ເມືອງວິລະບູລີແຂວງສະຫວັນນະເຂດໄດ້ຈັດກອງປະຊຸມເຜີຍແຜ່ເຊື່ອມຊຶມມະຕິກອງປະຊຸມ ຄົບຄະນະບໍລິຫານງານສູນກາງພັກຄັ້ງທີ 7 ສະໄໝທີ XI ຂຶ້ນໃນວັນທີ 29 ມັງກອນ ນີ້ທີ່ເມືອງວິລະບູລີໂດຍການເປັນປະທານຂອງສະຫາຍ ວາລິຍະ ສີຈັນທອງທິບ ກໍາມະການພັກແຂວງ ເລຂາພັກເມືອງ ເຈົ້າເມືອງວິລະບູລີ, ມີຮອງເລຂາພັກເມືອງ, ຄະນະປະຈໍາພັກເມືອງ, ກໍາມະການພັກເມືອງແລະພາກສ່ວນກ່ຽວຂ້ອງເຂົ້າຮ່ວມ.
ສະຫາຍ ວາລິຍະ ສີຈັນທອງທິບ ໄດ້ໃຫ້ກຽດເຜີຍແຜ່ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 7ສະໄໝທີ XI ຊຶ່ງໄດ້ຍົກໃຫ້ເຫັນວ່າ: ກອງປະຊຸມດັ່ງກ່າວໄດ້ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ, ແຜນເງິນຕາ ປະຈຳປີ 2023 ແລະ ທິດທາງແຜນການ ປະຈຳປີ 2024 ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ວາລະແຫ່ງຊາດ ວ່າດ້ວຍການແກ້ໄຂຢ່າເສບຕິດ,ກອງປະຊຸມໄດ້ຕີລາຄາຕໍ່ກັບວຽກງານປ້ອງກັນຊາດ - ປ້ອງກັນຄວາມສະຫງົບ ແລະວຽກງານການຕ່າງປະເທດ ປະຈໍາປີ 2023 ແລະທິດທາງປະຈໍາປີ 2024, ກອງປະຊຸມໄດ້ຊີ້ນໍາກ່ຽວກັບການກະກຽມ ແລະດໍາເນີນກອງປະຊຸມໃຫຍ່ 3 ຂັ້ນຂອງພັກ, ການຈັດຕັ້ງ ແລະການເຄື່ອນໄຫວຂອງຄະນະພັກຮາກຖານ ຫຼື ບ້ານໃຫຍ່, ພ້ອມນີ້ ກອງປະຊຸມຍັງໄດ້ ວາງຈຸດສຸມນໍາພາ-ຊີ້ນໍາ ຂອງຄະນະບໍລິຫານງານສູນກາງພັກ ແຕ່ນີ້ຮອດກອງປະຊຸມຄົບຄະນະຄັ້ງທີ 8 ສະໄໝທີ XI.
ຈາກນັ້ນ, ໃນທີ່ປະຊຸມຍັງໄດ້ຮັບຟັງການເຜີຍແຜ່ເອກະສານ ຄໍາແນະນໍາຂອງຄະນະອົບຮົມສູນກາງພັກ ກ່ຽວກັບການດໍາເນີນກອງປະຊຸມໃຫຍ່ 3 ຂັ້ນຂອງພັກ, ເອກະສານຍົກສູງຄວາມສາມາດນໍາພາ ແລະຄວາມເປັນແບບຢ່າງນໍາໜ້າຂອງພັກ ເຜີຍແຜ່ໂດຍສະຫາຍ ທອງໄຫຼ ວິໄລພອນ ຮອງເລຂາພັກເມືອງ ແລະ ຮັບຟັງການເຜີຍແຜ່ເອກະສານ ຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ ແລະຄຸນສົມບັດສິນທໍາປະຕິວັດ, ເອກະສານ ເດັດດ່ຽວແກ້ໄຂປະກົດການຫຍໍ້ທໍ້ ໃນຖັນແຖວພະນັກງານ, ສະມາຊິກພັກເຜີຍແຜ່ໂດຍສະຫາຍ ແສງເພັດ ຄໍາສຸວັນ ຮອງເລຂາພັກເມືອງ ປະທານກວດກາພັກ-ລັດເມືອງ.
ໃນຕອນທ້າຍ ສະຫາຍເລຂາພັກເມືອງ ໄດ້ຊີ້ນໍາ ແລະເນັ້ນໜັກໃຫ້ບັນດາແຕ່ລະຂະແໜງການຂອງເມືອງ ຈົ່ງໄດ້ນໍາເອົາເນື້ອໃນຈິດໃຈຂອງບັນດາເອກະສານທີ່ເຊື່ອມຊຶມໃນຄັ້ງນີ້ ນໍາໄປຈັດຕັ້ງຜັນຂະຫຍາຍເຂົ້າສູ່ລວງເລິກ ໃນໜ້າວຽກທີ່ຕິດພັນກັບຂະແໜງການຂອງຕົນ ໃຫ້ປະກົດຜົນເປັນຈິງ ແລະມີຜົນສໍາເລັດຕາມແຜນການທີ່ວາງໄວ້.
ຂ່າວ-ພາບ: ເມືອງວິລະບູລີ
ສະຫາຍ ວາລິຍະ ສີຈັນທອງທິບ ໄດ້ໃຫ້ກຽດເຜີຍແຜ່ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 7ສະໄໝທີ XI ຊຶ່ງໄດ້ຍົກໃຫ້ເຫັນວ່າ: ກອງປະຊຸມດັ່ງກ່າວໄດ້ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ, ແຜນເງິນຕາ ປະຈຳປີ 2023 ແລະ ທິດທາງແຜນການ ປະຈຳປີ 2024 ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ວາລະແຫ່ງຊາດ ວ່າດ້ວຍການແກ້ໄຂຢ່າເສບຕິດ,ກອງປະຊຸມໄດ້ຕີລາຄາຕໍ່ກັບວຽກງານປ້ອງກັນຊາດ - ປ້ອງກັນຄວາມສະຫງົບ ແລະວຽກງານການຕ່າງປະເທດ ປະຈໍາປີ 2023 ແລະທິດທາງປະຈໍາປີ 2024, ກອງປະຊຸມໄດ້ຊີ້ນໍາກ່ຽວກັບການກະກຽມ ແລະດໍາເນີນກອງປະຊຸມໃຫຍ່ 3 ຂັ້ນຂອງພັກ, ການຈັດຕັ້ງ ແລະການເຄື່ອນໄຫວຂອງຄະນະພັກຮາກຖານ ຫຼື ບ້ານໃຫຍ່, ພ້ອມນີ້ ກອງປະຊຸມຍັງໄດ້ ວາງຈຸດສຸມນໍາພາ-ຊີ້ນໍາ ຂອງຄະນະບໍລິຫານງານສູນກາງພັກ ແຕ່ນີ້ຮອດກອງປະຊຸມຄົບຄະນະຄັ້ງທີ 8 ສະໄໝທີ XI.
ຈາກນັ້ນ, ໃນທີ່ປະຊຸມຍັງໄດ້ຮັບຟັງການເຜີຍແຜ່ເອກະສານ ຄໍາແນະນໍາຂອງຄະນະອົບຮົມສູນກາງພັກ ກ່ຽວກັບການດໍາເນີນກອງປະຊຸມໃຫຍ່ 3 ຂັ້ນຂອງພັກ, ເອກະສານຍົກສູງຄວາມສາມາດນໍາພາ ແລະຄວາມເປັນແບບຢ່າງນໍາໜ້າຂອງພັກ ເຜີຍແຜ່ໂດຍສະຫາຍ ທອງໄຫຼ ວິໄລພອນ ຮອງເລຂາພັກເມືອງ ແລະ ຮັບຟັງການເຜີຍແຜ່ເອກະສານ ຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ ແລະຄຸນສົມບັດສິນທໍາປະຕິວັດ, ເອກະສານ ເດັດດ່ຽວແກ້ໄຂປະກົດການຫຍໍ້ທໍ້ ໃນຖັນແຖວພະນັກງານ, ສະມາຊິກພັກເຜີຍແຜ່ໂດຍສະຫາຍ ແສງເພັດ ຄໍາສຸວັນ ຮອງເລຂາພັກເມືອງ ປະທານກວດກາພັກ-ລັດເມືອງ.
ໃນຕອນທ້າຍ ສະຫາຍເລຂາພັກເມືອງ ໄດ້ຊີ້ນໍາ ແລະເນັ້ນໜັກໃຫ້ບັນດາແຕ່ລະຂະແໜງການຂອງເມືອງ ຈົ່ງໄດ້ນໍາເອົາເນື້ອໃນຈິດໃຈຂອງບັນດາເອກະສານທີ່ເຊື່ອມຊຶມໃນຄັ້ງນີ້ ນໍາໄປຈັດຕັ້ງຜັນຂະຫຍາຍເຂົ້າສູ່ລວງເລິກ ໃນໜ້າວຽກທີ່ຕິດພັນກັບຂະແໜງການຂອງຕົນ ໃຫ້ປະກົດຜົນເປັນຈິງ ແລະມີຜົນສໍາເລັດຕາມແຜນການທີ່ວາງໄວ້.
ຂ່າວ-ພາບ: ເມືອງວິລະບູລີ
ຄໍາເຫັນ