ປະເມີນໜ່ວຍພັກປອດໃສ ເຂັ້ມແຂງ

ໄຊສົມບູນ ປະເມີນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2024 ຂອງໜ່ວຍພັກຄົ້ນຄວ້າສັງລວມ ແລະ ກໍ່ສ້າງຮາກຖານແຂວງ

22:50 22/10/2024

ໜ່ວຍພັກຄົ້ນຄວ້າສັງລວມ ແລະ ກໍ່ສ້າງຮາກຖານ ທີ່ຂຶ້ນກັບຄະນະພັກຮາກຖານ ຫ້ອງວ່າການແຂວງໄຊສົມບູນ ໄດ້ຈັດກອງປະຊຸມ ປະເມີນຜົນກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ

ປະຈຳປີ 2024 ແລະ ທິດທາງແຜນການປີ 2025 ຂຶ້ນໃນວັນທີ 21 ຕຸລາຜ່ານມາ ຢູ່ທີ່ຫ້ອງປະຊຸມຂອງຕົນ ໂດຍການໃຫ້ກຽດເປັນປະທານຂອງສະຫາຍ ພອຍຄຳ ຮຸ່ງບຸນຍວງ ເລຂາພັກແຂວງ ເຈົ້າແຂວງໄຊສົມບູນ, ມີສະຫາຍ ບຼົ່ງຊົ່ງ ຢົງມາ ຄະນະພັກຮາກຖານ ເລຂາໜ່ວຍພັກຄົ້ນຄວ້າສັງລວມ ແລະ ກໍ່ສ້າງຮາກຖານ ຫ້ອງວ່າການແຂວງ ພ້ອມດ້ວຍຄະນະຮັບຜິດຊອບການປະເມີນຂັ້ນແຂວງ ຕະຫຼອດຮອດ ສະມາຊິກພັກພາຍໃນໜ່ວຍເຂົ້າຮ່ວມ.

ໂອກາດນີ້, ສະຫາຍ ພອຍຄໍາ ຮຸ່ງບຸນຍວງ ໄດ້ຍົກໃຫ້ເຫັນເຖິງຄວາມສໍາຄັນຂອງວຽກງານພັກ ພ້ອມນີ້ ສະຫາຍໄດ້ຮຽກຮ້ອງມາຍັງສະມາຊິກພັກທຸກສະຫາຍຈົ່ງພ້ອມກັນຕີລາຄາ, ຕໍານິສົ່ງຂ່າວ ແລະ ຮັບປະກັນຄວາມສາມັກຄີ ໃຫ້ເປັນປຶກແຜ່ນ. ຈາກນັ້ນ ບັນດາສະຫາຍສະມາຊິກພັກ ໄດ້ຜັດປ່ຽນກັນ ຂຶ້ນຜ່ານໃບສຳຫຼວດຂອງຕົນເອງ ພ້ອມທັງປະກອບຄໍາຄິດ-ຄຳເຫັນໃສ່ ເພື່ອໃຫ້ມີເນື້ອໃນສົມບູນຄົບຖ້ວນ ແລະ ຖືກຕ້ອງຕາມລະບຽບຫຼັກການ. ທັງນີ້ ກໍ່ເພື່ອເປັນການ ກໍ່ສ້າງເຊິງກັນ ແລະ ກັນ ພ້ອມກັນກ້າວໜ້າ ແລະ ປະຕິບັດໜ້າທີ່ການເມືອງຂອງພັກ ໃຫ້ບັນລຸຕາມຈຸດປະສົງທີ່ວາງໄວ້.

