ກອງປະຊຸມສະຫຼູບວຽກງານແຜນການ-ການເງິນ ປະຈຳປີ 2023 ແລະ ວາງທິດທາງແຜນການ ປະຈໍາປີ 2024 ໄດ້ໄຂຂຶ້ນໃນວັນທີ 7 ກຸມພາ ຜ່ານມາ, ໂດຍການເປັນປະທານຂອງທ່ານ ເຫລັກໄຫລ ສີວິໄລ ເຈົ້າແຂວງເຊກອງ, ມີເຈົ້າເມືອງ-ຮອງເຈົ້າເມືອງ 4 ເມືອງ, ພະແນກການ-ກົມກອງ ພ້ອມດ້ວຍພະນັກງານວິຊາການ ກ່ຽວຂ້ອງເຂົ້າຮ່ວມ.
ທ່ານ ເຫລັກໄຫລ ສີວິໄລ ກ່າວວ່າ: ກອງປະຊຸມຄັ້ງນີ້, ຈະໄດ້ພ້ອມກັນສະຫຼຸບຕີລາຄາຢ່າງເລິກເຊິ່ງເຖິງຜົນສໍາເລັດໃນການຈັດຕັ້ງປະຕິບັດສອງວຽກງານໃນປີ 2023 ຜ່ານມາ. ພ້ອມກັນນັ້ນ ກໍຈະໄດ້ຄົ້ນຄ້ວາ ປະກອບຄໍາຄິດ-ຄໍາເຫັນຕໍ່ທິດທາງແຜນການ ຂອງສອງວຽກຢ່າງລະອຽດ ໃຫ້ສອດຄ່ອງກັບທ່າແຮງ, ຄວາມອາດສາມາດຕົວຈິງຂອງແຂວງພວກເຮົາ, ທັງສາມາດຮອງຮັບກັບສະພາບສິ່ງທ້າທາຍທີ່ອາດຈະເກີດຂຶ້ນໃນປີ 2024; ນອກຈາກນັ້ນ, ກໍຈະໄດ້ພ້ອມກັນຮັບຟັງການເຜີຍແຜ່ເຊື່ອມຊຶ່ມບັນດານິຕິກໍາທີ່ສໍາຄັນ ແລະ ຕິດພັນກັບສອງວຽກດັ່ງກ່າວຕື່ມອີກ. ພ້ອມນີ້ ທ່ານເຈົ້າແຂວງ ຍັງໄດ້ຮຽກຮ້ອງມາຍັງບັນດາທ່ານ ທີ່ເຂົ້າຮ່ວມກອງປະຊຸມ ຈົ່ງພ້ອມກັນຍົກສູງຄວາມຮັບຜິດຊອບໃນການເຂົ້າຮ່ວມ ແລະ ປະກອບຄຳຄິດ-ຄຳເຫັນຢ່າງກົງໄປ-ກົງມາ, ມີລັກສະນະສ້າງສັນ ແລະ ມີບັນຍາກາດຟົດຟື້ນ ກ້າວໄປເຖິງມີຄວາມເປັນເອກະພາບ ຕໍ່ທຸກໆບັນຫາ ເພື່ອເປັນການແລກປ່ຽນກັບຂະແໜງງານອື່ນພ້ອມກັນນຳໄປປັບປຸງແກ້ໄຂໃຫ້ສຳເລັດໂດຍໃວ.
ນອກນີ້, ຕາງໜ້າຂແໜງແຜນການ ແລະ ການລົງທຶນ. ຂະແໜງການເງິນ ໄດ້ຍົກໃຫ້ເຫັນດ້ານດີທີ່ພົ້ນເດັ່ນ, ດ້ານອ່ອນຂໍ້ຄົງຄ້າງ ທີ່ຕິດພັນກັບວຽກງານຂອງຂະແໜງການຕົນ, ຊຶ່ງໄລຍະຜ່ານມາເສດຖະກິດຂອງແຂວງ ມີການຂະຫຍາຍຕົວຢ່າງຕໍ່ເນື່ອງ, ມີຄຸນນະພາບ, ໝັ້ນທ່ຽງ ແລະ ຍືນຍົງ. ການເຕີບໂຕເສດຖະກິດ (GDP) ໃນປີ 2023 ຄາດຄະເນລວມຍອດຜະລິດຕະພັນພາຍໃນ (GDP) ໝົດປີ ຈະບັນລຸ 5,5% ລື່ນແຜນ 0,5% ເຮັດໃຫ້ມູນຄ່າລວມຍອດຜະລິດຕະພັນພາຍໃນ ທັງໝົດ 2.709 ຕື້ກີບ, ເຮັດໃຫ້ (GDP) ຕໍ່ຫົວຄົນບັນລຸໄດ້ 19,8 ລ້ານກີບ ຫຼື ເທົ່າກັບ 917 ໂດລາສະຫະລັດ; (ອັດຕາແລກປ່ຽນ 21.600 ກີບ/1ໂດລາ, ສາມາດຈັດເກັບລາຍຮັບໄດ້ທັງໝົດ 300,83 ຕື້ີບ, ທຽບໃສ່ແຜນດັດແກ້ ເທົ່າກັບ 149,53% (ປະຕິບັດໄດ້ເກີນແຜນ).
