ຈໍາກັດຜູ້ດຽວ ແລະວິທະຍາໄລວິຊາຊີບເຕັກໂນໂລຊີຂໍ້ມູນຂ່າວສານ ຈຽງຊູ ສປ ຈີນໄດ້ຈັດຂຶ້ນໃນວັນທີ 15 ມັງກອນນີ້ ທີ່ນະຄອນຫຼວງວຽງຈັນ ຮ່ວມລົງນາມໃນຄັ້ງນີ້ໂດຍມີທ່ານ ຄຳຫຼ້າ ຍອຍສາຍຄຳ ຫົວໜ້າສະຖາບັນສື່ມວນຊົນ, ວັດທະນະທຳ ແລະ ທ່ອງທ່ຽວ, ທ່ານ ຈາງຊືຊາຍ ຜູ້ອຳນວຍການວິທະຍາໄລວິຊາຊີບເຕັກໂນໂລຊີຂໍ້ມູນຂ່າວສານ ຈຽງຊູ ສປ ຈີນ ແລະ ທ່ານນາງ ຕົງຊານຊານ ຜູ້ອຳນວຍການບໍລິສັດພັດທະນາເສດຖະກິດສາກົນແພນ-ແມ່ນໍ້າຂອງ (ລາວ) ຈຳກັດຜູ້ດຽວ, ໂດຍມີທ່ານ ວັນສີ ກົວມົວ ຮອງລັດຖະມົນຕີກະຊວງ ຖວທພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.
ການລົງນາມຄັ້ງນີ້, ເປັນໄລຍະທີ 3ຊຶ່ງຝ່າຍຈີນສືບຕໍ່ສະເໜີການຮ່ວມມືໂດຍແມ່ນບໍລິສັດພັດທະນາເສດຖະກິດສາກົນແພນ-ແມ່ນໍ້າຂອງ (ລາວ) ຈຳກັດຜູ້ດຽວ ແລະ ວິທະຍາໄລວິຊາຊີບເຕັກໂນໂລຊີຂໍ້ມູນຂ່າວສານ ຈຽງຊູທັງສາມຝ່າຍໄດ້ຄົ້ນຄວ້າ ແລະ ຈັດປະຊຸມປະກອບຄຳເຫັນໃສ່ຮ່າງບົດບັນທຶກຄວາມເຂົ້າໃຈ (MOU) ສະບັບໃໝ່ ໂດຍຝ່າຍລາວແມ່ນກົມຄຸ້ມຄອງທຸລະກິດການທ່ອງທ່ຽວ ແລະ ສະຖາບັນສື່ມວນຊົນ, ວັດທະນະທຳ ແລະ ທ່ອງທ່ຽວ (ສສວທ) ໂດຍຫຼັກການພື້ນຖານແລ້ວທັງສາມຝ່າຍເຫັນດີບົນພື້ນຖານຫຼັກການຄວາມສະເໝີພາບ, ຕ່າງຝ່າຍຕ່າງມີຜົນປະໂຫຍດ ເຫັນດີໃນການຮ່ວມມືດ້ານການຍົກລະດັບຄຸນນະພາບການບໍລິການໃນຂະແໜງການທ່ອງທ່ຽວຢູ່ ສປປ ລາວ ໂດຍສອດຄ່ອງກັບກົດໝາຍລະບຽບການ ແລະ ສົນທິສັນຍາທີ່ກ່ຽວຂ້ອງຂອງສາມຝ່າຍ ແລະ ໄດ້ກຳນົດຂອບເຂດການຮ່ວມມືຄື: ຊຸກຍູ້ການຮ່ວມມືດ້ານການສຶກສາ ແລະ ທ່ອງທ່ຽວລະຫວ່າງ ສປ ຈີນ ແລະ ສປປ ລາວ ພັດທະນາ ແລະ ຍົກລະດັບຄຸນນະພາບການບໍລິການໃນຂະແໜງການທ່ອງທ່ຽວຢູ່ ສປປ ລາວ ການຮ່ວມມືເພື່ອຜົນປະໂຫຍດຮ່ວມກັນຂອງທັງສາມຝ່າຍຊຸກຍູ້ການຮ່ວມມືສາມຝ່າຍເພື່ອຈັດຕັ້ງປະຕິບັດໂຄງການຮ່ວມມືພັດທະນາບຸກຄະລາກອນໃນຂະແໜງການທ່ອງທ່ຽວຂອງສປປ ລາວ ໃຫ້ດີຂຶ້ນພັດທະນາຄວາມຫຼາກຫຼາຍຂອງຜະລິດຕະພັນການທ່ອງທ່ຽວໃຫ້ມີຄຸນນະພາບສູງ, ສະໜອງການບໍລິການທີ່ຄົບວົງຈອນໃຫ້ແກ່ຕະຫຼາດນັກທ່ອງທ່ຽວ ສປ ຈີນ ໃນ ສປປ ລາວ ໃຫ້ເຕີບໃຫຍ່ຂະຫຍາຍຕົວ ແລະ ສົ່ງເສີມດ້ານວິຊາຊີບທ່ອງທ່ຽວຂອງ ສປປ ລາວ ໃຫ້ມີຄຸນນະພາບດີຂຶ້ນກວ່າເກົ່າເພື່ອຕອບສະໜອງໃຫ້ແກ່ອຸດສາຫະກຳການທ່ອງທ່ຽວຂອງ ສປປ ລາວ ເພີ່ມທະວີການຮ່ວມມືແລກປ່ຽນ ແລະ ການທັດສະນະຢ້ຽມຢາມທາງການເພື່ອແລກປ່ຽນບົດຮຽນ ຂໍ້ມູນຂ່າວສານດ້ານການທ່ອງທ່ຽວລະຫວ່າງສາມຝ່າຍ.
ສຳລັບຮູບແບບການຈັດຕັ້ງປະຕິບັດທັງສາມຝ່າຍຈະຮ່ວມມືກັນຈັດສຳມະນາຝຶກອົບຮົມ ແລະ ການອອກຢັ້ງຢືນຄື: ຈັດຝຶກອົບຮົມເຕັກນິກການນໍາທ່ຽວພາສາຈີນ;ຝຶກອົບຮົມຍົກລະດັບຄຸນນະພາບການບໍລິການຂອງພະນັກງານນໍາທ່ຽວລະດັບຊາດກ່ຽວກັບທັກສະການສື່ສານພາສາຈີນ; ຈັດຝຶກອົບຮົມປະສົບການດ້ານການບໍລິການ ແລະ ບຳລຸງພາສາຈີນເພື່ອສ້າງຄວາມເຂັ້ມແຂງໃຫ້ແກ່ຜູ້ປະກອບການທຸລະກິດໂຮງແຮມ, ເຮືອນພັກ, ຮ້ານອາຫານເພື່ອໃຫ້ມີຄວາມເຂົ້າໃຈຕໍ່ຄຸນລັກສະນະພິເສດຂອງນັກທ່ອງທ່ຽວຈີນໃຫ້ຫຼາຍຂຶ້ນເພື່ອປັບປຸງຂອດການບໍລິການໃຫ້ແທດເໝາະກັບຄວາມຕ້ອງການຂອງນັກທ່ອງທ່ຽວ ສປ ຈີນ. ການລົງນາມຄັ້ງນີ້, ຈະຈັດຕັ້ງປະຕິບັດຮອດປີ 2025 ນີ້.
ຂ່າວ-ພາບ: ວັນເພັງ
ຄໍາເຫັນ