ຟິລິບປິນມີລາຍຮັບຈາກນັກທ່ອງທ່ຽວຕ່າງປະເທດ 8,67 ຕື້ໂດລາ

09:55 04/01/2024

ຂ່າວຕ່່າງປະເທດລາຍງານໂດຍອີງຕາມຂ້ໍມູນຈາກກົມການທ່ອງທ່ຽວໃຫ້ຮູ້ໃນວັນທີ 2 ມັງກອນ 2024 ວ່າ: ໃນປີ 2023, ຟິລິບປິນມີລາຍຮັບເພີ່ມຂຶ້ນຈາກການຕ້ອນຮັບນັກທ່ອງທ່ຽວຕ່າງປະເທດ 8,67 ຕື້ໂດລາ. ໃນປີ 2023 ມີນັກທ່ອງທ່ຽວຕ່າງປະເທດເຂົ້າມາຟິລິບປິນ 5,4 ລ້ານຄົນ.
   ທ່ານ ຄຣີສຕີນາ ກາເຊຍ ຟຣັສໂກ ລັດຖະມົນຕີກະຊວງທ່ອງທ່ຽວຟິລິບປິນກ່າວວ່າ: ຕັ້ງແຕ່ວັນທີ 1 ມັງກອນຫາວັນທີ 31 ທັນວາ 2023,ມີນັກທ່ອງທ່ຽວຕ່າງປະເທດເຂົ້າມາຟິລິບປິນ 5.450.557 ຄົນ. ໃນນັ້ນ 91,8% ແມ່ນນັກທ່ອງທ່ຽວຕ່າງປະເທດ ເຫລືອຈາກນັ້ນແມ່ນຊາວຟິລິບປິນທີ່ອາໄສຢູ່ຕ່າງປະເທດ, ບັນລຸເປົ້າໝາຍຂອງປະເທດທີ່ຈະຕ້ອນຮັບນັກທ່ອງທ່ຽວຕ່າງປະເທດໃນປີ 2023 ໃຫ້ໄດ້ 4,8 ລ້ານຄົນ.
   ທ່ານລັດຖະມົນຕີກ່າວວ່າ: ປີ 2023 ແມ່ນໄຊຊະນະຂອງອຸດສາຫະກຳການທ່ອງທ່ຽວຂອງຟິລິບປິນຍ້ອນສາມາດຕ້ອນຮັບນັກທ່ອງທ່ຽວຕ່າງປະເທດໄດ້ຫລາຍກວ່າ 5 ລ້ານຄົນ. ສ.ເກົາຫລີ ຍັງແມ່ນກຸ່ມນັກທ່ອງທ່ຽວຕ່າງປະເທດທີ່ມາທ່ຽວຟິລິບປິນຫລາຍສຸດ, ຮອງລົງມາແມ່ນອາເມຣິກາ, ຍີ່ປຸ່ນ,ອົສຕຣາລີ ແລະ ຈີນ.
   ທ່ານຍັງກ່າວວ່າ: ອຸດສາຫະກຳທ່ອງທ່ຽວຂອງປະເທດສາມາດຟື້ນຄືນໄດ້ 66% ຈາກໄລຍະທີ່ບັນລຸຈຸດສູງສຸດໃນປີ 2019 ກ່ອນການລະບາດຂອງພະຍາດໂຄວິດ 19 , ຟິລິບປິນມີລາຍຮັບຈາກນັກທ່ອງທ່ຽວສາກົນໃນປີ 2019 ແມ່ນ 8,66 ຕື້ໂດລາ. ສຳລັບປີ 2024, ອົງການທ່ອງທ່ຽວຟິລິບປິນຕັ້ງເປົ້າໝາຍວ່າຈະສາມາດຕ້ອນຮັບນັກທ່ອງທ່ຽວຕ່າງປະເທດໃຫ້ໄດ້ 7,7 ລ້ານຄົນ.

ຄໍາເຫັນ

ຂ່າວຕ່າງປະເທດ

ເລັ່ງຊຸກຍູ້ “ການຫຼອມລວມສີ່ດ້ານ” ເພື່ອສ້າງພື້ນຖານຄວາມສາມັກຄີ ລະຫວ່າງຊົນເຜົ່າ ແລະ ຄວາມກ້າວໜ້າຢູ່ແຂວງຊິງໄຮໃຫ້ໝັ້ນຄົງ