ຈາກນັ້ນ ບັນດາຜູ້ເຂົ້າຮ່ວມກໍໄດ້ຮັບຟັງການຜ່ານບົດສະຫຼຸບ ກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2024 ແລະ ທິດທາງແຜນການປີ 2025 ຈາກ ສະຫາຍ ບຼົ່ງຊົ່ງ ຢົງມາ ຊຶ່ງໃນໄລຍະ 1 ປີຜ່ານມາ ຄະນະໜ່ວຍພັກ ຄົ້ນຄວ້າສັງລວມ-ກໍ່ສ້າງຮາກຖານການເມືອງ ຂອງຫ້ອງວ່າການແຂວງ ໄດ້ເອົາໃຈໃສ່ສຶກສາອົບຮົມການເມືອງ-ແນວຄິດ ໃຫ້ແກ່ສະມາຊິກພັກ, ພະນັກງານ- ລັດຖະກອນ ເປັນກົກ, ໄດ້ນຳພາສະມາຊິກພັກ ເຂົ້າຮ່ວມເຊື່ອມຊຶມແນວທາງນະໂຍບາຍຂອງພັກ-ລັດ, ມະຕິ, ຄໍາສັ່ງ, ກົດລະບຽບຂອງພັກ ແລະ ທິດຊີ້ນໍາຂອງຄະນະພັກຂັ້ນເທິງທີ່ໄດ້ວາງອອກແຕ່ລະໄລຍະ. ພ້ອມນີ້ ຄະນະໜ່ວຍພັກ ສະມາຊິກພັກ ແມ່ນໄດ້ເຄື່ອນໄຫວນໍາພາ-ຊີ້ນໍາຕາມກົດລະບຽບຂອງພັກ ແລະ ປະຕິບັດຕາມ 5 ຫຼັກການ, 3 ທິດນໍາ ໃນການກໍ່ສ້າງພັກ ແລະ ປັບປຸງພັກ, ເຄື່ອນໄຫວວຽກງານຕາມພາລະບົດບາດຢ່າງແຂງແຮງ, ເອົາໃຈໃສ່ປັບປຸງລະບອບແບບແຜນວິທີເຮັດວຽກ, ປະຕິບັດຕາມຫຼັກການລວມສູນປະຊາທິປະໄຕ, ນຳພາເປັນໝູ່ຄະນະ, ຈັດແບ່ງໜ້າວຽກໃຫ້ບຸກຄົນຮັບຜິດຊອບໃນຄະນະໜ່ວຍພັກ, ສະມາຊິກພັກລະອຽດຈະແຈ້ງ, ເຮັດວຽກມີແຜນການ, ມີການຕິດຕາມ, ຊຸກຍູ້ ແລະ ປະເມີນຜົນການຈັດຕັ້ງປະຕິບັດເປັນແຕ່ລະໄລຍະ. ພ້ອມກັນນັ້ນ ກໍໄດ້ຖືເອົາການຕໍານິສົ່ງຂ່າວ ເພື່ອປັບປຸງແບບແຜນວິທີນໍາພາ ວິທີເຮັດວຽກ ແລະ ທັງເປັນການຕີລຄາດ້ານດີ-ດ້ານອ່ອນ ພາຍໃນຄະນະໜ່ວຍພັກ, ສະມາຊິກພັກ ເພື່ອເສີມຂະຫຍາຍອັນດີ, ແກ້ໄຂອັນອ່ອນ ໃຫ້ມີການຫັນປ່ຽນດີຂຶ້ນເທື້ອລະກ້າວ.

ຜົນການປະເມີນ ໜ່ວຍພັກຄົ້ນຄວ້າສັງລວມ-ກໍ່ສ້າງຮາກຖານການເມືອງ ເຫັນວ່າ ມີສະມາຊິກພັກປະເພດແຂງ 14 ສະຫາຍ, ບໍ່ມີສະມາຊິກເສຍທາດຂາດຄຸນ ແລະ ໄດ້ໜ່ວຍພັກປະເພດແຂງ ດັ່ງນັ້ນ ຄະນະປະເມີນຂັ້ນແຂວງ ຈຶ່ງເຫັນດີໃຫ້ໜ່ວຍພັກຄົ້ນຄວ້າສັງລວມ-ກໍ່ສ້າງຮາກຖານການເມືອງ ຂອງຫ້ອງວ່າການແຂວງ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2024.

