ກົມການນໍາເຂົ້າ ແລະ ສົ່ງອອກ ກະຊວງອຸດສາຫະກໍາ ແລະ ການຄ້າ ຮ່ວມ ກັບພະແນກອຸດສາຫະກໍາ ແລະ ການຄ້າ (ອຄ) ແຂວງເຊກອງ ຈັດຝຶກອົບຮົມການອອກໃບຢັ້ງຢືນແຫຼ່ງກຳເນີດສິນຄ້າຜ່ານລະບົບເອເລັກໂຕຣນິກ (E -CO)ໃຫ້ແກ່ບັນດາບໍລິສັດທີ່ດຳເນີນການສົ່ງອອກສິນຄ້າ ໃນວັນທີ 6-7 ພະຈິກນີ້, ທີ່ພະແນກ ອຄ ແຂວງ ໂດຍການເຂົ້າຮ່ວມເປັນປະທານຂອງທ່ານ ໜູລາ ຢາປະລອງຮັງ ຮອງຫົວໜ້າພະແນກອຸດສາຫະກຳ ແລະ ການຄ້າ, ມີທ່ານ ວຽງຄຳ ທິບຸນມາ ຮອງຫົວໜ້າພະແນກຄຸ້ມຄອງແຫຼ່ງກຳເນີດສິນຄ້າ ພ້ອມດ້ວຍບັນດາຜູ້ປະກອບການທຸລະກິດ, ບໍລິສັດນໍາເຂົ້າ-ສົ່ງອອກສິນຄ້າພາຍໃນແຂວງເຊກອງເຂົ້າຮ່ວມ.
ທ່ານ ໜູລາ ຢາປະລອງຮັງ ກ່າວວ່າ: ການຈັດຝຶກອົບຮົມການອອກໃບຢັ້ງຢືນແຫຼ່ງກຳເນີດສິນຄ້າຜ່ານລະບົບເອເລັກໂຕຣນິກ (E-CO) ກໍເພື່ອອຳນວຍຄວາມສະດວກໃຫ້ຜູ້ປະກອບການສົ່ງອອກສິນຄ້າ ນຳໃຊ້ໃບຢັ້ງຢືນແຫຼ່ງກຳເນີດສິນຄ້າ ທີ່ໄດ້ຮັບສິດທິພິເສດ ແນໃສ່ເພື່ອໃຫ້ມີຄວາມສະດວກ, ວ່ອງໄວ ແລະ ປະຢັດເວລາ, ຫຼຸດຜ່ອນຂັ້ນຕອນ ແລະຕົ້ນທຶນ , ຮັບປະກັນຄວາມສອດຄ່ອງຕາມກົດໝາຍ ແລະລະບຽບການຂອງ ສປປ ລາວ ແລະສາກົນ.
ພ້ອມດຽວກັນນີ້, ທ່ານວຽງຄຳ ທິບຸນມາ ໄດ້ຜ່ານແຈ້ງການກ່ຽວກັບການຈັດຕັ້ງປະຕິບັດການອອກໃບຢັ້ງຢືນແຫຼ່ງກໍາເນີດສິນຄ້າຜ່ານລະບົບເອເລັກໂຕຣນິກ, ຂໍ້ຕົກລົງ ວ່າດ້ວຍການອອກໃບຢັ້ງຢືນແຫຼ່ງກໍາເນີດສິນຄ້າທາງເອເລັກໂຕຣນິກ ພ້ອມທັງໄດ້ບັນຍາຍໃຫ້ຜູ້ເຂົ້າຮ່ວມໄດ້ຮັບຮູ້ສິດທິພິເສດທາງການຄ້າທີ່ ສປປ ລາວ ໄດ້ຮັບແລະ ອະທິບາຍຄວາມໝາຍ ຄວາມສຳຄັນ ໃນການອອກໃບຢັ້ງຢືນແຫຼ່ງກຳເນີດສິນຄ້າ ທີ່ຜ່ານເອເລັກໂຕຣນິກ, ລະບົບບໍລິການອອກໃບຢັ້ງຢືນແຫຼ່ງກຳເນີດສິນຄ້າທາງເອເລັກໂຕຣນິກ ແລະ ນຳພາ ບັນດາບໍລິສັດ ປະຕິບັດຕົວຈິງໃນການນໍາໃຊ້ລະບົບເອເລັກໂຕຣນິກ.
ຂ່າວ-ພາບ:ພຸດທະສອນ
ບົດບາດວີດີໂອສັ້ນ ເປັນຂົວຕໍ່ທີ່ບໍ່ມີພົມແດນ
ໃນໂອກາດນຳພາຄະນະຜູ້ແທນ ສປປ ລາວ ເຂົ້າຮ່ວມພິທີມອບ-ຮັບລາງວັນການປະກວດວີດີໂອສັ້ນພາຍໃຕ້ຫົວຂໍ້: “ການຮ່ວມມືມິດຕະພາບຈີນ-ອາຊຽນ” ຄັ້ງທີ 5 ທີ່ນະຄອນໜານໜິງເຂດປົກຄອງຕົນເອງເຜົ່າຈ້ວງກວາງຊີ ສປ ຈີນ, ທ່ານ ວັນສີ ກົວມົວ ກຳມະການສູນກາງພັກ ຮອງຫົວໜ້າຄະນະໂຄສະນາອົບຮົມສູນກາງພັກໄດ້ໃຫ້ສຳພາດຕໍ່ສື່ມວນຊົນ ສປ ຈີນ ວ່າ: ບົດບາດຂອງວີດີໂອສັ້ນຕໍ່ການເຊື່ອມໂຍງປະຊາຊົນແມ່ນເປັນຂົວຕໍ່ທີ່ບໍ່ມີພົມແດນ.
ຄໍາເຫັນ