ບໍລິສັດ ທາງລົດໄຟລາວ-ຈີນ ອວຍພອນພະນັກງານໜັງສືພິມປະຊາຊົນ

ວັນທີ 31 ມີນາ ຜ່ານມານີ້ ທີ່ສໍານັກງານສູນກາງພັກ, ສະຫາຍ ພົນເອກ ວິໄລ ຫຼ້າຄຳຟອງກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກປະຊາຊົນ ປະຕິວັດລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ສະຫາຍ ຫງວຽນ ແມ້ງ ເກືອງ ກໍາມະການສູນກາງພັກ ຮອງເລຂາຜູ້ປະຈໍາການຄະນະພັກ ຮອງລັດຖະມົນຕີກະຊວງການຕ່າງປະເທດຫວຽດນາມ ພ້ອມດ້ວຍ ຄະນະ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ.

ພິທີວາງສີລາລຶກໂຄງການກໍ່ສ້າງໂຮງໝໍມິດຕະພາບ ດານັງ-ເຊກອງ ຢູ່ເມືອງທ່າແຕງ ແຂວງເຊກອງ ໄດ້ຈັດຂຶ້ນໃນວັນທີ 1 ເມສານີ້, ໂດຍມີທ່ານ ບຸນຫລາຍ ບຸດທິ ເລຂາພັກແຂວງເຊກອງ, ທ່ານ ເລ ຫງ໋ອກ ກວາງ ເລຂາພັກນະຄອນດານັງ ສສ ຫວຽດນາມ, ພ້ອມດ້ວຍຄະນະພັກ-ຄະນະນໍາທັງສອງຝ່າຍ, ມີຕາງໜ້າຈາກກະຊວງສາທາລະນະສຸກ ແລະ ຂະແໜງການກ່ຽວຂ້ອງຂັ້ນແຂວງ ແລະ ເມືອງ ເຂົ້າຮ່ວມ.

ໃນວັນທີ 1 ເມສາ ຜ່ານມາ ທີ່ກະຊວງປ້ອງກັນຄວາມສະຫງົບ (ປກສ), ອົງການໄອຍະການປະຊາຊົນສູງສຸດ ນຳໂດຍ ທ່ານ ພົຈວ ນາງ ລີວົງ ລາວລີ ກຳມະການສູນກາງພັກ ຫົວໜ້າອົງການໄອຍະການປະຊາຊົນສູງສຸດ; ສະຖານທູດຣັດເຊຍ ນຳໂດຍ ທ່ານ ເຊຣເກ ຊົດສະກີ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສ ຣັດເຊຍ ປະຈຳລາວ ແລະ ສະຖານທູດຫວຽດນາມ ນຳໂດຍ ທ່ານ ຫງວຽນ ມິງ ເຕິມ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳລາວ ໄດ້ນຳເອົາກະຕ່າດອກໄມ້ເຂົ້າອວຍພອນຄະນະນຳກະຊວງ ປກສ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກຳລັງ ປກສ ຄົບຮອບ 65 ປີ (5 ເມສາ 1961-5 ເມສາ 2026) ທີ່ໃກ້ຈະມາເຖິງນີ້ ໂດຍເປັນກຽດຕ້ອນຮັບຂອງທ່ານ ພົທ ວັນທອງ ກອງມະນີ ຄະ ນະເລຂາທິການສູນກາງພັກ ລັດຖະມົນຕີກະຊວງ ປກສ ພ້ອມຄະນະ.

ຄະນະນຳ ແຂວງກວາງຫງາຍ ສສ ຫວຽດນາມ ນໍາໂດຍ ສະຫາຍ ຫງວຽນ ຮວ່າງ ຢາງ ກຳມະການສູນກາງພັກ ຮອງເລຂາພັກແຂວງ ປະທານຄະນະກຳມະການປະຊາຊົນແຂວງກວາງຫງາຍ ພ້ອມຄະນະ ເຄື່ອນໄຫວຢ້ຽມຢາມ ແລະ ອ່ວຍພອນ ຄະນະພັກ-ຄະນະນໍາແຂວງເຊກອງ ໃນວັນທີ 1 ເມສາ 2026 ຢູ່ທີ່ຫ້ອງວ່າການແຂວງເຊກອງ ເນື່ອງໃນໂອກາດບຸນປີໃໝ່ລາວ ພສ 2569 ທີ່ຈະມາເຖິງນີ້ ໂດຍການຕ້ອນຮັບຂອງ ສະຫາຍ ຂັນຕີ ສີລະວົງສາ ຮອງເລຂາພັກແຂວງ ປະທານຄະນະກຳມະການປົກຄອງແຂວງເຊກອງ ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.

