ໃນທ້າຍເດືອນກັນຍາຜ່ານມາ, ບ້ານໂພນໄຊ ເມືອງຫົງສາ ແຂວງໄຊຍະບູລີ ໄດ້ຈັດກອງປະຊຸມເຊື່ອມຊຶມເອກະສານ ເພື່ອກະກຽມ ແລະ ດຳເນີນກອງປະຊຸມໃຫຍ່ຄະນະພັກຮາກຖານບ້ານ ຄັ້ງທຳອິດທີ່ສະໂມສອນບ້ານດັ່ງກ່າວ ໂດຍການໃຫ້ກຽດເຂົ້າຮ່ວມຂອງສະຫາຍ ເພັງນິລັນ ຄຳພັນເພັງ ຮອງເລຂາພັກເເຂວງ, ສະມາຊິກສະພາແຫ່ງຊາດ, ປະທານຄະນະສະມາຊິກສະພາແຫ່ງຊາດ ປະຈຳເຂດ 7 ແຂວງໄຊຍະບູລີ, ມີສະຫາຍ ຄຳຫຼ້າ ຜີວວັນນາ ກຳມະການພັກແຂວງເລຂາພັກເມືອງເຈົ້າເມືອງຫົງສາ, ມີຄະນະປະຈໍາພັກເມືອງ, ກໍາມະການພັກເມືອງ, ທີມງານລົງຮາກຖານຂອງແຂວງ, ຂອງເມືອງ, ມີເລຂາ-ຄະນະພັກຮາກຖານບ້ານ, ເລຂາ-ຄະນະໜ່ວຍພັກ ພ້ອມດ້ວຍສະມາຊິກພັກ ແລະ ປະຊາຊົນພາຍໃນບ້ານໂພນໄຊເຂົ້າຮ່ວມຢ່າງພ້ອມພຽງ.
ໃນກອງປະຊຸມ ສະຫາຍ ຄຳພັນ ມະຫາວົງສະນັ່ນ ເລຂາຄະນະພັກຮາກຖານບ້ານໂພນໄຊ ກໍໄດ້ຂຶ້ນລາຍງານສະພາບລວມຂອງບ້ານໂດຍຫຍໍ້ຕໍ່ທີ່ປະຊຸມ ຊຶ່ງບ້ານໂພນໄຊ ແມ່ນຕັ້ງຢູ່ເທດສະບານເມືອງ ມີເນື້ອທີ່ທັງໝົດ 1.073 ເຮັກຕາ, ປະກອບມີ 32 ໜ່ວຍຄຸ້ມຄອງພົນລະເມືອງ, ມີ 418 ຄອບຄົວ, 479 ຫຼັງຄາເຮືອນ, ພົນລະເມືອງທັງໝົດ 2.018 ຄົນຍິງ 1.011 ຄົນ, ປະກອບມີ 6 ເຜົ່າ, ມີ 1 ຄະນະພັກຮາກຖານ, ມີ 3 ໜ່ວຍພັກຂຶ້ນກັບ, ອາຊີບຕົ້ນຕໍຂອງປະຊາຊົນ ແມ່ນປູກຝັງ-ລ້ຽງສັດ, ຄ້າຂາຍ-ບໍລິການ ແລະ ເປັນກຳມະກອນແຮງງານຈຳນວນນຶ່ງ. ຜ່ານມາບ້ານມີສະຖຽນລະພາບທາງດ້ານການເມືອງ ຢ່າງໜັກແໜ້ນ, ສາມາດຮັກສາຄວາມສະຫງົບ ຄວາມເປັນລະບຽບຮຽບຮ້ອຍ ຂອງສັງຄົມໂດຍພື້ນຖານ. ເສດຖະກິດຂອງບ້ານຂະຫຍາຍຕົວດ້ວຍຈັງຫວະໝັ້ນທ່ຽງ ແລະ ສືບຕໍ່ຂະຫຍາຍຕົວເພີ່ມຂຶ້ນຕາມລໍາດັບ ໂດຍສະເພາະແມ່ນການຜະລິດເຂົ້າ, ພືດຜັກ, ໝາກເດືອຍ, ມັນຕົ້ນ, ຢາງພາລາ ແລະ ການລ້ຽງສັດໃຫຍ່-ນ້ອຍ. ບ້ານມີ 1 ກອງທຶນພັດທະນາບ້ານ, ມີສະມາຊິກທັງໝົດ 254 ຄົນ, ມີເງິນຝາກທັງໝົດ 3,5 ຕື້ກວ່າກີບ, ສາມາດປ່ອຍກູ້ໃຫ້ສະມາຊິກເຂົ້າໃນການຜະລິດ ແລະ ການບໍລິການຄ້າຂາຍ. ຫຼັງຈາກນັ້ນ, ສະຫາຍ ຄຳຫຼ້າ ຜີວວັນນາ ພ້ອມດ້ວຍການນຳຂອງເມືອງ ກໍໄດ້ເຜີຍແຜ່ບັນດາເອກະສານສໍາຄັນຂອງພັກເຊັ່ນ: ຄໍາແນະນໍາຂອງຄະນະປະຈໍາພັກແຂວງ ກ່ຽວກັບການກະກຽມ ແລະ ດໍາເນີນກອງປະຊຸມໃຫຍ່ອົງຄະນະພັກແຂວງ, ອົງຄະນະພັກເມືອງ, ອົງຄະນະພັກ ປກຊ-ປກສ, ຄະນະພັກຮາກຖານ, ໜ່ວຍພັກສໍານັກງານ-ອົງການອ້ອມຂ້າງແຂວງ, ເມືອງ ແລະ ຮາກຖານບ້ານທົ່ວແຂວງໄຊຍະບູລີ, ຂໍ້ກຳນົດຂອງຄະນະເລຂາທິການສູນກາງພັກ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງຄະນະພັກຮາກຖານກຸ່ມບ້ານ ຫຼື ບ້ານໃຫຍ່, ເອກະສານ ອົບຮົມການເມືອງ-ນໍາພາແນວຄິດສໍາລັບພະນັກງານທົ່ວໄປ ແລະ ປະຊາຊົນ, ແຈ້ງຕາຕະລາງລົງບ້ານ ແລະ ແຈ້ງບັນດາລາຍຊື່ພະນັກງານລົງແຕ່ລະໜ່ວຍ ເພື່ອເກັບກຳຂໍ້ມູນ ແລະ ວຽກງານອື່ນໆຕາມວາລະດຳເນີນຊຶ່ງການເຮັດທົດລອງຢູ່ຄະນະພັກຮາກຖານບ້ານໂພນໄຊໃນຄັ້ງນີ້, ແມ່ນຈະໃຊ້ເວລາ 7 ວັນ ຈຶ່ງສໍາເລັດ.
