ງານບຸນນະມັດສະການພະບາດໂພນສັນປະຈຳປີ 2024 ທີ່ຈະມາເຖິງນີ້, ເປັນອີກໜຶ່ງໃນກິດຈະກຳລະດັບຊາດຂອງປີທ່ອງທ່ຽວລາວ ຊຶ່ງຈະຈັດຂຶ້ນໃນເດືອນມັງກອນ ພ້ອມທັງປະກາດວັດພະບາດໂພນສັນເປັນມໍລະດົກແຫ່ງຊາດຢ່າງເປັນທາງການ.
ທ່ານ ສົນທອງ ວິບຸນກວ້າງ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງບໍລິຄຳໄຊໄດ້ໃຫ້ຮູ້ວ່າ: ງານບຸນນະມັດສະການວັດພະບາດໂພນສັນຈະຈັດຂຶ້ນໃນລະຫວ່າງວັນທີ 22-25 ມັງກອນ 2024 ຊຶ່ງມີກິດຈະກຳຫຼັກໆປະກອບດ້ວຍ: 1. ງານຕະຫຼາດນັດວາງສະແດງ ແລະ ຈຳໜ່າຍສິນຄ້າປະເພດຕ່າງໆ; 2. ຈະໄດ້ປະກາດວັດພະບາດໂພນສັນເປັນມໍລະດົກແຫ່ງຊາດ; 3. ຈັດກິດຈະກຳຕິດພັນກັບປີທ່ອງທ່ຽວລາວ, ທ່ອງທ່ຽວບໍລິຄຳໄຊລະດັບຊາດຢູ່ໃນທ້ອງຖິ່ນ, ໃນນັ້ນຈະມີການປະກວດເພງ, ສະແດງສິລະປະພື້ນເມືອງ ແລະ ງານເດີນແບບຊຸດບັນດາເຜົ່າພາຍໃນແຂວງ.
ປັດຈຸບັນແຂວງບໍລິຄຳໄຊ ມີແຫຼ່ງທ່ອງທ່ຽວທີ່ໄດ້ຂຶ້ນບັນຊີແລ້ວ 102 ແຫ່ງ, ໃນປີ 2024 ທີ່ຈະມາເຖິງຈະມີຫຼາຍກິດຈະກຳເພື່ອສ້າງຄວາມປະທັບໃຈໃຫ້ກັບນັກທ່ອງທ່ຽວ ເນື່ອງໃນໂອກາດປີທ່ອງທ່ຽວລາວ. ໃນນັ້ນມີ 1 ກິດຈະກຳລະດັບຊາດ ພ້ອມດ້ວຍກິດຈະກຳອື່ນໆ ທີ່ຕິດພັນກັບວັດທະນະທຳທ້ອງຖິ່ນ ທີ່ເຄີຍປະຕິບັດສືບຕໍ່ກັນມາເຊັ່ນ: ບຸນປີໃໝ່ລາວ ເມືອງບໍລິຄັນຈະຈັດຂຶ້ນໃນເດືອນເມສາ 2024, ກິດຈະກຳໃຫຍ່ທີ່ເມືອງບໍລິຄັນ; ງານບຸນບັ້ງໄຟໃຫຍ່ບ້ານຫ້ວຍອຸດົມຈະຈັດຂຶ້ນໃນເດືອນມິຖຸນາ 2024 ຢູ່ເມືອງປາກຊັນ; ບຸນອອກພັນສາປະວໍລະນາ ( ປະກົດການບັ້ງໄຟພະຍານາກ ), ວັດໂພນສັນຈະຈັດຂຶ້ນໃນເດືອນຕຸລາ ທີ່ເມືອງທ່າພະຍາດ; ບຸນວັດທາດພູວຽງຈະຈັດຂຶ້ນໃນເດືອນທັນວາທີ່ເມືອງວຽງທອງ ແລະ ອື່ນໆ. ສາມາດເວົ້າໄດ້ວ່າໃນປີ 2024 ທີ່ຈະມາເຖິງນີ້, ແຂວງບໍລິຄຳໄຊເປັນອີກແຂວງໜຶ່ງທີ່ມີຫຼາກຫຼາຍກິດຈະກຳໃຫ້ຊື່ນຊົມ, ສາມາດໄປສຳຜັດທິວທັດສະນີຍະພາບຢູ່ຕາມເມືອງຕ່າງໆ ຄຽງຄູ່ກັບການໄດ້ໃກ້ຊິດສໍາຜັດວິຖີຊີວິດປະຊາຊົນບັນດາເຜົ່າໃນພື້ນທີ່ດ້ວຍການຮ່ວມກິດຈະກຳທາງປະເພນີຢ່າງເບິກບານມ່ວນຊື່ນ.
