ໂດຍ: ພຸດທະສອນ
ຕາມການລາຍງານຂອງ ທ່ານ ແກ້ວຂັນທູນ ດວງຈັນທາ ຮອງຫົວໜ້າຂະແໜງບໍລິຫານ ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ແຂວງເຊກອງ ໃນກອງປະຊຸມສະຫຼຸບການຈັດຕັ້ງປະຕິບັດວຽກງານ ຖວທ 9 ເດືອນ ແລະ ວາງທິດທາງແຜນການ 3 ເດືອນທ້າຍປີ 2023 ໃຫ້ຮູ້ວ່າ: ໃນ 9 ເດືອນຕົ້ນປີ 2023 ມີນັກທ່ອງທ່ຽວເຂົ້າມາທ່ຽວແຂວງເຊກອງ 22.765 ເທື່ອຄົນ. ໃນນີ້, ນັກທ່ອງທ່ຽວພາກພື້ນ 9.553 ຄົນ, ນັກທ່ອງທ່ຽວສາກົນ 1.038 ຄົນ ແລະ ນັກທ່ອງທ່ຽວພາຍໃນ 12.174 ຄົນ ສາມາດສ້າງລາຍຮັບໄດ້ 2.048.850 ໂດລາ.
ພ້ອມນີ້, ຂະແໜງທ່ອງທ່ຽວ ພະແນກ ຖວທ ແຂວງ ໄດ້ລົງສຳຫຼວດ, ຈັດສັນ ແລະ ກຳນົດຂອບເຂດແຫຼງທ່ອງທ່ຽວຖໍ້າອົງແກ້ວຢູ່ບ້ານຈິງ ເມືອງກະລືມ ຮ່ວມກັບກົມພັດທະນາ; ລົງສຳຫຼວດ-ກຳນົດຂອບເຂດສະຫງວນແຫຼງທ່ອງທ່ຽວຖ້ຳເດັ້ງ-ນາງລາວ ທີ່ບ້ານນໍ້າເດັ້ງ ເມືອງກະລືມ ຮ່ວມກັບບໍລິສັດພອນສັກ ແລະ ບັນດາພະແນກການກ່ຽວຂ້ອງ; ເຂົ້າຮ່ວມພິທີເຊັນສັນຍາເຊົ່າ-ສຳປະທານທີ່ດິນແຫຼງທ່ອງທ່ຽວຕາດຫົວຄົນຂອງ ບໍລິສັດ ພິເອັນເອັດກາເດັນ; ເຂົ້າຮ່ວມຝຶກອົບຮົມການເກັບກຳສະຖິຕິນັກທ່ອງທ່ຽວທີ່ເມືອງວັງວຽງ, ລາຍງານຜົນການຈັດຕັ້ງປະຕິບັດການເກັບພັນທະເຂົ້າກອງທຶນການທ່ອງທ່ຽວໃຫ້ຫ້ອງການກະຊວງ ຖວທ; ສ້າງແຜນຜັນຂະຫຍາຍຜົນກອງປະຊຸມສ້າງຄວາມເຂັ້ມແຂງພັດທະນາການທ່ອງທ່ຽວແຂວງເຊກອງ ເຊື່ອມໂຍງບັນດາແຂວງພາກໃຕ້ ເຂດພູພຽງບໍລະເວນ ຕິດພັນກັບແຜນຕ້ອນຮັບນັກທ່ອງທ່ຽວຕາມແຜນສະເຫຼີມ ສະຫຼອງວັນສ້າງຕັ້ງແຂວງເຊກອງ ຄົບຮອບ 40 ປີ ແລະ ການເປີດປີທ່ອງທ່ຽວລາວ 2024 ທີ່ແຂວງເຊກອງ; ແຈ້ງການໃຫ້ຫ້ອງການ ຖວທ 4 ຕົວເມືອງ ສຸມໃສ່ສຳຫຼວດ-ປັກຫຼັກໝາຍ ແລະ ອອກໃບຢັ້ງຢືນທີ່ດິນແຫຼ່ງທ່ອງທ່ຽວ ທີ່ໄດ້ຂຶ້ນບຸລິມະສິດແລ້ວພາຍໃນເມືອງ; ຂຽນບົດສະເໜີໂຄງການສໍາຫຼວດ-ປັກຫຼັກໝາຍແຫຼງທ່ອງທ່ຽວ 8 ແຫ່ງ ເພື່ອສະເໜີພະແນກແຜນການ ແລະ ການລົງທຶນ ເອົາເຂົ້າແຜນການລົງທຶນແຫ່ງລັດ; ລົງສຳຫຼວດ-ປັກຫຼັກໝາຍເຂດສະຫງວນແຫຼງທ່ອງທ່ຽວປະຫວັດສາດບ້ານດາກປຣາ ເມືອງດາກຈຶງ ຮ່ວມກັບ ບໍລິສັດ ຫຸ້ນສ່ວນອິນໂດໄຊນາໂຮນດິງ; ລົງເກັບກຳຂໍ້ມູນຮູບພາບງານບຸນປະເພນີບ້ານກັນດອນ ໃໝ່ ເມືອງທ່າແຕງ; ຈັດພິມແຜ່ນພັບໂຄສະນາແຫລ່ງທ່ອງທ່ຽວຈຳນວນ 1.000 ແຜ່ນ ແຈກຢາຍໃຫ້ແຂກມາຮ່ວມກອງປະຊຸມເຊື່ອມໂຍງເຂດພູພຽງບໍລະເວນທີ່ເມືອງທ່າແຕງ; ເຂົ້າຮ່ວມວາງສະແດງສິນຄ້າໃນງານຕະຫຼາດນັດທີ່ເມືອງທ່າແຕງ 1 ຄັ້ງ; ເຂົ້າຮ່ວມງານປະກວດເດີນແບບຊຸດຊົນເຜົ່າໃນງານບຸນປະເພນີເສົາຫຼັກເມືອງ 1 ຄັ້ງ; ສໍາເລັດການຈັດພິມປຶ້ມປະຫວັດແຫຼ່ງທ່ອງທ່ຽວເສົາຫຼັກເມືອງ ແລະ ປະຫວັດທ່ານອົງແກ້ວຈໍານວນ 200 ຫົວ. ພ້ອມນັ້ນ, ກໍໄດ້ສໍາເລັດການແຕ່ງຕັ້ງຄະນະຊີ້ນຳຂັ້ນແຂວງ-ອະນຸຮັບກໍາມະການຕ່າງໆ ຜິດຊອບການປະຕິບັດກິດຈະກຳປີທ່ອງທ່ຽວລາວ 2024 ທີ່ແຂວງເຊກອງ; ລົງເກັບກໍາຂໍ້ມູນ-ຮູບພາບແຫລ່ງທ່ອງທ່ຽວຕາດນົກເຄົ້າ, ແກ້ງຫຼວງ ແລະ ອື່ນໆ ລວມທັງໂຮງແຮມ, ເຮືອນພັກ, ຮ້ານອາຫານ ເພື່ອມາໂຄສະນາຜ່ານສື່ອອນລາຍ ແລະ ເວັບໄຊຂອງພະແນກ ເພື່ອດຶງດູດນັກທ່ອງທ່ຽວເຂົ້າມາທ່ຽວຊົມແຂວງຂອງຕົນນັບມື້ຫຼາຍຂຶ້ນ.
ທ່ານ ໃຫ້ຮູ້ຕື່ມວ່າ: ປັດຈຸບັນທົ່ວແຂວງມີແຫຼ່ງທ່ອງທ່ຽວທັງໝົດ 42 ແຫ່ງ, ໃນນີ້ ແຫຼ່ງທ່ອງທ່ຽວທໍາມະຊາດ ມີ 21 ແຫ່ງ, ແຫຼ່ງທ່ອງທ່ຽວທາງດ້ານວັດທະນະທໍາ ມີ 7 ແຫ່ງ, ແຫຼ່ງທ່ອງທ່ຽວທາງດ້ານປະຫວັດສາດ ມີ 10 ແຫ່ງ, ແຫຼ່ງທ່ອງທ່ຽວກະສິກຳ ມີ 4 ແຫ່ງ; ນອກນັ້ນ, ຍັງມີໂຮງແຮມ 9 ແຫ່ງ, ເຮືອນພັກ 33 ແຫ່ງ ແລະ ຮ້ານອາຫານ 19 ແຫ່ງ.
