ການແຂ່ງຂັນກິລາເຕະບານນັກຮຽນມັດທະຍົມສຶກສາທົ່ວປະເທດ

21 ຕຸລາ ຈະມີແຂ່ງຂັນກິລາເຕະບານນັກຮຽນມັດທະຍົມສຶກສາທົ່ວປະເທດ

14:03 18/10/2024

ການແຂ່ງຂັນກິລາເຕະບານນັກຮຽນມັດທະຍົມສຶກສາທົ່ວປະເທດ ຊີງຂັນກະຊວງສຶກສາທິການ ແລະ ກິລາ ຄັ້ງທີVII Copa Coca-Cola Laos 2024

ຈະເລີ່ມຂຶ້ນໃນ ວັນທີ 21 ຕຸລາຈະມາເຖິງນີ້ຊຶ່ງແມ່ນສະຖາບັນກິລາກາຍະກຳ, ກົມກິລາລະດັບສູງ, ກະຊວງສຶກສາທິການ ແລະ ກິລາ ຮ່ວມກັບ ບໍລິສັດ ລາວໂຄຄາ-ໂຄລາ ບັອດຕລິງ ຈຳກັດ.

ງານຖະແຫຼງຂ່າວກ່ຽວກັບການຈັດແຂ່ງຂັນດັ່ງກ່າວໄດ້ຈັດຂຶ້ນໃນວັນທີ 16 ຕຸລາ ຜ່ານມາ ທີ່ຫ້ອງປະຊຸມຄະນະກໍາມະການໂອແລັມປິກແຫ່ງຊາດລາວນະຄອນຫຼວງວຽງຈັນ ໂດຍມີ ທ່ານ ແສງພອນ ພົນອາມາດ ເລຂາທິການຮອງປະທານຄະນະກໍາມະການໂອແລັມປິກແຫ່ງຊາດລາວ, ທ່ານ ສຸລິວັນ ເຊີນວິໄລຜູ້ອຳນວຍການສະຖາບັນກິລາ-ກາຍຍະກຳ, ຫົວໜ້າກຳມະການເຕັກນິກ, ທ່ານ ໄພບູນ ລັດຕະນະພຽນ ຜູ້ອໍານວຍການຝ່າຍຂາຍ ບໍລິສັດ ລາວ ໂຄຄາ-ໂຄລາ ບອັດຕລິງ ຈຳກັດ, ພ້ອມດ້ວຍຕາງໜ້າຜູ້ໃຫ້ການສະໜັບສະໜູນ ແລະ ແຂກຮັບເຊີນ ເຂົ້າຮ່ວມ.

ທ່ານ ສຸລິວັນ ເຊີນວິໄລ ໃຫ້ຮູ້ວ່າ: ຈຸດປະສົງຂອງການແຂ່ງຂັນຄັ້ງນີ້ ເພື່ອຊຸກຍູ້ ແລະ ສົ່ງເສີມໃຫ້ນັກຮຽນທີ່ມີພອນສະຫວັນດ້ານກິລາເຕະບານ ທັງຍິງ ແລະ ຊາຍ ໄດ້ສະແດງຄວາມສາມາດໃນການແຂ່ງຂັນ, ຖືກຄັດເລືອກເຂົ້າຝຶກຊ້ອມ ກ້າວສູ່ນັກກິລາທີມຊາດ ແລະ ອາຊີບໃນອະນາຄົດ ພ້ອມເປັນກິດຈະກຳທີ່ຊ່ວຍໃນການແກ້ໄຂປະກົດການຫຍໍ້ທໍ້ທາງສັງຄົມ. ການແຂ່ງຂັນດັ່ງກ່າວ ມີ 146 ທີມຈາກທົ່ວປະເທດເຂົ້າຮ່ວມແຂ່ງຂັນ ໂດຍກໍານົດເອົານັກຮຽນມັດທະຍົມສຶກສາໃນທົ່ວປະເທດທັງທີມຍິງ ແລະ ທີມຊາຍ ທີ່ມີອາຍຸບໍ່ເກີນ 17ປີ ເພື່ອຄັກເລືອກຫານັກກິລາທົ່ວທຸກພາກຂອງປະເທດລາວ ໂດຍແບ່ງອອກເປັນ 3 ເຂດ ຄື: ເຂດພາກເໜືອ, ນະຄອນຫຼວງວຽງຈັນ ແລະ ພາກກາງ-ໃຕ້ ເພື່ອຄັດເອົາ 8 ທີມຊາຍ ແລະ 4 ທີມຍິງ ເຂົ້າແຂ່ງຂັນໃນຮອບທົ່ວປະເທດ. ສ່ວນເວລາ ແລະ ສະຖານທີ່ແຂ່ງຂັນແຕ່ລະພາກ ມີດັ່ງນີ້:

