ທ່ານ ນາງ ມາເຈັງຈຸ່ນ ຜູ້ອໍານວຍການໂຮງຮຽນ ນານາຊາດ ພອນສະຫວັນ ໄດ້ໃຫ້ຮູ້ວ່າ: ຂ້າພະເຈົ້າມາລົງທຶນສ້າງຕັ້ງໂຮງຮຽນຢູ່ລາວ ຍ້ອນເຫັນຄວາມສໍາຄັນຂອງວຽກງານສຶກສາ ມີຄວາມຈິງໃຈມາປະກອບສ່ວນພັດທະນາຊັບພະກອນມະນຸດໃຫ້ເດັກນ້ອຍລາວ ມີຄວາມກ້າວໜ້າເຂັ້ມແຂງ ທັນກັບການສຶກສາຢູ່ປະເທດທີ່ຈະເລີນ. ໂຮງຮຽນຂອງພວກເຮົາ ຮັບນັກຮຽນ ແຕ່ອາຍຸ 3-16 ປີ (ຂັ້ນອະນຸບານ ຫາ ຊັ້ນມັດທະຍົມຕອນປາຍ) ເປີດໂຮງຮຽນມາໄດ້ສອງສົກຮຽນແລ້ວ ມີນັກຮຽນ ນັບແຕ່ອານຸບານ ຈົນຮອດມັດທະຍົມ ຈໍານວນ 60 ຄົນ. ການສິດສອນຂອງພວກເຮົາ ແມ່ນເນັ້ນໃສ່ສ້າງຄວາມຮູ້ ຄວາມສາມາດດ້ານ AI ຊ່ວຍຮຽນຮູ້ຫຼາຍພາສາເຊັນ: ພາສາລາວ, ຈີນ, ອັງກິດ ແລະ ມີວິຊາສໍາຮອງ ແມ່ນພາສາຝຣັ່ງ, ພາສາແອັສປາຍ ແລະ ພາສາອື່ນໆ.
ສໍາລັບພາສາຈີນ ເດັກນ້ອຍນັກຮຽນ ຈະສາມາດສື່ສານໄດ້ເທົ່າກັບເຈົ້າຂອງພາສາ ເພື່ອຮອງຮັບການເຂົ້າສູ່ມະຫາວິທະຍາໄລ ທີ່ມີຊື່ສຽງຂອງຈີນ. ທັງເນັ້ນໃສ່ການພັດທະນາບຸກຂະລິກຂອງນັກຮຽນ. ໃຊ້ລະບົບ AI ຊ່ວຍໃນການສອນ-ການຮຽນ ຕາມໂປຣແກມທີ່ກຳນົດ, ຍົກລະດັບຄວາມຄິດ ຄວາມສາມາດ ແລະ ພຶດຕິກຳຂອງນັກຮຽນໃຫ້ສູງຂຶ້ນເລື້ອຍໆ. ໄປຄ່ຽງຄູ່ກັບການຮຽນ-ການສອນແລ້ວ ທາງໂຮງຮຽນ ຍັງໄດ້ເອົາໃຈໃສ່ເບິ່ງແຍງດ້ານສຸຂະພາບ, ອາລົມ, ສະຕິປັນຍາ ແລະ ສັງຄົມ 4 ຂໍ້:ຄື: - ການເຕີບໂຕດ້ານສຸຂະພາບ: ພັດທະນາຮ່າງກາຍໃຫ້ແຂງແຮງ, ມີລະບຽບວິໄນ ແລະ ການດຳລົງຊີວິດ. - ການເຕີບໂຕດ້ານອາລົມ: ການຄວບຄຸມອາລົມ, ຄວາມອົດທົນ ແລະ ການຮັບມືທາງດ້ານຈິດໃຈ. - ການເຕີບໂຕດ້ານສະຕິປັນຍາ: ພັດທະນາຄວາມຄິດຢ່າງຮອບຄອບ, ຄວາມໝັ້ນໃຈ ແລະ ຄວາມກ້າສະແດງອອກຢ່າງຊັດເຈນ. - ການເຕີບໂຕດ້ານສັງຄົມ: ການສ້າງຄວາມສໍາພັນທີ່ດີ, ການຮ່ວມມື ແລະ ການຕິດຕໍ່ພົວພັນ.