(ຂ່າວ: ເຊກອງ)
ທ່ານ ເຫລັກໄຫລ ສີວິໄລ ກ່າວວ່າ: ກອງປະຊຸມຄັ້ງນີ້, ຈະໄດ້ພ້ອມກັນສະຫຼຸບຕີລາຄາຢ່າງເລິກເຊິ່ງເຖິງຜົນສໍາເລັດໃນການຈັດຕັ້ງປະຕິບັດສອງວຽກງານໃນປີ 2023 ຜ່ານມາ. ພ້ອມກັນນັ້ນ ກໍຈະໄດ້ຄົ້ນຄ້ວາ ປະກອບຄໍາຄິດ-ຄໍາເຫັນຕໍ່ທິດທາງແຜນການ ຂອງສອງວຽກຢ່າງລະອຽດ ໃຫ້ສອດຄ່ອງກັບທ່າແຮງ, ຄວາມອາດສາມາດຕົວຈິງຂອງແຂວງພວກເຮົາ, ທັງສາມາດຮອງຮັບກັບສະພາບສິ່ງທ້າທາຍທີ່ອາດຈະເກີດຂຶ້ນໃນປີ 2024; ນອກຈາກນັ້ນ, ກໍຈະໄດ້ພ້ອມກັນຮັບຟັງການເຜີຍແຜ່ເຊື່ອມຊຶ່ມບັນດານິຕິກໍາທີ່ສໍາຄັນ ແລະ ຕິດພັນກັບສອງວຽກດັ່ງກ່າວຕື່ມອີກ. ພ້ອມນີ້ ທ່ານເຈົ້າແຂວງ ຍັງໄດ້ຮຽກຮ້ອງມາຍັງບັນດາທ່ານ ທີ່ເຂົ້າຮ່ວມກອງປະຊຸມ ຈົ່ງພ້ອມກັນຍົກສູງຄວາມຮັບຜິດຊອບໃນການເຂົ້າຮ່ວມ ແລະ ປະກອບຄຳຄິດ-ຄຳເຫັນຢ່າງກົງໄປ-ກົງມາ, ມີລັກສະນະສ້າງສັນ ແລະ ມີບັນຍາກາດຟົດຟື້ນ ກ້າວໄປເຖິງມີຄວາມເປັນເອກະພາບ ຕໍ່ທຸກໆບັນຫາ ເພື່ອເປັນການແລກປ່ຽນກັບຂະແໜງງານອື່ນພ້ອມກັນນຳໄປປັບປຸງແກ້ໄຂໃຫ້ສຳເລັດໂດຍໃວ.
ນອກນີ້, ຕາງໜ້າຂແໜງແຜນການ ແລະ ການລົງທຶນ. ຂະແໜງການເງິນ ໄດ້ຍົກໃຫ້ເຫັນດ້ານດີທີ່ພົ້ນເດັ່ນ, ດ້ານອ່ອນຂໍ້ຄົງຄ້າງ ທີ່ຕິດພັນກັບວຽກງານຂອງຂະແໜງການຕົນ, ຊຶ່ງໄລຍະຜ່ານມາເສດຖະກິດຂອງແຂວງ ມີການຂະຫຍາຍຕົວຢ່າງຕໍ່ເນື່ອງ, ມີຄຸນນະພາບ, ໝັ້ນທ່ຽງ ແລະ ຍືນຍົງ. ການເຕີບໂຕເສດຖະກິດ (GDP) ໃນປີ 2023 ຄາດຄະເນລວມຍອດຜະລິດຕະພັນພາຍໃນ (GDP) ໝົດປີ ຈະບັນລຸ 5,5% ລື່ນແຜນ 0,5% ເຮັດໃຫ້ມູນຄ່າລວມຍອດຜະລິດຕະພັນພາຍໃນ ທັງໝົດ 2.709 ຕື້ກີບ, ເຮັດໃຫ້ (GDP) ຕໍ່ຫົວຄົນບັນລຸໄດ້ 19,8 ລ້ານກີບ ຫຼື ເທົ່າກັບ 917 ໂດລາສະຫະລັດ; (ອັດຕາແລກປ່ຽນ 21.600 ກີບ/1ໂດລາ, ສາມາດຈັດເກັບລາຍຮັບໄດ້ທັງໝົດ 300,83 ຕື້ີບ, ທຽບໃສ່ແຜນດັດແກ້ ເທົ່າກັບ 149,53% (ປະຕິບັດໄດ້ເກີນແຜນ).
(ຂ່າວ: ເຊກອງ)
ຄໍາເຫັນ