- ພາກເໜືອ: ແຂ່ງຂັນຢູ່ແຂວງອຸດົມໄຊ ໃນລະຫວ່າງວັນທີ 16-18 ພະຈິກ 2024 ມີທັງໝົດ 12ທີມ ລວມມີ 8ທີມຊາຍ ແລະ 4ທີມຍິງ ຊຶ່ງຄັດເລືອກເອົາ 2 ທີມຊາຍ ແລະ 1 ທີມຍິງເຂົ້າສູ່ຮອບການແຂ່ງຂັນທົ່ວປະເທດ ທີ່ນະຄອນຫຼວງວຽງຈັນ.

- ນະຄອນຫຼວງວຽງຈັນ: ແຂ່ງຂັນຮອບຄັດເລືອກ 9 ຕົວເມືອງນະຄອນຫຼວງວຽງຈັນ ລະຫວ່າງວັນທີ 21 ຕຸລາ-11 ພະຈິກ 2024 ມີທັງໝົດ 123 ທີມ (ທີມຍິງ ແລະ ທີມຊາຍ) ນໍາໃຊ້ 4 ສະໝາມໃນການແຂ່ງຂັນ (ສະໝາມກິລາລ້ານຊ້າງສະເຕດ້ຽມ ໜອງໄຮ, ສະໝາມກິລາສະຖາບັນກິລາ-ກາຍະກຳ, ສະໜາມກິລາປົກຄອງເມືອງສັງທອງ ແລະ ສະໜາມກິລາປົກຄອງເມືອງປາກງື່ມ) ເພື່ອຄັດເລືອກເອົາ 4 ທີມຊາຍ ແລະ 2 ທີມຍິງເຂົ້າສູ່ຮອບການແຂ່ງຂັນທົ່ວປະເທດ.

- ພາກກາງ-ໃຕ້: ແຂ່ງຂັນກັນຢູ່ແຂວງສະຫວັນນະເຂດ ມີ ທັງໝົດ 11 ທີມ ລວມ ມີ 7 ທີມຊາຍ ແລະ 4ທີມຍິງ ຊຶ່ງຄັດເລືອກເອົາ 2 ທີມຊາຍ ແລະ 1 ທີມຍິງເຂົ້າສູ່ຮອບການແຂ່ງຂັນທົ່ວປະເທດ ທີ່ນະຄອນຫຼວງວຽງຈັນ.

ສໍາລັບເງິນລາງວັນການແຂ່ງຂັນ ມີດັ່ງນີ້:

- ລາງວັນທີ 1: ຂັນໜຶ່ງໜ່ວຍ, ຫຼຽນລາງວັນ 25 ຫຼຽນ ພ້ອມເງິນສົດ 50,000,000 ກີບ, ມີຜະລິດຕະພັນອື່ນໆ 20,000,000 ກີບ ລວມມູນຄ່າທັງໝົດ 70.000.000 ກີບ.

- ລາງວັນທີ 2: ຫຼຽນລາງວັນ 25 ຫຼຽນ ພ້ອມເງິນສົດ 30,000,000 ກີບ, ມີຜະລິດຕະພັນອື່ນໆ 10,000,000 ກີບ ລວມມູນຄ່າທັງໝົດ 40.000.000 ກີບ.

- ລາງວັນທີ 3: ຫຼຽນລາງວັນ 25 ຫຼຽນ ພ້ອມເງິນສົດ 15,000,000 ກີບ, ມີຜະລິດຕະພັນອື່ນໆ 5,000,000 ກີບ ລວມມູນຄ່າທັງໝົດ 20.000.000 ກີບ.