(ຂ່າວ: ສີລິພອນ ສົງຄຳ)

ຄໍາເຫັນ

ຂ່າວການເມືອງ

ຄະນະບໍລິຫານງານພັກແຂວງຄໍາມ່ວນ ດຳເນີນຊີວິດການເມືອງທ້າຍສະໄໝທີ X

12/09/2025 15:00

ກອງປະຊຸມດໍາເນີນຊີວິດການເມືອງທ້າຍສະໄໝ ຂອງຄະນະບໍລິຫານງານພັກແຂວງຄໍາມ່ວນ ສະໄໝທີ X, ຈັດຂຶ້ນໃນລະຫວ່າງວັນທີ 11-13 ກັນຍາ 2025 ນີ້ ທີ່ເຮືອນພັກເລກ 1 ຂອງແຂວງ, ໂດຍພາຍໃຕ້ການເປັນປະທານຂອງ ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ ຜູ້ປະຈຳການຄະນະເລຂາທິການສູນກາງພັກ ຮອງປະທານປະເທດ, ມີຕາງໜ້າຄະນະຈັດຕັ້ງສູນກາງພັກ, ກວດກາສູນກາງພັກ, ບັນດາຮອງເລຂາພັກແຂວງ, ຄະນະປະຈຳພັກແຂວງ, ກຳມະການພັກແຂວງເຂົ້າຮ່ວມ.

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

12/09/2025 14:58

ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ), ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ ພາຍໃຕ້ການເປັນປະທານຂອງສະຫາຍ ນາງ ວຽງທອງ ສີພັນດອນ ຄະນະເລຂາທິການສູນກາງພັກ ເລຂາຄະນະພັກ ປະທານສານປະຊາຊົນສູງສຸດແຫ່ງ ສປປ ລາວ ໂດຍການໃຫ້ກຽດເຂົ້າຮ່ວມຂອງທ່ານ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ, ມີຕາງໜ້າຄະນະພັກ, ບັນດາກະຊວງ, ສະຖາບັນພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ຊຽງຂວາງ ທາບທາມຄະນະບໍລິຫານງານສູນກາງພັກສະໄໝທີ XII ຮອບທີ 1

12/09/2025 12:09

ແຂວງຊຽງຂວາງ ທາບທາມບຸກຄະລາກອນທີ່ຈະອອກຮັບສະໝັກເລືອກຕັ້ງເຂົ້າໃນຄະນະບໍລິຫານງານສູນກາງພັກສະໄໝທີ XII ຮອບທີ 1 ໃນວັນທີ 12 ກັນຍານີ້ ທີ່ຫ້ອງວ່າການແຂວງໂດຍການເປັນປະທານຂອງທ່ານ ບຸນຈັນ ສີວົງພັນ ເລຂາພັກແຂວງ, ມີຜູ້ແທນສົມບູນເຂົ້າຮ່ວມ.

