ໃຫ້ກຽດເຂົ້າຮ່ວມເປັນສັກຂີພິຍານຂອງທ່ານນາງ ວັດທະນາ ດາລາລອຍ ຮັກສາການຜູ້ວ່າການ ທຫລ, ມີທ່ານ ພຸດທະໄຊ ສີວິໄລ ປະທານສະມາຄົມທະນາຄານລາວຄະນະຜູ້ບໍລິຫານບັນດາທະນາຄານທຸລະກິດ ທີ່ກ່ຽວຂ້ອງເຂົ້າຮ່ວມ. ທີ່ມີຄວາມສົນໃຈສຶກສາ ແລະ ປະເມີນຜົນຄວາມເປັນໄປໄດ້ໃນການລົງທຶນ ແລະ ພັດທະນາໂຄງການສ້າງຕະຫຼາດແລກປ່ຽນເງິນຕາຕ່າງປະເທດທີ່ລວມສູນ, ຮ່ວມລົງນາມຄັ້ງນີ້ໂດຍແມ່ນທ່ານຫົວໜ້າຫ້ອງການ ທຫລ ແລະ ທ່ານຜູ້ອຳນວຍການທະນາຄານທຸລະກິດຈໍານວນ 15 ແຫ່ງ.
ທ່ານ ສຸລິສັກ ທໍານຸວົງ ຫົວໜ້າກົມນະໂຍບາຍເງິນຕາທຫລ ຕາງໜ້າຄະນະຄົ້ນຄວ້າສ້າງຕັ້ງຕະຫຼາດແລກປ່ຽນເງິນຕາຕ່າງປະເທດທີ່ລວມສູນໄດ້ນໍາສະເໜີກ່ຽວກັບສະພາບ ແລະ ຄວາມເປັນມາຂອງການພັດທະນາລະບົບຕະຫຼາດແລກປ່ຽນເງິນຕາທີ່ລວມສູນວ່າ: ຈາກບັນຫາຄວາມບໍ່ສົມດຸນລະຫວ່າງຄວາມຕ້ອງການ ແລະ ການສະໜອງເງິນຕາຕ່າງປະເທດໃນລະບົບເສດຖະກິດ ເນື່ອງຈາກຄວາມຕ້ອງການເງິນຕາເພື່ອຊໍາລະຄ່າສິນຄ້າ ແລະ ບໍລິການຈາກຕ່າງປະເທດ ແລະ ພັນທະໜີ້ສິນຕໍ່ຕ່າງປະເທດທີ່ຍັງຢູ່ໃນລະດັບສູງ ຈຶ່ງເຮັດໃຫ້ອັດຕາແລກປ່ຽນອ່ອນຄ່າແລະ ອັດຕາເງິນເຟີ້ຍັງຢູ່ໃນລະດັບສູງ ຊຶ່ງກະທົບຕໍ່ກັບຊີວິດການເປັນຢູ່ຂອງປະຊາຊົນລາວຢ່າງຫຼີກລ່ຽງບໍ່ໄດ້. ການແລກປ່ຽນເງິນຕາຢູ່ຕະຫຼາດນອກລະບົບພາໃຫ້ມີຄວາມຫຍຸ້ງຍາກໃນການຕິດຕາມກວດກາ ແລະ ການເກັບກໍາຂໍ້ມູນທຸລະກໍາຢູ່ນອກລະບົບ ຊຶ່ງເປັນອຸປະສັກໃນການດໍາເນີນນະໂຍບາຍຂອງ ທຫລ.ສະນັ້ນ, ເພື່ອຮັກສາສະຖຽນລະພາບເງິນຕາແຫ່ງຊາດ ແລະ ຄຸ້ມຄອງອັດຕາແລກປ່ຽນໃຫ້ກ້າວເຂົ້າສູ່ຄວາມໝັ້ນທ່ຽງເທື່ອລະກ້າວ ແລະ ເປັນການຊຸກຍູ້ໃຫ້ສັງຄົມຫັນມາແລກປ່ຽນໃນລະບົບເພີ່ມຂຶ້ນ, ທຫລ ຈຶ່ງມີແນວຄວາມຄິດຕ້ອງການສ້າງຕະຫຼາດແລກປ່ຽນເງິນຕາຕ່າງປະເທດທີ່ລວມສູນເປັນ Platform ຊື້-ຂາຍເງິນຕາທີ່ອະນຸຍາດໃຫ້ບຸກຄົນ ແລະ ນິຕິບຸກຄົນ ສາມາດເຂົ້າຮ່ວມການຊື້-ຂາຍເງິນຕາໄດ້ຢ່າງສະດວກ, ສອດຄ່ອງກັບການດໍາເນີນທຸລະກິດ ແລະ ສາມາດຕິດຕາມກວດກາໄດ້ ພ້ອມດຽວກັນນີ້, ທ່ານ ພຸດທະໄຊ ສີວິໄລ ປະທານສະມາຄົມທະນາຄານລາວ ໄດ້ເນັ້ນໜັກຕື່ມຕໍ່ການຈັດຕັ້ງປະຕິບັດໂດຍສະເພາະ ໃນໄລຍະທົດລອງການນໍາໃຊ້ລະບົບນີ້, ສະມາຄົມທະນາຄານລາວຈະປະສານສົມທົບກັບບັນດາກົມກ່ຽວຂ້ອງຂອງ ທຫລ ສ້າງແຜນຝຶກອົບຮົມ ແລະ ຄູ່ມືການນໍາໃຊ້ລະບົບໃຫ້ແກ່ບັນດາທະນາຄານທຸລະກິດທີ່ເຂົ້າຮ່ວມເຊັນບົດບັນທຶກຄວາມເຂົ້າໃຈໃນຄັ້ງນີ້ ເພື່ອໃຫ້ກໍາໄດ້ ແລະ ເຂົ້າໃຈໃນການຈັດຕັ້ງປະຕິບັດຕົວຈິງ.
ປັດຈຸບັນ, ທຫລ ໄດ້ສໍາເລັດການຄົ້ນຄວ້າຮູບແບບແນວຄວາມຄິດ (Concept) ຂອງການສ້າງຕະຫຼາດດັ່ງກ່າວ, ໄດ້ສໍາເລັດການຈັດກອງປະຊຸມເພື່ອປຶກສາຫາລື ແລະ ລະດົມຄວາມຄິດໃນການສ້າງຕະຫຼາດແລກປ່ຽນເງິນຕາ ຮ່ວມກັບບັນດາທະນາຄານທຸລະກິດທີ່ມີເງື່ອນໄຂເຂົ້າເປັນຜູ້ຖືຮຸ້ນໃນການຕັ້ງເປັນນິຕິບຸກຄົນ, ທຫລ ໄດ້ກໍານົດຈຸດປະສົງວາງຂອບແນວຄວາມຄິດ, ເງື່ອນໄຂການສ້າງຕັ້ງ ແລະ ຮູບແບບການດໍາເນີນທຸລະກໍາຜ່ານຕະຫຼາດ ເພື່ອເປັນບ່ອນອີງໃນການຄົ້ນຄວ້າ ແລະ ປະກອບການຕັດສິນໃຈໃນການເຂົ້າຮ່ວມເປັນຜູ້ສ້າງຕະຫຼາດຊື້-ຂາຍເງິນຕາລະຫວ່າງ ທຫລ ກັບທະນາຄານທຸລະກິດທີ່ສົນໃຈເຂົ້າຮ່ວມການສ້າງຕັ້ງຕະຫຼາດແລກປ່ຽນເງິນຕາຕ່າງປະເທດທີ່ລວມສູນໃຫ້ສໍາເລັດ, ໃນນັ້ນມີ 15 ທະນາຄານແຈ້ງເຈດຈໍານົງເຂົ້າຮ່ວມເຊັນບົດບັນທຶກຄວາມເຂົ້າໃຈ ວ່າດ້ວຍການສ້າງຕະຫຼາດແລກປ່ຽນເງິນຕາຕ່າງປະເທດທີ່ລວມສູນ; ພາຍຫຼັງເຊັນ MOU ແລ້ວ, ທຫລ ແລະ ບັນດາທະນາຄານທຸລະກິດຈະສຸມໃສ່ຄົ້ນຄວ້າ ແລະ ພັດທະນາລະບົບໃຫ້ໄວສ້າງຕັ້ງນິຕິບຸກຄົນເພື່ອເລີ່ມເປີດໃຫ້ບໍລິການໃນໄວໆນີ້.
ຂ່າວ:ກົມນະໂຍບາຍເງິນຕາ, ພາບ:ສົມພິດ ທຳມະວົງ
ຄໍາເຫັນ