາມ ເນື້ອໃນ ແລະ ບຸກຄະລາກອນສະໝັກຮັບເລືອກຕັ້ງໂຄງປະກອບຄະນະພັກແຂວງເຊກອງ

13:24 21/07/2025

ຄະນະບໍລິຫານງານພັກ ແຂວງ ເຊກອງໄດ້ຈັດກອງປະຊຸມ ທາບທາມ ເນື້ອໃນ ແລະ ບຸກຄະລາກອນທີ່ຈະອອກສະໝັກຮັບເລືອກຕັ້ງໂຄງປະກອບຄະນະພັກບໍລິຫານງານພັກແຂວງ ສະໄໝທີ XI ຮອບ II ໄດ້ຈັດຂຶ້ນໃນວັນທີ 21 ກໍລະກົດນີ້,ທີ່ຫ້ອງວ່າການປົກຄອງແຂວງ ,ໂດຍກການເປັນປະທານ ແລະ ຊີ້ນຳກອງປະຊຸມ ຂອງ ສະຫາຍ ຄຳພັັນ ເຜີຍຍະວົງ ຄະນະເລຂາທິການສູນກາງພັກ,ຫົວໜ້າຄະນະໂຄສະນາອົບຮົມສູນກາງພັກ,ປະທານສະພາທິດສະດີສູນກາງພັກ, ມີ ສະຫາຍ ວິໄລວົງ ບຸດດາຄຳ ກໍາມະການສູນກາງພັກ ຮອງຫົວໜ້າຄະນະຈັດຕັ້ງ ສູນກາງພັກ, ຮອງກອງເລຂາປັບປຸງກົງຈັກການຈັດຕັ້ງ,ມີບັນດາ ຄະນະປະຈໍາພັກແຂວງ, ປະທານ-ຮອງປະທານສະພາປະຊາຊົນແຂວງ, ກໍາມະການພັກແຂວງ,ຄະນະຊຸກຍູ້ກອງປະຊຸມໃຫຍ່ສູນກາງ, ຂັ້ນແຂວງ ແລະ ຜູ້ແທນສົມບູນ, ສໍາຮອງ ເຂົ້າຮ່ວມ.

ທາບທາມ ເນອໃນ ແລະ ບກຄະລາກອນສະໝກຮບເລອກຕງໂຄງປະກອບຄະນະພກແຂວງເຊກອງ - image 1

ກອງປະຊຸມຄັ້ງນີ້:ໄດ້ຮັບຟັງການຜ່ານຮ່າງລາຍງານການເມືອງ 2 ພາກ, ຮ່າງແຜນພັດທະນາເສດຖະກິດ-ສັງຄົມ 5 ປີ ຂອງແຂວງ ແລະ ຮ່າງບົດສຳຫຼວດການນຳພາລວມ ຂອງຄະນະບໍລິຫານງານພັກແຂວງ,ດໍາເນີນການປ່ອນບັດທາບທາມບຸກຄະລາກອນຜູ້ອອກສະໝັກຮັບ

ເລືອກຕັ້ງ ເຂົ້າໃນຄະນະປະຈຳພັກແຂວງ, ເລຂາ, ຮອງເລຂາ, ປະທານ ແລະ ຮອງປະທານຄະນະກວດກາພັກແຂວງ.

