ໃນການກະກຽມຈັດງານມະຫະກຳກິລາແຫ່ງຊາດ ຄັ້ງນີ້ ແມ່ນມີຄວາມພ້ອມ 90% ໄດ້ມີການຝຶກຊ້ອມຂອງນັກສະແດງ, ກຳມະການເປີດ-ປິດ ລາຍການຕ່າງໆ ແລະ ການປັບປຸງສະໝາມ, ກິລາ,ສະຖານທີ່, ເຊີນແຂກເຂົ້າຮ່ວມພິທີເປີດ-ປິດ ແລະ ກ້ອນກຳລັງນັກກິລາ ການແຂ່ງຂັນແມ່ນໄດ້ກຳນົດເອົາ 33 ປະເພດກິລາ, ສຳລັບນັກກິລາທີ່ເຂົ້າສູນຝຶກຊ້ອມ ກໍໄດ້ຝຶກຊ້ອມເປັນປົກກະຕິ ເຊັ່ນ: ຝຶກຊ້ອມຢູ່ສະໝາມກິລາມະຫາວິທະຍາໄລແຫ່ງຊາດ, ສູນກິລາສີເກີດ, ສູນກິລາບຶງຂະຫຍອງ ແລະ ສູນກິລາຕ່່າງໆ ທີ່ເປັນຂອງເອກະຊົນ ແລະ ມີບາງປະເພດກິລາ ແມ່ນຝຶກຊ້ອມຜ່ານທາງອອນລາຍ ມີອາຫານການກິນທີ່ພຽງພໍ ຖ້າຂາດເຂີນອັນໃດທາງສະຫະພັນກໍໄດ້ສະເໜີ ຕໍ່ກຳມະການກອງເລຂາ ເພື່ອລາຍງານຕໍ່ການນຳເພື່ອແກ້ໄຂໃຫ້ທັນເວລາ. ສຳລັບນັກກິລາໄດ້ຮັບຫຼຽນລາງວັນ ນະຄອນຫຼວງວຽງຈັນ ກໍໄດ້ມີນະໂຍບາຍໃຫ້ ແລະ ທັງ 33 ປະເພດກິລາ ແມ່ນຫວັງໃຫ້ໄດ້ຫຼຽນຄຳ ແລະ ສ່ວນຄູຝຶກນັກກິລາແຕ່ລະປະເພດກໍແມ່ນຄົນລາວ ເພາະວ່ານະຄອນຫຼວງວຽງຈັນ ມີສະຫະພັນກິລາ ນະຄອນຫຼວງວຽງຈັນ ແນ່ນອນວ່າອັນໃດບໍ່ພຽງພໍ ກໍຈະມີສະຫະພັນກິລາແຫ່ງຊາດໃຫ້ການຊ່ວຍເຫຼືອ ຄູຝຶກ, ອຸປະກອນ ຫຼື ສະຖານທີ່ຝຶກຊ້ອມ. ສຳລັບກຳລັງໃຈຂອງນັກກິລາກໍມີຄວາມພ້້ອມ 90% ແລະ ຄາດຫວັງຈະເປັນເຈົ້າຫຼຽນຄຳ.
ທ່ານ ນາງ ລີປ່າເອ້ຍ ລີບົວປາວ ຍັງໄດ້ຮຽກຮ້ອງໃຫ້ ຄູຝຶກ ແລະ ນັກກິລາທຸກຄົນທີ່ເປັນຕົວແທນຂອງນະຄອນຫຼວງວຽງຈັນເຂົ້າຮ່ວມແຂ່ງຂັນ ຂໍໃຫ້ນັກກິລາຈົ່ງແຂ່ງຂັນດ້ວຍນໍ້າໃຈນັກກິລາ ດ້ວຍຄວາມຮັກນະຄອນຫຼວງວຽງຈັນ ດ້ວຍຄວາມເປັນມືອາຊີບ ເຮັດດ້ວຍຄວາມຮັບຜິດຊອບ ຊຶ່ງ ຄຳຂັວນຂອງງານມະຫະກຳກິລາແຫ່ງຊາດ ຄັ້ງທີ XII ກໍແມ່ນ ສາມັກຄື ມີວິໃນ ໂປ່ງໃສ ໄດ້ການພັດທະນາ ສະນັ້ນ ສຳລັບຄຳຂວັນນີ້ ກໍຂໍໃຫ້ນັກກິລາທຸກຄົນຢຶດຖື ເພື່ອເປັນແນວທາງ ເປັນແຮງບັນດານໃຈໃນການແຂ່ງຂັນ ແລະ ຮຽກຮ້ອງໃຫ້ປະຊາຊົນຊາວນະຄອນຫຼວງວຽງຈັນ ໃຫ້ຮ່ວມມືກັນເປັນເຈົ້າພາບທີ່ດີ.ງານມະຫະກຳກິລາແຫ່ງຊາດ ຄັ້ງທີ XII ຈະເປີດຂຶ້ນໃນລະຫວ່າງວັນທີ 15-25 ພະຈິກ 2025 ທີ່ຈະມາເຖິງນີ້.
ຂ່າວ-ພາບ: ບຸນຕອມ.
ຄໍາເຫັນ