 |
ການແຂ່ງຂັນລາຍການດັ່ງກ່າວ ຈັດຂຶ້ນກໍເພື່ອສ້າງຂະບວນການສະເຫຼີມສະຫຼອງວັນເດັກນ້ອຍສາກົນ ຄົບຮອບ 101 ປີ ແລະ ວັນປູກຕົ້ນໄມ້ແຫ່ງຊາດ ຄົບຮອບ 45 ປີ ພ້ອມທັງສົ່ງເສີມການພັດທະນາກິລາບານເຕະເຍົາວະຊົນ ນະຄອນຫຼວງວຽງຈັນ ໃຫ້ມີການພັດທະນາ ກ້າວສູ່ການເປັນນັກກິລາ ນະຄອນຫຼວງວຽງຈັນ ແລະ ຕິດທີມຊາດໃນອະນາຄົດ ລາຍການນີ້ ຊຶ່ງມີ 16 ທີມເຂົ້າຮ່ວມ ແບ່ງເປັນຮຸ່ນລະ 8 ທີມ ແຂ່ງຂັນວັນດຽວສຳເລັດ.
ສຳລັບທີມທີ 1 (ແຊັມ) ຢູ12 ສະໂມສອນ ດັບເບີນໄອຈີ ນາຄາ ຈາກເມືອງຫາດຊາຍຟອງ, ທີ 2 ສະໂມສອນ ເບ ສະຫວັນ ເອັບຊີ ເມືອງໄຊເຊດຖາ, ທີ 3 ຮ່ວມ ໂຮງຮຽນ ກຽດຕິສັກນາໆຊາດ ເມືອງສີສັດຕະນາກ ແລະ ສະໂມສອນ ອາເອັນເອັດ ເອັບຊີ ເມືອງຫາດຊາຍຟອງ.
ສ່ວນທີມແຊັມ ຢູ14 ສະໂມສອນ ແສງດາຣາ ຈາກເມືອງສີສັດຕະນາກ, ທີ 2 ສະໂມສອນ ບີໄອເອັດ ເມືອງນາຊາຍທອງ, ທີ 3 ຮ່ວມແມ່ນ ສະໂມສອນ ໄຊຊະນະ ແລະ ດັບເບີນໄອຈີ ນາຄາ.
ຂະນະທີ່ລາງວັນແມນອອບເດີແມັດ ຢູ12 ທ້າວ ອານຸສັກ ວິໄລກຸນ ກອງໜ້າສະໂມສອນ ດັບເບີນໄອຈີ ນາຄາ ແລະ ລາງວັນແມນອອບເດີແມັດ ຢູ14 ທ້າວ ພົງສະຫວັດ ສິງຫາລາດ ຜູ້ຮັກສາປະຕູ ສະໂມສອນ ແສງດາຣາ.
ການແຂ່ງຂັນໃນລາຍການນີ້ ໃຫ້ການສະໜັບສະໜູນຫຼັກ ໂດຍບໍລິສັດ ອີຊູຊຸ ລາວ, ບໍລິສັດ ວົງພະຈັນ ຂົນສົ່ງ, ບໍລິສັດ ບີເອັມ ຈຳກັດ, ຮ້ານຂາຍເຄື່ອງກິລາພິມລາຍ ໄອ-ສະປອດ, ບໍລິສັດ ມີດທິນ, ບໍລິສັດ ເບສະຫວັນ ອິນເຕີ ຈຳກັດຜູ້ດຽວ ແລະ ຮ້ານບັນເທີງ ບີບີ 999.
(ຂ່າວ: ຕຸໄລເພັດ; ແຫຼ່ງຂໍ້ມູນ ສຶກສາກິລາ)
ຄໍາເຫັນ