Vietjet ເພີ່ມເຮືອບິນລໍາໃໝ່ ລວມເປັນ 121 ລໍາ ເພື່ອຮອງຮັບການເດີນທາງໃນທ້າຍປີ ແລະ ການຂະຫຍາຍເສັ້ນທາງສາກົນ
ສາຍການບິນ Vietjet ໄດ້ຕ້ອນຮັບເຮືອບິນໂດຍສານແອຣບັສ A330 ລໍາໃໝ່ ຊຶ່ງເຮັດໃຫ້ເຮືອບິນທັງໝົດຂອງສາຍການບິນລວມມີ 121 ລໍາ (ລວມທັງການດໍາເນີນງານອື່ນໆຂອງ Vietjet). ຄວາມສໍາເລັດທີ່ໂດດເດັ່ນນີ້ແມ່ນໄດ້ເນັ້ນໜັກເຖິງຍຸດທະສາດການເຕີບໂຕແບບຍືນຍົງຂອງສາຍການບິນ ແລະ ຄວາມພ້ອມທີ່ຈະຕອບສະໜອງຄວາມຕ້ອງການໃນການເດີນທາງ ແລະ ການຄ້າທີ່ເພີ່ມຂຶ້ນໃນໄລຍະລະດູທ່ອງທ່ຽວທ້າຍປີ.ເຮືອບິນ A330 ທີ່ໃຊ້ເຄື່ອງຈັກ Rolls-Royce Trent 700 ໄດ້ຊ່ວຍປະຢັດນໍ້າມັນ ແລະ ເພີ່ມປະສິດທິພາບໃນການບິນ, ເຮືອບິນລຳນີ້ຈະໄດ້ເລີ່ມໃຊ້ທັນທີສຳລັບຖ້ຽວບິນຂອງ Vietje tໄປອົສຕຣາລີ, ອິນເດຍ, ຍີ່ປຸ່ນ ແລະ ກາຊັກສະຖານ ເພື່ອໃຫ້ຜູ້ໂດຍສານໄດ້ຮັບຄວາມສະດວກສະບາຍຫຼາຍຂຶ້ນ. ທັງນີ້, ນັກທ່ອງທ່ຽວຈາກລາວກໍໄດ້ຮັບຜົນປະໂຫຍດຈາກການຂະຫຍາຍສາຍການບິນນີ້ ເມື່ອເດີນທາງໄປຫາຈຸດໝາຍປາຍທາງຕ່າງໆໃນພາກພື້ນອາຊີປາຊີຟິກໂດຍຜ່ານປະເທດຫວຽດນາມ, ໂດຍສາຍການບິນມີຖ້ຽວບິນໂດຍກົງລະຫວ່າງນະຄອນຫຼວງວຽງຈັນ ແລະ ນະຄອນໂຮ່ຈິມິນ.
ເຮືອບິນດັ່ງກ່າວມີສັນຍາລັກພິເສດຂອງສາຍການບິນ Vietjet ຄື: ສີແດງ ແລະ ສີເຫຼືອງສົດໃສ, ພ້ອມດ້ວຍສາຍໄໝສີທອງທີ່ເປັນສັນຍາລັກຂອງການເຊື່ອມຕໍ່, ການແລກປ່ຽນວັດທະນະທຳ ແລະ ການເຊື່ອມໂຍງທົ່ວໂລກ. ດ້ວຍເຮືອບິນທີ່ທັນສະໄໝ ແລະ ເຮືອບິນໃໝ່ຫຼາຍກວ່າ 400 ລຳທີ່ໄດ້ສັ່ງຊື້ຈາກບໍລິສັດແອຣບັສ ແລະ ໂບອິງຈົນຮອດປີ 2030, ສາຍການບິນ Vietjet ຍັງສືບຕໍ່ຂະຫຍາຍເຄືອຂ່າຍການບິນສາກົນ, ນໍາໃຊ້ເຕັກໂນໂລຊີທີ່ທັນສະໄໝ ແລະ ເພີ່ມປະສິດທິພາບການດໍາເນີນງານ, ພ້ອມທັງສົ່ງມອບການເດີນທາງທີ່ປອດໄພ ແລະ ໜ້າຈົດຈໍາໃຫ້ແກ່ຜູ້ໂດຍສານທົ່ວໂລກ ແລະ ສ້າງມູນຄ່າທີ່ຍືນຍົງໃນໄລຍະຍາວໃຫ້ແກ່ຜູ້ຖືຫຸ້ນຂອງບໍລິສັດ.
ຂ່າວ: ຕຸໄລເພັດ
ຄໍາເຫັນ