ກຳມະການພັກແຂວງເລຂາຄະນະບໍລິຫານງານພັກເມືອງເຈົ້າເມືອງໄຊເຊດຖາ, ເປັນກຽດເຂົ້າຮ່ວມມີ ສະຫາຍ ຄຳບຸນ ດວງພະບາງ ຮອງເລຂາພັກແຂວງ ຜູ້ຊີ້ນຳຂົງເຂດວຽກງານພັກ-ພະນັກງານ, ມີແຂກທີ່ຖືກເຊີນແລະ ຜູ້ແທນສົມບູນຈໍານວນ 125 ສະຫາຍຍິງ 21 ສະຫາຍ ທີ່ໄດ້ເປັນຕົວແທນໃຫ້ແກ່ສະມາຊິກພັກທົ່ວເມືອງ 1,628 ສະຫາຍເຂົ້າຮ່ວມ.
ກອງປະຊຸມຄັ້ງນີ້, ໄດ້ສະຫຼູບຕີລາຄາຄືນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກເມືອງ. ຕະຫຼອດໄລຍະ 5 ປີຜ່ານມາ ເຫັນວ່າມີຜົນສໍາເລັດຫຼາຍດ້ານເປັນຕົ້ນ ທົ່ວເມືອງ ແມ່ນມີສະຖຽນລະພາບທາງດ້ານການເມືອງອັນໜັກແໜ້ນ, ທົ່ວສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ, ເສດຖະກິດ-ສັງຄົມ ມີການພັດທະນາດ້ວຍບາດກ້າວ ແລະ ທ່ວງທ່າໃໝ່, ປະຊາຊົນບັນດາເຜົ່າມີຄວາມສາມັກຄີປອງດອງ, ພື້ນຖານໂຄງລ່າງຂອງເມືອງກໍໄດ້ຮັບການປັບປຸງແກ້ໄຂ, ຊີວິດການເປັນຢູ່ຂອງປະຊາຊົນກໍໄດ້ຮັບການປັບປຸງດີຂຶ້ນເປັນກ້າວໆ, ອັດຕາສ່ວນຄວາມທຸກຍາກໄດ້ຫຼຸດໜ້ອຍຖອຍລົງໄດ້ 7,336 ຄອບຄົວ, ເທົ່າກັບ 92.31%, ບ້ານພົ້ນທຸກ 21 ບ້ານ ເທົ່າກັບ 95,4% ແລະ ຄອບຄົວ ພັດທະນາ 6,937 ຄອບຄົວ ເທົ່າກັບ 87.29%, ມີບ້ານພັດທະນາ 15 ບ້ານ ເທົ່າກັບ 68%, ການຂະຫຍາຍຕົວທາງດ້ານເສດຖະກິດຂອງເມືອງສະເລ່ຍ 5.8% ເທົ່າກັບ 72.5% ລວມຍອດລາຍຮັບຕົວຈິງຂອງປະຊາຊົນ 487 ຕື້ກວ່າກີບ, ເທົ່າກັບ 88%, ສະເລ່ຍລາຍຮັບຕໍ່ຫົວຄົນໄດ້ 12,5 ລ້ານກວ່າກີບ/ຄົນ/ປີ ເທົ່າກັບ 82%. ກອງປະຊຸມຍັງໄດ້ເປັນເອກະສັນກັນຮັບຮອງແຜນການພັດທະນາເສດຖະກິດ-ສັງຄົມ 5 ປີ ຕໍ່ໜ້າ (2025- 2029)ຊຶ່ງຄາດໝາຍສູ້ຊົນຕົ້ນຕໍທາງດ້ານເສດຖະກິດ ຈະສຸມໃສ່ເຮັດໃຫ້ອັດຕາການຂະຫຍາຍຕົວຂອງເສດຖະກິດໃຫ້ໄດ້ 6 ຫາ 7.5% ຕໍ່ປີ, ລວມຍອດລາຍຮັບຕົວຈິງຂອງປະຊາຊົນໃຫ້ໄດ້ 625 ຕື້ກວ່າກີບ, ສະເລ່ຍລາຍຮັບຕົວຈິງຂອງປະຊາຊົນໃຫ້ໄດ້ 15-20 ລ້ານກີບ/ຄົນ/ປີ, ໂຄງປະກອບເສດຖະກິດ ຮອດປີ 2029 ຂະແໜງກະສິກຳຂະຫຍາຍຕົວ 2.5% ກວມເອົາ 33.3%, ຂະແໜງອຸດສາຫະກຳຂະຫຍາຍຕົວ 2% ກວມເອົາ 26.7% ແລະ ຂະແໜງບໍລິການຂະຫຍາຍຕົວ 3% ກວມເອົາ 40%.
