ສາຂາ ທະນາຄານແຫ່ງ ສປປ ລາວ (ທຫລ) ພາກເໜືອ ແຂວງຊຽງຂວາງ ໄດ້ຈັດກອງປະຊຸມຊຸກຍູ້ການຈັດຕັ້ງປະຕິບັດນະໂຍບາຍສິນເຊື່ອ ເພື່ອກະຕຸ້ນເສດຖະກິດ ແລະ ນະໂຍບາຍສິນເຊື່ອ ເພື່ອກະຈາຍແຫຼ່ງທຶນສູ່ທ້ອງຖິ່ນ, ໃນວັນທີ 16 ມັງກອນຜ່ານມາ ໂດຍການເປັນປະທານຂອງທ່ານ ນາງ ຂັນແກ້ວ ຫຼ້າມະນີເງົາ ຮອງຜູ້ວ່າການ ທຫລ, ຄະນະຊີ້ນໍາລວມການຈັດຕັ້ງປະຕິບັດນະໂຍບາຍສິນເຊື່ອ ເພື່ອກະຕຸ້ນເສດຖະກິດ ແລະ ນະໂຍບາຍສິນເຊື່ອ ເພື່ອກະຈາຍແຫຼ່ງທຶນສູ່ທ້ອງຖິ່ນ, ມີບັນດາທ່ານຮອງເຈົ້າແຂວງຊຽງຂວາງ, ຫົວພັນ ແລະ ໄຊສົມບູນ ພ້ອມດ້ວຍຄະນະສາຂາ ທຫລ ພາກເໜືອ ແລະ ພາກສ່ວນກ່ຽວຂ້ອງເຂົ້າຮ່ວມ.
ຈຸດປະສົງກອງປະຊຸມຄັ້ງນີ້, ເພື່ອລາຍງານຄວາມຄືບໜ້າ ແລະ ຊຸກຍູ້ການຈັດຕັ້ງປະຕິບັດນະໂຍບາຍສິນເຊື່ອ ເພື່ອກະຕຸ້ນເສດຖະກິດ ແລະ ນະໂຍບາຍສິນເຊື່ອ ເພື່ອກະຈາຍແຫຼ່ງທຶນສູ່ທ້ອງຖິ່ນ ຂອງສາມແຂວງພາກເໜືອຄື: ແຂວງຊຽງຂວາງ, ຫົວພັນ ແລະ ໄຊສົມບູນ ເພື່ອແລກປ່ຽນ, ຖອດຖອນບົດຮຽນ ແລະ ປຶກສາຫາລືການຈັດຕັ້ງ 2 ນະໂຍບາຍສິນເຊື່ອ ແນໃສ່ຮັບປະກັນປະສິດທິພາບ ແລະ ປະສິດທິຜົນຂອງນະໂຍບາຍ. ຮັບຟັງການເຜີຍແຜ່ຄໍາແນະນໍາການຈັດຕັ້ງປະຕິບັດ 2 ນະໂຍບາຍ ຊຶ່ງໄດ້ລວມເອົາບັນຫາທີ່ບັນດາແຂວງຍົກຂຶ້ນ ເພື່ອໃຫ້ມີຄວາມເອກະພາບ ແລະ ຮັບປະກັນການຈັດຕັ້ງປະຕິບັດໄປໃນທິດທາງດຽວກັນ ແລະ ຮັບຟັງການນໍາສະເໜີກ່ຽວກັບການສະໜອງແຫຼ່ງທຶນ ຂອງກອງທຶນສົ່ງເສີມວິສາຫະກິດຂະໜາດນ້ອຍ ແລະ ກາງ.