ຕາມການລາຍງານຂອງ ທ່ານ ແກ້ວຂັນທູນ ດວງຈັນທາ ຮອງຫົວໜ້າຂະແໜງບໍລິຫານ ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ແຂວງເຊກອງ ໃນກອງປະຊຸມສະຫຼຸບການຈັດຕັ້ງປະຕິບັດວຽກງານ ຖວທ 9 ເດືອນ ແລະ ວາງທິດທາງແຜນການ 3 ເດືອນທ້າຍປີ 2023 ໃຫ້ຮູ້ວ່າ: ໃນ 9 ເດືອນຕົ້ນປີ 2023 ມີນັກທ່ອງທ່ຽວເຂົ້າມາທ່ຽວແຂວງເຊກອງ 22.765 ເທື່ອຄົນ. ໃນນີ້, ນັກທ່ອງທ່ຽວພາກພື້ນ 9.553 ຄົນ, ນັກທ່ອງທ່ຽວສາກົນ 1.038 ຄົນ ແລະ ນັກທ່ອງທ່ຽວພາຍໃນ 12.174 ຄົນ ສາມາດສ້າງລາຍຮັບໄດ້ 2.048.850 ໂດລາ.
ພ້ອມນີ້, ຂະແໜງທ່ອງທ່ຽວ ພະແນກ ຖວທ ແຂວງ ໄດ້ລົງສຳຫຼວດ, ຈັດສັນ ແລະ ກຳນົດຂອບເຂດແຫຼງທ່ອງທ່ຽວຖໍ້າອົງແກ້ວຢູ່ບ້ານຈິງ ເມືອງກະລືມ ຮ່ວມກັບກົມພັດທະນາ; ລົງສຳຫຼວດ-ກຳນົດຂອບເຂດສະຫງວນແຫຼງທ່ອງທ່ຽວຖ້ຳເດັ້ງ-ນາງລາວ ທີ່ບ້ານນໍ້າເດັ້ງ ເມືອງກະລືມ ຮ່ວມກັບບໍລິສັດພອນສັກ ແລະ ບັນດາພະແນກການກ່ຽວຂ້ອງ; ເຂົ້າຮ່ວມພິທີເຊັນສັນຍາເຊົ່າ-ສຳປະທານທີ່ດິນແຫຼງທ່ອງທ່ຽວຕາດຫົວຄົນຂອງ ບໍລິສັດ ພິເອັນເອັດກາເດັນ; ເຂົ້າຮ່ວມຝຶກອົບຮົມການເກັບກຳສະຖິຕິນັກທ່ອງທ່ຽວທີ່ເມືອງວັງວຽງ, ລາຍງານຜົນການຈັດຕັ້ງປະຕິບັດການເກັບພັນທະເຂົ້າກອງທຶນການທ່ອງທ່ຽວໃຫ້ຫ້ອງການກະຊວງ ຖວທ; ສ້າງແຜນຜັນຂະຫຍາຍຜົນກອງປະຊຸມສ້າງຄວາມເຂັ້ມແຂງພັດທະນາການທ່ອງທ່ຽວແຂວງເຊກອງ ເຊື່ອມໂຍງບັນດາແຂວງພາກໃຕ້ ເຂດພູພຽງບໍລະເວນ ຕິດພັນກັບແຜນຕ້ອນຮັບນັກທ່ອງທ່ຽວຕາມແຜນສະເຫຼີມ ສະຫຼອງວັນສ້າງຕັ້ງແຂວງເຊກອງ ຄົບຮອບ 40 ປີ ແລະ ການເປີດປີທ່ອງທ່ຽວລາວ 2024 ທີ່ແຂວງເຊກອງ; ແຈ້ງການໃຫ້ຫ້ອງການ ຖວທ 4 ຕົວເມືອງ ສຸມໃສ່ສຳຫຼວດ-ປັກຫຼັກໝາຍ ແລະ ອອກໃບຢັ້ງຢືນທີ່ດິນແຫຼ່ງທ່ອງທ່ຽວ ທີ່ໄດ້ຂຶ້ນບຸລິມະສິດແລ້ວພາຍໃນເມືອງ; ຂຽນບົດສະເໜີໂຄງການສໍາຫຼວດ-ປັກຫຼັກໝາຍແຫຼງທ່ອງທ່ຽວ 8 ແຫ່ງ ເພື່ອສະເໜີພະແນກແຜນການ ແລະ ການລົງທຶນ ເອົາເຂົ້າແຜນການລົງທຶນແຫ່ງລັດ; ລົງສຳຫຼວດ-ປັກຫຼັກໝາຍເຂດສະຫງວນແຫຼງທ່ອງທ່ຽວປະຫວັດສາດບ້ານດາກປຣາ ເມືອງດາກຈຶງ ຮ່ວມກັບ ບໍລິສັດ ຫຸ້ນສ່ວນອິນໂດໄຊນາໂຮນດິງ; ລົງເກັບກຳຂໍ້ມູນຮູບພາບງານບຸນປະເພນີບ້ານກັນດອນ ໃໝ່ ເມືອງທ່າແຕງ; ຈັດພິມແຜ່ນພັບໂຄສະນາແຫລ່ງທ່ອງທ່ຽວຈຳນວນ 1.000 ແຜ່ນ ແຈກຢາຍໃຫ້ແຂກມາຮ່ວມກອງປະຊຸມເຊື່ອມໂຍງເຂດພູພຽງບໍລະເວນທີ່ເມືອງທ່າແຕງ; ເຂົ້າຮ່ວມວາງສະແດງສິນຄ້າໃນງານຕະຫຼາດນັດທີ່ເມືອງທ່າແຕງ 1 ຄັ້ງ; ເຂົ້າຮ່ວມງານປະກວດເດີນແບບຊຸດຊົນເຜົ່າໃນງານບຸນປະເພນີເສົາຫຼັກເມືອງ 1 ຄັ້ງ; ສໍາເລັດການຈັດພິມປຶ້ມປະຫວັດແຫຼ່ງທ່ອງທ່ຽວເສົາຫຼັກເມືອງ ແລະ ປະຫວັດທ່ານອົງແກ້ວຈໍານວນ 200 ຫົວ. ພ້ອມນັ້ນ, ກໍໄດ້ສໍາເລັດການແຕ່ງຕັ້ງຄະນະຊີ້ນຳຂັ້ນແຂວງ-ອະນຸຮັບກໍາມະການຕ່າງໆ ຜິດຊອບການປະຕິບັດກິດຈະກຳປີທ່ອງທ່ຽວລາວ 2024 ທີ່ແຂວງເຊກອງ; ລົງເກັບກໍາຂໍ້ມູນ-ຮູບພາບແຫລ່ງທ່ອງທ່ຽວຕາດນົກເຄົ້າ, ແກ້ງຫຼວງ ແລະ ອື່ນໆ ລວມທັງໂຮງແຮມ, ເຮືອນພັກ, ຮ້ານອາຫານ ເພື່ອມາໂຄສະນາຜ່ານສື່ອອນລາຍ ແລະ ເວັບໄຊຂອງພະແນກ ເພື່ອດຶງດູດນັກທ່ອງທ່ຽວເຂົ້າມາທ່ຽວຊົມແຂວງຂອງຕົນນັບມື້ຫຼາຍຂຶ້ນ.
ທ່ານ ໃຫ້ຮູ້ຕື່ມວ່າ: ປັດຈຸບັນທົ່ວແຂວງມີແຫຼ່ງທ່ອງທ່ຽວທັງໝົດ 42 ແຫ່ງ, ໃນນີ້ ແຫຼ່ງທ່ອງທ່ຽວທໍາມະຊາດ ມີ 21 ແຫ່ງ, ແຫຼ່ງທ່ອງທ່ຽວທາງດ້ານວັດທະນະທໍາ ມີ 7 ແຫ່ງ, ແຫຼ່ງທ່ອງທ່ຽວທາງດ້ານປະຫວັດສາດ ມີ 10 ແຫ່ງ, ແຫຼ່ງທ່ອງທ່ຽວກະສິກຳ ມີ 4 ແຫ່ງ; ນອກນັ້ນ, ຍັງມີໂຮງແຮມ 9 ແຫ່ງ, ເຮືອນພັກ 33 ແຫ່ງ ແລະ ຮ້ານອາຫານ 19 ແຫ່ງ.
ຄໍາເຫັນ