ພັດທະນາແລະປັບປຸງດີຂຶ້ນ,ແຜນງານທີ2: ສົ່ງເສີມ ແລະ ສ້າງໂອກາດບົດບາດຍິງ-ຊາຍ, ຊາວໜຸ່ມ-ໄວໜຸ່ມໄດ້ຮັບການພັດທະນາຢ່າງເທົ່າທຽມກັນ,ແຜນງານທີ3: ພັດທະນາ ແລະ ປົກປັກຮັກສາຮີດຄອງປະເພນີ ແລະ ວັດທະນະທໍາ,ແຜນງານທີ4: ປະຊາຊົນ ແລະ ຊາວຜູ້ອອກແຮງງານ ແຂວງໄຊສົມບູນ ໄດ້ຮັບການປົກປ້ອງ, ບໍລິການປະກັນສັງຄົມແລະມີສະຫວັດດີການທີ່ດີແລະ ແຜນງານທີ5: ການກວດກູ້ລະເບີດບໍ່ທັນແຕກ ແລະ ຊີວິດການເປັນຢູ່ຂອງປະຊາຊົນມີຄວາມປອດໄພຈາກລະເບີດບໍ່ທັນແຕກ.
ໃນບົດສະຫຼຸບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ 2024 ແລະ ທິດທາງແຜນ 6 ເດືອນ ທ້າຍປີ 2024 ຂອງແຂວງໄຊສົມບູນຊີ້ໃຫ້ເຫັນວ່າ:ແຜນງານທີ1:ໄດ້ສັງລວມຈໍານວນຄອບຄົວພັດທະນາ10.850ຄອບຄົວ,ເທົ່າກັບ 69,71%, ບ້ານພັດທະນາ 19 ບ້ານ ເທົ່າກັບ 21,34%, ບໍ່ມີເມືອງໃດບັນລຸມາດຖານເມືອງພົ້ນທຸກ, ເປົ້າໜາຍທີ່ຈະສ້າງເປັນເມືອງພົ້ນທຸກມີ 2ເມືອງ ຄື: ເມືອງລ້ອງຊານ ແລະ ເມືອງທ່າໂທມ ເປົ້າໝາຍການສ້າງເປັນຕົວເມືອງນ້ອຍໃນຊົນນະບົດ ທີ່ຍັງບໍ່ບັນລຸມາດຕະຖານການພັດທະນາ,ຕິດຕາມຜົນການປະເມີນ ຕາມດໍາລັດ 348/ລບ ວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາ ປະຈໍາປີ ປີ 2024 ທົ່ວແຂວງໄຊສົມບູນ.
ແຜນງານທີ2:ທົ່ວແຂວງໄຊສົມບູນ ມີແມ່ຍິງທັງໝົດ48.960 ຄົນ, ແມ່ຍິງໃນເກນອາຍຸ 15 ປີຂຶ້ນໄປມີ 28.123 ຄົນ, ເປັນສະມາຊິກສະຫະພັນແມ່ຍິງ 19.336ສະຫາຍ ກວມ69% ຂອງແມ່ຍິງເກນອາຍຸ 15 ປີຂຶ້ນໄປ,ມີໜ່ວຍຮາກຖານຊາວໜຸ່ມ 267 ໜ່ວຍ ມີ 9 ໜ່ວຍຮາກຖານຊາວໜຸ່ມ, ມີໄວໜຸ່ມໃນເກນອາຍຸ 15-35 ປີ, ມີ 17.895 ສະຫາຍ ຍິງ 7.462 ສະຫາຍ,ສຳເລັດການສອນພາສາຕ່າງປະເທດໃຫ້ຊາວໜຸ່ມ-ໄວໜຸ່ມ ໄດ້ 1 ຊຸດ ລວມມີ 31 ຄົນ;ຈັດຝຶກອົບຮົມວິຊາຊີບໄລຍະສັ້ນ ໃຫ້ຊາວໜຸ່ມໄດ້ 2 ຊຸດ ມີຜູ້ເຂົ້າຝຶກ 14 ສະຫາຍ,ທົ່ວແຂວງມີກອງທຶນຊາວໜຸ່ມຊ່ວຍເຫຼືອຊຶ່ງກັນ ແລະ ກັນ ທັງໝົດ 101,40 ລ້ານກີບ ແລະ ກະກຽມສ້າງຕັ້ງຄະນະລະດົມທຶນເພື່ອສ້າງເປັນກອງທຶນພັດທະນາຊາວໜຸ່ມ-ເຍົາວະຊົນຂັ້ນແຂວງ.
