ໃນໂອກາດລົງເຄື່ອນໄຫວຕິດຕາມ ກວດກາ ແລະ ຊຸກຍູ້ ປະຕິບັດແຜນພັດທະນາເສດຖະກິດ-ສັງຄົມ ຕິດພັນກັບການປະຕິບັດ 2 ວາລະແຫ່ງຊາດ ຢູ່ເຂດຈຸດສຸມພັດທະນາທີ 6 ບ້ານດອນຊາ ເມືອງທ່າແຕງ ໃນວັນທີ 27 ກັນຍາ ນີ້, ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ໄດ້ຊີ້ນໍາໃຫ້ຄະນະພັກເຂດຈຸດສຸມ, ຄະນະພັກ-ອົງການປົກຄອງບ້ານ ເອົາໃຈໃສ່ປັບປຸງກໍາລັງ ປກຊ-ປກສ ບ້ານ, ກຸ່ມບ້ານໃຫ້ເຂັ້ມແຂງ ເຮັດໜ້າທີ່ປ້ອງກັນເວນຍາມ ແລະ ແກ້ໄຂບັນຫາປະກົດການຫຍໍ້ທໍ້ຕ່າງໆຢ່າງແຂງແຮງ ໂດຍສະເພາະບັນຫາຢາເສບຕິດ, ຂີ້ລັກງັດແງະ, ບັນຫາສາສະໜາ-ການໂຄສະນາໃສ່ປ້າຍສີຕໍ່ການນໍາພາຂອງພັກ-ລັດ ແລະ ອື່ນໆທີ່ຜິດຕໍ່ລະບຽບກົດໝາຍໃຫ້ຫຼຸດໜ້ອຍຖອຍລົງ ເຮັດໃຫ້ບ້ານມີຄວາມສະຫງົບ, ປະຊາຊົນມີຄວາມສາມັກຄີ ແລະ ສັງຄົມເປັນລະບຽບຮຽບຮ້ອຍໂດຍພື້ນຖານ.
ພ້ອມນີ້, ກໍຕ້ອງເອົາໃຈໃສ່ກໍ່ສ້າງ ແລະ ຂະຫຍາຍການຈັດຕັ້ງພັກ, ສຸມໃສ່ກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ສ້າງຄວາມເຂັ້ມແຂງໃຫ້ແກ່ອົງການປົກຄອງບ້ານ, ປັບປຸງແບບແຜນນໍາພາ-ວິທີເຮັດວຽກ, ປະຕິບັດລະບອບປະຈໍາການໃຫ້ເປັນປົກກະຕິ. ເພີ່ມທະວີສຶກສາອົບຮົມປະຊາຊົນໃຫ້ຮັບຮູ້ເຂົ້າໃຈຢ່າງເລິກເຊິ່ງຕໍ່ແນວທາງ, ແຜນນະໂຍບາຍຂອງພັກ, ຂໍ້ກໍານົດ-ກົດໝາຍຂອງລັດ, ນໍາພາປະຊາຊົນພັດທະນາເສດຖະກິດ ໂດຍຖືເອົາທ່າແຮງໄດ້ປຽບ-ທ່າແຮງດ້ານກະສິກໍາ (ປູກຝັງ-ລ້ຽງສັດ) ແລະ ຫັນປ່ຽນຮູບແບບການຜະລິດຈາກແບບເກົ່າ ໄປສູ່ແບບໃໝ່ ນໍາໃຊ້ເຕັກນິກວິທະຍາສາດ ເພື່ອຍົກສະມັດຖະພາບຜົນຜະລິດ, ຫຼຸດຜ່ອນການນໍາໃຊ້ສານເຄມີ, ສຸມໃສ່ຜະລິດກະສິກໍາສະອາດ ປອດສານພິດ ເພື່ອຕອບສະໜອງການບໍລິໂພກພາຍໃນ ແລະ ຂາຍເປັນສິນຄ້າ. ກໍານົດເຂດປ່າສະຫງວນ, ປ່າປ້ອງກັນ, ປູກໄມ້ຟື້ນຟູປ່າ ແລະ ປົກປັກຮັກສາປ່າໃຫ້ຍືນຍົງ. ປະຕິບັດຫຼັກການອະນາໄມ 3 ສະອາດ ແລະ ຊຸກຍູ້ສົ່ງເສີມເດັກໃນເກນອາຍຸໃຫ້ໄດ້ເຂົ້າໂຮງຮຽນ.