ນະໂຍບາຍສິນເຊື່ອເພື່ອກະຕຸ້ນເສດຖະກິດ ແລະ ນະໂຍບາຍສິນເຊື່ອ ເພື່ອກະຈາຍແຫຼ່ງທຶນສູ່ທ້ອງຖິ່ນເປັນໜຶ່ງໃນນະໂຍບາຍທີ່ສໍາຄັນ ແລະ ຮີບດ່ວນ ຂອງລັດຖະບານ (ຂໍ້ຕົກລົງ ສະບັບເລກທີ 93/ນຍ, ລົງວັນທີ 14 ກໍລະກົດ 2023) ເພື່ອແກ້ໄຂຄວາມຫຍຸ້ງຍາກທາງດ້ານເສດຖະກິດ ຊຶ່ງມີເປົ້າໝາຍສຸມໃສ່ສົ່ງເສີມການຜະລິດເປັນສິນຄ້າ ແລະ ບໍລິການຂອງ 3 ຂະແໜງການເປົ້າໝາຍຄື: ຂະແໜງການກະສິກໍາ ແລະ ປ່າໄມ້, ຂະແໜງອຸດສາຫະກໍາປຸງແຕ່ງ ແລະ ຫັດຖະກໍາ, ຂະແໜງການບໍລິການ-ທ່ອງທ່ຽວ ແລະ ຂະແໜງການຄ້າ ທີ່ເປັນປາຍແຫຼມ ເພື່ອທົດແທນການນໍາເຂົ້າ - ສົ່ງເສີມການຜະລິດ ເພື່ອສົ່ງອອກ, ສ້າງວຽກເຮັດງານທຳ ແລະ ປະກອບສ່ວນເຂົ້າໃນການຮັກສາສະຖຽນລະພາບມະຫາພາກດ້ານການເງິນ-ເງິນຕາ ໃຫ້ເຂັ້ມແຂງ ແນໃສ່ພັດທະນາເສດຖະກິດ ໃຫ້ມີການຂະຫຍາຍຕົວແບບຍືນຍົງ ແລະ ສ້າງເງື່ອນໄຂໃຫ້ຫົວໜ່ວຍທຸລະກິດ (ຈຸນລະວິສາຫະກິດ, ວິສາຫະກິດຂະໜາດນ້ອຍ, ກາງ ແລະ ວິສາຫະກິດຂະໜາດໃຫຍ່ ຈຳນວນໜຶ່ງ) ໃນຂະແໜງບຸລິມະສິດຂອງລັດ ສາມາດເຂົ້າຫາແຫຼ່ງທຶນ ທີ່ມີຕົ້ນທຶນເໝາະສົມໃນການສ້າງ, ຂະຫຍາຍ ແລະ ປັບປຸງຖານການຜະລິດ-ປຸງແຕ່ງ, ບໍລິການ-ການຄ້າຂອງຕົນ ທັງຮັບປະກັນການຜະລິດສະໜອງສະບຽງອາຫານ ແລະ ເຄື່ອງອຸປະໂພກ-ບໍລິໂພກພາຍໃນ.
ໃນວັນທີ 17 ມັງກອນ 2024, ທ່ານ ຮອງຜູ້ວ່າການ ທຫລ ພ້ອມດ້ວຍຄະນະ ກໍໄດ້ລົງເກັບກໍາຂໍ້ມູນ ສຳພາດຜູ້ປະກອບການຮ່ວມກັບທະນາຄານທຸລະກິດ ທີ່ສະເໜີຂໍນະໂຍບາຍສິນເຊື່ອ 2 ເປົ້າໝາຍຄື: 1) ບໍລິສັດ ໄຊຍະວົງຟາມ ຈຳກັດຜູ້ດຽວ ດຳເນີນທຸລະກິດ ປະເພດຟາມລ້ຽງໄກ່ພັນໄຂ່ ຕັ້ງຢູ່ບ້ານລີ, ເມືອງແປກ ແຂວງຊຽງຂວາງ ຂໍສະເໜີ ນະໂຍບາຍສິນເຊື່ອ ເພື່ອກະຈາຍແຫຼ່ງທຶນສູ່ທ້ອງຖິ່ນ ຈໍານວນ 800 ລ້ານກີບ ຜ່ານທະນາຄານ ຮ່ວມທຸລະກິດ ລາວ-ຫວຽດ ສາຂາຊຽງຂວາງ. 2) ທ່ານ ດວງຖາວອນ ດວງພະຈັນ ດໍາເນີນທຸລະກິດປະເພດ ຟາມລ້ຽງສັດໃຫຍ່ (ລ້ຽງງົວ) ຕັ້ງຢູ່ບ້ານນາສົງ, ເມືອງຜາໄຊ ແຂວງຊຽງຂວາງ ກຳລັງຢູ່ໃນຂັ້ນຕອນປະກອບແບບຟອມ ຈະຂໍສະເໜີ ນະໂຍບາຍສິນເຊື່ອ ເພື່ອກະຕຸ້ນເສດຖະກິດ ຈຳນວນ 8 ຕື້ກີບ (ສົມທົບດອກເບ້ຍ 5% ຂອງດອກເບ້ຍທະນາຄານ 11.3%ຕໍ່ປີ) ຜ່ານທະນາຄານ ສົ່ງເສີມກະສິກຳ ສາຂາຊຽງຂວາງ.