23/09/2026 11:04

ນັບແຕ່ກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນເປັນ ຕົ້ນມາ, ຄະນະກຳມະການສູນ ກາງພັກໄດ້ຖືເອົາການສ້າງສະ ຕິສຳນຶກກ່ຽວກັບປະຊາຄົມຊາດ ຈີນໃຫ້ໝັ້ນຄົງເປັນຫຼັກ, ຖືເອົາ ວຽກງານຄວາມສາມັກຄີລະ ຫວ່າງຊົນເຜົ່າ ແລະ ຄວາມກ້າວ ໜ້າເປັນວຽກງານພື້ນຖານທີ່ຈະຕ້ອງຈັບມືດຳເນີນຢ່າງຕໍ່ເນື່ອງ. ແຂວງຊິງໄຮແມ່ນແຂວງທີ່ມີຫຼາຍຊົນເຜົ່າອາໄສຢູ່ຮ່ວມກັນ, ມີຫຼາຍສາສະໜາຢູ່ຮ່ວມກັນ ແລະ ມີຫຼາຍວັດທະນະທຳປະສົມປະສານກັນ, ເປັນພາບຫຍໍ້ທີ່ມີຊີວິດຊີວາຂອງໂຄງສ້າງປະຊາຊາດຈີນທີ່ຫຼາກຫຼາຍແຕ່ ເປັນເອກະພາບ.

ສະຖານະການໃນເຢເມນຮຸນແຮງຂຶ້ນ ເຮັດໃຫ້ປະຊາຊົນບໍ່ມີທີ່ຢູ່ອາໄສ

22/09/2026 11:04

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 21 ກັນຍາ ຜ່ານມາວ່າ: ຫວ່າງມໍ່ໆມານີ້, ສະຖານະການຢູ່ຫຼາຍແຫ່ງຂອງປະເທດເຢເມນທະວີຄວາມຮຸນແຮງຂຶ້ນຢ່າງຕໍ່ເນື່ອງ ເຮັດໃຫ້ປະຊາຊົນຈຳນວນຫຼວງຫຼາຍຕ້ອງໜີອອກຈາກບ້ານເມືອງຂອງຕົນ.

ຣັດເຊຍ ສະກັດກັ້ນການໂຈມຕີທາງໄຊເບີຫຼາຍກວ່າ 100 ລ້ານຄັ້ງໃນການເລືອກຕັ້ງສະພາ Duma

22/09/2026 11:03

ສຳນັກຂ່າວສານຊິນຮວາລາຍງານໃນວັນທີ 21 ກັນຍາ ຜ່ານມາວ່າ: ທ່ານນາງ ເອລລາ ແພມຟີໂລວາ ຫົວໜ້າຄະນະກຳມະການເລືອກຕັ້ງສູນກາງຂອງຣັດເຊຍ ໄດ້ເປີດເຜີຍວ່າ, ຣັດເຊຍໄດ້ສະກັດກັ້ນການໂຈມຕີທາງໄຊເບີຫຼາຍກວ່າ 100 ລ້ານຄັ້ງທີ່ແນໃສ່ແພລັດຟອມການເລືອກຕັ້ງ ໃນລະຫວ່າງການເລືອກຕັ້ງສະພາ Duma. ໂດຍຫຼາຍແພລັດຟອມເຊັ່ນ: ເວັບໄຊການເລືອກຕັ້ງທາງການ, ໄດ້ຖືກໂຈມຕີແບບ DDoS (ການໃຊ້ຊັບພະກອນຈາກຫຼາຍແຫຼ່ງເພື່ອໂຈມຕີເປົ້າໝາຍດຽວ) ແລະ ຍັງມີຄວາມພະຍາຍາມທີ່ຈະແຮັກເຂົ້າໄປໃນເຊີບເວີເວັບໂດຍກົງດ້ວຍ.

ສິງກະໂປ ກຽມປັບໃໝຜູ້ໂດຍສານທີ່ກໍ່ຄວາມວຸ້ນວາຍໃນລົດເມສາທາລະນະ

22/09/2026 11:02

ສຳນັກຂ່າວສານຊິນຮວາລາຍງານໃນວັນທີ 21 ກັນຍາ ຜ່ານມາວ່າ: ອົງການຂົນສົ່ງທາງບົກສິງກະໂປ (LTA) ໄດ້ປະກາດວ່າ, ສິງກະໂປຈະປັບໃໝສູງສຸດ 500 ໂດລາສິງກະໂປ ສໍາລັບຜູ້ທີ່ມີພຶດຕິກໍາກໍ່ຄວາມວຸ້ນວາຍໃນລົດເມສາທາລະນະ, ສະຖານີລົດເມ ແລະ ຈຸດປ່ຽນລົດເມ ເລີ່ມແຕ່ວັນທີ 23 ກັນຍາ ນີ້, ລວມທັງການກະທຳຕ່າງໆເຊັ່ນ: ການວາງຕີນໄວ້ເທິງເບາະນັ່ງ, ການເປີດເພງ ຫຼື ອຸປະກອນສຽງດັງ ແລະ ການຖິ້ມຂີ້ເຫຍື້ອ, ເພື່ອສົ່ງເສີມສະພາບແວດລ້ອມການຂົນສົ່ງສາທາລະນະທີ່ປອດໄພ, ເອົາໃຈໃສ່ຕໍ່ຜູ້ໂດຍສານ ແລະ ໜ້ານຳໃຊ້ບໍລິການຫຼາຍຂຶ້ນ.

