 |
“ຊາວໜຸ່ມປະຊາຊົນ ປະຕິວັດລາວຊາວໜຸ່ມກອມມູນິດໂຮ່ຈິມິນ ແຫ່ງ ສສ ຫວຽດນາມ ຮ່ຳຮຽນປະຕິບັດຕາມແນວຄິດປະທານໄກສອນ ພົມວິຫານ ແລະ ປະທານ ໂຮ່ຈິມິນ” ໃຫ້ກຽດເປັນປະທານໂດຍ ສະຫາຍ ສາລີ ວິນລາວັນ ກຳມະການປະຈຳພັກແຂວງ ປະທານແນວລາວສ້າງຊາດແຂວງສະຫວັນນະເຂດ, ສະຫາຍ ເຢືອງ ເຕີນ ລັອງ ຮອງປະທານແນວໂຮມແຂວງກວາງຈິ, ມີສະຫາຍ ນາງ ບັງອອນ ພິມມະສານ ເລຂາຄະນະບໍລິຫານງານຊາວໜຸ່ມແຂວງສະຫວັນນະເຂດ ແລະ ສະຫາຍ ຫງຽນ ກວັກ ຕວນ ຮອງເລຂາຄະນະບໍລິຫານງານຊາວໜຸ່ມແຂວງກວາງຈິ ພ້ອມດ້ວຍການນຳສອງແຂວງ ແລະ ຄະນະຊາວໜຸ່ມພະແນກການອ້ອມຂ້າງແຂວງ, ຕົວແທນຈາກ 14 ເມືອງ, 1 ນະຄອນ ຕະຫຼອດຮອດສະມາຊິກຊາວໜຸ່ມເຍົາວະຊົນຂອງສອງແຂວງ ເຂົ້າຮ່ວມຢ່າງຫຼວງຫຼາຍ.
 |
ໃນພິທີ, ສະຫາຍ ນິຄົມ ແກ້ວມະນີ ຮອງເລຂາຄະນະບໍລິຫານງານຊາວໜຸ່ມແຂວງສະຫວັນນະເຂດ ໄດ້ຂຶ້ນກ່າວຈຸດປະສົງໃນການຈັດກິດຈະກຳຄັ້ງນີ້ວ່າ: ໂຄງການພົບປະແລກປ່ຽນກິດຈະກຳຂອງຊາວໜຸ່ມເຍົາວະຊົນຂອງສອງແຂວງໃນຄັ້ງນີ້, ແມ່ນກິດຈະກຳມິດຕະພາບຂອງຊາວໜຸ່ມສອງຊາດ, ເວົ້າສະເພາະແມ່ນແຂວງສະຫວັນນະເຂດ ແລະ ແຂວງກວາງຈິ ດ້ວຍການສູ້ຊົນຂອງສອງຝ່າຍ, ແຕ່ລະປີບັນດາໂຄງການພົບປະແລກປ່ຽນບົດຮຽນວຽກງານຊາວໜຸ່ມເຍົາວະຊົນ ໄດ້ຈັດຕັ້ງສໍາເລັດຢ່າງຈົບງາມ; ສະແດງເຖິງຄວາມຕັດສິນໃຈຂອງຄົນຮຸ່ນໜຸ່ມຂອງສອງຊາດລາວຫວຽດນາມ ໃນການສືບທອດ ແລະ ເສີມຂະຫຍາຍສາຍພົວພັນມິດຕະພາບ ທີ່ເປັນມູນເຊື້ອພິເສດ ລະຫວ່າງສອງພັກສອງລັດ, ຄະນະຊາວໜຸ່ມປະຊາຊົນປະຕິວັດລາວແຂວງສະຫວັນນະເຂດ, ຄະນະຊາວໜຸ່ມຄອມມູນິດໂຮ່ຈິມິນ ແຂວງກວາງຈິ. ໂຄງການພົບປະມິດຕະພາບແລກປ່ຽນກິດຈະກຳຂອງຊາວໜຸ່ມເຍົາວະຊົນລາວ-ຫວຽດນາມ ຖືກຈັດຕັ້ງຂຶ້ນເພື່ອເປັນໂອກາດໃຫ້ຊາວໜຸ່ມຂອງສອງຊາດໄດ້ຫວນຄືນນໍ້າໃຈມິດຕະພາບອັນຍິ່ງໃຫຍ່, ຄວາມສາມັກຄິພິເສດ ແລະ ການຮ່ວມມືຮອບດ້ານລາວ-ຫວຽດນາມ, ຢັ້ງຢືນເຖິງຄວາມຕັດສິນໃຈ, ຄວາມຮັບຜິດຊອບ ແລະ ເສີມຂະຫຍາຍບົດບາດປະຈັນບານຂອງຊາວໜຸ່ມເຍົາວະຊົນສອງຊາດໃນການປະກອບສ່ວນຮັກສາ, ປັບປຸງ ແລະ ເພີ່ມທະວີໃຫ້ສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ, ປະຊາຊົນ ແລະ ຊາວໜຸ່ມສອງຊາດ ລາວ-ຫວຽດນາມໃຫ້ນັບມື້ເພີ່ມທະວີສູງຂຶ້ນ.
 |
ໃນພິທີ, ຍັງໄດ້ຮ່ວມຮັບຊົມການສະແດງສິລະປະວັນນະຄະດີ ດ້ວຍແສງ, ສີ, ສຽງທີ່ມີຄວາມງົດງາມ ແລະ ຍິ່ງໃຫຍ່ ຈາກຄະນະສິລະປະກອງທັບປະຊາຊົນ ສສ ຫວຽດນາມ ແລະ ນ້ອງນ້ອຍນັກຮຽນຊາວໜຸ່ມເຍົາວະຊົນ ຈາກໂຮງຮຽນແຫ່ງຕ່າງໆພາຍໃນແຂວງສະຫວັນນະເຂດຈຳນວນ 9 ລາຍການ ແລະ ມີການແລກປ່ຽນສິລະປະວັນນະຄະດີຮ່ວມກັນລະຫວ່າງ 2 ແຂວງຈຳນວນ 12 ລາຍການ, ງານພົບປະຄັ້ງນີ້, ໄດ້ດຳເນີນໄປດ້ວຍບັນຍາກາດຟົດຟື້ນມ່ວນຊື່ນ ແລະ ມີຄວາມໝາຍສຳຄັນເລິກເຊິ່ງ ໂດຍໄດ້ສຳເລັດລົງດ້ວຍຜົນສຳເລັດຢ່າງຈົບງາມ.
(ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