Vietjet ເພີ່ມເຮືອບິນລໍາໃໝ່ ລວມເປັນ 121 ລໍາ ເພື່ອຮອງຮັບການເດີນທາງໃນທ້າຍປີ ແລະ ການຂະຫຍາຍເສັ້ນທາງສາກົນ

ສະຫາຍ ໂພໄຊ ໄຂຄຳພິທູນ ຮອງເລຂາພັກແຂວງສະຫວັນນະເຂດ ໄດ້ຕ້ອນຮັບການເຂົ້າຢ້ຽມພົບປະ ຂອງທ່ານ ຮ່າ ສີ ດົ່ງ ອະດີດຮັກສາການປະທານຄະນະກຳມະການ ປະຊາຊົນ ແຂວງກວາງຈິ ອະດີດປະທານຄະນະຊີ້ນຳວຽກງານຊາຍແດນ ແຂວງກວາງຈິ. ການຕ້ອນຮັບໄດ້ມີຂຶ້ນທີ່ຫ້ອງຮັບແຂກຂອງຫ້ອງວ່າການແຂວງ ໃນວັນທີ 24 ກັນຍາຜ່ານມາ.

ໃນຕອນແລງວັນທີ 24 ກັນຍາ ນີ້ ສະຫາຍວັນໄຊ ຕະວິນຍານ ອະດີດຮອງຫົວໜ້າຄະນະໂຄສະນາອົບຮົມສູນກາງພັກ, ອະດີດຫົວໜ້າບັນນາທິການໃຫຍ່ ໜັງສືພິມປະຊາຊົນ ໄດ້ນຳພາຄະນະບັນນາທິການ ໄປຢ້ຽມຢາມ ນະຄອນດາໜັງ ສສ ຫວຽດນາມ ໂດຍໄດຮັບການຕ້ອນຮັບຈາກສະຫາຍ ຫງວຽນ ດິ່ງຫວິງ ຮອງເລຂາຄະນະພັກ ຜູ້ປະຈຳການນະຄອນດາໜັງ ພ້ອມດ້ວຍຄະນະໃຫ້ການຕ້ອນຮັບ.​

ຄະນະຜູ້ແທນໜັງສືພິມປະຊາຊົນ ນຳໂດຍ ສະຫາຍ ວັນໄຊ ຕະວິນຍານ ອະດີດຮອງຫົວໜ້າໂຄສະນາອົບຮົມສູນກາງພັກ ອະດີດຫົວໜ້າບັນນາທິການໃຫຍ່ ໜັງສືພິມປະຊາຊົນ ໄດ້ສືບຕໍ່ນຳພາຄະນະຢ້ຽມຢາມ ສຳນັກງານຂ່າວສານຫວຽດນາມ ທີ່ນະຄອນຫຼວງຮ່າໂນ້ຍ

ປະຕິບັດຕາມການຮ່ວມມືລະຫວ່າງຄະນະຜູ້ແທນໜັງສືພິມປະຊາຊົນ ສຽງຂອງສູນກາງພັກ ປປ ລາວ ແລະ ໜັງສືພິມ ເຢິນເຢິນ ສຽງຂອງສູນກາງພັກກອມມູນິດຫວຽດນາມ. ຄະນະຜູ້ແທນໜັງສືພິມ ປະຊາຊົນ ນຳໂດຍສະຫາຍ ວັນໄຊ ຕະວິນຍານ ອະດີດຮອງຫົວໜ້າຄະນະໂຄສະນາອົບຮົມສູນກາງພັກ (ຄອສພ) ອະດີດຫົວໜ້າບັນນາທິການໃຫຍ່ໜັງສືພິມປະຊາຊົນ ໄດ້ນຳພາຄະນະຢ້ຽມຢາມ ແລະ ເຮັດວຽກຢູ່ ສສ ຫວຽດນາມ

ໃນວັນທີ 11 ຫາ 13 ກັນຍາ ຜ່ານມາ ທີ່ນະຄອນໂຮ່ຈິມິນ ສສ ຫວຽດນາມ, ສະຫາຍ ວັນລາຕີ ຄໍາວານວົງສາ ຄະນະພັກ ບກ ວາລະສານອະລຸນໃໝ່ ຂອງພັກປະຊາຊົນປະຕິວັດລາວ ເຂົ້າຢ້ຽມຢາມ ແລະ ພົບປະ ສະຫາຍ ວໍ ວັນ ມິງ ຮອງເລຂາຄະນະພັກ ປະທານສະພານະຄອນໂຮ່ຈິມີນ ເຂົ້າຮ່ວມມີ ສະຫາຍ ພອນໄຊ ບຸນມີໄຊ ກົງສູນໃຫຍ່ ສປປ ລາວ ປະຈຳນະຄອນໂຮ່ຈິມິນ, ສະຫາຍ ຮວາງ ຈຸງ ຢຸງ ກຳມະການສູນກາງພັກ ບກ ວາລະສານກົ້ງສານ ສສ ຫວຽດນາມ, ໜັງສືພິມໄຊງ່ອນປົດປ່ອຍ, ຄະນະໂຄສະນາສຶກສາໂຮ່ຈິມິນ ແລະ ສື່ມວນຊົນເຂົ້າຮ່ວມ.

​​ໃນ​​​ວັນ​ທີ 15 ກັນຍາ ນີ້ ທີ່ສໍານັກງານ​​ຄະນະ​ພົວພັນ​ຕ່າງປະ​ເທດ​ສູນ​ກາ​ງພັກ, ທ່ານ ບຸນເຫຼືອ ພັນດານຸວົງ ຫົວໜ້າ​ຄະນະ​ພົວພັນ​ຕ່າງປະ​ເທດ​ສູນ​ກາງ​ພັກ ​ໄດ້​ຕ້ອນຮັບການ​ເຂົ້າ​ຢ້ຽມ​ຂໍ່ານັບ​ອໍາລາຂອງ ​ທ່ານ ນາງ ມໍຣະກົດ ສີສະຫວັດ ເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງຣາຊະອານາຈັກໄທປະຈໍາ ສປປ ລາວ ແລະ ທ່ານ ຊູເດັສ ມາເນຍ ເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງສາທາລະນະລັດ ສິງກະໂປປະຈໍາ ສປປ ລາວ ທີ່ ສຳນັກງານຄະນະພົວພັນຕ່າງປະເທດສູນກາງພັກ.

ກອງປະຊຸມໂຕະມົນ ລັດຖະມົນຕີ ກໍ່ສ້າງ ອາຊຽນ-ຈີນ ຈັດຂຶ້ນທີ່ເມືອງກຸ້ຍຫຼິນແຂວງກວາງຊີ ສປຈີນ ໃນວັນທີ 15 ກັນຍາ ນີ້ ຊຶ່ງຈັດຂຶ້ນທຸກປີ, ໂດຍການຜັດປ່ຽນກັນເປັນເຈົ້າພາບ ລະຫວ່າງ ສປ ຈີນ ແລະ ປະເທດສະມາຊິກອາຊຽນ. ໄລຍະຜ່ານມາໄດ້ຈັດແລ້ວ 2 ຄັ້ງ ຄື: ຄັ້ງທີ 1 ປີ 2023 ຢູ່ເມືອງໜານໜີງ ແຂວງກວາງຊີ ສປ ຈີນ ແລະ ຄັ້ງທີ 2 ປີ 2024 ທີ່ນະຄອນຫຼວງກົວລາລຳເປີ ປະເທດມາເລເຊຍ ແລະ ປີ 2025 ນີ້ ສປ ຈີນ ເປັນເຈົ້າພາບກອງະຊຸມໂຕະມົນ ລັດຖະມົນຕີ ກໍ່ສ້າງ ອາຊຽນ-ຈີນ ຄັ້ງທີ 3 ປະຈຳປີ 2025 ພາຍໃຕ້ຫົວຂໍ້ “ອາຊຽນ ແລະ ຈີນ: ສົ່ງເສີມຄຸນນະພາບສູງ ການພັດທະນາຂະແໜງການກໍ່ສ້າງດ້ວຍດີຈີຕອນ ການສ້າງຄວາມເຂັ້ມແຂງທາງປັນຍາ ແລະ ມໍລະດົກວັດທະນະທໍາ” ພາຍໃຕ້ການເປັນປະທານ ຂອງ ທ່ານ ລີ່ ຫົງ ລັດຖະມົນຕີ ກະຊວງເຄຫາສະຖານ ແລະ ພັດທະນາ ຕົວເມືອງ-ຊົນນະບົດ ສປ ຈີນ ຊຶ່ງມີບັນດາທ່ານ ລັດຖະມົນຕີ, ຮອງລັດຖະມົນຕີ ຈາກ 11 ປະເທດອາຊຽນ ເຂົ້າຮ່ວມ. ສປປ ລາວ ນຳພາຄະນະຜູ້ແທນໂດຍທ່ານ ເດດສົງຄາມ ທຳມະວົງ ຮອງລັດຖະມົນຕີ ກະຊວງໂຍທາທິການ ແລະ ຂົນສົ່ງ, ທ່ານ ບຸນຕາ ອ່ອນນາວົງ ຫົວໜ້າກົມກົມເຄຫາ ແລະ ຜັງເມືອງ ແລະ ກົງສູນໃຫຍ່ ສປປ ລາວ ປະຈຳ ນະຄອນໜານໜີງ ແຂວງກວາງຊີ ສປ ຈີນ ເຂົ້າຮ່ວມ.