(ຂ່າວ:ຕຸໄລເພັດ)

ຄໍາເຫັນ

ຂ່າວສືກສາ-ກິລາ

ສຂຈ ສ້າງຊັບພະຍາກອນອອກຮັບໃຊ້ສັງຄົມໄດ້ຫຼາຍກວ່າ 90 ພັນຄົນ

13/10/2025 15:15

ທ່ານ ຄໍາຮຸ່ງ ຈັນທະວົງ ຜູ້ອຳນວຍການສະຖາບັນຂົງຈື (ສຂຈ) ມະຫາວິທະຍາໄລແຫ່ງຊາດ (ມຊ) ໄດ້ໃຫ້ສໍາພາດຕໍ່ນັກຂ່າວໜັງສືພິມປະຊາຊົນໃນວັນທີ 9 ຕຸລາຜ່ານມາ ທີ່ ສຂຈ ວ່າ: ສຂຈ ໄດ້ເປີດຂຶ້ນຢ່າງເປັນທາງການໃນວັນທີ 23 ມີນາ 2010 ໂດຍການຮ່ວມມືຂອງມະຫາວິທະຍາໄລແຫ່ງຊາດ ສປປ ລາວ ແລະ ມະຫາວິທະຍາໄລຊົນເຜົ່າກວາງຊີ ສປ ຈີນ ເປັນສະຖາບັນແຫ່ງໜຶ່ງທີ່ມີສະຖານະພາບທຽບເທົ່າກັບຄະນະວິຊາໜຶ່ງໃນກົງຈັກການຈັດຕັ້ງ ແລະ ຢູ່ພາຍໃຕ້ການຊີ້ນໍາດ້ານມະຫາພາກຂອງ ມຊ ນັບແຕ່ມື້ສ້າງຕັ້ງມາເຖິງປັດຈຸບັນ ສາມາດສ້າງຊັບພະຍາກອນມະນຸດໄດ້ຫຼາຍກວ່າ 90 ພັນຄົນ ແລະ ໄດ້ຂະຫຍາຍຫ້ອງຮຽນ 5 ແຫ່ງ ພາຍໃນນະຄອນຫຼວງວຽງຈັນ ແລະ ຕ່າງແຂວງ.

ຫຼວງພະບາງ ຕັ້ງເປົ້າຈະໃຫ້ໄດ້ 70 ຫຼຽນ ໃນງານມະຫະກໍາກິລາແຫ່ງຊາດຄັ້ງທີ 12

13/10/2025 13:55

ເມື່ອບໍ່ດົນຜ່ານມານີ້, ທ່ານ ສຸລິເດດ ແກ້ວບົວລະເພັດ ຫົວໜ້າພະແນກ ສຶກສາທິການ ແລະ ກິລາ ແຂວງຫຼວງພະບາງ ໄດ້ໃຫ້ສຳພາດຕໍ່ສື່ມວນຊົນແຂວງ ກ່ຽວກັບຄວາມພ້ອມສົ່ງນັກກິລາຂອງແຂວງຫຼວງພະບາງ ເຂົ້າຮ່ວມງານກິລາແຫ່ງຊາດ ຄັ້ງທີ 12

ນວ ມີຄວາມພ້ອມຮອບດ້ານ ເປັນເຈົ້າພາບກິລາແຫ່ງຊາດຄັ້ງທີ XII

13/10/2025 11:26

ພິທີຖະແຫຼງຂ່າວງານມະຫະກໍາກິລາແຫ່ງຊາດຄັ້ງທີ XII, ງານມະຫະກໍາກິລາຄົນພິການ ຄັ້ງທີ IV ແລະ ພິທີແຫ່-ແລ່ນທວນໄຟນະຄອນຫຼວງວຽງຈັນເກມ 2025 ໄດ້ຈັດຂຶ້ນໃນວັນທີ 12 ຕຸລາ ຜ່ານມາ ທີ່ສຳນັກງານປົກຄອງ ນະຄອນຫຼວງວຽງຈັນ (ນວ) ໃຫ້ກຽດຖະແຫຼງຂ່າວຂອງທ່ານ ອາດສະພັງທອງ ສີພັນດອນ ເຈົ້າຄອງ ນວ ປະທານກຳມະການຈັດງານມະຫະກໍາກິລາແຫ່ງຊາດ ຄັ້ງທີ XII ແລະ ງານມະຫະກໍາກິລາຄົນພິການ ຄັ້ງທີ IV, ມີບັນດາຄະ ນະຮັບຜິດຊອບລະດັບຊາດຈັດງານມະຫະກຳກິລາແຫ່ງຊາດ ຄັ້ງທີ XII ແລະ ພາກສ່ວນກ່ຽວຂ້ອງເຂົ້າຮ່ວມ.

