ຈຳນວນພື້ນຖານ​ໂຄງ​ລ່າງ​ການສາກ​ໄຟ​ລົດ​ໄຟຟ້າຂອງ​ຈີນມີຫຼາຍ​ກວ່າ 21 ລ້ານອັນ

ຂ່າວຕ່າງປະເທດລາຍງານ ໃນວັນທີ 23 ມີນາ ຜ່ານມາວ່າ: ການສົ່ງອອກອາຍແກ໊ສທຳມະຊາດແຫຼວ (LNG) ທົ່ວໂລກໄດ້ຫຼຸດລົງສູ່ລະດັບຕໍ່າສຸດໃນຮອບ 6 ເດືອນ ທ່າມກາງຄວາມເຄັ່ງຕຶງໃນຕາເວັນອອກກາງ.

ຂ່າວຕ່າງປະເທດລາຍງານ ໃນວັນທີ 23 ມີນາ ຜ່ານມາວ່າ: ສື່ມວນຊົນມຽນມາລາຍງານວ່າ, ມຽນມາ ໄດ້ເລີ່ມຈັດຕັ້ງປະຕິບັດມາດຕະການເຮັດວຽກຢູ່ເຮືອນ (Work from Home)ທຸກໆວັນພຸດ ສຳລັບອົງການຂອງລັດຖະບານ ເລີ່ມແຕ່ວັນທີ 25 ມີນາ ເປັນຕົ້ນໄປ ຈົນກວ່າຈະມີແຈ້ງການເພີ່ມເຕີມ ເພື່ອຊ່ວຍຫຼຸດຜ່ອນການໃຊ້ນໍ້າມັນເຊື້ອໄຟ.

ຂ່າວຕ່າງປະເທດລາຍງານ ໃນວັນທີ 23 ມີນາ ຜ່ານມາວ່າ: ຫ້ອງການຕຳຫຼວດແຫ່ງຊາດຟີລິບປິນ ລາຍງານວ່າ, ມີສະຖານີນ້ຳມັນຫຼາຍກວ່າ 400 ແຫ່ງທົ່ວປະເທດໄດ້ຢຸດການດຳເນີນງານ ຍ້ອນລາຄານ້ຳມັນເພີ່ມຂຶ້ນສູງ.

ວິທະຍຸກະຈາຍສຽງຫວຽດນາມລາຍງານວ່າ: ໃນການເດີນທາງຢ້ຽມຢາມ ສະຫະພັນ ຣັດເຊຍ ຢ່າງເປັນທາງການໃນວັນທີ 23 ມີນາ ຜ່ານມາ (ຕາມເວລາທ້ອງຖິ່ນ) ຢູ່ນະຄອນຫຼວງມົສກູ, ທ່ານ ຟ້າມມິງຈິງ ນາຍົກລັດຖະມົນຕີຫວຽດນາມ ໄດ້ໄປຢ້ຽມຢາມ, ເຮັດວຽກກັບກຸ່ມບໍລິສັດ Novatek, ກຸ່ມບໍລິສັດແຖວໜ້າຂອງ ຣັດເຊຍ ແລະ ໂລກໃນຂົງເຂດອາຍແກ໊ສທຳມະຊາດ ເພື່ອຊຸກຍູ້ບັນດາໂຄງການອາຍແກ໊ສແຫຼວ (LNG) ໃຫຍ່ທີ່ສຸດຢູ່ ຫວຽດນາມ.

ວິທະຍຸກະຈາຍສຽງຫວຽດນາມລາຍງານໃນວັນທີ 22 ມີນາ ຜ່ານມາວ່າ: ທ່ານ ອອງ ລິນ ດະເວ ປະທານສະພາສູງຄົນໃໝ່ຂອງ ມຽນມາ ແຈ້ງໃຫ້ຮູ້ວ່າ: ສະພາແຫ່ງຊາດ ມຽນມາ ຈະດໍາເນີນການເລືອກຕັ້ງປະທານາບໍດີຄົນໃໝ່ໃນວັນທີ 30 ມີນາ ຈະມາເຖິງນີ້, ດ້ວຍຂັ້ນຕອນການເລືອກຕັ້ງທີ່ປະຕິບັດຢ່າງເຂັ້ມງວດຜ່ານ 2 ໄລຍະ ຄື: ໄລຍະທີ 1, ລວມມີ ສະພາຕ່ຳ, ສະພາສູງ ແລະ ກຸ່ມຕາງໜ້າໃຫ້ກອງທັບ ແຕ່ລະຝ່າຍຈະສະເໜີຜູ້ສະໝັກຮັບເລືອກຕັ້ງສະຫາຍໜຶ່ງໃຫ້ດຳລົງຕຳແໜ່ງຮອງປະທານາທິບໍດີ. ຫຼັງຈາກນັ້ນ, ສະພາແຫ່ງຊາດຈະດຳເນີນການປ່ອນບັດເພື່ອເລືອກເອົາ 1 ໃນຈຳນວນ 3 ສະຫາຍນີ້ຮັບດຳລົງຕຳແໜ່ງປະທານາທິບໍດີ; 2 ສະຫາຍທີ່ຍັງເຫຼືອຈະດຳລົງຕຳແໜ່ງຮອງປະທານາທິບໍດີ.