ທາບທາມ ເນອໃນ ແລະ ບກຄະລາກອນສະໝກຮບເລອກຕງໂຄງປະກອບຄະນະພກແຂວງເຊກອງ - image 2

ສະຫາຍບຸນຫຼາຍ ບຸດທິ ຮັກສາການແທນເລຂາຄະນະບໍລິຫານງານພັກແຂວງ, ເຈົ້າແຂວງ ເຊກອງ ໄດ້ລາຍງານສະພາບລວມໂດຍຫຍໍ້ການຈັດຕັ້ງປະຕິບັດການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງພັກ ອົງຄະນະພັກແຂວງເຊກອງ,ໂດຍໄດ້ຈັດຕັ້ງປະຕິບັດ ບັນດາໜ້າວຽກຕ່າງໆ ຄື:ດ້ານຂະບວນການ:ໄດ້ ສຸມໃສ່ຊຸກຍູ້, ຊີ້ນຳການຈັດຕັ້ງປະຕິບັດປີມ້ວນທ້າຍຂອງມະຕິກອງປະຊຸມໃຫຍ່ຄັ້ງທີX ຂອງອົງຄະນະພັກແຂວງເຊກອງ ເຂົ້າສູ່ລວງເລິກ ເປັນຕົ້ນ: ຂະບວນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນແລະຂະບວນການປະເມີນຜົນຂໍ້ແຂ່ງຂັນຮັກຊາດແລະພັດທະນາ, ການພັດທະນາຊົນນະບົດ-ແກ້ໄຂຄວາມທຸກຍາກຂອງປະຊາຊົນ.ດ້ານເນື້ອໃນສຳເລັດຮ່າງເນື້ອໃນໂຄງສ້າງຂອງບົດໂດຍພື້ນຖານ ເປັນຕົ້ນ: ບົດລາຍງານການເມືອງທັງສອງພາກ, ແຜນພັດທະນາເສດຖະກິດ-ສັງຄົມ ແລະ ບົດສໍາຫຼວດການນໍາພາລວມ ,ດ້ານບຸກຄະລາກອນ, ປັດຈຸບັນໄດ້ສໍາເລັດ ກອງປະຊຸມທາບທາມບຸກຄະອອກສະໝັກຮັບເລືອກຕັ້ງເຂົ້າໂຄງປະກອບຄະນະບໍລິຫານງານພັກແຂວງ ຢູ່ບັນດາເມືອງ 4 ເມືອງ ແລະ ພະແນກການ-ອົງການທຽບເທົ່າຂັ້ນແຂວງ ໃນຮອບທີ I ເຊິ່ງມີເປົ້າໝາຍຜູ້ແທນເຂົ້າຮ່ວມທັງໝົດ 671 ສະຫາຍ, ຍິງ 135 ສະຫາຍ, ມາຕົວຈິງ 631 ສະຫາຍ, ຍິງ 64 ສະຫາຍ, ຂາດ 40 ສະຫາຍ, ຍິງ 14 ສະຫາຍ.ສໍາລັບການທາບທາມຮອບທີ II. ວາລະທີ 1 ເປົ້າໝາຍຜູ້ແທນເຂົ້າຮ່ວມທາບທາມຄະນະບໍລິຫານງານພັກແຂວງ ມີ 298 ສະຫາຍ, ຍິງ 72 ສະຫາຍ; ວາລະທີ 2 ເປົ້າໝາຍຜູ້ແທນເຂົ້າຮ່ວມທາບທາມບຸກຄະລາກອນຜູ້ອອກສະໝັກຮັບເລືອກຕັ້ງເຂົ້າໃນຄະນະປະຈຳ

ພັກແຂວງ, ເລຂາ, ຮອງເລຂາ, ປະທານ ແລະ ຮອງປະທານຄະນະກວດກາພັກແຂວງ ມີ 219 ສະຫາຍ, ຍິງ 69 ສະຫາຍ,ຮອບທີ III ເປັນຮອບທີ່ຕິດພັນກັບການດາໍເນີນຊີວິດການເມືອງທ້າຍສະໄໝທີ X, ເຊິ່ງຈະຈັດຂຶ້ນລະຫວ່າງວັນທີ 6-8 ສິງຫາ 2025 ແລະ ລະຫວ່າງວັນທີ 18-22 ສິງຫາ 2025 ແມ່ນກະກຽມຂຶ້ນລາຍງານຄວາມພ້ອມດ້ານຕ່າງໆ ກ່ຽວກັບການກະກຽມ ແລະ ດາໍເນີນກອງປະຊຸມໃຫຍ່ ຄັ້ງທີ XI ຂອງອົງຄະນະພັກແຂວງເຊກອງ ຕໍ່ກົມການເມືອງສູນກາງພັກ, ຄະນະເລຂາທິການສູນກາງພັກ ແລະ ຊີ້ນຳໃນທາງຈັດຕັ້ງປະຕິບັດ. ຄາດຄະເນວັນທີ 28-29 ສິງຫາ 2025: ດາໍເນີນກອງປະຊຸມໃຫຍ່ຜູ້ແທນທົ່ວອົງຄະນະພັກແຂວງເຊກອງ ຄັ້ງທີ XI ຂຶ້ນຢ່າງເປັນທາງການ.

