ເຫີເຟີຍ ແຂວງອານຮຸຍ ສປ ຈີນ ເມືອງອຸດສະຫະກໍາຊັ້ນນໍໍາ

ເມືອງເຫີເຟີຍ ເປັນເມືອງເອກ ຂອງແຂວງອານຮຸຍ ມີເນື້ອທີ່ 11,400 ຕາລາງກິໂລແມັດ ແລະ ມີປະຊາກອນ 12.34 ລ້ານຄົນ. ໃນປີ 2024 GDP ຂອງເມືອງເຫີເຟີຍ ບັນລຸ 1,350.77 ຕື້ຢວນ (ປະມານ 185.9 ຕື້ໂດລາ) ຈັດຢູ່ອັນດັບທີ 20 ຂອງເມືອງຕ່າງໆຂອງຈີນ.

ໃນຊຸມປີຜ່ານມານີ້, ເມືອງເຫີເຟີຍ ໄດ້ຈັດຕັ້ງປະຕິບັດຍຸດທະສາດພັດທະນາອຸດສາຫະກຳພາຫະນະພະລັງງານໃໝ່ຢ່າງເຕັມສ່ວນ ໂດຍສ້າງລະບົບຜະລິດຕະພັນທີ່ຄຸ້ມຄອງທຸກຂະແໜງການ ແລະ ພະຍາຍາມສ້າງເມືອງເປັນ "ນະຄອນພາຫະນະພະລັງງານໃໝ່" ທຽບລະດັບສາກົນ.

ໃນປີ 2023 ຜ່ານມາ, ກຸ່ມອຸດສາຫະກຳພາຫະນະພະລັງງານໃໝ່ ແລະ ພາຫະນະເຊື່ອມຕໍ່ອິນເຕີເນັດຂອງເມືອງເຫີເຟີຍ ບັນລຸລາຍຮັບເຖິງ 400 ຕື້ຢວນ ເພີ່ມຂຶ້ນ 31.5% ເມື່ອທຽບໃສ່ປີກ່ອນ. ໃນປີ 2024 ຜະລິດພາຫະນະພະລັງງານ ໃໝ່ໄດ້ 1.38 ລ້ານຄັນ ຈັດຢູ່ອັນດັບທີ 4 ຂອງເມືອງຕ່າງໆໃນປະເທດຈີນ. ສ່ວນດ້ານບໍລິການຫຼັງການຂາຍ ໄດ້ສ້າງຕັ້ງສະຖານີສາກລົດໄຟຟ້າຊະນິດຕ່າງໆ ຈໍານວນ 252,700 ແຫ່ງ ແລະ ສະຖານີປ່ຽນຖ່າຍແບັດເຕີຣີ 100 ແຫ່ງ ໃຫ້ກັບລົດສ່ວນຕົວ, ລົດແທັກຊີ, ລົດຂົນສົ່ງເຄື່ອງນ້ອຍ ແລະ ລົດຂົນສົ່ງເຄື່ອງໃຫຍ່.

ປັດຈຸບັນ, ເມືອງເຫີເຟີຍ ໄດ້ຮວບຮວມທຸລະກິດຜະລິດຍານພາຫະນະ 6 ບໍລິສັດໄດ້ ແກ່ JAC, BYD, NIO,

Volkswagen, Changan ແລະ Ankai ສ້າງການຈັດຕັ້ງຜະລິດພາຫະນະຫຼາກຫຼາຍປະເພດ. ພ້ອມດຽວກັນນີ້ ຍັງມີທຸລະກິດຜະລິດຊິ້ນສ່ວນອຸປະກອນພາຫະນະອື່ນໆອີກປະມານ 300 ກວ່າຮ້ານ ເຊັ່ນ: Gotion High-tech, CALB, JEE.

ແຂວງອານຮຸຍ ຍັງມີ ເມືອງຫວງຊານ ຊຶ່ງຕັ້ງຢູ່ພາກໃຕ້ສຸດຂອງແຂວງອານຮຸຍ ມີເນື້ອທີ່ 9,807 ຕາລາງກິໂລແມັດ ແລະ ມີປະຊາກອນຖາວອນ 1.317 ລ້ານຄົນ. ໃນປີ 2024 GDP ຂອງເມືອງຫວງຊານ ບັນລຸ 113.4 ຕື້ຢວນ ເພີ່ມຂຶ້ນ 5.9%. ຫວງຊານ ເປັນມໍລະດົກວັດທະນະທໍາ ແລະ ທໍາມະຊາດຂອງໂລກ ແລະ ເປັນອຸທິຍານທີວທັດໂລກ. ພ້ອມກັບແມ່ນ້ຳຢັງຊີ, ກຳແພງເມືອງຈີນ ແລະ ແມ່ນ້ຳເຫຼືອງ ຖືກຍົກຍ້ອງເປັນຕົວແທນອັນດີເດັ່ນຂອງພູເຂົາອັນງົດງາມ ແລະ ວັດທະນະທຳອັນລືຊາຂອງຈີນ. ຫວງຊານ ໄດ້ຮັບການຂະໜານນາມວ່າເປັນ "ສະຫວັນຊັ້ນດິນ" ແລະ "ພູເຂົາອັກສອນທີ່ສວຍງາມທີ່ສຸດໃນໂລກ" ແລະ ເປັນທີ່ຮູ້ຈັກກັນດີໃນ "5 ສິ່ງມະຫັດສະຈັນ" ໄດ້ແກ່: ຕົ້ນແປກ, ຫີນແປກ, ທະເລເມກ, ນ້ຳພຸ ແລະ ຫິມະຕົກ.