2 ພາກສ່ວນ ແຂ່ງຂັນບານເຕະມິດຕະພາບ ເພື່ອເສີມສ້າງຄວາມສຳພັນ

ການສອບເສັງຄັດເລືອກເອົາທຶນການສຶກສາ ຢູ່ ສສ ຫວຽດນາມ ແລະ ສປ ຈີນ ສົກຮຽນ 2026-2027 ຂອງແຂວງຫຼວງພະບາງ ໄດ້ຈັດຂຶ້ນວັນທີ 30 ມິຖຸນາ 2026 ນີ້ ທີ່ໂຮງຮຽນມັດທະຍົມສົມບູນ ສັນຕິພາບ ນະຄອນ ຫຼວງພະບາງ, ໂດຍມີ ທ່ານ ບຸນເສັງ ພິລາວັນ ຮອງຫົວໜ້າພະແນກສຶກສາທິການ ແລະ ກິລາແຂວງ, ພ້ອມດ້ວຍ ຫົວໜ້າ-ຮອງຫົວໜ້າຂະແໜງ, ຄະນະຮັບຜິດຊອບ, ກຳມະການຍາມຫ້ອງສອບເສັງ ແລະນັກສອບເສັງ ເຂົ້າຮ່ວມ.

ຫວ່າງມໍ່ໆມານີ້ ທີ່ກະຊວງສຶກສາທິການ ແລະ ກິລາ (ສສກ) ໄດ້ຈັດພິທີເປີດບັ້ນສອບເສັງຈົບຊັ້ນມັດທະຍົມສຶກສາຕອນປາຍບຳລຸງ (ມ7) ທົ່ວປະເທດ ປະຈໍາສົກຮຽນ 2025-2026 ຂຶ້ນຢ່າງເປັນທາງການ ໃນຮູບແບບເຊິ່ງໜ້າ ແລະ ທາງໄກ (ອອນລາຍ) ໂດຍການເປັນປະທານຂອງທ່ານ ນາງ ດາລາວອນ ກິດຕິພັນ ຮອງລັດຖະມົນຕີກະຊວງ ສສກ, ມີບັນດາຫົວໜ້າກົມ-ຮອງກົມ, ຄະນະຮັບຜິດຊອບຈາກພະແນກ ສສ ນວ ແລະ 17 ແຂວງໃນທົ່ວປະເທດ, ຕະຫຼອດຮອດຄູ-ອາຈານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ຄອບຄົວ ທ່ານທູດ ສຸທຳ ສາກົນນິຍົມ ແລະ ທ່ານທູດ ມະໄລວຽງ ສາກົນນິຍົມ ໄດ້ຈັດພິທີມອບປຶ້ມທີ່ມີຊື່ວ່າ “ຈົດໝາຍເຖິງຫຼານ” ທີ່ຂຽນໂດຍ ທ່ານປະທານປະເທດ ທອງລຸນ ສີສຸລິດ ສະບັບພາສາລາວ ແລະ ພາສາອັງກິດ ໃຫ້ຫ້ອງສະໝຸດຂອງໂຮງຮຽນ ມັດທະຍົມລາວ ແລະ ໂຮງຮຽນມັດທະຍົມນາໆຊາດ ຈໍານວນ 20 ໂຮງຮຽນ ໃນວັນທີ 29 ມິຖຸນາຜ່ານມານີ້ ທີ່ ນະຄອນຫຼວງວຽງຈັນ.

ເພື່ອກະກຽມຄວາມພ້ອມດ້ານບຸກຄະລາກອນສຶກສາ ແລະ ທົດແທນຄູທີ່ສູນເສຍໄປໃນແຕ່ລະປີ, ໃນວັນທີ 26 ມິຖຸນາຜ່ານມາ, ພະແນກສຶກສາທິການ ແລະ ກິລາ (ສກຂ) ແຂວງຄໍາມ່ວນ ໄດ້ຈັດກອງປະຊຸມປະຖົມນິເທດໃຫ້ຄູອາສາສະໝັກ ທີ່ຈະໄດ້ຮັບການພິຈາລະນາບັນຈຸເຂົ້າເປັນລັດຖະກອນຄູໃໝ່ ປະຈຳປີ 2026 ພາຍໃຕ້ການເປັນປະທານຂອງທ່ານ ນາງ ສຸກຂະເສີມ ສິດທິເດດ ຫົວໜ້າພະແນກ ສກຂ ຄໍາມ່ວນ, ມີຫົວໜ້າ-ຮອງຫົວໜ້າຂະແໜງການ ພ້ອມດ້ວຍຄູອາສາສະໝັກຈຳນວນ 95 ທ່ານ.