ກອງປະຊຸມໃຫຍ່ຄັ້ງນີ້, ຍັງໄດ້ປ່ອນບັດເລືອກເອົາຄະນະບໍລິຫານງານພັກເມືອງ ຊຸດທີ່ IX ຊຶ່ງມີຜູ້ສະໝັກເລືອກຕັ້ງ 29 ສະຫາຍຍີງ 4 ສະຫາຍ, ເລືອກໄດ້ຢ່າງສົມບູນ 25 ສະຫາຍຍິງ 3 ສະຫາຍ ແລະ ເລືອກເອົາຄະນະປະຈຳພັກເມືອງຈຳນວນ 7 ສະຫາຍຍິງ 1 ສະ ຫາຍ, ຜ່ານການດຳເນີນກອງປະຊຸມຄັ້ງປະຖົມມະລຶກໄດ້ເລືອກເອົາ ສະຫາຍ ສີໄລ ສີສະແຫວງສຸກ ເປັນເລຂາຄະນະບໍລິຫານງານພັກເມືອງຊຸດໃໝ່, ສະຫາຍ ຄຳແບນເເກ້ວ ນິສະຫວັນ ແລະ ສະຫາຍ ພອນໄຊ ໄກສອນເສນາ ເປັນຮອງເລຂາ, ເລືອກເອົາສະຫາຍ ສຸລິກາ ຈັນທະຄຳເມີ ເປັນປະທານຄະນະກວດກາພັກເມືອງ, ສະຫາຍ ສຸກກອນ ມະຈັນ ແລະ ສະຫາຍ ໂພສາ ທອງສະຫວັດ ເປັນຮອງປະທານຄະນະກວດກາພັກເມືອງ ແລະ ເລືອກໄດ້ຜູ້ແທນສົມບູນອີກ 17 ສະຫາຍ ເຂົ້າຮ່ວມກອງປະຊຸມໃຫຍ່ອົງຄະນະພັກແຂວງ ຄັ້ງທີ XII.
ໂອກາດນີ້, ສະຫາຍ ຄຳບຸນ ດວງພະບາງ ໄດ້ຊີ້ນຳໃນການຈັດຕັ້ງປະຕິບັດໜ້າທີ່ຂອງອົງຄະນະພັກເມືອງຊຸດໃໝ່ໃນຕໍ່ໜ້າ ໂດຍສະເພາະແມ່ນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IX ຂອງຜູ້ແທນອົງຄະນະພັກເມືອງ ໃຫ້ໄດ້ຮັບຜົນສຳເລັດ ຕາມຄາດໝາຍທີ່ວາງໄວ້, ຄະນະພັກ, ອົງການຈັດຕັ້ງທຸກຂັ້ນຕ້ອງກຳແໜ້ນແນວທາງນະໂຍບາຍຂອງພັກ-ລັດ ແລະ ນິຕິກຳຕ່າງໆ, ເອົາໃຈໃສ່ປັບປຸງການຈັດຕັ້ງ, ແບ່ງຂັ້ນຄຸ້ມຄອງ, ແບ່ງຄວາມຮັບຜິດຊອບລະຫວ່າງແຂວງ, ເມືອງ, ບ້ານໃຫ້ມີຄວາມເປັນເອກະພາບ ແລະ ຂາດຕົວໃນການຄຸ້ມຄອງລັດ, ຄຸ້ມຄອງສັງຄົມດ້ວຍລະບຽບກົດໝາຍໃຫ້ເຂັ້ມງວດ, ພ້ອມກັນຂຸດຄົ້ນ ແລະ ນຳໃຊ້ທ່າແຮງບົ່ມຊ້ອນທີ່ມີຂອງເມືອງເຂົ້າໃນການພັດທະນາພື້ນຖານໂຄງລ່າງຕິດພັນກັບການບໍ່ລິການ, ການທ່ອງທ່ຽວແນ່ໃສ່ສ້າງລາຍຮັບໃຫ້ແກ່ຜູ້ປະກອບການ, ຫົວໜ່ວຍທຸລະກິດ, ປະຊາຊົນບັນດາເຜົ່າມີລາຍຮັບ ແລະ ລຸດພົ້ນອອກຈາກຄວາມທຸກຍາກເທື່ອລະກ່າວ.
(ຂ່າວ: ສາຍນ້ຳເຊກອງ)
ຄໍາເຫັນ