ສະຫາຍ ພັນໂທ ສັນຕິພາບ ພິມມະສອນ ຮອງຫົວໜ້າກົມຕໍາຫຼວດຝຶກແອບ ແລະ ນໍາໃຊ້ ໝາວິຊາສະເພາະໄດ້ໃຫ້ສຳພາດຕໍ່ສື່ມວນຊົນໃນວັນທີ 6 ມັງກອນນີ້ວ່າ: ຄະນະຮັບຜິດຊອບໄດ້ ນໍາກໍາລັງເຂົ້າຢຶດພື້ນທີ່ນັບແຕ່ວັນທີ 3 ມັງກອນ 2026 ເປັນຕົ້ນມາ, ພາຍຫຼັງຮອດສະຖານທີ່ກໍໄດ້ຈັດວາງກໍາລັງເຂົ້າປະຈໍາການຕາມຈຸດຕ່າງໆ ທີ່ຂັ້ນເທິງໄດ້ກໍານົດໃຫ້. ປັດຈຸບັນໃນຂອບເຂດຫໍປະຊຸມແຫ່ງຊາດແມ່ນຮັບປະກັນໄດ້ຄວາມເປັນລະບຽບຮຽບຮ້ອຍ ແລະ ຄວາມສະຫງົບປອດໄພເປັນຢ່າງດີ.
 |
ທ່ານ ພັນໂທ ສັນຕິພາບ ພິມະສອນ ໄດ້ກ່າວຕື່ມວ່າ: ຕົນເອງມີຄວາມຮູ້ສຶກພາກພູມໃຈເປັນຢ່າງຍິ່ງທີ່ໄດ້ເປັນສ່ວນໜຶ່ງໃນການເຂົ້າຮ່ວມຮັບໃຊ້ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກຄັ້ງນີ້ ແລະ ອວຍພອນໄຊໃຫ້ການນໍາພັກ-ລັດ ແລະ ຄະນະຜູ້ແທນທີ່ເຂົ້າຮ່ວມກອງປະຊຸມຈົ່ງມີສຸຂະພາບແຂງແຮງ ພ້ອມກັນດໍາເນີນກອງປະຊຸມໃຫຍ່ໃຫ້ມີຜົນສໍາເລັດຕາມຄາດໝາຍທີ່ວາງໄວ້.
 |
ຄໍາເຫັນ