ຂ່າວສານຊີອາໄອລາຍງານວ່າ: ໃນວັນທີ 22 ມີ​ນາ ຜ່ານມາ, ກອງປະຊຸມປະຈຳປີ 2026 ຂອງເວ​ທີປຶກສາຫາລືລະດັບສູງວ່າດ້ວຍການພັດທະນາຂອງຈີນ ໄດ້ເປີດຂຶ້ນ​ຢູ່ນະຄອນຫຼວງປັກກິ່ງຂອງຈີນ. ກອງປະຊຸມໃນປີນີ້ ມີຫົວຂໍ້ວ່າ: “ປະເທດຈີນໃນແຜນພັດທະນາເສດ​ຖະ​ກິດ 5 ປີ​ຄັ້ງທີ 15: ການພັດທະນາ​ທີ່ມີຄຸນນະພາບສູງ ແລະ ການຮ່ວມກັນສ້າງໂອກາດໃໝ່”, ແຂກທີ່ເຂົ້າຮ່ວມກອງປະຊຸມຈະຈັດກອງປະຊຸມສຳມະນາກ່ຽວກັບຫົວ​ຂໍ້​ຕ່າງໆ​ເຊັ່ນ: ການຫັນໄປສູ່ການພັດທະນາແບບສີຂຽວ ແລະ ກາກບອນຕໍ່າ, ການພັດທະນາອຸດສາຫະກຳໃນອະນາຄົດ, ການນຳໃຊ້ປັນຍາປະດິດເຂົ້າໃນອຸດສາຫະກຳ ແລະ ອື່ນໆ.

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ບົດລາຍງານຄວາມສຸກຂອງໂລກ (World Happiness Report) ຊຶ່ງເຜີຍແຜ່ເມື່ອບໍ່ດົນມານີ້ວ່າ, ແຟັງລັງ ໄດ້ຄອງຕຳແໜ່ງປະເທດທີ່ມີຄວາມສຸກທີ່ສຸດໃນໂລກເປັນປີທີ 9 ຕິດຕໍ່ກັນ.

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ອົງການພະລັງງານສາກົນ (IEA) ໄດ້ລາຍງານການປ່ອຍນໍ້າມັນເຊື້ອໄຟຈາກຄັງສຳຮອງສຸກເສີນເຂົ້າສູ່ຕະຫຼາດໃນເບື້ອງຕົ້ນ ພາຍໃຕ້ຂໍ້ຕົກລົງຂອງບັນດາປະເທດສະມາຊິກ. ໂດຍການປ່ອຍນໍ້າມັນເຊື້ອໄຟສຸກເສີນໂດຍລວມຈະເປັນນໍ້າມັນດິບສ່ວນໃຫຍ່, ໃນຂະນະທີ່ການປ່ອຍຈາກເອີຣົບສ່ວນໃຫຍ່ຈະເປັນຜະລິດຕະພັນນໍ້າມັນທີ່ກັ່ນແລ້ວ ແລະ ເສີມດ້ວຍການຜະລິດເພີ່ມເຕີມຈາກບັນດາປະເທດໃນທະວີບອາເມຣິກາ.

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 21 ມີນາຜ່ານມາ, ສະພາເລືອກຕັ້ງແຫ່ງຊາດ ຫວຽດນາມ ໄດ້ຈັດກອງປະຊຸມຖະແຫຼງຂ່າວປະກາດມະຕິຂອງສະພາເລືອກຕັ້ງແຫ່ງຊາດກ່ຽວກັບຜົນການປ່ອນບັດ ແລະ ບັນຊີລາຍຊື່ບັນດາຜູ້ໄດ້ຮັບການເລືອກຕັ້ງເຂົ້າເປັນສະມາຊິກສະພາແຫ່ງຊາດຊຸດທີ 16.

ຂ່າວຕ່າງປະເທດລາຍງານ ໃນວັນທີ 19 ມີນາ ຜ່ານມາວ່າ: ທ່ານ ຄຣິສໂຕເຟີ ລູຊອນ ນາຍົກລັດຖະມົນຕີນູແວນເຊລັງ ໄດ້ເຕືອນວ່າ: ຂໍ້ຂັດແຍ່ງທີ່ຍືດເຍື້ອໃນຕາເວັນອອກກາງອາດຈະສົ່ງຜົນກະທົບຕໍ່ການສະໜອງນໍ້າມັນທົ່ວໂລກ ແລະ ລັດຖະບານນູແວນເຊລັງ ກຳລັງພິຈາລະນາເພີ່ມມາດຕະການຕອບໂຕ້ໃນອາທິດໜ້າ.