 |
ທ່ານ ຄຳໄພ ສິມມາວັດ ໄດ້ຍົກໃຫ້ເຫັນຄວາມໝາຍຄວາມສຳຄັນຂອງປະຖົມນິເທດການນຳໃຊ້ເຄື່ອງສະມາສ໌ບອດ ແລະ ການນຳໃຊ້ອຸປະກອນ ເອໄອ ເຂົ້າໃນການຮຽນ-ການສອນ ທັງພາຍໃນ ແລະ ຕ່າງປະເທດ ຢູ່ບັນດາແຂວງໃຫຍ່, ຕົວເມືອງໃຫຍ່ ແລະ ຢູ່ປະເທດທີ່ພັດທະນາແລ້ວ ເພາະປັດຈຸບັນ, ສູນໄອຊິທີ ພະແນກສຶກສາທິການ ແລະ ກິລາແຂວງເຊກອງ ມີສະມາສ໌ບອດທີ່ສາມາດຕອບສະໜອງເຂົ້າໃນການຮຽນ-ການສອນໄດ້ພຽງພໍ, ແຕ່ຄູ-ອາຈານ ຍັງບໍ່ທັນເຂົ້າໃຈເລິກເຊິ່ງຕໍ່ການນໍາໃຊ້. ການຝຶກອົບຮົມເທື່ອນີ້, ສຳມະນາກອນ ຈະໄດ້ຮຽນຮູ້ວິທີໃຊ້ສາມາສ໌ບອດ ເຂົ້າໃນການຮຽນ-ການສອນ, ວິທີສ້າງ QR cord ຫຼື ລິ໋ງເອກະສານທີ່ຕ້ອງການແຊສ, ແນະນໍາເວັບໄຊ, ການຊອກຫາຂໍ້ມູນ ເພື່ອປະກອບເຂົ້າໃນການຮຽນ-ການສອນ, ການນໍາໃຊ້ Ai ໃນການແກ້ໂຈດ - ບັນຫາ ບົດຮຽນສໍາລັບຄູສອນມັດທະຍົມ, ທັງນີ້ ກໍເພື່ອໃຫ້ ຄູ- ອາຈານ ມີຄວາມຮູ້ຄວາມສາມາດໃນການນຳໃຊ້ສະມາສ໌ບອດໃຫ້ຖືກຕ້ອງ ທັນກັບຍຸກເອໄອ ຢ່າງມີປະສິດທິພາບ, ປະສິດທິຜົນ.
 |
ໃນໂອກາດນີ້, ທ່ານ ຄຳໄພ ສິມມາວັດ ຍັງຮຽກຮ້ອງໃຫ້ຄູ-ອາ ຈານ ຈົ່ງເປັນເຈົ້າການຄົ້ນຄວ້າຮ່ຳຮຽນ, ເອົາໃຈໃສ່ແລກປ່ຽນບົດຮຽນເຊິ່ງກັນ ແລະ ກັນ, ເກັບກຳເອົາບົດຮຽນນຳຄູຝຶກ ແລະ ພ້ອມກັນນຳເອົາບົດຮຽນ ໄປນຳໃຊ້ເຂົ້າໃນໜ້າທີ່ວຽກງານທີ່ຕົນຮັບຜິດຊອບ ກໍຄືການຮຽນ-ການສອນ ໃຫ້ເກີດຜົນປະໂຫຍດສູງສຸດ.
(ຂ່າວ: ອັດສະວິນ)
ຄໍາເຫັນ