ທາບທາມ ເນອໃນ ແລະ ບກຄະລາກອນສະໝກຮບເລອກຕງໂຄງປະກອບຄະນະພກແຂວງເຊກອງ - image 3

ໃນໂອກາດດັ່ງກ່າວ ສະຫາຍ ຄຳພັັນ ເຜີຍຍະວົງ ໄດ້ມີຄຳເຫັນຊີ້ນຳວ່າ:ຜ່ານການຕິດຕາມ ການນໍາສະເໜີບັນດາເອກະສານຕ່າງໆຂອງຄະນະຮັບຜິດຊອບກອງປະຊຸມເຫັນວ່າບັນດາເອກະສານ

ລ້ວນແຕ່ໄດ້ຜ່ານມາທາບທາມ ແລະ ລະດົມແນວຄວາມຄິດ ມາແລ້ວຫຼາຍຄັ້ງ, ສະນັ້ນ, ເພື່ອຮັບປະກັນໃຫ້ບັນດາເອກະສານກອງປະຊຸມໃຫຍ່ມີເນື້ອໃນຄົບຖ້ວນ, ອຸດົມສົມບູນ ແລະ ແທດກັບຕົວຈິງໃຫ້ບັນດາສະຫາຍຄະນະພັກເອົາໃຈໃສ່ຄົ້ນຄວ້າຢ່າງລະອຽດ,ເລິກເຊິ່ງໃນບາງຈຸດຕື່ມອີກດັ່ງນີ້:ສໍາລັບຮ່າງບົດລາຍງານການເມືອງ 2 ພາກ ເຊິ່ງເປັນຮ່າງໄດ້ມີການທາບທາມມາແລ້ວ 4 ຄັ້ງ ໃຫ້ບັນດາສະຫາຍ ເບິ່ງຕື່ມບາງຈຸດຄື:ຜົນງານການນໍາພາ-ຊີ້ນໍາ ໃນແຕ່ລະດ້ານ, ແຕ່ລະຂົງເຂດວຽກງານ ໄດ້ມີການສັງລວມດ້ານດີ,ດ້ານອ່ອນ,ທີ່ພົ້ນເດັ່ນເຂົ້າໃຫ້ຄົບຖ້ວນ,ກ່ຽວກັບຄຳຂັວນຄວນປັບປຸງແນວ

ໃດຕື່ມໃຫ້ມີຄວາມເໝາະສົມ ຊຶ່ງໃນຮ່າງປະກອບດ້ວຍເນື້ອໃນ 4 ປະເດັນໃຫຍ່ ຄື: ເພີ່ມທະວີບົດບາດ ແລະຄວາມສາມາດນໍາພາຂອງຄະນະພັກທຸກຂັ້ນ,ເສີມຂະຫຍາຍທາດແທ້ມູນເຊື້ອວິລະຊົນເຂົ້າໃນທຸກຂົງເຂດວຽກງານ,ຍູ້ແຮງການສ້າງເສດຖະກິດເອກະລາດເປັນເຈົ້າຕົນເອງ,ຮັບປະກັນໃຫ້ປະຊາຊົນຫຼຸດ