ໂຮງຮຽນຂອງພວກເຮົາ ບໍ່ເນັ້ນພຽງແຕ່ການ “ສອນ” ເປັນຫຼັກ, ແຕ່ຈະເນັ້ນການປະສົມປະສານ ລະຫວ່າງ ການສອນ ແລະ ການຮຽນຮູ້ພັດທະນາດ້ວຍຕົນເອງ ໂດຍຜ່ານການນໍາໃຊ້ລະບົບ AI ຂັ້ນສູງ ທີ່ສາມາດວິເຄາະຂໍ້ມູນໄດ້ຢ່າງຊັດເຈນ ແລະ ມີປະສິດທິພາບສູງ ເພື່ອພັດທະນາຄວາມຮູ້ເທົ່ານັ້ນ ແຕ່ຍັງລວມເຖິງ ວິທີຄິດ, ການຕັ້ງຄໍາຖາມ ແລະ ການແກ້ໄຂບັນຫາຕົວຈິງ. ປູກຝັງຄວາມສາມາດ ແລະ ຄຸນສົມບັດທີ່ຄົບຖ້ວນສໍາລັບນັກຮຽນ. ພວກເຮົາ ສົ່ງເສີມນັກຮຽນ “ວິທີການຮຽນຮູ້ດ້ວຍຕົນເອງ” ແລະ ອາຈານ ຈະບໍ່ແມ່ນພຽງຜູ້ປ້ອນຄວາມຮູ້ອີກຕໍ່ໄປ ແຕ່ຍັງເປັນຜູ້ແນະນໍາຫຼັກສູດ ແລະ ການກະຕຸ້ນຄວາມຄິດ ໂດຍຜ່ານການຊ່ວຍເຫຼືອຂອງ AI, ການຄົ້ນຄວ້າຫາຂໍ້ມູນ, ການຕອບສະໜອງທາງຄວາມຄິດ, ຊ່ວຍໃຫ້ນັກຮຽນພັດທະນາທັກສະການວາງແຜນການຈັດການ ແລະ ການຄິດຢ່າງມີວິຈາລະນະຍານ ເພື່ອເປັນພື້ນຖານອັນເຂັ້ມແຂງ ໃນການຮຽນຮູ້ຕະຫຼອດໄປ. ຄູທີ່ສິດສອນພາຍໃນໂຮງຮຽນ ມີທັງຄູຄົນລາວ, ຄົນຈີນ ແລະ ຄົນປະເທດອື່ນໆ ທີ່ມີປະສົບການສອນ ຕາມຫຼັກສູດນາໆຊາດມາຫຼາຍປີ ແລະ ປະສົບການດ້ານການພັດທະນາການຮຽນ, ຈິດຕະວິທະຍາ ແລະ ການດໍາລົງຊີວິດ.
ສໍາລັບຫ້ອງຮຽນ ແມ່ນມີຄວາມທັນສະໄໝ. ມີຫ້ອງສະໝຸດຫຼາຍພາສາ, ມີເດີ່ນກິລາຫຼາຍປະເພດ, ສະລອຍນໍ້າ, ຫ້ອງອາຫານ, ຫໍພັກນັກຮຽນ, ມີລົດຮັບ-ສົ່ງ, ກິດຈະກໍາສ່ວນລວມ ແລະ ລາຍວັນທີ່ຫຼາກຫຼາຍ, ສຸມໃສ່ເອກະລັກທາງດ້ານວັດທະນະທໍາ ແລະ ການເຕີບໂຕດ້ານຈິດຕະວິທະຍາ. ໃນການຮຽນ ພວກເຮົາ ຍັງມີຊົ່ວໂມງໃຫ້ເດັກນ້ອຍຫຼິ້ນກິລາ 1-2 ຊົ່ວໂມງໃນທຸກໆມື້, ເພື່ອໃຫ້ນັກຮຽນທຸກຄົນໄດ້ຜ່ອນຄາຍ, ເສີມສ້າງຄວາມເຂັ້ມແຂງທາງດ້ານຮ່າງກາຍ ແລະ ຈິດໃຈ. ສ້າງທັກສະການຮ່ວມມືແບບເປັນທີມ ໂດຍຜ່ານການແຂ່ງຂັນກິລາ, ພວກເຮົາເຊື່ອວ່າ: ກິລາ ບໍ່ພຽງແຕ່ເປັນການເສີມສ້າງດ້ານຮ່າງກາຍເທົ່ານັ້ນ, ແຕ່ຍັງເປັນບ່ອນພັດທະນາການສຶກສາ ແລະ ການສ້າງບຸກຄະລິກກະພາບອີກດ້ວຍ.
ພາຍຫຼັງຮຽນຈົບຈາກໂຮງຮຽນຂອງພວກເຮົາ ຕາມຫຼັກສູດ VCE ແລະ ສອບເສັງໄດ້ລະດັບຄະແນນ ATAR, ສາມາດໄປຮຽນຕໍ່ມະຫາວິທະຍາໄລຫຼັກຂອງຈີນ, ອົສຕຣາລີ, G5 ຂອງອັງກິດ, ຮົງກົງ, ສິງກະໂປ ແລະມະຫາວິທະຍາ ໄລທີ່ມີຊື່ສຽງອື່ນໆ.
ທ່ານ ນາງ ມາເຈັງຈຸ່ນ ກ່າວອີກວ່າ: ປັດຈຸບັນ ກໍາລັງຈະສ້າງຕັ້ງຕຶກອາຄານຮຽນທີທັນສະໄໝ ໃນບໍລິເວນບຶ່ງທາດຫຼວງ ເພື່ອຮອງຮັບກັບນັກຮຽນທີ່ນັບມື້ເພີ່ນຂຶ້ນ ເພື່ອເຮັດສໍາເລັດຕາມວິໃສທັດຂອງໂຮງຮຽນທີ່ວາງໄວ້ຄື: ໃຫ້ນັກຮຽນກາຍເປັນພົນລະເມືອງທີ່ມີວິໃສທັດລະດັບໂລກ, ມີບຸກຄະລິກກະພາບທີ່ດີ ແລະ ມີການເຕີບໂຕຢ່າງຕໍ່ເນື່ອງ.
ຄໍາເຫັນ