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ

10/10/2025 12:19

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ ໄດ້ຈັດພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ (10/10/1945-10/10/2025) ໃນວັນທີ 9 ຕຸລານີ້ ທີ່ບ້ານນາຄວາຍ ເມືອງໄຊເສດຖາ ນະຄອນຫຼວງວຽງຈັນ. ເປັນກຽດໃນພິທີ ໂດຍ ສະຫາຍ ອາດສະພັງທອງ ສີພັນດອນ ກຳມະການສູນກາງພັກ ປະທານຄະນະກຳມະການປົກຄອງນະຄອນຫຼວງວຽງຈັນ ປະທານສະມາຄົມມິດຕະພາບລາວ - ສປປ ເກົາຫຼີ, ສະຫາຍ ລີ ຢົງ ຊົນ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ເກົາຫຼີ ປະຈຳ ສປປ ລາວ, ສະຫາຍ ນາງ ວິລະວອນ ພັນທະວົງ ຄະນະປະຈໍາພັກ ຮອງຫົວໜ້າຄະນະໂຄສະນາອົບຮົມສູນກາງພັກ, ມີບັນດາສະຫາຍຕາງໜ້າຈາກຫ້ອງວ່າການສູນກາງພັກ, ສຳນັກງານນາຍົກລັດຖະມົນຕີ, ກະຊວງການຕ່າງປະເທດ, ກະຊວງສຶກສາທິການ ແລະ ກິລາ, ສາມອົງການຈັດຕັ້ງມະຫາຊົນນະຄອນຫຼວງ, ສະຫາຍ ນາງ ວິໄລວອນ ຈັນທະລາຕີ ປະທານຄະນະກຳມະການປົກຄອງເມືອງໄຊເສດຖາ ພະແນກສຶກສາທິການ ແລະ ກິລາ ນະຄອນຫຼວງວຽງຈັນ ແລະ ຫ້ອງການສຶກສາທິການ ແລະ ກິລາ ເມືອງໄຊເສດຖາ, ມີບັນດາຄະນະປົກຄອງບ້ານນາຄວາຍ, ຈາກພາກສ່ວນທີ່ກ່ຽວຂ້ອງຂອງສູນກາງ, ພ້ອມດ້ວຍພະນັກງານຈາກສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ ເຂົ້າຮ່ວມປະມານ 300 ສະຫາຍ.

ກະຊວງ ສສກ ສະຫຼອງວັນຄູແຫ່ງຊາດ ແລະ ວັນວິທະຍາສາດແຫ່ງຊາດ

09/10/2025 14:28

ກະຊວງສຶກສາທິການ ແລະ ກິລາ (ສສກ) ໄດ້ຈັດພິທີສະເຫຼີມສະຫຼອງວັນຄູແຫ່ງຊາດຄົບຮອບ 31 ປີ (7 ຕຸລາ 1994-7 ຕຸລາ 2025) ແລະ ວັນວິທະຍາສາດແຫ່ງຊາດວັນທີ 12 ຕຸລາ ຄົບຮອບ 38 ປີ (12 ຕຸລາ 1987-12 ຕຸລາ 2025) ຂຶ້ນໃນວັນທີ 9 ຕຸລານີ້ ທີ່ ມະຫາວິທະຍາໄລແຫ່ງຊາດ ໂດຍການເຂົ້າຮ່ວມເປັນກຽດຂອງທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ ພ້ອມດ້ວຍຄະນະນໍາ, ຜູ້ບໍລິຫານການສຶກສາ, ຄູ-ອາຈານ ແລະ ນັກສຶກສາເຂົ້າຮ່ວມ.

ໂຄງການສ້າງປະຕູໂຂງ ມຊ ແລະ ຄະນະກະເສດສາດມູນຄ່າ 560,000 ໂດລາ ຄາດວ່າຈະສຳເລັດກ່ອນວັນຊາດ

