ບໍລິສັດ ຝຸ່ນໂປຕາສ ມອບອຸປະກອນການສຶກສາໃຫ້ໂຮງຮຽນປະຖົມສົມບູນບ້ານກະວະ

ເຄື່ອງທີ່ນໍາມາມອບໃນຄັ້ງນີ້, ປະກອບດ້ວຍອຸປະກອນການຮຽນ, ການສອນ, ຄອ໋ມພິວເຕີ, ເຄື່ອງຫຼິ້ນກິລາ ແລະ ອື່ນໆ ລວມມູນຄ່າ 100 ລ້ານກວ່າກີບ. ການຊ່ວຍເຫຼືອດັ່ງກ່າວ, ສະແດງໃຫ້ເຫັນເຖິງຄວາມມຸ້ງໝັ້ນທີ່ຈະຕັ້ງຫຼັກປັກຖານຢູ່ທ້ອງຖິ່ນຂອງບໍລິສັດ ແລະ ຕອບແທນຄືນໃຫ້ແກ່ສັງຄົມ. ທັງສະແດງໃຫ້ເຫັນຄວາມຮັບຜິດຊອບຂອງວິສາຫະກິດຂະໜາດໃຫຍ່, ຮ່ວມຈິດຮ່ວມໃຈເປັນອັນໜຶ່ງອັນດຽວກັນກັບ ປະຊາຊົນລາວ ເພື່ອສ້າງອະນາຄົດທີ່ສົດໄສ.

ໃນນາມຕາງໜ້າການນໍາແຂວງ, ທ່ານ ໄຊຊະນະ ໂຄດພູທອນ ຍັງໄດ້ມອບໃບກຽດຕິຄຸນ ແລະ ກ່າວຄວາມຂອບໃຈ ຢ່າງຈິງໃຈມາຍັງບໍລິສັດທີ່ໃຫ້ການຊ່ອຍເຫຼືອໃນຄັ້ງນີ້ ແລະ ຫວັງວ່າໃນຕໍ່ໜ້າຈະໃຫ້ການສະໜັບສະໜູນຕື່ມອີກ. ໂອກາດນີ້, ຍັງໄດ້ຮ່ວມປູກຕົ້ນໄມ້ ເພື່ອເປັນສັນຍາລັກຮ່ວມກັນ.

(ຂ່າວ: ມະນີວັນ)