ພົ້ນຈາກຄວາມທຸກຍາກ,ສໍາລັບຮ່າງແຜນພັດທະນາເສດຖະກິດ-ສັງຄົມ ບັນດາສະຫາຍ ກໍໄດ້ມີການເປີດກອງປະຊຸມລະດົມແນວຄວາມຄິດ ຢູ່ຂັ້ນແຂວງ, ຂັ້ນເມືອງ ມາແລ້ວ ແລະ ໄດ້ມີການປັບ ປຸງຫຼາຍຄັ້ງ, ແຕ່ຂໍໃຫ້ຄົ້ນຄວ້າ ແລະ ມີຄໍາເຫັນຕື່ມອີກ,ສໍາລັບຮ່າງບົດສໍາຫຼວດການນໍາພາລວມ ຂອງຄະນະບໍລິຫານງານພັກແຂວງ ບັນ ດາສະຫາຍ ໄດ້ມີການທາບທາມແລ້ວ 1 ຄັ້ງ ຂໍໃຫ້ຄົ້ນຄວ້າມີຄໍາເຫັນຕື່ມເຊັ່ນກັນ,ໃນນັ້ນ ຍັງໄດ້ເນັ້ນໜັກຕື່ມໃນການຄັດເລືອກເອົາຜູ້ທີ່ມີເງື່ອນໄຂຈະເຂົ້າມາເປັນຄະນະບໍລິຫານງານພັກຊູດໃໝ່

ຕື່ມອີກ (ຂ່າວ-ພາບ:ສຳນານ)

ຄໍາເຫັນ

ຂ່າວການເມືອງ

ເມືອງແກ່ນທ້າວເຜີຍແຜ່ຜົນສໍາເລັດກອງປະຊຸມໃຫຍ່ ຜູ້ແທນແມ່ຍິງລາວທົ່ວປະເທດ ຄັ້ງທີ IX

30/10/2025 10:31

ໃນວັນທີ 28 ຕຸລາຜ່ານມານີ້, ສະຫາຍ ນາງ ສາຍຄໍາ ເພັດປັນຍາ ຮອງປະທານຄະນະບໍລິຫານງານສະຫະພັນແມ່ຍິງແຂວງໄຊຍະບູລີ ພ້ອມດ້ວຍທີມງານ ໄດ້ລົງເຜີຍແຜ່ຜົນສໍາເລັດກອງປະຊຸມໃຫຍ່ ຜູ້ແທນແມ່ຍິງລາວທົ່ວປະເທດ ຄັ້ງທີ IX ແລະ ຜົນສໍາເລັດກອງປະຊຸມໃຫຍ່ ຜູ້ແທນແມ່ຍິງແຂວງໄຊະຍະບູລີ ຄັ້ງທີ VIII ຢູ່ເມືອງແກ່ນທ້າວ ໂດຍການເປັນກຽດເຂົ້າຮ່ວມຮັບຟັງຂອງສະຫາຍ ຈິນດາ ກະທາທອງ ຮອງເລຂາຄະນະບໍລິຫານງານພັກເມືອງ, ມີພາກສ່ວນກ່ຽວຂ້ອງທົ່ວເມືອງເຂົ້າຮ່ວມຮັບຟັງ.

ເມືອງແກ່ນທ້າວເຜີຍແຜ່ຜົນສໍາເລັດກອງປະຊຸມໃຫຍ່ ຜູ້ແທນແມ່ຍິງລາວທົ່ວປະເທດ ຄັ້ງທີ IX

30/10/2025 10:31

ສະຫາຍ ລິນຄໍາ ດວງສະຫວັນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກ ກະຊວງ ກສ