ຂ່າວ: ວັນໄຊ ຕະວິນຍານ
ທ່ານ ສົນທອງ ວິບຸນກວ້າງ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງບໍລິຄຳໄຊໄດ້ໃຫ້ຮູ້ວ່າ: ງານບຸນນະມັດສະການວັດພະບາດໂພນສັນຈະຈັດຂຶ້ນໃນລະຫວ່າງວັນທີ 22-25 ມັງກອນ 2024 ຊຶ່ງມີກິດຈະກຳຫຼັກໆປະກອບດ້ວຍ: 1. ງານຕະຫຼາດນັດວາງສະແດງ ແລະ ຈຳໜ່າຍສິນຄ້າປະເພດຕ່າງໆ; 2. ຈະໄດ້ປະກາດວັດພະບາດໂພນສັນເປັນມໍລະດົກແຫ່ງຊາດ; 3. ຈັດກິດຈະກຳຕິດພັນກັບປີທ່ອງທ່ຽວລາວ, ທ່ອງທ່ຽວບໍລິຄຳໄຊລະດັບຊາດຢູ່ໃນທ້ອງຖິ່ນ, ໃນນັ້ນຈະມີການປະກວດເພງ, ສະແດງສິລະປະພື້ນເມືອງ ແລະ ງານເດີນແບບຊຸດບັນດາເຜົ່າພາຍໃນແຂວງ.
ປັດຈຸບັນແຂວງບໍລິຄຳໄຊ ມີແຫຼ່ງທ່ອງທ່ຽວທີ່ໄດ້ຂຶ້ນບັນຊີແລ້ວ 102 ແຫ່ງ, ໃນປີ 2024 ທີ່ຈະມາເຖິງຈະມີຫຼາຍກິດຈະກຳເພື່ອສ້າງຄວາມປະທັບໃຈໃຫ້ກັບນັກທ່ອງທ່ຽວ ເນື່ອງໃນໂອກາດປີທ່ອງທ່ຽວລາວ. ໃນນັ້ນມີ 1 ກິດຈະກຳລະດັບຊາດ ພ້ອມດ້ວຍກິດຈະກຳອື່ນໆ ທີ່ຕິດພັນກັບວັດທະນະທຳທ້ອງຖິ່ນ ທີ່ເຄີຍປະຕິບັດສືບຕໍ່ກັນມາເຊັ່ນ: ບຸນປີໃໝ່ລາວ ເມືອງບໍລິຄັນຈະຈັດຂຶ້ນໃນເດືອນເມສາ 2024, ກິດຈະກຳໃຫຍ່ທີ່ເມືອງບໍລິຄັນ; ງານບຸນບັ້ງໄຟໃຫຍ່ບ້ານຫ້ວຍອຸດົມຈະຈັດຂຶ້ນໃນເດືອນມິຖຸນາ 2024 ຢູ່ເມືອງປາກຊັນ; ບຸນອອກພັນສາປະວໍລະນາ ( ປະກົດການບັ້ງໄຟພະຍານາກ ), ວັດໂພນສັນຈະຈັດຂຶ້ນໃນເດືອນຕຸລາ ທີ່ເມືອງທ່າພະຍາດ; ບຸນວັດທາດພູວຽງຈະຈັດຂຶ້ນໃນເດືອນທັນວາທີ່ເມືອງວຽງທອງ ແລະ ອື່ນໆ. ສາມາດເວົ້າໄດ້ວ່າໃນປີ 2024 ທີ່ຈະມາເຖິງນີ້, ແຂວງບໍລິຄຳໄຊເປັນອີກແຂວງໜຶ່ງທີ່ມີຫຼາກຫຼາຍກິດຈະກຳໃຫ້ຊື່ນຊົມ, ສາມາດໄປສຳຜັດທິວທັດສະນີຍະພາບຢູ່ຕາມເມືອງຕ່າງໆ ຄຽງຄູ່ກັບການໄດ້ໃກ້ຊິດສໍາຜັດວິຖີຊີວິດປະຊາຊົນບັນດາເຜົ່າໃນພື້ນທີ່ດ້ວຍການຮ່ວມກິດຈະກຳທາງປະເພນີຢ່າງເບິກບານມ່ວນຊື່ນ.
ຂ່າວ: ວັນໄຊ ຕະວິນຍານ
ຄໍາເຫັນ