09/10/2025 14:21

ພິທີວາງສີລາລືກໂຄງການກໍ່ສ້າງປະຕູໂຂງເຂົ້າ-ອອກ ມະຫາວິທະຍາໄລແຫ່ງຊາດ (ມຊ ວິທະຍາເຂດດົງໂດກ) ແລະ ປະຕູໂຂງທາງເຂົ້າຄະນະກະເສດສາດ (ວິທະຍາເຂດນາບົງ) ຈັດຂຶ້ນໃນວັນທີ 8 ຕຸລາຜ່ານມາ ທີ່ ມຊ ໃຫ້ກຽດເຂົ້າຮ່ວມ ແລະ ຕັດແຖບຜ້າຂອງທ່ານ ທອງສະລິດ ມັງໜໍ່ເມກ ລັດຖະມົນຕີກະຊວງສຶກສາທິການ ແລະ ກິລາ (ສສກ), ທ່ານ ເດຊານຸລາດ ແສນດວງເດດ ອະທິການບໍດີ ມຊ ແລະ ທ່ານ ຢາງໂປ ປະທານບໍລິສັດ ເອເຊຍໂທບາໂຄ ອິນດັດຕຣີ ກຣຸບ ກຳຈັດ ພ້ອມດ້ວຍແຂກຖືກເຊີນ ແລະ ພະນັກງານກ່ຽວຂ້ອງສອງພາກສ່ວນເຂົ້າຮ່ວມເປັນສັກຂີພິຍານ.

ຕະໂອ້ຍ ສະຫຼອງວັນຄູແຫ່ງຊາດທີ7ຕຸລາ ຄົບຮອບ31ປີ(7ຕຸລາ1994-7ຕຸລາ2025)

08/10/2025 12:28

ໃນວັນທີ7ຕຸລານີ້ທີ່ສະໂມສອນໃຫຍ່ຂອງເມືອງຕະໂອ້ຍແຂວງສາລະວັນໄດ້ຈັດພິທີສະເຫຼີມຫຼອງວັນຄູແຫ່ງຊາດທີ 7 ຕຸລາ ຄົບຮອບ 31 ປີ,(7ຕຸລາ1994-7ຕຸລາ2025) ໂດຍໃຫ້ກຽດເຂົ້າຮ່ວມຂອງທ່ານນາງ ບຸນຖິນແກ່ນ ພົມມາ ປະທານຄະນະກຳມະການປົກຄອງເມືອງຜູ້ຊີ້ນໍາວຽກງານວັດທະນະທຳ-ສັງຄົມໃນທົ່ວເມືອງ,ມີບັນດາທ່ານກຳມະການພັກເມືອງ,ຫົວຫນ້າ-ຮອງຫ້ອງການອ້ອມຂ້າງເມືອງ,ຜູ້ອາວຸໂສ,ອາດີດພະນັກງານບຳນານ,ຄູ-ອາຈານຕະຫຼອດຮອດນ້ອງນັກຮຽນເຂົ້າຮ່ວມ.

ສານອວຍພອນວັນຄູແຫ່ງຊາດ ຄົບຮອບ 31 ປີຂອງ ທ່ານ ທອງສະລິດ ມັງໜໍ່ເມກ ລັດຖະມົນຕີກະຊວງ ສສກ

