 |
ທ່ານ ມີໄຊ ສຸກຈະເລີນ ໄດ້ໃຫ້ທິດຊີ້ນຳວ່າ: ຊຸດຝຶກອົບຮົມໄລຍະທີ 1 ຄັ້ງທີ 2 ນີ້ ມີຄວາມໝາຍສຳຄັນໃນການສ້າງມາດຕະຖານບົດ ສອບເສັງວັດລະດັບພາສາລາວສຳລັບຄົນຕ່າງປະເທດ ເພື່ອໃຫ້ມີເນື້ອໃນສອດຄ່ອງ, ຄົບຖ້ວນສົມບູນ ແລະ ໄດ້ເນັ້ນໃຫ້ບັນດາອາຈານຈົ່ງສຶກສາຮຽນຮູ້ ແລະ ນໍາໃຊ້ເຂົ້າໃນວຽກງານຕົວຈິງຢ່າງມີປະສິດທິຜົນ. ຈຸດປະສົງເພື່ອໃຫ້ຄົນຕ່າງປະເທດທີ່ເປັນນັກທຸລະກິດ, ນັກສຶກສາ ແລະ ຜູ້ອື່ນໆ ທີ່ຢາກຮຽນພາສາລາວ ໃຫ້ເຂົ້າມາສອບເສັງວັດລະດັບພາສາລາວ ຊຶ່ງເລີ່ມແຕ່ງ່າຍຫາຍາກໂດຍຈັດຕາມດໍາລັບແຕ່ L1, L2, L3, L4, L5 ແລະ L6 ເພື່ອໃຫ້ໄດ້ພາສາລາວຄົບທັງ 4 ທັກສະຄື: ທັກສະການອ່ານ, ທັກສະການຟັງ, ທັກສະຂຽນ ແລະ ທັກສະການເວົ້າຢ່າງຄ່ອງແຄ້ວ.
ທ່ານ ບຸນເລີດ ແສງສຸລິນ ຮອງຫົວໜ້າສູນຄົ້ນຄວ່າພາສາລາວ ທັງເປັນທີ່ປຶກສາຝຶກອົບຮົມສ້າງມາດຕະຖານບົດສອບເສັງວັດລະດັບພາສາລາວ ສຳລັບຄົນຕ່າງປະເທດ ກໍໄດ້ໃຫ້ທິດຊີ້ນຳ ແລະ ປະກອບຄຳເຫັນຕໍ່ບັນດານັກຝຶກອົບຮົມກໍຄື ຄູ-ອາຈານທີີ່ເຂົ້າມາຝຶກອົບຮົມຄັ້ງນີ້ ຈົ່ງພາກັນເອົາໃຈໃສ່ຄົ້ນຄວ້າໃຫ້ເຂົ້າໃຈຢ່າງເລິກເຊິ່ງເຖິງຖອງເພືຶ່ອເອົາໄປນຳໃຊ້ຕົວຈິງໃຫ້ມີປະສິດທິພາບທີ່ດີ.
(ຂ່າວ-ພາບ: ພັດ ລໍວັນໄຊ)
ຄໍາເຫັນ