ທີ່ສະໂມສອນໃຫຍ່ຂອງແຂວງໄຊຍະບູລີ ໂດຍການເປັນກຽດເຂົ້າຮ່ວມຂອງທ່ານ ພົງສະຫວັນ ສິດທະວົງ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງໄຊຍະບູລີ, ມີບັນດາກໍາມະການປະຈໍາພັກແຂວງ, ກໍາມະການພັກແຂວງ, ຫົວໜ້າ, ຮອງຫົວໜ້າພະແນກການ, ກົມກອງ, ພ້ອມດ້ວຍພະນັກງານວິຊາການທີ່ກ່ຽວຂ້ອງຂອງແຂວງເຂົ້າຮ່ວມ.
ທ່ານ ສໍາລານ ສຸວັນນະໂຊດ ກໍາມະການປະຈໍາພັກແຂວງ ຫົວໜ້າຄະນະຈັດຕັ້ງແຂວງໄຊຍະບູລີ ໄດ້ຂຶ້ນຜ່ານຂໍ້ຕົກລົງຂອງທ່ານເຈົ້າແຂວງ ເລກທີ 2060/ຈຂ ລົງວັນທີ 6 ທັນວາ 2024 ວ່າດ້ວຍການອະນຸມັດໃຫ້ທ່ານ ບຸນທະວີ ບຸນຊູຮັກ ຮອງຫົວໜ້າພະແນກ ຖວທ ແຂວງ ອອກພັກການ ຮັບອຸດໜູນບໍານານ ແລະ ຜ່ານຂໍ້ຕົກລົງຂອງທ່ານເຈົ້າແຂວງໄຊຍະບູລີ ເລກທີ 2061/ຈຂ ລົງວັນທີ 6 ທັນວາ 2024 ວ່າດ້ວຍການຍົກຍ້າຍ ແລະ ບົ່ງຕົວແຕ່ງຕັ້ງພະນັກງານໄປຮັບໜ້າທີ່ໃໝ່ ເຈົ້າແຂວງໄຊຍະບູລີ ຕົກລົງຍົກຍ້າຍທ່ານ ພິລາວັນ ອົງແກ້ວ ຮອງເຈົ້າເມືອງໄຊຍະບູລີ ໄປເປັນຮອງຫົວໜ້າພະແນກ ຖວທ ແຂວງໄຊຍະບູລີ, ຍົກຍ້າຍ ແລະ ແຕ່ງຕັ້ງທ່ານ ຈັນເພັງ ອູ່ທອງຄໍາ ເປັນຮອງເຈົ້າເມືອງໄຊຍະບູລີ, ຍົກຍ້າຍ ແລະ ແຕ່ງຕັ້ງທ່ານ ຊົ່ງ ທໍ່ ຮອງຫົວໜ້າພະແນກແຜນການ ແລະ ການລົງທຶນແຂວງ ໄປເປັນຮອງປະທານແນວລາວສ້າງຊາດແຂວງ, ແຕ່ງຕັ້ງທ່ານ ພູວັງ ກອງຊັບ ເປັນຮອງຫົວໜ້າຫ້ອງວ່າການແຂວງໄຊຍະບູລີ ແລະ ແຕ່ງຕັ້ງທ່ານ ນາງ ບົວຈັນ ຄໍາຕາ ຂຶ້ນເປັນຮອງຫົວໜ້າພະແນກແຜນການ ແລະ ການລົງທຶນແຂວງໄຊຍະບູລີ.
(ຂ່າວ+ພາບ: ຄໍາໝັ້ນ)
ຄໍາເຫັນ