ຫ້ອງວ່າການນະຄອນຫຼວງວຽງຈັນ (ນວ) ຈັດພິທີຕ້ອນຮັບ ແລະ ງານລ້ຽງອາຫານເບົາ ເພື່ອຊົມເຊີຍຜົນສໍາເລັດການແຂ່ງຂັນຂອງນັກເຕະຮຸ່ນອາຍຸບໍ່ເກີນ 10 ປີ (U-10) ສະໂມສອນ ເບ ສະຫວັນ ເອັບຊີ ຫຼັງສ້າງຜົນງານທີ່ພົ້ນເດັ່ນໃນການແຂ່ງຂັນເຕະບານເຍົາວະຊົນນາໆຊາດ ລາຍການ VIETNAM INTERNA TIONAL ACF FOOTBALL TOURNAMENT ຢູ່ ສສ ຫວຽດນາມ ຂຶ້ນເມື່ອບໍ່ດົນມານີ້ຢູ່ຫ້ອງວ່າການ ນວ, ໂອກາດດັ່ງກ່າວທ່ານ ສີລິລາດທົງສິນ ທອງເພັງ ປະທານຄະນະກໍາມະການປົກ ຄອງ ນວ ກໍໄດ້ມອບເງິນປະກອບສ່ວນຊຸກຍູ້ທີມ 40 ລ້ານກີບ ຕາງໜ້າກ່າວຮັບຂອງ ທ່ານ ບຸນມີ ຫຼ່ຽມໄຊຍະຈັກ ປະທານສະຫະພັນບານເຕະຄົນພິການຕາແຫ່ງຊາດລາວ ຮອງປະທານສະຫະພັນບານເຕະ ນວ ປະທານກິດຕິມະສັກສະໂມສອນ ເບ ສະຫວັນ ເອັບຊີ ພ້ອມດ້ວຍຮອງປະທານຄະນະກໍາມະການປົກຄອງ ນວ ຄະນະປະທານທີ່ປຶກສາກິດຕິມະສັກສະໂມສອນ ເບ ສະຫວັນ ເອັບຊີ ຜູ້ຕາງໜ້າພະແນກ, ເມືອງ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ພິທີເປີດອົບຮົມ-ຫັດແອບວິຊາສຶກສາປ້ອງກັນຊາດ (ປກຊ)-ປ້ອງກັນຄວາມສະຫງົບ (ປກສ) ໃຫ້ນັກຮຽນຊັ້ນມັດທະຍົມສຶກສາຕອນປາຍ (ມ7) ທົ່ວເມືອງທ່າແຕງ ແຂວງເຊກອງ ປະຈຳສົກຮຽນ 2025-2026 ຈັດຂຶ້ນໃນວັນທີ 22 ມິຖຸນາຜ່ານມາ, ທີ່ໂຮງຮຽນ ມສ ທ່າແຕງ, ໂດຍການເປັນປະທານຂອງທ່ານ ພັທ ຄໍາສະໄຫວ ບຸດດາຜົນ ຫົວໜ້າກອງບັນຊາການປ້ອງກັນຄວາມສະຫງົບເມືອງ ຮອງປະທານ ປກຊ-ປກສ ເມືອງ, ມີທ່ານ ວິຊິດ ຫຼວງຄໍາຊາວ ຮອງຫົວໜ້າຫ້ອງການສຶກສາທິການ ແລະ ກິລາເມືອງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ຊຸດຝຶກອົບຮົມການນໍາໃຊ້ອຸປະກອນຊ່ວຍເຫຼືອຄູ ແລະ ການສອນຫ້ອງຄວບ ໃຫ້ຄູສອນຊັ້ນປະຖົມ ປ1- ປ5 ທົ່ວເມືອງວຽງຄໍາ ແຂວງຫຼວງພະບາງ ຈັດຂຶ້ນໃນວັນທີ 20 ມິຖຸນາຜ່ານມາ, ທີ່ສະໂມສອນເມືອງ, ມີທ່ານ ສຸລິເດດ ແກ້ວບົວລະເພັດ ຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ ພ້ອມດ້ວຍແຂກຮັບເຊີນ ແລະ ຄູສອນຊັ້ນປະຖົມທົ່ວເມືອງເຂົ້າຮ່ວມ.

