ທ່ານ ກາວກິມຮຸນ ເລຂາທິການໃຫຍ່ ອາຊຽນ ເນັ້ນໜັກວ່າ: ຫວຽດນາມ ໄດ້ລິເລີ່ມເວທີປາໄສອະນາຄົດອາຊຽນ ກ່ອນນີ້ 3 ປີ ແລະ ເປັນເຈົ້າພາບຈັດເວທີປາໄສປະຈຳປີ 3 ຄັ້ງລຽນຕິດ. ນີ້ແມ່ນການປະກອບສ່ວນທີ່ສຳຄັນຍິ່ງໃຫ້ແກ່ວິວັດການສ້າງປະຊາຄົມອາຊຽນ, ເພື່ອເຕົ້າໂຮມບັນດາການນຳ, ນັກວາງແຜນນະໂຍບາຍ, ນັກຊ່ຽວຊານ ພ້ອມກັນປຶກສາຫາລືກ່ຽວກັບອະນາຄົດຂອງ ອາຊຽນ ກໍຄືຂອງພາກພື້ນ.
ທ່ານນາງ ທິຟຟານີ ແມັກໂດນັລ ເອກອັກຄະລັດຖະທູດ ອົສຕາລີ ປະຈຳ ອາຊຽນ ສະແດງຄວາມປະທັບໃຈຕໍ່ວຽກງານຈັດຕັ້ງ ແລະ ຄຸນນະພາບບັນດາວາລະປຶກສາຫາລືທີ່ເວທີປາໄສວ່າ: ພິທີເປີດເວທີປາໄສອະນາຄົດ ອາຊຽນ ປີ 2026 ໂດຍມີການເຂົ້າຮ່ວມຢ່າງໜ້ອຍສຸດຂອງການນຳ ອາຊຽນ 5 ທ່ານ ແລະ ລັດຖະມົນຕີການຕ່າງປະເທດຫຼາຍທ່ານ. ສິ່ງນີ້ສະແດງໃຫ້ເຫັນຄຸນນະພາບຂອງການປຶກສາຫາລື ກໍຄືຂອບຂະໜາດຂອງບັນດາຜູ້ແທນເຂົ້າຮ່ວມເວທີປາໄສແມ່ນສູງທີ່ສຸດ. ພາຍໃຕ້ການນຳພາຂອງ ຫວຽດນາມ, ເວທີປາໄສໄດ້ສ້າງເປັນເຂດໜຶ່ງເພື່ອໃຫ້ບັນດາຜູ້ມີຄວາມສົນໃຈ ແລະ ປາຖະໜາຢາກປະກອບສ່ວນໃຫ້ຜົນສຳເລັດຂອງ ອາຊຽນ ສາມາດພ້ອມກັນແລກປ່ຽນ, ແບ່ງປັນແນວຄວາມຄິດ ແລະ ສ້າງບັນດາຂໍ້ລິເລີ່ມໃຫ້ແກ່ອະນາຄົດ.
ຄໍາເຫັນ