07/10/2025 11:30

ນ້ອມນະມັດສະການພະເຖຣະ, ນຸເຖຣະ, ຮຽນບັນດາທ່ານການນໍາພັກ-ລັດທີ່ເຄົາລົບນັບຖືຢ່າງສູງ, ບັນດາທ່ານຜູ້ບໍລິຫານການສຶກສາ, ຄູ-ອາຈານ, ຜູ້ທີ່ປະຕິບັດໜ້າທີ່ສິດສອນ, ນັກຮຽນ-ນັກສຶກສາ ຕະຫຼອດຮອດພໍ່-ແມ່ປະຊາຊົນລາວບັນດາເຜົ່າໃນຂອບເຂດທົ່ວປະເທດທີ່ນັບຖືທັງຫຼາຍ. ວັນທີ 7 ຕຸລາ ແມ່ນວັນທີ່ພວກເຮົາຊາວລາວທຸກຄົນໃຫ້ຄວາມສໍາຄັນເປັນພິເສດ, ເປັນໂອກາດໃນການ ສະແດງຄວາມເຄົາລົບ, ຄວາມຮູ້ບຸນຄຸນຕໍ່ຜູ້ທີ່ໄດ້ຖ່າຍທອດຄວາມຮູ້, ໄດ້ເສຍສະຫຼະເພື່ອພາລະກິດສຶກສາ, ພາລະກິດສ້າງ ແລະ ພັດທະນາຊັບພະຍາກອນມະນຸດລາວ. ເນື່ອງໃນໂອກາດວັນຄູແຫ່ງຊາດ ຄົບຮອບ 31 ປີ(07/10/1994 - 07/10/2025) ນີ້, ຂ້າພະເຈົ້າ ຂໍຕາງໜ້າໃຫ້ການນໍາກະຊວງສຶກສາທິການ ແລະ ກິລາ(ສສກ) ສະແດງຄວາມຮູ້ບຸນຄຸນອັນໃຫຍ່ຫຼວງມາຍັງຄູ-ອາຈານ ຜູ້ທີ່ປະຕິບັດໜ້າທີ່ສິດສອນໃນຂອບເຂດທົ່ວປະເທດ ທີ່ໄດ້ປະກອບສ່ວນອັນສໍາຄັນເຂົ້າໃນການສິດສອນ, ກໍ່ສ້າງລູກ-ຫຼານລາວໃຫ້ມີຄວາມຮູ້ຄວາມສາມາດ, ມີຄຸນສົມບັດສິນທຳປະຕິວັດ, ຮູ້ເຄົາລົບຮີບຄອງປະເພນີອັນດີງາມຂອງຊາດ ແລະ ເຊື່ອມໂຍງເຂົ້າກັບພາກພື້ນ ແລະ ສາກົນ, ໃຫ້ກາຍເປັນກໍາລັງແຮງສັງລວມເຂົ້າໃນການພັດທະນາເສດຖະກິດ-ສັງຄົມຂອງຊາດ ໃນຕະຫຼອດໄລຍະຜ່ານມາ.

38 ປີແຫ່ງການເປັນຄູສ້າງບຸກຄະລາກອນອອກຮັບໃຊ້ສັງຄົມ

07/10/2025 11:23

38 ປີ ທີ່ໄດ້ຢຶດຖືອາຊີບເປັນຄູສອນ ມັນບໍ່ແມ່ນເລື່ອງງ່າຍເລີຍ ທັງຜ່ານຜ່າຂໍ້ຫຍຸ້ງຍາກນາໆປະການ ແຕ່ກໍບໍ່ໄດ້ເປັນອຸປະສັກ ຍ້ອນຄວາມຮັກມັກໃນອາຊີບຄູມາແຕ່ນ້ອຍ ຈຶ່ງກາຍເປັນຄູສອນທີ່ມີຜົນງານດີເດັ່ນຫຼາຍດ້ານ ເພື່ອສ້າງບຸກຄະລາກອນອອກຮັບໃຊ້ສັງຄົມເປັນຈໍານວນຫຼາຍຮຸ່ນ ຊຶ່ງເປັນຄວາມພາກພູມໃຈທີ່ໄດ້ເກີດມາເປັນຄູສອນ.

ສຂຈ ສະຫຼອງວັນຄູແຫ່ງຊາດ ແລະ ປະກາດພະນັກງານຮັບອຸດໜູນບຳນານ

07/10/2025 11:10

ສະຖາບັນຂົງຈື (ສຂຈ) ມະຫາວິທະຍາໄລແຫ່ງຊາດ (ມຊ) ຈັດພິທີສະເຫຼີມສະຫຼອງວັນຄູແຫ່ງຊາດ ວັນທີ 7 ຕຸລາ ຄົບຮອບ 31 ປີ (7/10/1994-7/10/2025), ຕ້ອນຮັບຄູອາຈານ-ອາສາສະໝັກຈີນຄົນໃໝ່ທີ່ມາປະຕິບັດໜ້າທີ່ຢູ່ ສຂຈ ແລະ ປະກາດພະນັກງານຮັບອຸດໜູນບຳນານໃນວັນທີ 6 ຕຸລາ ນີ້ ທີ່ ສຂຈ ໂດຍການເຂົ້າຮ່ວມເປັນກຽດຂອງທ່ານ ທອງສຸກ ແກ້ວມະນີ ແລະ ທ່ານ ສິນທະວອນ ດາລາວົງ ຮອງອະທິການບໍດີ ມຊ, ມີຄະນະບໍດີ, ຫົວໜ້າຫ້ອງການ, ຮອງຜູ້ອໍານວຍການ ພ້ອມດ້ວຍພະນັກງານສອງຝ່າຍລາວຈີນ ແລະ ນັກສຶກສາເຂົ້າຮ່ວມ.

ເພີ່ມເຕີມ