ແຜນງານທີ3: ໄດ້ປຶກສາຫາລືຄົ້ນຄວ້າ ເພື່ອສະເໜີພູເບ້ຍເປັນມໍຣະດົກທາງທໍາມະຊາດຂອງແຂວງ,ສໍາເລັດການຈັດພິທີປະກາດບ້ານທົ່ງຄູນເປັນບ້ານວັດທະນະທໍາໃໝ່ແຫ່ງທີ 71 ຂອງແຂວງ,ຈັດພິທິສົມໂພດຫໍຫຼັກເມືອງ ແລະ ອຸທິບຸນກຸສົນຫາເຈົ້າອະນຸວົງ ປີທີ 2,ຈັດພິທິອັນເຊີນພຣະພຸດທະຮູບ ຢູ່ຫໍຫຼັກເມືອງ ຈໍານວນ 4 ອົງ ໄປປະດິດສະຖານຢູ່ວັນພູເງິນໄຊຍະຣາມ ບ້ານພູຫົວຊ້າງ ເມືອງອະນຸວົງ ແຂວງໄຊສົມບູນ,ເກັບກໍາຂໍ້ມູນແຫຼ່ງທ່ອງທ່ຽວໄດ້ 3 ຄັ້ງ, ສາມາດສໍາຫຼວດເກັບກໍາຂໍ້ມູນໄດ້ 7 ແຫ່ງ.
ແຜນງານທີ4:ສົ່ງເສີມການພັດທະນາສີມືແຮງງານຈາກຫົວໜ່ວຍແຮງງານ 4 ຫົວໜ່ວຍ ແລະ ອົງການຈັດຕັ້ງລັດ ໄດ້ຈໍານວນ 138 ຄົນ ເທົ່າກັບ 55,2%,ຊຸກຍູ້ຫົວໜ່ວຍແຮງງານຈັດຫາວຽກວຽກເຮັດງານທໍາໄດ້ 9 ຫົວໜ່ວຍ ມີແຮງງານທັງໜົດ 220 ຄົນ ເທົ່າກັບ 20%,ຂຶ້ນທະບຽນແຮງງານຕ່າງປະເທດ ເພື່ອເຊື່ອມໂຍງກັບລະບົບຖານຂໍ້ມູນສ່ວຍສາອາກອນ (TaxRIS) ໄດ້ 2 ຫົວໜ່ວຍ ມີແຮງງານທັງໝົດ 345 ຄົນ,ອອກໃບອະນຸຍາດນໍາເຂົ້າແຮງງານຕ່າງປະເທດ 16 ຫົວໜ່ວຍ 108 ຄົນ.
ແຜນງານທີ5: ໄດ້ສໍາຫຼວດກວດກູ້ ລບຕ ຢູ່ເຂດໂຄງການກະສິກໍາສະອາດ GMO ຢ່າງເປັນປົກກະຕິ,ຜະລິດລາຍການຜົນຮ້າຍຂອງລະເບີດບໍ່ທັນແຕກ ແລະ ລົງໂຄສະນາຜົນຮ້າຍຈາກລະເບີດບໍ່ທັນແຕກໃຫ້ບ້ານເປົ້າໜາຍເປັນປົກະຕິ,ໄດ້ໂຄສະນະສຶກສາອົບຮົມຄວາມສ່ຽງຈາກລະເບີດບໍ່ທັນແຕກ ໂດຍນໍາເອົາ ດໍາລັດ 210/ລບ ວ່າດ້ວຍການແກ້ໄຂບັນຫາ ລບຕ ທີ່ຕົກຄ້າງ ເຜີຍແຜ່ໃຫ້ບັນດາເມືອງ,ໄດ້ປະສານສາຍຕັ້ງ ເພື່ອຍາດແຍ່ງແຫຼ່ງທຶນ, ເຂົ້າໃນການຊ່ວຍເຫຼືອ, ສໍາຫຼວດກວດກູ້ລະເບີດບໍ່ທັນແຕກ.
ຄໍາເຫັນ