ທ່ານ ບົວວັນ ບຸດຕະວົງ ຮັກສາການຫົວໜ້າເຂດຈຸດສຸມພັດທະນາທີ 6 ບ້ານດອນຊາ ໄດ້ລາຍງານໃຫ້ຮູ້ວ່າ: ເຂດ 6 ບ້ານດອນຊາ ປະກອບມີ 4 ບ້ານ 996 ຫຼັງຄາເຮືອນ ມີ 1.343 ຄອບຄົວ ແລະ ມີພົນລະເມືອງ 6.501 ຄົນ ຍິງ 3.327 ຄົນ; ເຊິ່ງຄະນະພັກເຂດຈຸດສຸມ ຍາມໃດກໍ່ເອົາໃຈໃສ່ນໍາພາ-ຊີ້ນໍາອົງການຈັດຕັ້ງຂັ້ນບ້ານ ແລະ ປະຊາຊົນບັນດາເຜົ່າ ປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບ, ສຸມໃສ່ແກ້ໄຂບັນຫາປະກົດການຫຍໍ້ທໍ້ຕ່າງໆທີ່ເກີດຂຶ້ນ, ໂດຍນັບແຕ່ເດືອນມັງກອນ ຫາ ເດືອນກັນຍາ 2023 ສາມາດມ້າງຄະດີມົ້ວສຸມ ແລະ ຄ້າຂາຍຢາເສບຕິດໄດ້ 2 ລາຍ, ກັກຕົວຜູ້ຖືກຫາໄດ້ 4 ຄົນ, ຢຶດຂອງກາງປະເພດຢາບ້າໄດ້ 525 ເມັດ, ໂທລະສັບຕັ້ງໂຕະ 1 ໜ່ວຍ ແລະ ເງິນສົດ 930.000 ກີບ. ພ້ອມນັ້ນ, ຍັງໄດ້ເຄື່ອນໄຫວເກັບກໍາຂໍ້ມູນ ແລະ ສຶກສາອົບຜູ້ກ່ຽວຂ້ອງກັບຢາເສບຕິດ.
ໂອກາດລົງເຄື່ອນໄຫວຊີ້ນໍາວຽກງານຄັ້ງນີ້, ທ່ານເຈົ້າແຂວງເຊກອງ ກໍໄດ້ມອບປຶ້ມ-ບິກຂຽນ ແລະ ອຸປະກອນກິລາໃຫ້ບ້ານ ເພື່ອນໍາໃຊ້ເຂົ້າໃນວຽກງານສຶກສາ ແລະ ກິລາຂອງບ້ານ.