ຜົນການເລືອກຕັ້ງຄະນະບໍລິຫານງານພັກແຂວງໄຊສົມບູນ ສະໄໝທີ II

11/09/2025 12:41

ກອງປະຊຸມໃຫຍ່ ຜູ້ແທນອົງຄະນະພັກແຂວງໄຊສົມບູນ ສະໄໝທີ II ໄດ້ດໍາເນີນມາແຕ່ວັນທີ 9 ກັນຍາ ແລະ ສໍາເລັດລົງໃນວັນທີ 10 ກັນຍາຜ່ານມາ ທີ່ສະໂມສອນໃຫຍ່ຂອງແຂວງ ໂດຍສະຫາຍ ດາວບົວລະພາ ບາວົງເພັດ ຮອງປະທານຄະນະກວດກາສູນກາງພັກ, ຕາງໜ້າອະນຸກໍາມະການກົດລະບຽບ ແລະ ບຸກຄະລາກອນ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ໄດ້ລາຍງານຜົນຂອງການເລືອກຕັ້ງ ເອົາຄະນະບໍລິຫານງານພັກແຂວງ ໄຊສົມບູນ ສະໄໝທີ II ແລະ ແຈ້ງລາຍຊື່ຜູ້ແທນສົມບູນ ແລະ ສໍາຮອງ ເຂົ້າຮ່ວມກອງປະຊຸມໃຫຍ່ ຄັ້ງທີ XII ຂອງພັກ. ກອງປະຊຸມຄັ້ງນີ້, ເປັນປະທານໂດຍ ສະຫາຍ ພອຍຄໍາ ຮູ່ງບູນຍວງ ເລຂາຄະນະບໍລິຫານງານພັກແຂວງ ເຈົ້າແຂວງໄຊສົມບູນ ແລະ ການເຂົ້າຮ່ວມຂອງ ສະຫາຍ ພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ຮອງນາຍົກລັດຖະມົນຕີ, ບັນດາສະຫາຍ ການນໍາຂອງແຂວງ, ຜູ້ແທນສົມບູນ, ແຂກຖືກເຊີນ.

ກອງປະຊຸມໃຫຍ່ຜູ້ແທນອົງຄະນະພັກກະຊວງການຕ່າງປະເທດຄັ້ງທີ V ເປີດຂຶ້ນຢ່າງເປັນທາງການ

10/09/2025 14:09

ກອງປະຊຸມໃຫຍ່ຜູ້ແທນອົງຄະນະພັກກະຊວງການຕ່າງປະເທດຄັ້ງທີ V ໄດ້ເປີດຂຶ້ນຢ່າງເປັນທາງການໃນຕອນເຊົ້າຂອງວັນທີ 10 ກັນຍາ ນີ້ ທີ່ສູນການຮ່ວມມືສາກົນ ແລະ ການຝຶກອົບຮົມ (ICTC), ໂດຍພາຍໃຕ້ການເປັນປະທານຂອງສະຫາຍ ທອງສະຫວັນ ພົມວິຫານ ກຳມະການສູນກາງພັກ ເລຂາຄະນະບໍລິຫານງານພັກກະຊວງ ລັດຖະມົນຕີກະຊວງການຕ່າງປະເທດ ແລະ ໃຫ້ກຽດເຂົ້າຮ່ວມຂອງສະຫາຍ ສະເຫຼີມໄຊ ກົມມະສິດ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ, ມີບັນດາສະຫາຍຄະນະບໍລິຫານງານພັກກະຊວງ, ຜູ້ຕາງໜ້າບັນດາສະຫາຍສະມາຊິກພັກອາວຸໂສບຳນານພ້ອມດ້ວຍບັນດາສະຫາຍຕາງໜ້າອົງການຈັດຕັ້ງມະຫາຊົນ ແລະ ບັນດາສະຫາຍຜູ້ແທນສົມບູນເຂົ້າຮ່ວມ ທັງໝົດ 218ສະຫາຍ ຍິງ 71 ສະຫາຍ ຊຶ່ງເປັນຕົວແທນໃຫ້ແກ່ສະມາຊິກພັກກະຊວງການຕ່າງປະເທດຈໍານວນ 725 ສະຫາຍ ຍິງ 260 ສະຫາຍ ແລະ ທົ່ວອົງຄະນະພັກກະຊວງການຕ່າງປະເທດ (ລວມທັງສະມາຊິກພັກນັກສຶກສາທີ່ກຳລັງສຶກສາຢູ່ຕ່າງປະເທດຈໍານວນ 1,290 ສະຫາຍ ຍິງ 226 ສະຫາຍ). ປັດຈຸບັນ, ທົ່ວອົງຄະນະພັກປະກອບມີ 59 ໜ່ວຍພັກຂຶ້ນກັບກະຊວງ (ລວມທັງ 41 ໜ່ວຍພັກສໍານັກງານການທູດຢູ່ຕ່າງປະເທດ) ເເລະ ມີ 1 ຄະນະພັກຮາກຖານ.

ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ

10/09/2025 13:25

ສານປະຊາຊົນສູງສຸດ (ສສປສ) ເປີດກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດຂຶ້ນຢ່າງເປັນທາງການ ພາຍໃຕ້ຄໍາຂັວນ: ຍົກສູງບົດບາດການນໍາພາຂອງພັກເຂົ້າໃນວຽກງານບໍລິຫານສານ-ບໍລິຫານຄະດີໃນໄລຍະໃໝ່ ເພື່ອໃຫ້ສານປະຊາຊົນມີການພັດທະນາຢ່າງບໍ່ຢຸດຢັ້ງໃນວັນທີ 10 ກັນຍານີ້ ທີ່ນະຄອນຫຼວງວຽງຈັນ ພາຍໃຕ້ການເປັນປະທານຂອງສະຫາຍ ນາງ ວຽງທອງ ສີພັນດອນ ຄະນະເລຂາທິການສູນກາງພັກ ເລຂາຄະນະພັກ ປະທານສານປະຊາຊົນສູງສຸດແຫ່ງ ສປປ ລາວ ໂດຍການໃຫ້ກຽດເຂົ້າຮ່ວມຂອງທ່ານ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ກອງປະຊຸມໃຫຍ່ຄັ້ງທີ III ອົງຄະນະພັກ ຄຕພ ເປີດຂຶ້ນຢ່າງເປັນທາງການ

09/09/2025 19:27

ກອງປະຊຸມໃຫຍ່ສະມາຊິກພັກຄັ້ງທີ III ຂອງອົງຄະນະພັກຄະນະພົວພັນຕ່າງປະເທດສູນກາງພັກ (ຄຕພ) ໄດ້ຈັດຂຶ້ນໃນວັນທີ 9 ກັນຍານີ້ ແລະ ສໍາເລັດຜົນຢ່າງຈົບງາມໃນວັນດຽວກັນ ທີ່ສະໂມສອນ ຂອງຄະນະໂຄສະນາອົບຮົມສູນກາງພັກ (ຫຼັກ 6) ນະຄອນຫຼວງວຽງຈັນ, ໂດຍການເປັນປະທານ ຂອງ ສະຫາຍ ບຸນເຫຼືອ ພັນດານຸວົງ ເລຂາຄະນະບໍລິຫານງານພັກ ຫົວໜ້າຄະນະພົວພັນຕ່າງປະເທດສູນກາງພັກ, ເປັນກຽດເຂົ້າຮ່ວມ ຂອງ ສະຫາຍ ສະເຫຼີມໄຊ ກົມມະສິດ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ; ມີແຂກຖືກເຊີນຈາກບັນ ດາອົງການອ້ອມຂ້າງສຳນັກງານສູນກາງພັກ; ກະຊວງການຕ່າງປະເທດ ແລະ ກະຊວງປ້ອງກັນຄວາມສະຫງົບ, ມີບັນດາສະຫາຍສະມາຊິກພັກອາວຸໂສ ແລະ ບັນດາສະມາຊິກພັກສົມບູນທົ່ວອົງຄະນະພັກ ຄຕພ ເຂົ້າຮ່ວມຢ່າງພ້ອມພຽງ.

