6 ເດືອນຜ່ານມາ ປກສ ເມືອງເງິນ ມີຜົນງານພົ້ນເດັ່ນຫຼາຍດ້ານ

ໃນ 6 ເດືອນຜ່ານມາ, ກອງບັນຊາການ ປກສ ເມືອງເງິນ ມີຄະດີເກີດຂຶ້ນ 14 ເລື່ອງ, ຜົນເສຍຫາຍ ລົດຈັກ 13 ຄັນ, ເງິນກີບ 387,100,000 ກີບ, ເງິນບາດ 20,734,627 ບາດ, ໂມງ 2 ໜ່ວຍ, ວັດຖຸຄ້າຍຄື ຄໍາ 4 ບາດ, ສາຍຄໍສີເຫຼືອງຄ້າຍຄືຄໍາ 2 ເສັ້ນຂອງເກ້ ແລະ ເບ້ຍຢາງພາລາ 5,237 ເບ້ຍ, ຢາງພາລາ 520 ກິໂລ. ສາມາດແກ້ໄຂໄດ້ 6 ເລື່ອງ, ກັກຕົວຜູ້ກະທໍາຜິດໄດ້ 10 ຄົນ ຍິງ 1 ຄົນ, ເກັບກູ້ຜົນເສຍຫາຍໄດ້: ລົດຈັກ 2 ຄັນ, ເງິນກີບ 2,100,000 ກີບ, ເງິນບາດ 750,000 ບາດ, ໂມງ 2 ໜ່ວຍ, ສາຍຄໍສີເຫຼືອງຄ້າຍຄືຄໍາ 2 ເສັ້ນຂອງເກ້, ຢາງພາລາ 520 ກິໂລ, ໄດ້ຈັດຕັ້ງກໍາລັງສົມທົບກັບໜ່ວຍສະເພາະກິດຂອງເມືອງລົງກວດກາແກ້ໄຂ ແລະ ເລີກຮື້ພາກສ່ວນລັກຂຸດຄົ້ນແຮ່ທາດ ຢູ່ຂອບເຂດບ້ານປາກແຄນ ແລະ ບ້ານຫ້ວຍເງີຍ 5 ຄັ້ງ, ຍຶດຂອງກາງໄດ້ ຈັກສູບນ້ຳ 6 ເຄື່ອງ, ຈັກປັ່ນໄຟ 1 ເຄື່ອງ, ເຄື່ອງບົດແຮ່ 1 ເຄື່ອງ ແລະ ແຮ່ 52 ກະສອບ. ສົມທົບກຸ່ມບ້ານ ແລະ ຕມ ດ່ານສາກົນນໍ້າເງິນ ແກ້ໄຂ ແລະ ກັກຕົວເປົ້າໝາຍເສບຢາບ້າ ແລະ ເປົ້າໝາຍພົວພັນສິ່ງເສບຕິດ (ຄໍລາເຈັ້ນ) 53 ຄັ້ງ 99 ຄົນ ຍິງ 5 ຄົນ, ໃນນີ້ແກ້ໄຂເປັນລາຍຄະດີ 8 ເລື່ອງ 10 ຄົນ ຍິງ 2 ຄົນ, ຍຶດຂອງກາງຢາບ້າ 9,260 ເມັດ ກັບ 249,6 ກຣາມ, ລົງໂຄສະນາວຽກງານສະກັດກັ້ນ ແລະ ຕ້ານອັກຄີໄພ 2 ຄັ້ງ ມີຜູ້ເຂົ້າຮ່ວມທັງໝົດ 305 ຄົນ ຍິງ 145 ຄົນ, ສົມທົບກັບພະແນກສະກັດກັ້ນ ແລະ ຕ້ານອັກຄີໄພຂອງແຂວງ ລົງກວດກາສາງນໍ້າມັນຢູ່ເມືອງເງິນ 1 ຄັ້ງ 3 ສາງ. ລົງກວດກາພາຫະນະຕາມເສັ້ນທາງຫຼວງ 12 ຄັ້ງ ພົບເຫັນຜູ້ລະເມີດ 274 ຄົນ ຍິງ 68 ຄົນ. ມີອຸບັດເຫດເກີດຂຶ້ນ 8 ລາຍ 23 ຄົນ, ມີຜູ້ໄດ້ຮັບບາດເຈັບທັງໝົດ 11 ຄົນ ເສຍຊີວິດ 1 ຄົນ, ມີພາຫະນະເປ່ເພທັງໝົດ 10 ຄັນ ລວມມູນຄ່າເສຍຫາຍ: 320,000,000 ກີບ, ມີອັກຄີໄພເກີດຂຶ້ນ 1 ຄັ້ງ, ຮຽນລະບຽບໃຫ້ຜູ້ຖືກຫາ ແລະ ຜູ້ຖືກດັດສ້າງ 3 ຄັ້ງ ມີ 153 ຄົນ ຍິງ 4 ຄົນ, ເຮັດບົດບັນທຶກສຶກສາອົບຮົມແກ້ໄຂປ່ອຍຕົວຜູ້ຖືກດັດສ້າງ 43 ຄັ້ງ 57 ຄົນ ຍິງ 3 ຄົນ; 6 ເດືອນຜ່ານມາ: ມີນັກໂທດ, ຜູ້ຖືກຫາ ແລະ ຜູ້ຖືກດັດສ້າງທັງໝົດ 37 ຄົນ, ເພີ່ມຂຶ້ນ 117 ຄົນ ຍິງ 8 ຄົນ, ຫຼຸດ 74 ຄົນ ຍິງ 6 ຄົນ, ປັດຈຸບັນມີໜ້າຕົວຈິງ 80 ຄົນ ຍິງ 2 ຄົນ, ໃນນີ້ມີຜູ້ຖືກຫາ 14 ຄົນ ຍິງ 2 ຄົນ, ຜູ້ຖືກດັດສ້າງ 66 ຄົນ. 

 ໃນພິທີໄດ້ມອບໃບຍ້ອງຍໍຂັ້ນຕ່າງໆ ໃຫ້ນາຍຕຳຫຼວດຜູ້ທີມີຜົນງານດີເດັ່ນ ແລະ ຜ່ານຂໍ້ຕົກລົງການເຂົ້າຮັບອູດໜູນບຳນານ 1 ສະຫາຍ. ຕອນທ້າຍໄດ້ຮັບຟັງການໂອ້ລົມຂອງທ່ານ ທອງພັນ ສຸກສະຫວັດອີກດ້ວຍ. ໂດຍ: ອິນແປງ ແຫວນຄຳ