29/10/2025 09:52

ກອງປະຊຸມໃຫຍ່ ຜູ້ແທນອົງຄະນະພັກ ກະຊວງກະສິກຳ ແລະ ສິ່ງແວດລ້ອມ (ກສ) ຄັ້ງທີ VII ໄດ້ສໍາເລັດຜົນຢ່າງຈົບງາມ, ພາຍຫຼັງໄດ້ດໍາເນີນມາແຕ່ວັນທີ 27-28 ຕຸລານີ້ ທີ່ຫ້ອງວ່າການສູນກາງພັກ, ພາຍໃຕ້ການເປັນປະທານ ຂອງສະຫາຍ ລິນຄໍາ ດວງສະຫວັນ ກໍາມະການສໍາຮອງສູນກາງພັກ ເລຂາຄະນະພັກ ກະຊວງກະສິກໍາ ແລະ ສິ່ງແວດລ້ອມ (ກສ), ເປັນກຽດເຂົ້າຮ່ວມ ໂດຍ ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ ຜູ້ປະຈຳການ ຄະນະເລຂາທິການສູນກາງພັກ ຮອງປະທານປະເທດ ແຫ່ງ ສປປ ລາວ, ສະຫາຍ ວິໄລວົງ ບຸດດາຄໍາ ກໍາມະການສູນກາງພັກ ຮອງຫົວໜ້າຄະນະຈັດຕັ້ງສູນກາງພັກ, ບັນດາສະຫາຍ ອະດີດຄະນະນໍາ ກະຊວງ, ຄະນະພັກກະຊວງ ກະສິກຳ ແລະ ປ່າໄມ້ ສະໄໝທີ 6, ອະດີດຄະນະນໍາ, ຄະນະພັກ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ສະໄໝທີ 2, ສະມາຊິກພັກອາວຸໂສບຳນານ ແລະ ຜູ້ແທນສົມບູນ ຈໍານວນ 233 ສະຫາຍ ທີ່ໄດ້ຕາງໜ້າໃຫ້ສະມາຊິກພັກ 1,551 ສະຫາຍ ພ້ອມດ້ວຍສະຫາຍແຂກຖືກເຊີນ.

ແຕ່ງຕັ້ງຄະນະກໍາມະການເລືອກຕັ້ງລະດັບຊາດ ເພື່ອເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V

28/10/2025 14:34

ທ່ານ ຈະເລີນ ເຢຍປາວເຮີ ຮອງປະທານສະພາແຫ່ງຊາດ ກໍາມະການຄະນະກໍາມະການເລືອກຕັ້ງລະດັບຊາດ ຮອງຫົວໜ້າອະນຸກໍາມະການໂຄສະນາ ປຸກລະດົມຂະບວນການ ແລະ ຍ້ອງຍໍ ຂອງຄະນະກໍາມະການເລືອກຕັ້ງລະດັບຊາດຖະແຫຼງຂ່າວຕໍ່ສື່ມວນຊົນໃນວັນທີ 28 ຕຸລານີ້ ທີ່ສະພາແຫ່ງຊາດກ່ຽວກັບການແຕ່ງຕັ້ງຄະນະກໍາມະການເລືອກຕັ້ງລະດັບຊາດ ເພື່ອເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ V ແລະ ຜົນສຳເລັດການດໍາເນີນກອງປະຊຸມຄັ້ງປະຖົມມະລືກ ຂອງຄະນະກໍາມະການເລືອກຕັ້ງລະດັບຊາດໃຫ້ຮູ້ວ່າ: ອີງຕາມມາດຕາ 55 ຂອງລັດຖະທໍາມະນູນ ແຫ່ງ ສປປ ລາວ ສະບັບປີ 2025 ກ່ຽວກັບການກໍານົດອາຍຸການຂອງສະພາແຫ່ງຊາດ ທີ່ວ່າ: “ສະພາແຫ່ງຊາດ ມີອາຍຸການ 5 ປີ”; “ການເລືອກຕັ້ງສະມາຊິກສະພາແຫ່ງຊາດຊຸດໃໝ່ ຕ້ອງໃຫ້ແລ້ວພາຍໃນ 60 ວັນ ກ່ອນສະພາແຫ່ງຊາດຊຸດເກົ່າຈະໝົດອາຍຸການ”. ສຳລັບສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນຂັ້ນແຂວງ ຊຸດທີ IV ໄດ້ຮັບການເລືອກຕັ້ງ ໃນວັນທີ 21 ກຸມພາ 2021 ແລະ ຈະໝົດອາຍຸການ ໃນວັນທີ 22 ມີນາ 2026 ນີ້.