ຄະນະສະມາຊິກສະພາແຫ່ງຊາດ (ສສຊ) ແລະ ສະມາຊິກສະພາປະຊາຊົນແຂວງ (ສສຂ) ນຳໂດຍ ທ່ານ ວັນນະສັກ ຊາດຕະກຸນ ຮອງປະທານສະພາປະຊາຊົນແຂວງ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 15 ພ້ອມ​ຄະ​ນະ ໄດ້ລົງເຄື່ອນໄຫວພົບປະ ແລະ ເຜີຍແຜ່ຜົນສຳເລັດຂອງກອງປະຊຸມປະຖົມມະລືກ ຂອງສະພາແຫ່ງຊາດ ຊຸດທີ X ແລະ ສະພາປະຊາຊົນແຂວງຈຳປາສັກ ຊຸດທີ V ຢູ່ສະໂມສອນວິທະຍາໄລເຕັກນິກ-ວິຊາຊີບ ຈຳປາສັກ ເມືອງບາຈຽງ ຈະເລີນສຸກ ແຂວງຈຳປາສັກ ໃນ​ວັນ​ທີ 18 ມິ​ຖຸ​ນາ​ນີ້.

ຄະນະໂຄສະນາອົບຮົມ, ພະແນກໂຍທາທິການ ແລະ ຂົນສົ່ງ, ກອງບັນຊາການ ປກສ ນະຄອນຫຼວງວຽງຈັນ ໄດ້ໂຄສະນາເຜີຍແຜ່ການນໍາໃຊ້ລົດເມດ່ວນ BRT ຂອງໂຄງການຂົນສົ່ງແບບຍືນຍົງ ໃນຕົວເມືອງນະຄອນຫຼວງວຽງຈັນ (ນວ) ໃນວັນທີ 17 ມິຖຸນານີ້ ທີ່ມະຫາວິທະຍາໄລແຫ່ງຊາດ.

ສະຖາບັນຄົ້ນຄວ້າວິທະຍາສາດການສຶກສາ ກະຊວງສຶກສາທິການ ແລະ ກິລາ ໄດ້ຈັດພິທີເປີດການຝຶກອົບຮົມພາສາຫວຽດ ຊຸດທີ 2 ຂຶ້ນຢ່າງເປັນທາງການ ໃນວັນທີ 9 ມິຖຸນາ 2026 ທີ່ສູນຝຶກອົບຮົມພາສາຫວຽດ ໂດຍມີທ່ານ ຫຼ້າວັນ ວົງຄຳສານ ຫົວໜ້າຫ້ອງການກະຊວງສຶກສາທິການ ແລະ ກິລາ, ທ່ານ ວົງເພັດ ອຸດົມລິດ ຜູ້ອຳນວຍການສະຖາບັນຄົ້ນຄວ້າວິທະຍາສາດການສຶກສາ, ທ່ານ ຫງວຽນ ງອກຖັງ ເລຂາເອກ ສະຖານທູດຫວຽດນາມ ປະຈຳລາວ ແລະ ທ່ານ ເລືອງມິງກື ຜູ້ອຳນວຍການມະຫາວິທະຍາໄລກິວລອງ ສສ ຫວຽດນາມ ພ້ອມດ້ວຍ ພາກສວ່ນກຽວຂ້ອງເຂົ້າຮ່ວມ.