ຜ່ານມາທີ່ເດີ່ນສາຍທາງຫຼວງ ເມືອງລະມາມ ແຂວງເຊກອງ. ໂດຍການເຂົ້າຮ່ວມຂອງ ທ່ານ ບຸນຫຼາຍ ບຸດທິ ຮອງເລຂາພັກແຂວງເຊກອງ, ທ່ານ ຊາວວະລິດ ຂັນໄຊຍະພູມ ຜູ້ອຳນວຍການ ບໍລິສັດ ມອນຊຸນວິນພາວເວີ ຈຳກັດ, ທ່ານ ຊຸນຊາງຈຽງ ຜູ້ບໍລິຫານໂຄງການ ບໍລິສັດ ພາວເວີຊາຍນາ ລາວ ຈໍາກັດ ພ້ອມດ້ວຍຜູ້ຕາງໜ້າ ບໍລິສັດ, ຜູ້ພັດທະນາໂຄງການ ນັກກິລາຈາກພາກລັດ ແລະ ບໍລິສັດເຂົ້າຮ່ວມ.
ຈຸດປະສົງເພື່ອສ້າງຂະບວນການໃນໂອກາດສະເຫຼີມສະຫຼອງຊົມເຊີຍຜົນສຳເລັດການຂົນສົ່ງກັງຫັນລົມຕົ້ນສຸດທ້າຍ ຕົ້ນທີ 133 ຮອດແຂວງເຊກອງໃນວັນທີ 27 ກັນຍາຜ່ານມາ ແລະ ຮັດແໜ້ນຄວາມສາມັກຄີ. ການແຂ່ງຂັນກິລາໃນຄັ້ງນີ້ ປະກອບມີທີມນັກກິລາຈາກພາກລັດ 8 ທີມ ທີ່ມາຈາກພະແນກພະລັງງານ ແລະ ບໍ່ແຮ່ ແຂວງເຊກອງ, ອັດຕະປື, ຫ້ອງວ່າການແຂວງເຊກອງ, ເມືອງດາກຈຶງ, ພະແນກກະສິກຳ ແລະ ປ່າໄມ້ ແຂວງເຊກອງ, ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ, ພະແນກໂຍທາທິການ ແລະ ຂົນສົ່ງແຂວງ ພ້ອມດ້ວຍ ທີມນັກກິລາຈາກບໍລິສັດຜູ້ພັດທະນາໂຄງການພະລັງງານລົມມອນຊຸນວິນ 8 ທີມ ລວມເປັນ 16 ທີມເຂົ້າແຂ່ງຂັນ.
ຜົນການແຂ່ງຂັນ ຮອບຊີງຊະນະເລີດໄດ້ແກ່ທີມຈາກພະແນກໂຍທາທິການ ແລະ ຂົນສົ່ງ(ຍທຂ) ແຂວງເຊກອງ ພົບກັບ ທີມແອັດມິນ ໂດຍແມ່ນທີມຈາກ ບໍລິສັດ ຜູ້ພັດທະນາໂຄງການພະລັງງານລົມມອນຊູນວິນຊຶ່ງທີມຊະນະເລີດໄດ້ແກ່ທີມພະແນກ ຍທຂ, ຊະນະດ້ວຍການເຕະຈຸດໂທດ 6 ປະຕູ ຕໍ່ 5, ໄດ້ຮັບຂັນລາງວັນໂຄງການພະລັງງານລົມມອນຊູນວິນ 1 ໜ່ວຍ ພ້ອມເງິນລາງວັນ 15 ລ້ານກີບ. ຮອງຊະເລີດໄດ້ແກ່ ທີມ ແອັດມິນ ໄດ້ຮັບ ເງິນລາງວັນ 13 ລ້ານກີບ ແລະ ທີສາມໄດ້ແກ່ ທີມເຂື່ອນໄຟຟ້ານໍ້າອີມູນ ໄດ້ຮັບເງິນລາງວັນ 10 ລ້ານກີບ. ໃຫ້ກຽດມອບໂດຍ ທ່ານ ບຸນຫຼາຍ ບຸດທິ, ທ່ານ ຊາວວະລິດ ຂັນໄຊຍະພູມ, ທ່ານ ຊຸນຊາງຈຽງ.
(ຂ່າວ-ພາບ: ພຸດທະສອນ)
ຄໍາເຫັນ