 |
ໃນໂອກາດທີ່ມີຄວາມໝາຍສຳຄັນນີ້, ແຕ່ລະພາກສ່ວນໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານ ແລະ ໄຊຊະນະອັນໃຫຍ່ຫຼວງທີ່ກຳລັງ ປກສ ປະຊາຊົນຍາດມາໄດ້ ຕະຫຼອດໄລຍະ 65 ປີຜ່ານມາ ໂດຍສະເພາະແມ່ນການປົກປັກຮັກສາສະຖຽນລະພາບທາງດ້ານການເມືອງ, ຄວາມສະຫງົບ ແລະ ຄວາມເປັນລະ ບຽບຮຽບຮ້ອຍຂອງສັງຄົມ ເພື່ອສ້າງເງື່ອນໄຂອັນດີໃຫ້ການພັດທະນາເສດຖະກິດ-ສັງຄົມຂອງຊາດ. ພ້ອມກັນນີ້, ແຕ່ລະພາກສ່ວນໄດ້ໃຫ້ຄຳໝັ້ນສັນຍາວ່າ ຈະສືບຕໍ່ຮັດແໜ້ນຄວາມສາມັກຄີ ແລະ ການພົວພັນຮ່ວມມືກັບກະ ຊວງ ປກສ ລາວ ໃຫ້ແໜ້ນແຟ້ນຍິ່ງໆຂຶ້ນ ເພື່ອຮ່ວມກັນແກ້ໄຂບັນຫາປະກົດການຫຍໍ້ທໍ້ຕ່າງໆ ໃນປັດຈຸບັນໃຫ້ຫຼຸດໜ້ອຍຖອຍລົງເທື່ອລະກ້າວ.
 |
ໂອກາດນີ້, ທ່ານ ພົທ ວັນທອງ ກອງມະນີ ໄດ້ກ່າວສະແດງຄວາມຂອບໃຈ ແລະ ຮູ້ບຸນຄຸນເປັນຢ່າງສູງຕໍ່ 3 ພາກສ່ວນດັ່ງກ່າວ ທີ່ໄດ້ນໍາເອົາຄໍາອວຍພອນອັນປະເສີດ ແລະ ໄມຕີຈິດມິດຕະພາບມາສູ່ກຳລັງ ປກສໃນຄັ້ງນີ້ ຊຶ່ງຜົນສໍາເລັດຂອງກໍາລັງ ປກສ ແມ່ນບໍ່ສາມາດແຍກອອກໄດ້ຈາກການສະໜັບສະໜູນ ແລະ ການຮ່ວມມືຢ່າງໃກ້ຊິດຈາກບັນດາກະຊວງ, ອົງການຈັດຕັ້ງພາຍໃນ ແລະ ບັນດາປະເທດເພື່ອນມິດຍຸດທະສາດ ແລະ ອວຍພອນໄຊໃຫ້ການພົວພັນຮ່ວມມື ລະຫວ່າງ ກະຊວງ ປກສ ກັບບັນດາພາກສ່ວນດັ່ງກ່າວ ຈົ່ງໄດ້ຮັບການເສີມຂະຫຍາຍ ແລະ ກ້າວສູ່ລະດັບໃໝ່ທີ່ໝັ້ນຄົງທະນົງແກ່ນຕະຫຼອດໄປ.
ຂ່າວ-ພາບ: ແກ້ວ ອຸເພັດ
ຄໍາເຫັນ