(ຂ່າວ-ພາບ: ກິດຕິສັກ ບົວໄລ)
ໃນກອງປະຊຸມ ສະຫາຍ ຄຳພັນ ມະຫາວົງສະນັ່ນ ເລຂາຄະນະພັກຮາກຖານບ້ານໂພນໄຊ ກໍໄດ້ຂຶ້ນລາຍງານສະພາບລວມຂອງບ້ານໂດຍຫຍໍ້ຕໍ່ທີ່ປະຊຸມ ຊຶ່ງບ້ານໂພນໄຊ ແມ່ນຕັ້ງຢູ່ເທດສະບານເມືອງ ມີເນື້ອທີ່ທັງໝົດ 1.073 ເຮັກຕາ, ປະກອບມີ 32 ໜ່ວຍຄຸ້ມຄອງພົນລະເມືອງ, ມີ 418 ຄອບຄົວ, 479 ຫຼັງຄາເຮືອນ, ພົນລະເມືອງທັງໝົດ 2.018 ຄົນຍິງ 1.011 ຄົນ, ປະກອບມີ 6 ເຜົ່າ, ມີ 1 ຄະນະພັກຮາກຖານ, ມີ 3 ໜ່ວຍພັກຂຶ້ນກັບ, ອາຊີບຕົ້ນຕໍຂອງປະຊາຊົນ ແມ່ນປູກຝັງ-ລ້ຽງສັດ, ຄ້າຂາຍ-ບໍລິການ ແລະ ເປັນກຳມະກອນແຮງງານຈຳນວນນຶ່ງ. ຜ່ານມາບ້ານມີສະຖຽນລະພາບທາງດ້ານການເມືອງ ຢ່າງໜັກແໜ້ນ, ສາມາດຮັກສາຄວາມສະຫງົບ ຄວາມເປັນລະບຽບຮຽບຮ້ອຍ ຂອງສັງຄົມໂດຍພື້ນຖານ. ເສດຖະກິດຂອງບ້ານຂະຫຍາຍຕົວດ້ວຍຈັງຫວະໝັ້ນທ່ຽງ ແລະ ສືບຕໍ່ຂະຫຍາຍຕົວເພີ່ມຂຶ້ນຕາມລໍາດັບ ໂດຍສະເພາະແມ່ນການຜະລິດເຂົ້າ, ພືດຜັກ, ໝາກເດືອຍ, ມັນຕົ້ນ, ຢາງພາລາ ແລະ ການລ້ຽງສັດໃຫຍ່-ນ້ອຍ. ບ້ານມີ 1 ກອງທຶນພັດທະນາບ້ານ, ມີສະມາຊິກທັງໝົດ 254 ຄົນ, ມີເງິນຝາກທັງໝົດ 3,5 ຕື້ກວ່າກີບ, ສາມາດປ່ອຍກູ້ໃຫ້ສະມາຊິກເຂົ້າໃນການຜະລິດ ແລະ ການບໍລິການຄ້າຂາຍ. ຫຼັງຈາກນັ້ນ, ສະຫາຍ ຄຳຫຼ້າ ຜີວວັນນາ ພ້ອມດ້ວຍການນຳຂອງເມືອງ ກໍໄດ້ເຜີຍແຜ່ບັນດາເອກະສານສໍາຄັນຂອງພັກເຊັ່ນ: ຄໍາແນະນໍາຂອງຄະນະປະຈໍາພັກແຂວງ ກ່ຽວກັບການກະກຽມ ແລະ ດໍາເນີນກອງປະຊຸມໃຫຍ່ອົງຄະນະພັກແຂວງ, ອົງຄະນະພັກເມືອງ, ອົງຄະນະພັກ ປກຊ-ປກສ, ຄະນະພັກຮາກຖານ, ໜ່ວຍພັກສໍານັກງານ-ອົງການອ້ອມຂ້າງແຂວງ, ເມືອງ ແລະ ຮາກຖານບ້ານທົ່ວແຂວງໄຊຍະບູລີ, ຂໍ້ກຳນົດຂອງຄະນະເລຂາທິການສູນກາງພັກ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງຄະນະພັກຮາກຖານກຸ່ມບ້ານ ຫຼື ບ້ານໃຫຍ່, ເອກະສານ ອົບຮົມການເມືອງ-ນໍາພາແນວຄິດສໍາລັບພະນັກງານທົ່ວໄປ ແລະ ປະຊາຊົນ, ແຈ້ງຕາຕະລາງລົງບ້ານ ແລະ ແຈ້ງບັນດາລາຍຊື່ພະນັກງານລົງແຕ່ລະໜ່ວຍ ເພື່ອເກັບກຳຂໍ້ມູນ ແລະ ວຽກງານອື່ນໆຕາມວາລະດຳເນີນຊຶ່ງການເຮັດທົດລອງຢູ່ຄະນະພັກຮາກຖານບ້ານໂພນໄຊໃນຄັ້ງນີ້, ແມ່ນຈະໃຊ້ເວລາ 7 ວັນ ຈຶ່ງສໍາເລັດ.
(ຂ່າວ-ພາບ: ກິດຕິສັກ ບົວໄລ)
ຄໍາເຫັນ