ຂ່າວ-ພາບ: ທຫລ ພະແນກຂໍ້ມູນຂ່າວສານ ແລະ ປະຊາສໍາພັນ
ຈຸດປະສົງກອງປະຊຸມຄັ້ງນີ້, ເພື່ອລາຍງານຄວາມຄືບໜ້າ ແລະ ຊຸກຍູ້ການຈັດຕັ້ງປະຕິບັດນະໂຍບາຍສິນເຊື່ອ ເພື່ອກະຕຸ້ນເສດຖະກິດ ແລະ ນະໂຍບາຍສິນເຊື່ອ ເພື່ອກະຈາຍແຫຼ່ງທຶນສູ່ທ້ອງຖິ່ນ ຂອງສາມແຂວງພາກເໜືອຄື: ແຂວງຊຽງຂວາງ, ຫົວພັນ ແລະ ໄຊສົມບູນ ເພື່ອແລກປ່ຽນ, ຖອດຖອນບົດຮຽນ ແລະ ປຶກສາຫາລືການຈັດຕັ້ງ 2 ນະໂຍບາຍສິນເຊື່ອ ແນໃສ່ຮັບປະກັນປະສິດທິພາບ ແລະ ປະສິດທິຜົນຂອງນະໂຍບາຍ. ຮັບຟັງການເຜີຍແຜ່ຄໍາແນະນໍາການຈັດຕັ້ງປະຕິບັດ 2 ນະໂຍບາຍ ຊຶ່ງໄດ້ລວມເອົາບັນຫາທີ່ບັນດາແຂວງຍົກຂຶ້ນ ເພື່ອໃຫ້ມີຄວາມເອກະພາບ ແລະ ຮັບປະກັນການຈັດຕັ້ງປະຕິບັດໄປໃນທິດທາງດຽວກັນ ແລະ ຮັບຟັງການນໍາສະເໜີກ່ຽວກັບການສະໜອງແຫຼ່ງທຶນ ຂອງກອງທຶນສົ່ງເສີມວິສາຫະກິດຂະໜາດນ້ອຍ ແລະ ກາງ.
ນະໂຍບາຍສິນເຊື່ອເພື່ອກະຕຸ້ນເສດຖະກິດ ແລະ ນະໂຍບາຍສິນເຊື່ອ ເພື່ອກະຈາຍແຫຼ່ງທຶນສູ່ທ້ອງຖິ່ນເປັນໜຶ່ງໃນນະໂຍບາຍທີ່ສໍາຄັນ ແລະ ຮີບດ່ວນ ຂອງລັດຖະບານ (ຂໍ້ຕົກລົງ ສະບັບເລກທີ 93/ນຍ, ລົງວັນທີ 14 ກໍລະກົດ 2023) ເພື່ອແກ້ໄຂຄວາມຫຍຸ້ງຍາກທາງດ້ານເສດຖະກິດ ຊຶ່ງມີເປົ້າໝາຍສຸມໃສ່ສົ່ງເສີມການຜະລິດເປັນສິນຄ້າ ແລະ ບໍລິການຂອງ 3 ຂະແໜງການເປົ້າໝາຍຄື: ຂະແໜງການກະສິກໍາ ແລະ ປ່າໄມ້, ຂະແໜງອຸດສາຫະກໍາປຸງແຕ່ງ ແລະ ຫັດຖະກໍາ, ຂະແໜງການບໍລິການ-ທ່ອງທ່ຽວ ແລະ ຂະແໜງການຄ້າ ທີ່ເປັນປາຍແຫຼມ ເພື່ອທົດແທນການນໍາເຂົ້າ - ສົ່ງເສີມການຜະລິດ ເພື່ອສົ່ງອອກ, ສ້າງວຽກເຮັດງານທຳ ແລະ ປະກອບສ່ວນເຂົ້າໃນການຮັກສາສະຖຽນລະພາບມະຫາພາກດ້ານການເງິນ-ເງິນຕາ ໃຫ້ເຂັ້ມແຂງ ແນໃສ່ພັດທະນາເສດຖະກິດ ໃຫ້ມີການຂະຫຍາຍຕົວແບບຍືນຍົງ ແລະ ສ້າງເງື່ອນໄຂໃຫ້ຫົວໜ່ວຍທຸລະກິດ (ຈຸນລະວິສາຫະກິດ, ວິສາຫະກິດຂະໜາດນ້ອຍ, ກາງ ແລະ ວິສາຫະກິດຂະໜາດໃຫຍ່ ຈຳນວນໜຶ່ງ) ໃນຂະແໜງບຸລິມະສິດຂອງລັດ ສາມາດເຂົ້າຫາແຫຼ່ງທຶນ ທີ່ມີຕົ້ນທຶນເໝາະສົມໃນການສ້າງ, ຂະຫຍາຍ ແລະ ປັບປຸງຖານການຜະລິດ-ປຸງແຕ່ງ, ບໍລິການ-ການຄ້າຂອງຕົນ ທັງຮັບປະກັນການຜະລິດສະໜອງສະບຽງອາຫານ ແລະ ເຄື່ອງອຸປະໂພກ-ບໍລິໂພກພາຍໃນ.
ໃນວັນທີ 17 ມັງກອນ 2024, ທ່ານ ຮອງຜູ້ວ່າການ ທຫລ ພ້ອມດ້ວຍຄະນະ ກໍໄດ້ລົງເກັບກໍາຂໍ້ມູນ ສຳພາດຜູ້ປະກອບການຮ່ວມກັບທະນາຄານທຸລະກິດ ທີ່ສະເໜີຂໍນະໂຍບາຍສິນເຊື່ອ 2 ເປົ້າໝາຍຄື: 1) ບໍລິສັດ ໄຊຍະວົງຟາມ ຈຳກັດຜູ້ດຽວ ດຳເນີນທຸລະກິດ ປະເພດຟາມລ້ຽງໄກ່ພັນໄຂ່ ຕັ້ງຢູ່ບ້ານລີ, ເມືອງແປກ ແຂວງຊຽງຂວາງ ຂໍສະເໜີ ນະໂຍບາຍສິນເຊື່ອ ເພື່ອກະຈາຍແຫຼ່ງທຶນສູ່ທ້ອງຖິ່ນ ຈໍານວນ 800 ລ້ານກີບ ຜ່ານທະນາຄານ ຮ່ວມທຸລະກິດ ລາວ-ຫວຽດ ສາຂາຊຽງຂວາງ. 2) ທ່ານ ດວງຖາວອນ ດວງພະຈັນ ດໍາເນີນທຸລະກິດປະເພດ ຟາມລ້ຽງສັດໃຫຍ່ (ລ້ຽງງົວ) ຕັ້ງຢູ່ບ້ານນາສົງ, ເມືອງຜາໄຊ ແຂວງຊຽງຂວາງ ກຳລັງຢູ່ໃນຂັ້ນຕອນປະກອບແບບຟອມ ຈະຂໍສະເໜີ ນະໂຍບາຍສິນເຊື່ອ ເພື່ອກະຕຸ້ນເສດຖະກິດ ຈຳນວນ 8 ຕື້ກີບ (ສົມທົບດອກເບ້ຍ 5% ຂອງດອກເບ້ຍທະນາຄານ 11.3%ຕໍ່ປີ) ຜ່ານທະນາຄານ ສົ່ງເສີມກະສິກຳ ສາຂາຊຽງຂວາງ.
ຂ່າວ-ພາບ: ທຫລ ພະແນກຂໍ້ມູນຂ່າວສານ ແລະ ປະຊາສໍາພັນ
ຂ່າວ-ພາບ: ທຫລ ພະແນກຂໍ້ມູນຂ່າວສານ ແລະ ປະຊາສໍາພັນ
ຄໍາເຫັນ