ຜົນສຳເລັດກອງປະຊຸມໃຫຍ່ຜູ້ແທນສະຫະພັນກຳມະບານລາວທົ່ວປະເທດ ຄັ້ງທີ IX

28/10/2025 14:19

ສະຫາຍ ເລັດ ໄຊຍະພອນ ປະທານຄະນະບໍລິຫານງານສູນກາງສະຫະພັນກຳມະບານລາວ (ສກລ) ໄດ້ຖະແຫຼງກ່ຽວກັບຜົນສໍາເລັດການດໍາເນີນກອງປະຊຸມໃຫຍ່ຜູ້ແທນກຳມະບານລາວທົ່ວປະເທດຄັ້ງທີ IX ໃນວັນທີ 28 ຕຸລານີ້ ທີ່ຫໍປະຊຸມແຫ່ງຊາດ ຊຶ່ງສະຫາຍໄດ້ຖະແຫຼງວ່າ: ກອງປະຊຸມໃຫຍ່ໃນຄັ້ງນີ້ໄດ້ດໍາເນີນຢ່າງເປັນທາງການໃນວັນທີ 27-28 ຕຸລາ 2025 ທີ່ນະຄອນຫຼວງວຽງຈັນ.

ເປີດກອງປະຊຸມໃຫຍ່ຜູ້ແທນອົງຄະນະພັກກະຊວງ ອຄ ຄັ້ງທີ VI

28/10/2025 14:13

ກອງປະຊຸມໃຫຍ່ຜູ້ແທນອົງຄະນະພັກກະຊວງອຸດສາຫະກໍາ ແລະ ການຄ້າ (ອຄ) ຄັ້ງທີ VI ເປີດຂຶ້ນຢ່າງເປັນທາງການ ໃນວັນທີ 28 ຕຸລານີ້ ທີ່ນະຄອນຫຼວງວຽງຈັນ ໂດຍການເປັນປະທານ ຂອງສະຫາຍ ມະໄລທອງ ກົມມະສິດ ກຳມະການສໍາຮອງສູນກາງພັກ ເລຂາຄະນະບໍລິຫານງານພັກ ລັດຖະ ມົນຕີກະຊວງ ອຄ, ໂດຍເປັນກຽດເຂົ້າຮ່ວມຂອງ ສະຫາຍ ນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ ຮອງປະທານປະເທດ ແຫ່ງ ສປປ ລາວ, ມີບັນດາສະຫາຍຄະນະປະທານ, ຜູ້ແທນສົມບູນ, ບັນດາສະມາຊິກພັກອາວຸໂສບຳນານ, ພ້ອມດ້ວຍສະຫາຍແຂກຖືກເຊີນເຂົ້າຮ່ວມ.

ເມືອງໄຊຍະບູລີ ເປີດກອງປະຊຸມຄົບຄະນະບໍລິຫານງານພັກເມືອງ ຄັ້ງທີ 3 ສະໄໝທີ X

28/10/2025 13:31

ກອງປະຊຸມຄົບຄະນະບໍລິຫານງານພັກເມືອງ ຄັ້ງທີ 3 ສະໄໝທີ X ໄດ້ຈັດຂຶ້ນໃນຕອນເຊົ້າວັນທີ 28 ຕຸລານີ້ ທີ່ຫ້ອງປະຊຸມຫ້ອງວ່າການເມືອງ ໂດຍການເປັນປະທານຂອງສະຫາຍ ເສນ ພັນລັກ ກຳມະການພັກແຂວງ ເລຂາຄະນະບໍລິຫານງານພັກເມືອງ ຫົວໜ້າຄະນະສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງໄຊຍະບູລີ.

