 |
ພິທີມອບ-ຮັບເຄື່ອງກິລາຄັ້ງນີ້ ຈັດຂຶ້ນໃນວັນທີ 12 ມີນາ ນີ້ ທີ່ສະໜາມກິລາກາງ ມະຫາວິທະຍາໄລແຫ່ງຊາດ ເມືອງໄຊທານີ ນະຄອນຫຼວງວຽງຈັນ ເປັນກຽດກ່າວມອບໂດຍທ່ານ ໄພລະຄອນ ບຸນວິຊຽນ ປະທານບໍລິສັດ ຜະລິດ-ຈຳໜ່າຍ ເຄື່ອງກິລາພິມລາຍ ໄອ-ສະປອດ ແລະ ຕາງໜ້າກ່າວຮັບໂດຍທ່ານ ຄຳສະຫວັນ ໂຄດໄຊ ຫົວໜ້າຄະນະໂຄສະນາອົບຮົມ ນະຄອນຫຼວງວຽງຈັນ, ມີທ່ານ ສຸກສາຄອນ ສີປະເສີດ ຜູ້ອຳນວຍການສູນໂຄສະນາຂ່າວສານການສຶກສາ ແລະ ກິລາ ແລະ ຄະນະບໍລິຫານງານທີມນັກຂ່າວສາຍກິລາລາວ ຕະຫຼອດສະມາຊິກ ແລະ ສື່ມວນຊົນທຸກພາກສ່ວນເຂົ້າຮ່ວມເປັນສັກຂີພິຍານ.
ສໍາລັບບໍລິສັດ ຜະລິດ-ຈຳໜ່າຍ ເຄື່ອງກິລາພິມລາຍ ໄອ-ສະປອດ ເປັນທີ່ນິຍົມຊົມຊອບຂອງມວນຊົນລາວ ກໍຄື ຊາວນະຄອນຫຼວງວຽງຈັນ ໄດ້ໃຫ້ການສະໜັບສະໜູນເຄື່ອງກິລາພິມລາຍສົ່ງເສີມທີມນັກຂ່າວສາຍກິລາລາວ ເຄື່ອນໄຫວຂະບວນການກິລາມາໄດ້ເກືອບ 10 ປີແລ້ວເພື່ອສ້າງໂອກາດໃຫ້ບັນດານັກຂ່າວສາຍກິລາລາວ ໄດ້ມາພົບປະແລກປ່ຽນປະສົບການ ດ້ານການເຮັດຂ່າວ ແລະ ຖ່າຍຮູບ ໂດຍເອົາກິລາເປັນສື່ກາງ ພ້ອມກັນສ້າງໃຫ້ມີສຸຂະພາບແຂງແຮງ ກາຍເປັນກະບອກສຽງສຳຄັນໃຫ້ສັງຄົມລາວຕະຫຼອດໄປ.
ພາຍຫຼັງສໍາເລັດພິທີມອບ-ຮັບເຄື່ອງດັ່ງກ່າວ ທີມບໍລິສັດ ຜະລິດ-ຈຳໜ່າຍ ເຄື່ອງກິລາພິມລາຍ ໄອ-ສະປອດ ຍັງໄດ້ລົງແຂ່ງຂັນບານເຕະມິດຕະພາບ ກັບທີມນັກຂ່າວສາຍກິລາລາວ ເພື່ອຊົມເຊີຍວັນສໍາຄັນຕ່າງໆຂອງຊາດ, ຂອງພັກ ໃຫ້ມີບັນຍາກາດຟົດຟື້ນມ່ວນຊື່ນ ຜ່ານການແຂ່ງຂັນຜົນປາກົດວ່າທັງສອງທີມສະເໝີກັນໄປແບບມ່ວນຊື່ນ 7-7 ປະຕູ.
ຂ່າວ: ວຽງຈັນໃໝ່
ຄໍາເຫັນ