ຮອງປະທານປະເທດແຫ່ງ ສປປ ລາວ, ທ່ານ ບຸນຈັນ ສີວົງພັນ ກຳມະການສູນກາງພັກ ເລຂາພັກແຂວງ ເຈົ້າແຂວງໆຊຽງຂວາງ, ມີການນຳມາຈາກສູນກາງ, ການນຳຂັ້ນແຂວງ, ເມືອງ, ພໍ່ແມ່ປະຊາຊົນ ແລະ ນ້ອງນັກຮຽນເຂົ້າຮ່ວມມ.
ໂຄງການກໍ່ສ້າງອາຄານຮຽນດັ່ງກ່າວ, ຮັບເໝົາກໍສ້າງໂດຍ ບໍລິສັດ ເອັສເອັສ ສຳຫຼວດອອກແບບກໍ່ສ້າງ-ຂົວທາງ ແລະ ຊົນລະປະທານຈຳກັດ. ໃນພິທີຜູ້ຕາງໜ້າບໍລິສັດ ເອັສເອັສ ໄດ້ລາຍງານວ່າ: ໂຄງການກໍ່ສ້າງອາຄານດັ່ງກ່າວ ປະກອບມີ 5 ຫ້ອງຮຽນ, 1 ຫ້ອງການຄູ ແລະ 2 ຫ້ອງນ້ຳ ພ້ອມເຄື່ອງເຟີນີເຈີຄົບຊຸດ, ອາຄານຮຽນມີຂະໜາດກ້ວາງ 8 ແມັດ, ຍາວ 35 ແມັດ, ຫ້ອງການຄູກ້ວາງ 7 ແມັດ, ຍາວ 8 ແມັດ ແລະ ຫ້ອງນ້ຳ, ລວມມູນຄ່າການກໍ່ສ້າງທັງໝົດ 1,858,947,000 ກີບ, ເປັນອາຄານຮຽນຖາວອນໃຊ້ເວລາໃນການກໍ່ສ້າງ 5 ເດືອນ ສຳເລັດ 100%.
ກ່າວມອບໂດຍທ່ານ ປ້າໄຫຼ ຈິດມະນີ ຄອບຄົວ ທ່ານ ບຸນທອງ ຈິດມະນີ ແລະ ກ່າວຮັບໂດຍ ທ່ານ ສີວິໄລ ແສງຈະເລີນ ຮອງເຈົ້າແຂວງ ຊຽງຂວາງ ແລ້ວມອບຕໍ່ໃຫ້ອຳນາດການປົກຄອງເມືອງ, ບ້ານ ແລະ ຄູອາຈານ-ນ້ອງນັກຮຽນເປັນຜູ້ຊົມໃຊ້ໃຫ້ເກີດປະໂຫຍດສູງສຸດ. ໂອກາດດັ່ງກ່າວ, ຄອບຄົວການນຳຂັ້ນສູງ ແລະ ນັກທຸລະກິດໄດ້ມອບການຊ່ວຍເຫຼືອໃຫ້ແກ່ແຂວງຊຽງຂວາງຈຳນວນ 4,588,920,000 ກີບ ແລະ ເຄື່ອງອຸປະໂພກ-ບໍລິໂພກມູນຄ່າ 308,920,000 ກີບ, ມອບລົດຈັກຮອນດ່າເວບ 100 ຈຳນວນ 1 ຄັນ ແລະ ເງິນສົດຈຳນວນໜຶ່ງໃຫ້ກອງເສຍອົງຄະ 194 ບ້ານຄັງໄຂ ເມືອງແປກ ແລະ ກອງເສຍອົງຄະ 294 ບ້ານລ້ອງໄກ່ ເມືອງຄຳ.
ໂອກາດນີ້, ທ່ານຮອງປະທານປະເທດແຫ່ງ ໄດ້ໄປຢ້ຽມຢາມຟາມງົວນົມລາວຈັງໂກ, ການປູກມັນດ້າງສາຍພັນຍີປຸ່ນຂອງປະຊາຊົນບ້ານສີຊູ ແລະ ການທອມງົວຂອງປະຊາຊົນບ້ານຄອງ ເມືອງແປກ ແຂວງຊຽງຂວາງ
(ຂ່າວ: ບຸນມີແສງທຸມມີ)
ຄໍາເຫັນ