ສະຫາຍ ເລັດ ໄຊຍະພອນ ໄດ້ຮັບເລືອກເປັນປະທານຄະນະບໍລິຫານງານ ສກລ

28/10/2025 11:15

ສະຫາຍ ເລັດ ໄຊຍະພອນ ໄດ້ຮັບເລືອກເປັນປະທານຄະນະບໍລິຫານງານສູນກາງສະຫະພັນກຳມະ ບານລາວ (ສກລ), ກອງປະຊຸມໃຫຍ່ຜູ້ແທນກຳມະບານລາວທົ່ວປະເທດ ຄັ້ງທີ IX ໄດ້ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 28 ຕຸລານີ້. ພາຍຫຼັງດຳເນີນມາແຕ່ວັນທີ 27 ຕຸລາ 2025 ທີ່ຫໍປະຊຸມແຫ່ງຊາດ ໂດຍເປັນກຽດເຂົ້າຮ່ວມຂອງສະຫາຍ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ, ມີບັນດາຄະນະບໍລິຫານງານ ສກລ, ປະທານສະຫະພັນກຳມະບານກະຊວງ, ອົງການທີ່ເປັນຕົວແທນຈາກກະຊວງ, ອົງການ, ແຂວງ, ນະຄອນຫຼວງວຽງຈັນ ແລະ ຮາກຖານການຜະລິດຕ່າງໆໃນທົ່ວປະເທດຈໍານວນ 389 ສະຫາຍ ຍິງ 91 ສະຫາຍ ຊຶ່ງເປັນຕົວແທນໃຫ້ແກ່ສະມາຊິກກໍາມະບານທັງໝົດ 211,092 ສະຫາຍ ຍິງ 99,531 ສະຫາຍ.

ກອງປະຊຸມໃຫຍ່ຜູ້ແທນອົງຄະນະພັກທະນາຄານແຫ່ງ ສປປ ລາວ ຄັ້ງທີ V

27/10/2025 15:49

ກອງປະຊຸມໃຫຍ່ຜູ້ແທນອົງຄະນະພັກທະນາຄານແຫ່ງ ສປປ ລາວ ຄັ້ງທີ V ເປີດຂຶ້ນຢ່າງເປັນທາງການໃນວັນທີ 26 ຕຸລາ ນີ້ ທີ່ຫ້ອງປະຊຸມສະໂມສອນສະຖາບັນການທະນາຄານ ພາຍໃຕ້ໂດຍການເປັນປະທານຂອງ ສະຫາຍ ນາງ ບຸນຄໍາ ວໍລະຈິດ ເລຂາຄະນະບໍລິຫານງານພັກ ຜູ້ວ່າທະນາຄານແຫ່ງ ສປປ ລາວ, ໂດຍການໃຫ້ກຽດເຂົ້າຮ່ວມຂອງສະຫາຍ ສະເຫຼີມໄຊ ກົມມະສິດ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີແຫ່ງ ສປປ ລາວ ມີຜູ້ແທນສົມບູນ ທັງໝົດ 149 ສະຫາຍ ຕາງໜ້າໃຫ້ສະມາຊິກພັກທັງໝົດ 1,046 ສະຫາຍ, ພ້ອມນັ້ນ ມີບັນດາຜູ້ຕາງໜ້າອົງຄະນະພັກກະຊວງ-ອົງການ ແລະ ບາງອົງຄະນະພັກແຂວງ-ນະຄອນຫຼວງວຽງຈັນ, ພະນັກງານອາວຸໂສບຳນານເຂົ້າຮ່ວມຢ່າງພ້ອມພຽງ.

ກອງປະຊຸມຄົບຄະນະບໍລິຫານງານພັກເມືອງບໍ່ແຕນ ຄັ້ງທີ 3 ສະໄຫມທີ VIII

23/10/2025 09:23

ໃນວັນທີ 22 ຕຸລານີ້ ທີ່ສະໂມສອນ ເມືອງບໍ່ແຕນ ແຂວງໄຊຍະບູລີ, ຄະນະບໍລິຫານງານພັກເມືອງບໍ່ແຕນ ໄດ້ຈັດກອງປະຊຸມຄົບຄະນະບໍລິຫານງານພັກເມືອງ ຄັ້ງທີ 3 ສະໄຫມທີ VIII ພາຍໃຕ້ການເປັນປະທານຂອງ ສະຫາຍ ບຸນພະລັງ ວິໄລສັກ ກຳມະການພັກແຂວງ ເລຂາຄະນະບໍລິຫານງານພັກເມືອງ.

ເພີ່ມເຕີມ