ໃນວັນທີ 28 ພະຈິກຜ່ານມາ ຢູ່ຫ້ອງປະຊຸມ ເບີ2 ຫ້ອງວ່າການເມືອງໄຊຈໍາພອນ ແຂວງບໍລິຄໍາໄຊ, ທ່ານ ສອນທະນູ ທໍາມະວົງ ກໍາມະການສູນກາງພັກ ເລຂາພັກເເຂວງ ເຈົ້າແຂວງບໍລິຄໍາໄຊ ພ້ອມດ້ວຍພະເເນກການກ່ຽວຂ້ອງ ໄດ້ລົງເຄື່ອນໄຫວເຮັດວຽກ ແລະ ຊີ້ນໍາວຽກງານຕໍ່ຄະນະບໍລິຫານພັກເມືອງໄຊຈໍາພອນ ໂດຍການຕອນຮັບຂອງ ທ່ານ ໄກສອນ ຈັນສີນາ ກໍາມະການພັກເເຂວງ ເລຂາພັກເມືອງ ເຈົ້າເມືອງໄຊຈໍາພອນ ພ້ອມດ້ວຍຄະນະ.
 |
| ກໍ່ສ້າງພື້ນຖານໂຄ່ງລ່າງເສັ້ນທາງເເຕ່ເມືອງວຽງທອງ ຫາ ເມືອງໄຊຈໍາພອນ |
ທ່ານເຈົ້າເມືອງໄຊຈໍາພອນ ໄດ້ລາຍງານໂດຍຫຍໍ້ໃນການຈັດຕັ້ງປະຕິບັດວຽກງານຮອບດ້ານ, ການພັດທະນາເສດຖະກິດ-ສັງຄົມ ແລະ ກະຫ້າງຫາກະກຽມກອງປະຊຸມໃຫ່ຍຄັ້ງທີ IV ຂອງອົງຄະນະພັກເມືອງ ໃຫ້ທ່ານ ເຈົ້າແຂວງບໍລິຄໍາໄຊ ພ້ອມດ້ວຍຄະນະໄດ້ຮັບຟັງ. ຫຼັງຈາກການນໍາຂັ້ນເມືອງກໍໄດ້ສະເໜີບັນຫາທີ່ຕ້ອງແກ້ໄຂຢ່າງຮີບດ່ວນເປັນຕົ້ນເເມ່ນ: ການປັບປຸງຊີວິດການເປັນຢູ່ຂອງປະຊາຊົນພາຍໃນເມືອງໃຫ້ຫຼຸດພົ້ນອອກຈາກຄວາມທຸກຍາກ; ກໍ່ສ້າງພື້ນຖານໂຄ່ງລ່າງເສັ້ນທາງເເຕ່ເມືອງວຽງທອງ ຫາ ເມືອງໄຊຈໍາພອນ ແລະ ເມືອງໄຊຈໍາພອນ ຫາ ດ່ານນໍ້າອ້ອນ-ເເທ໋ງທຸ້ຍ ສ.ສ ຫວຽດນາມ; ງົບປະມານຈັດສັນທີ່ຢູ່ອາໃສໃຫ້ປະຊາຊົນຈໍານວນ 40 ຄອບຄົວ ທີ່ຍົກຍ້າຍອອກຈາກເດີນ ໂຮງຮຽນ ມສ ນໍ້າອ້ອນ ແລະ ປະຊາຊົນບ້ານໂພນສີຈໍານວນ 21 ຄອບຄົວ ທີ່ຖືກຜົນກະທົບຈາກພາຍຸພັດຜ່ານດິນເຊາະເຈື່ອນໃນໄລ່ຍະຜ່ານມາ.
ໂອກາດນີ້, ທ່ານເຈົ້າເເຂວງບໍລິຄໍາໄຊ ໄດ້ເນັ້ນໜັກຕໍ່ຄະນະບໍລິຫານງານພັກເມືອງໄຊຈໍາພອນ ຈົ່ງເພີ່ມທະວີເອົາໃຈໃສ່ຕໍ່ວຽກງານສຶກສາອົບຮົມການເມືອງແນວຄິດໃຫ້ປະຊາຊົນບັນດາເຜົ່າ, ຕິດພັນກັບວຽກງານແກ້ໄຂຄວາມທຸກຍາກ ສົ່ງເສີມການປູກ, ການລ້ຽງ ຜະລິດຫຼາຍກາຍເປັນສິນຄ້າຕາມທ່າເເຮງເງື່ອນໄຂໃນແແຕ່ລະບ້ານ; ເອົາໃຈໃສ່ຕໍ່ວຽກງານປ້ອງກັນຊາດ-ປ້ອງກັນຄວາມສະຫງົບການແກ້ໄຂປະກົດການຫຍໍ້ທໍ້ໃນສັງຄົມ, ຕິດພັນກັບການຈັດຕັ້ງຜັນຂະຫຍາຍ 2 ວາລະແຫ່ງຊາດ; ສືບຕໍ່ໃນການກະກຽມກອງປະຊຸມໃຫ່ຍຂອງອົງຄະນະພັກເມືອງເປັນຕົ້ນແມ່ນ: ທາງດ້ານເນື້ອໃນ, ແຜນພັດທະນາເສດຖະກິດ-ສັງຄົມຂອງເມືອງ ແລະ ບັນດາບຸກຄາລາກອນທີ່ຈະປະກອບເຂົ້າໃນຄະນະພັກເມືອງໃນຊຸດໃໝ່ໃຫ້ສໍາເລັດຕາມເປົ້າໝາຍທີວາງໄວ.
ຄໍາເຫັນ