6 ເດືອນຕົ້ນປີ ລັດວິສາຫະກິດນໍ້າປະປາ ແຂວງສາລະວັນ ສາມາດສ້າງຜົນກໍາໄລຈາກການດໍາເນີນທຸລະກິດ ໄດ້ 600 ລ້ານກວ່າກີບ

ໃນ 6 ເດືອນຕົ້ນປີ 2026 ທີ່ຜ່ານມານີ້ ຄະນະພັກ, ຄະນະນໍາ ໄດ້ເອົາໃຈໃສ່ສຶກສາອົບຮົມການເມືອງ-ແນວຄິດ ໃຫ້ພະ ນັກງານລັດຖະກອນ ຖືເປັນວຽກງານບຸລິມະສິດອັນດັບໜຶ່ງ ເພື່ອໃຫ້ເຂົ້າໃຈເລິກເຊິ່ງເຖິງຖອງຕໍ່ແນວທາງນະໂຍບາຍຂອງພັກ-ລັດ, ພະນັກງານມີຄວາມສາມັກຄີ, ຊ່ວຍເຫຼອເຊິ່ງກັນ ແລະ ກັນ ພ້ອມກັບເອົາໃຈໃສ່ດ້ານອື່ນໆ ໂດຍສະເພາະຄວບຄຸມການຜະ ລິດ, ການກຳຈັດນໍ້າສູນເສຍ (ປ່ຽນຖ່າຍໝໍ້ແທກນໍ້າທີ່ເປເພ) ແລະ ບັນຫາອື່ນໆ ເຮັດການດໍາເນີນທຸລະກິດເຫັນວ່າດີຂຶ້ນຫຼາຍ ຊຶ່ງມັນສະແດງອອກທາງດ້ານຕົວເລກການຜະລິດ-ການຈໍາໜ່າຍນໍ້າ ແລະ ລາຍຮັບເຫັນວ່າດີ; ປັດຈຸບັນມີຈໍານວນບ້ານທີ່ຊົມໃຊ້ນໍ້າແລ້ວ 67 ບ້ານ, ມີປະຊາກອນທີ່ໄດ້ໃຊ້ນໍ້າແລ້ວ 61,737 ຄົນ, ເທົ່າກັບ 74% ຂອງປະຊາ ກອນໃນພື້ນທີ່ບໍລິການ ແລະ 106% ຂອງປະຊາກອນໃນເທດສະບານ, ມີຈໍານວນຜູ້ໃຊ້ນໍ້າທັງໝົດ 10,424 ກົງເຕີ, ການດໍາເນີນທຸລະກິດໃນໄລຍະ 6 ເດືອນຕົ້ນປີ ດ້ານລາຍຮັບ ປະຕິບັດໄດ້ 8,6 ຕື້ກວ່າກີບ, ເທົ່າກັບ 51% ຂອງແຜນ ການປີ, ເພີ່ມຂຶ້ນ 140% ທຽບໃສ່ໄລຍະດຽວກັນຂອງປີຜ່ານມາ; ປະຕິບັດລາຍຈ່າຍໄດ້ 7,9 ຕື້ກີບ ເທົ່າກັບ 48% ຂອງແຜນການປີ, ເພີ່ມຂຶ້ນ 120% ທຽບໃສ່ໄລຍະດຽວກັນຂອງປີຜ່ານມາ; ຜົນການດໍາເນີນທຸລະກິດໃນ 6 ເດືອນຕົ້ນປີ ມີກຳໄລ 689 ລ້ານກວ່າກີບ ເທົ່າກັບ 155% ຂອງແຜນການປີ, ເພີ່ມຂື້ນ 139% ທຽບໃສ່ໄລຍະດຽວກັນຂອງປີ ຜ່ານມາ; ປະຕິບັດພັນທະງົບປະມານ 1 ຕື້ກວ່າກີບ, ເທົ່າກັບ 54% ຂອງແຜນການປີ, ເພີ່ມຂຶ້ນ 142% ທຽບໃສ່ໄລ ຍະດຽວກັນຂອງປີຜ່ານມາ. ນອກຈາກນີ້ ສະພາບ ການຄຸ້ມຄອງ ແລະ ແກ້ໄຂບັນຫາໜີ້ສິນໃນ 6 ເດືອນຜ່ານມາ, ໜີ້ຕ້ອງຮັບຮອດເດືອນທີ 6/2026 ມີ 2,105 ຕື້ກວ່າກີບ.