ວັນທີ 1 ເມສາຜ່ານມາ ທີ່ຫ້ອງປະຊຸມຫ້ອງວ່າການແຂວງສະຫວັນນະເຂດ ໄດ້ຈັດກອງປະຊຸມພົບປະລະຫວ່າງຄະນະຜູ້ແທນຂັ້ນສູງຂອງແຂວງສະຫວັນນະເຂດ ສປປ ລາວ ແລະ ຄະນະຜູ້ແທນຂັ້ນສູງຂອງ ສສ ຫວຽດນາມ, ຝ່າຍແຂວງສະຫວັນນະເຂດນໍາໂດຍສະຫາຍ ບຸນໂຈມ ອຸບົນປະເສີດ ກຳມະການສູນກາງພັກ ເລຂາແຂວງສະຫວັນນະເຂດ ແລະ ຝ່າຍແຂວງກວາງຈິ ນຳໂດຍສະຫາຍ ຫງວຽນ ວັນ ເຟືອງ ກໍາມະການສູນກາງພັກ ເລຂາພັກແຂວງກວາງຈິ, ມີສະຫາຍ ດັ້ງ ຖິ ຫ້າຍ ເຕິມ ກົງສຸນໃຫຍ່ແຫ່ງ ສສ ຫວຽດນາມປະຈຳແຂວງສະຫວັນນະເຂດ ເຂົ້າຮ່ວມ.

ເພື່ອເສີມຂະຫຍາຍສາຍພົວພັນຮ່ວມມື ພາຍໃຕ້ຂອບການຮ່ວມມືສອງຝ່າຍ ລະຫວ່າງ ອົງການກວດສອບແຫ່ງລັດ ສປປ ລາວ ກັບອົງການກວດສອບແຫ່ງລັດ ກຳປູເຈຍ ໃນລະຫວ່າງວັນທີ 31 ມີນາ ຫາ 2 ເມສາ 2026, ຄະນະຜູ້ແທນຂອງອົງການກວດສອບແຫ່ງລັດ ສປປ ລາວ ນໍາໂດຍ ທ່ານ ວຽງທະວີສອນ ເທບພະຈັນ ກໍາມະການສູນກາງພັກ ປະທານອົງການກວດສອບແຫ່ງລັດ ພ້ອມຄະນະ ໄດ້ເດີນທາງໄປເຄື່ອນໄຫວຢ້ຽມຢາມ ແລະ ເຮັດວຽກ ທີ່ອົງການກວດສອບແຫ່ງລັດ ກຳປູເຈຍ ທີ່ພະນົມເປັນ, ໂດຍໄດ້ຮັບການຕ້ອນຮັບຈາກ ທ່ານ ດຣ. ນາງ ຊົມ ຄິມ ຊົວ ປະທານອົງການກວດສອບແຫ່ງລັດ ກຳປູເຈຍ ພ້ອມດ້ວຍຄະນະ.

ໃນໂອກາດບຸນປີໃໝ່ລາວ ທີ່ໃກ້ຈະມາເຖິງໃນມໍ່ໆນີ້, ການນໍານະຄອນດານັງ ສສ ຫວຽດນາມ ນໍາໂດຍສະຫາຍ ເລ ຫງ໋ອກ ກວາງ ກຳມະການສູນກາງພັກກອມມູນິດຫວຽດນາມ ເລຂາພັກນະຄອນດາໜັງ ພ້ອມດ້ວຍຄະນະ. ຊຶ່ງໃຫ້ການຕ້ອນຮັບຂອງສະຫາຍ ບຸນຫຼາຍ ບຸດທິ ກຳມະການສູນກາງພັກ ເລຂາພັກແຂວງເຊກອງ ພ້ອມດ້ວຍຄະນະ, ມີສະຫາຍ ນາງ ຕ້າ ເຟືອງ ຢຸງ ກົງສຸນໃຫຍ່ ສສ ຫວຽດນາມ ປະຈໍານະຄອນປາກເຊ ເຂົ້າຮ່ວມ ຢູ່ທີ່ຫ້ອງຮັບແຂກຫ້ອງວ່າການແຂວງ ໃນວັນທີ 31 ມີນາຜ່ານມາ.