8 ເດືອນຕົ້ນປີ ອຸດສາຫະກຳເຕັກໂນໂລຊີຂັ້ນສູງຈີນ ນຳໃຊ້ທຶນຕ່າງປະເທດ ເພີ່ມຂຶ້ນ 35.1%

22/09/2026 11:00

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 21 ກັນຍາ ຜ່ານມາວ່າ: ໂຕເລກສະຖິຕິຫຼ້າສຸດຈາກກະຊວງການຄ້າຈີນສະແດງໃຫ້ເຫັນວ່າ: ໃນ 8 ເຕືອນຕົ້ນປີນີ້, ທົ່ວປະເທດຈີນໄດ້ສ້າງຕັ້ງວິສາຫະກິດທຶນຕ່າງປະເທດ 42,582 ແຫ່ງ, ເພີ່ມຂຶ້ນ 0.3% ເມື່ອທຽບໃສ່ໄລຍະກຽວກັນຂອງປີກາຍ; ການນຳໃຊ້ທຶນຕ່າງປະເທດຕົວຈິງບັນລຸເຖິງ 479 ຕື້ 950 ລ້ານຢວນ.

ຫຼັກຊັບ ຫວຽດນາມ ເຂົ້າຮ່ວມຕະຫຼາດທີ່ຫາກໍ່ພົ້ນເດັ່ນຂຶ້ນຢ່າງເປັນທາງການ

22/09/2026 10:54

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 21 ກັນຍາ ຜ່ານມາ, ຕະຫຼາດຫຼັກຊັບຫວຽດນາມ ໄດ້ສ້າງຂີດໝາຍສຳຄັນທີ່ເປັນໜ້າຈົດຈຳ. ນັບແຕ່ວັນທີ 21 ເປັນຕົ້ນໄປ, ບໍລິສັດ FTSE Russell ຊຶ່ງເປັນບໍລິສັດຜູ້ໃຫ້ບໍລິການຈັດທຳດັດຊະນີລະດັບໂລກ ຈະປ່ຽນກຸ່ມຫຼັກຊັບ ຫວຽດນາມ ຈາກກຸ່ມຕະຫຼາດຊາຍຂອບຂຶ້ນເປັນຕະຫຼາດທີ່ຫາກໍ່ພົ້ນເດັ່ນຂຶ້ນຂັ້ນສອງ, ແຫຼ່ງທຶນສາກົນໃໝ່ຈະລົງທຶນເຂົ້າບັນດາຫຸ້ນຂອງ ຫວຽດນາມ ຢ່າງເປັນທາງການ ຕາມແຜນຍົກລະດັບຂຶ້ນເປັນຕະຫຼາດທີ່ຫາກໍ່ພົ້ນເດັ່ນຂຶ້ນ.

“ແຜນພັດທະນາເສດຖະກິດ-ສັງຄົມເຂດບໍລິຫານພິເສດຮົງກົງ 5 ປີຄັ້ງທຳອິດ ຖືເປັນບາດກ້າວໃໝ່ຂອງເຂດບໍລິຫານພິເສດຮົງກົງຈາກການບໍລິຫານໄປສູ່ຄວາມຈະເລີນຮຸ່ງເຮືອງ

21/09/2026 14:18

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 16 ກັນຍາ ຜ່ານມານີ້, ທ່ານ ຫຼີເຈ່ຍຊ່າວ ຜູ້ວ່າການອົງການປົກຄອງເຂດບໍລິຫານພິເສດຮົງກົງຂອງຈີນ ໄດ້ປະກາດ “ແຜນພັດທະນາເສດຖະກິດ-ສັງຄົມເຂດບໍລິຫານພິເສດຮົງກົງ 5 ປີຄັ້ງທຳອິດ (2026-2030)” ໃນກອງປະຊຸມສະພານິຕິບັນຍັດຂອງເຂດພິເສດ ແລະ ໄດ້ເຜີຍແຜ່ບົດລາຍງານການບໍລິຫານການເມືອງປີ 2026. ທ່ານ ຫຼີເຈ່ຍຊ່າວ ກ່າວວ່າ: ແຜນພັດທະນາເສດຖະກິດ-ສັງຄົມເຂດບໍລິຫານພິເສດຮົງກົງ 5 ປີຄັ້ງທຳອິດແມ່ນແຜນຜັງສຳລັບການພັດທະນາເສດຖະກິດ-ສັງຄົມຂອງຮົງກົງ, ແມ່ນຂີດໝາຍທີ່ສຳຄັນຂອງຮົງກົງໃນການຫັນປ່ຽນຈາກໄລຍະການບໍລິຫານໄປສູ່ໄລຍະຄວາມຈະເລີນຮຸ່ງເຮືອງ.

