 |
ຈຸດປະສົງເພື່ອເຊື່ອມລະບົບໄຟຟ້າ 100 ເມກາວັດ (MW) ຈາກ ສປປ ລາວ ໄປຫາ ປະເທດສິງກະໂປ, ໂດຍຜ່ານສາຍສົ່ງທີ່ມີຢູ່ຂອງປະເທດໄທ ແລະ ປະເທດມາເລເຊຍ ໄລຍະທີ 2 ມີອາຍຸສັນຍາ 2 ປີ ຈະເປັນການຮ່ວມມືດ້ານພະລັງງານໄຟຟ້າຂອງບັນດາປະເທດອາຊຽນ ບົນພື້ນຖານວິໄສທັດການເຊື່ອມໂຍງຕາຂ່າຍໄຟຟ້າອາຊຽນ (ASEAN Power Grid ຫຼື APG) ໂດຍການລົງນາມຂອງ ທ່ານ ສຸກສະຫວາດ ໂສສຸພັນ ຮອງຜູ້ນຳອໍານວຍການໃຫຍ່ ລັດວິສາຫະກິດໄຟຟ້າລາວ, ທ່ານ ນະຣິນ ເຜົ່າວະນິດ ຜູ້ວ່າການ ການໄຟຟ້າຝ່າຍຜະລິດແຫ່ງປະເທດໄທ ແລະ ທ່ານ ຮາສມາຣີຊາ ຮາຊານ(Hasmarizal Hassan) ຫົວໜ້າເຈົ້າໜ້າທີ່ລະບົບສາຍສົ່ງ (Chief Grid Officer) ມາເລເຊຍ.
ໃນພິທີໄດ້ຮັບກຽດເຂົ້າຮ່ວມເປັນສັກຂີພິຍານຂອງ ທ່ານ ປະເສີດ ສິນສຸກປະເສີດ ຫົວໜ້າຫ້ອງການກະຊວງພະລັງງານ ແຫ່ງປະເທດໄທ, ທ່ານ ນາງ ສັນຕິສຸກ ພິມພະຈັນ ຫົວໜ້າກົມນະໂຍບາຍ ແຜນພັດທະນາ ແລະ ປະເມີນຜົນ ກະຊວງອຸດສາຫະກຳ ແລະ ການຄ້າ ແຫ່ງ ສປປ ລາວ ແລະ ທ່ານ ນາງ ມາຣີນາ ບິນທິ ມາພຸດ (Mareena binti Mahpudz) ຮອງເລຂາທິການ (ດ້ານພະລັງງານ) ຂອງ ກະຊວງການຫັນປ່ຽນພະລັງງານ ແລະ ການຄຸ້ມຄອງນ້ຳ ແຫ່ງປະເທດມາເລເຊຍ.
(ຂ່າວ: ໄຟຟ້າລາວ)
ຄໍາເຫັນ