ກອງປະຊຸມໃຫຍ່ຜູ້ແທນອົງຄະນະພັກແຂວງໄຊສົມບູນ ຄັ້ງທີ IIໄຂຂຶ້ນຢ່າງເປັນທາງການ

09/09/2025 13:32

ກອງປະຊຸມໃຫຍ່ຜູ້ແທນ ອົງຄະນະພັກແຂວງໄຊສົມບູນ ຄັ້ງທີ II ໄດ້ໄຂຂຶ້ນຢ່າງເປັນທາງການໃນຕອນເຊົ້າວັນທີ 9 ກັນຍານີ້ ທີ່ສະໂມສອນແຂວງໄຊສົມບູນ, ໂດຍການເປັນປະທານຂອງສະຫາຍ ພອຍຄໍາ ຮຸ່ງບຸນຍວງ ເລຂາຄະນະບໍລິຫານງານພັກແຂວງ ເຈົ້າແຂວງໄຊສົມບູນ, ໂດຍການໃຫ້ກຽດເຂົ້າຮ່ວມຂອງສະຫາຍ ພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ຮອງນາຍົກລັດຖະມົນຕີ; ມີແຂກຖືກເຊີນຈາກສູນກາງ, ແຂວງ ແລະ ຜູ້ແທນສົມບູນ 135 ສະຫາຍ ຊຶ່ງເປັນຕົວແທນໃຫ້ແກ່ສະມາຊິກພັກຈໍານວນ 5,127 ສະຫາຍ ໃນທົ່ວແຂວງເຂົ້າຮ່ວມ.

ກອງປະຊຸມໃຫຍ່ສະມາຊິກພັກ ອົງຄະນະພັກ ຄຕພ

09/09/2025 10:11

ກອງປະຊຸມໃຫຍ່ສະມາຊິກພັກ ຄັ້ງທີ III ຂອງອົງຄະນະພັກ ຄະນະພົວພັນຕ່າງປະເທດສູນກາງພັກ (ຄຕພ) ເປີດຂຶ້ນຢ່າງເປັນທາງການ ໃນວັນທີ 9 ກັນຍານີ້ ທີ່ສະໂມສອນຂອງ ໂຄສະນາອົບຮົມສູນກາງພັກ, ໂດຍໃຫ້ກຽດເຂົ້າຮ່ວມຂອງ ສະຫາຍ ສະເຫຼີມໄຊ ກົມມະສິດ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ, ພາຍໃຕ້ການເປັນປະທານຂອງ ສະຫາຍ ບຸນເຫຼືອ ພັນດານຸວົງ ເລຂາ ຄະນະບໍລິຫານງານພັກ ຫົວໜ້າຄະນະພົວພັນຕ່າງປະເທດສູນກາງພັກ, ມີບັນດາຄະນະພັກ, ຄະນະນໍາພາຍໃນ ຄຕພ, ບັນດາສະຫາຍສະມາຊິກພັກອາວຸໂສບໍານານ, ບັນດາແຂກຖືກເຊີນ ພ້ອມດ້ວຍສະມາຊິກພັກສົມບູນ ແລະ ສໍາຮອງເຂົ້າຮ່ວມ.

ຄໍາມ່ວນ ແນະນໍາກ່ຽວກັບເນື້ອໃນເອກະສານກອງປະຊຸມໃຫຍ່ຜູ້ແທນອົງຄະນະພັກແຂວງຄັ້ງທີ XI

08/09/2025 18:51

ກອງປະຊຸມ ແນະນໍາກ່ຽວກັບການປະກອບຄໍາເຫັນ ຕໍ່ເນື້ອໃນເອກະສານ ກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ XI ຈັດຂຶ້ນໃນວັນທີ 8 ກັນຍານີ້ ທີ່ເຮືອນພັກເລກ 1 ຂອງແຂວງ ໂດຍການເປັນປະທານຂອງທ່ານ ວັນໄຊ ພອງສະຫວັນ ກຳມະການສູນກາງພັກ ເລຂາພັກແຂວງ ເຈົ້າແຂວງຄໍາມ່ວນ, ມີຮອງເລຂາພັກແຂວງ, ຄະນະປະຈໍາພັກແຂວງ, ກໍາມະການພັກແຂວງ, ບັນດາພະແນກການ ແລະ ຕາງໜ້າອົງການປົກຄອງເມືອງເຂົ້າຮ່ວມ.

ເພີ່ມເຕີມ