ໃນລະຫວ່າງວັນທີ 31 ມີນາ ຫາ 1 ເມສາ ນີ້, ທ່ານ ອານຸພາບ ວົງໜໍ່ແກ້ວ ຮອງລັດຖະມົນຕີກະຊວງການຕ່າງປະເທດ ພ້ອມດ້ວຍຄະນະໄດ້ເຂົ້າຮ່ວມກອງປະຊຸມລະດັບລັດຖະມົນຕີ ສໍາລັບພາກພື້ນອາຊີ-ປາຊີຟິກ ເພື່ອທົບທວນກາງສະໄໝຂອງການຈັດຕັ້ງປະຕິບັດແຜນດໍາເນີນງານໂດຮາສໍາລັບປະເທດດ້ອຍພັດທະນາ (Doha Programme of Action for LDCs 2022-2031 ຫຼື DPoA) ຈັດຂຶ້ນທີ່ນະຄອນຫຼວງພະນົມເປັນ ປະເທດກຳປູເຈຍ. ກອງປະຊຸມດັ່ງກ່າວມີຄະນະຜູ້ແທນລະດັບສູງຈາກປະເທດປະເທດດ້ອຍພັດທະນາຢູ່ພາກພື້ນອາຊີ-ປາຊີຟິກ ແລະ ຕົວແທນລະດັບສູງ ຈາກອົງການເຄືອຂ່າຍ ສະຫະປະຊາຊາດ (ສປຊ).

ໃນວັນທີ 31 ມີນາຜ່ານມານີ້, ທີ່ໂຮງແຮມແລນມາກ ນະຄອນຫຼວງວຽງຈັນ ໄດ້ມີພິທີເຊັນສັນຍາສໍາປະທານການອອກແບບ-ກໍ່ສ້າງ-ລະດົມທຶນ-ດຳເນີນກິດຈະການ ແລະ ບູລະນະຮັກສາ ໂຄງການທາງລົດໄຟ ແຕ່ຕົວເມືອງທ່າແຂກ ແຂວງຄຳມ່ວນ ຫາ ມູຢາ ຊາຍແດນ ລາວ-ຫວຽດນາມ, ໂດຍການໃຫ້ກຽດເຂົ້າຮ່ວມຂອງທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ ຜູ້ປະຈຳການ; ມີບັນດາທ່ານລັດຖະມົນຕີ-ຮອງລັດຖະມົນຕີ, ອະດີດການນຳຂັ້ນສູງຂອງພັກ-ລັດ, ການນຳແຂວງຄຳມ່ວນ ແລະ ພາກທຸລະກິດທີ່ກ່ຽວຂ້ອງ ເຂົ້າຮ່ວມ.

ກະຊວງການຕ່າງປະເທດໃນນາມປະທານ ແລະ ກອງເລຂາຄະນະກໍາມະການຄຸ້ມຄອງແຫ່ງຊາດເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ​(ຄຊກລ) ຮ່ວມກັບ ສູນກາງຊາວໜຸ່ມປະຊາຊົນ ປະຕິວັດລາວ(LYU), ພາຍໃຕ້ການສະໜັບສະໜູນຈາກລັດຖະບານອຽກລັງ ແລະ ອົງການ ສປຊ ເພື່ອການພັດທະນາ(UNDP) ໄດ້ຈັດກິດຈະກໍາສະເຫຼີມສະຫຼອງວັນສາກົນເພື່ອສົ່ງເສີມການແກ້ໄຂບັນຫາລະເບີດບໍ່ທັນແຕກ ໃນວັນທີ 1 ເມສານີ້ ທີ່ນະຄອນຫຼວງວຽງຈັນ.