ໜີ້ສິນສາທາລະນະຂອງຝຣັ່ງ ຄາດວ່າຈະເກີນ 119% ຂອງ GDP

21/09/2026 11:49

ສຳນັກຂ່າວສານຊິນຮວາ ລາຍງານໃນວັນທີ 20 ກັນຍາ ຜ່ານມາວ່າ: ຂໍ້ມູນຈາກກະຊວງເສດຖະ ກິດ ແລະ ການເງິນຂອງຝຣັ່ງ ທີ່ເຜີຍແຜ່ໃນວັນ 19 ກັນຍາ ຜ່ານມາ ລະບຸວ່າ: ໜີ້ສິນສາທາລະນະຂອງ ຝຣັ່ງຈະສືບຕໍ່ເພີ່ມຂຶ້ນ, ໂດຍຄາດວ່າຈະບັນລຸ 119.3% ຂອງລວມຍອດຜະລິດຕະພັນພາຍໃນປະເທດ (GDP) ໃນປີ 2026 ຊຶ່ງເພີ່ມຂຶ້ນຈາກ 115.6% ໃນປີ 2025.

ການຂະຫຍາຍຕົວຂອງສູນຂໍ້ມູນໃນມາເລເຊຍ ຊຸກຍູ້ຄວາມຕ້ອງການໄຟຟ້າໃຫ້ເພີ່ມຂຶ້ນ

21/09/2026 11:45

ສຳນັກຂ່າວສານຊິນຮວາ ລາຍງານຫວ່າງມໍ່ໆມານີ້ວ່າ: ບໍລິສັດ Moody's Ratings ຊຶ່ງບໍລິສັດຜູ້ໃຫ້ບໍລິການດ້ານຂໍ້ມູນທາງການເງິນ ໄດ້ເປີດເຜີຍວ່າ, ການຂະຫຍາຍຕົວຢ່າງໄວວາຂອງສູນຂໍ້ມູນໃນມາເລເຊຍຈະນໍາໄປສູ່ຄວາມຕ້ອງການໄຟຟ້າເພີ່ມຂຶ້ນຢ່າງຫຼວງຫຼາຍໃນໄລຍະ 10 ປີຂ້າງໜ້າ ແລະ ຂະແໜງພະລັງງານຕ້ອງອາໄສການລົງທຶນເພີ່ມຂຶ້ນຢ່າງຫຼວງຫຼາຍ. ໂດຍການເຕີບໂຕຂອງສູນຂໍ້ມູນຈະຖືກຂັບເຄື່ອນຈາກລາຄາພະລັງງານທີ່ແຂ່ງຂັນໄດ້, ການສະໜອງທີ່ພຽງພໍ ແລະ ມາດຕະການສະໜັບສະໜູນຂອງລັດຖະບານ, ລວມທັງຄວາມຕ້ອງການທີ່ເພີ່ມຂຶ້ນທີ່ຊຸກຍູ້ໂດຍສິງກະໂປ.

ການນຳເຂົ້າສິນຄ້າຂອງຈີນໃນປີນີ້ ຄາດວ່າຈະບັນລຸລະດັບສູງສຸດອີກຄັ້ງ

21/09/2026 11:41

ວິທະຍຸ, ໂທລະພາບສູນກາງຈີນ (CMG) ລາຍງານຫວ່າງມໍ່ໆມານີ້ວ່າ: ຫ້ອງການຖະແຫຼງຂ່າວຂອງລັດຖະບານຈີນໄດ້ຈັດກອງປະຊຸມຖະແຫຼງຂ່າວ, ຜູ້ຮັບຜິດຊອບທີ່ກ່ຽວຂ້ອງຈາກກະຊວງການຄ້າຈີນໃຫ້ຮູ້ວ່າ, ໃນຖານະເປັນປະເທດການຄ້າສິນຄ້າທີ່ໃຫຍ່ທີ່ສຸດໃນໂລກ, ຈີນຍັງສືບຕໍ່ເປັນແຮງຂັບເຄື່ອນທີ່ສຳຄັນໃນການເຕີບໂຕຂອງການຄ້າໂລກ.

ເພີ່ມເຕີມ