ໃນວັນທີ 18-19 ກັນຍາ ຜ່ານມາ, ຄະນະຜູ້ແທນ ສປປ ລາວ ນຳໂດຍ ທ່ານ ອານຸພາບ ວົງໜໍ່ແກ້ວຮອງລັດຖະມົນຕີກະຊວງການຕ່າງປະເທດ, ພ້ອມດ້ວຍຄະນະ ທີ່ຕາງໜ້າໃຫ້ບັນດາກະຊວງ, ຂະແໜງການກ່ຽວຂ້ອງ ໄດ້ເຂົ້າຮ່ວມການທົບທວນບົດລາຍງານແຫ່ງຊາດ ສະບັບທຳອິດ ພາຍໃຕ້ສົນທິສັນຍາ ວ່າດ້ວຍ ສິດທິທາງດ້ານເສດຖະກິດ, ສັງຄົມ ແລະ ວັດທະນະທໍາ ໃນກອງປະຊຸມ ຄັ້ງທີ 78 ຂອງຄະນະກຳມະການ ສປຊ ວ່າດ້ວຍ ສິດທິທາງດ້ານເສດຖະກິດສັງຄົມ ແລະ ວັດທະນະທໍາທີ່ ເຊີແນວປະເທດສະວິດ.

ຫວ່າງບໍ່ດົນມານີ້ທີ່ ສໍານັກງານອົງການສະຫະປະຊາຊາດ ທີ່ ເຊີເເນວປະເທດສະວິດ, ໃນໂອກາດ ເຂົ້າຮ່ວມກອງປະຊຸມປະຈໍາປີຂອງ ລັດພາຄີ ສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ຄັ້ງທີ 13, ທ່ານ ທອງສະຫວັນ ພົມວິຫານລັດຖະມົນຕີ ກະຊວງການຕ່າງປະເທດ ໄດ້ເຂົ້າຮ່ວມໃນພີທີມອບ-ຮັບໜ້າທີ່ການເປັນປະທານ ແລະ ເຈົ້າພາບຈັດກອງປະຊຸມທົບທວນຄືນຮອບວຽນທີ 3 ຂອງສົນທິສັນຍາວ່າດ້ວຍການເກືອດຫ້າມລະເບີດລູກຫວ່ານ ຢ່າງເປັນທາງການ ຊຶ່ງຈະຈັດຂຶ້ນທີ່ ນະຄອນຫຼວງວຽງຈັນ ໃນປີ 2026. ສປປ ລາວ ເປັນໜຶ່ງໃນປະເທດທຳອິດໃນໂລກທີ່ໄດ້ລົງນາມ ແລະ ໃຫ້ສັດຕະຍາບັນແກ່ສົນທິສັນຍາດັ່ງກ່າວ ໃນປີ 2010. ການເປັນເຈົ້າພາບຈັດກອງປະຊຸມສາກົນດັ່ງກ່າວ ແມ່ນມີຄວາມໝາຍສຳຄັນຍິ່ງ ເນື່ອງຈາກ ສປປ ລາວ ເປັນໜຶ່ງໃນບັນດາປະເທດທີ່ນໍາພາໃນຂະບວນການສ້າງ ແລະ ຈັດຕັ້ງປະຕິບັດສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ຊຶ່ງມີເປົ້າໝາຍເພື່ອການແກ້ໄຂບັນຫາລະເບີດທີ່ບໍ່ທັນແຕກທີ່ຕົກຄ້າງໃນປາງສົງຄາມ ທີ່ຍັງສືບຕໍ່ເປັນໄພຂົ່ມຂູ່ ຕໍ່ການດໍາລົງຊີວິດ ແລະ ກີດຂວາງການພັດທະນາເສດຖະກິດ-ສັງຄົມຂອງປະເທດ. ສໍາລັບ ສປປ ລາວ, ນີ້ເປັນຄັ້ງທີ 2 ທີ່ໄດ້ຮັບໜ້າທີ່ເປັນປະທານຈັດກອງປະຊຸມສາກົນດັ່ງກ່າວ ຊຶ່ງໃນຜ່ານມາ ສປປ ລາວ ເຄີຍໄດ້ຮັບກຽດເປັນເຈົ້າພາບ ແລະ ເປັນປະທານຈັດກອງປະຊຸມລັດພາຄີຂອງສົນທິສັນຍາຄັ້ງທໍາອິດ ໃນປີ 2010 ຢູ່ທີ່ ນະຄອນຫຼວງວຽງຈັນ.

ເປີດງານວາງສະແດງ ສິນຄ້າສິນຄ້າ ຈີນ - ອາຊຽນ ຄັ້ງທີ 22 ແລະ ກອງປະຊຸມສຸດຍອດການຄ້າ ແລະ ການລົງທຶນ ຈີນ - ອາຊຽນ ປະຈຳປີ 2025