ຂ່າວ: ສັນຍາ ພາບ: ເຈິນ ແດນວົງວິຈິດ
ພ້ອມນີ້, ກໍຕ້ອງເອົາໃຈໃສ່ກໍ່ສ້າງ ແລະ ຂະຫຍາຍການຈັດຕັ້ງພັກ, ສຸມໃສ່ກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ສ້າງຄວາມເຂັ້ມແຂງໃຫ້ແກ່ອົງການປົກຄອງບ້ານ, ປັບປຸງແບບແຜນນໍາພາ-ວິທີເຮັດວຽກ, ປະຕິບັດລະບອບປະຈໍາການໃຫ້ເປັນປົກກະຕິ. ເພີ່ມທະວີສຶກສາອົບຮົມປະຊາຊົນໃຫ້ຮັບຮູ້ເຂົ້າໃຈຢ່າງເລິກເຊິ່ງຕໍ່ແນວທາງ, ແຜນນະໂຍບາຍຂອງພັກ, ຂໍ້ກໍານົດ-ກົດໝາຍຂອງລັດ, ນໍາພາປະຊາຊົນພັດທະນາເສດຖະກິດ ໂດຍຖືເອົາທ່າແຮງໄດ້ປຽບ-ທ່າແຮງດ້ານກະສິກໍາ (ປູກຝັງ-ລ້ຽງສັດ) ແລະ ຫັນປ່ຽນຮູບແບບການຜະລິດຈາກແບບເກົ່າ ໄປສູ່ແບບໃໝ່ ນໍາໃຊ້ເຕັກນິກວິທະຍາສາດ ເພື່ອຍົກສະມັດຖະພາບຜົນຜະລິດ, ຫຼຸດຜ່ອນການນໍາໃຊ້ສານເຄມີ, ສຸມໃສ່ຜະລິດກະສິກໍາສະອາດ ປອດສານພິດ ເພື່ອຕອບສະໜອງການບໍລິໂພກພາຍໃນ ແລະ ຂາຍເປັນສິນຄ້າ. ກໍານົດເຂດປ່າສະຫງວນ, ປ່າປ້ອງກັນ, ປູກໄມ້ຟື້ນຟູປ່າ ແລະ ປົກປັກຮັກສາປ່າໃຫ້ຍືນຍົງ. ປະຕິບັດຫຼັກການອະນາໄມ 3 ສະອາດ ແລະ ຊຸກຍູ້ສົ່ງເສີມເດັກໃນເກນອາຍຸໃຫ້ໄດ້ເຂົ້າໂຮງຮຽນ.
ທ່ານ ບົວວັນ ບຸດຕະວົງ ຮັກສາການຫົວໜ້າເຂດຈຸດສຸມພັດທະນາທີ 6 ບ້ານດອນຊາ ໄດ້ລາຍງານໃຫ້ຮູ້ວ່າ: ເຂດ 6 ບ້ານດອນຊາ ປະກອບມີ 4 ບ້ານ 996 ຫຼັງຄາເຮືອນ ມີ 1.343 ຄອບຄົວ ແລະ ມີພົນລະເມືອງ 6.501 ຄົນ ຍິງ 3.327 ຄົນ; ເຊິ່ງຄະນະພັກເຂດຈຸດສຸມ ຍາມໃດກໍ່ເອົາໃຈໃສ່ນໍາພາ-ຊີ້ນໍາອົງການຈັດຕັ້ງຂັ້ນບ້ານ ແລະ ປະຊາຊົນບັນດາເຜົ່າ ປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບ, ສຸມໃສ່ແກ້ໄຂບັນຫາປະກົດການຫຍໍ້ທໍ້ຕ່າງໆທີ່ເກີດຂຶ້ນ, ໂດຍນັບແຕ່ເດືອນມັງກອນ ຫາ ເດືອນກັນຍາ 2023 ສາມາດມ້າງຄະດີມົ້ວສຸມ ແລະ ຄ້າຂາຍຢາເສບຕິດໄດ້ 2 ລາຍ, ກັກຕົວຜູ້ຖືກຫາໄດ້ 4 ຄົນ, ຢຶດຂອງກາງປະເພດຢາບ້າໄດ້ 525 ເມັດ, ໂທລະສັບຕັ້ງໂຕະ 1 ໜ່ວຍ ແລະ ເງິນສົດ 930.000 ກີບ. ພ້ອມນັ້ນ, ຍັງໄດ້ເຄື່ອນໄຫວເກັບກໍາຂໍ້ມູນ ແລະ ສຶກສາອົບຜູ້ກ່ຽວຂ້ອງກັບຢາເສບຕິດ.
ໂອກາດລົງເຄື່ອນໄຫວຊີ້ນໍາວຽກງານຄັ້ງນີ້, ທ່ານເຈົ້າແຂວງເຊກອງ ກໍໄດ້ມອບປຶ້ມ-ບິກຂຽນ ແລະ ອຸປະກອນກິລາໃຫ້ບ້ານ ເພື່ອນໍາໃຊ້ເຂົ້າໃນວຽກງານສຶກສາ ແລະ ກິລາຂອງບ້ານ.
ຂ່າວ: ສັນຍາ ພາບ: ເຈິນ ແດນວົງວິຈິດ
ຄໍາເຫັນ