ໂຮງຮຽນປະຖົມສົມບູນ ບ້ານ ວົງສໍາພັນ ສ້າງຕັ້ງຂຶ້ນ ໃນສົກຮຽນ 1999-2000; ມາຮອດ ສົກຮຽນ 2024-2025 ມີຄູທັງໝົດ 9 ຄົນ ຍິງ 8 ຄົນ, ມີນັກຮຽນ ຕົ້ນປີ 218 ຄົນ ຍິງ 97 ຄົນ, ມີອາຄານຮຽນ 3 ຫຼັງ, ມີ 15 ຫ້ອງຮຽນ.
ອຸປະກອນທີ່ໄດ້ນຳມາຊ່ວຍເຫຼືອໃນຄັ້ງນີ້, ມີ ເງິນສົດ 10 ລ້ານກີບ, ບານເຕະ 30 ໜ່ວຍ, ກະຕໍ້ 30 ໜ່ວຍ, ຕາໜ່າງ 20 ຊຸດ, ເສື້ອກິລາ 100 ຊຸດ, ພັດລົມ 20 ໜ່ວຍ, ປື້ມຂຽນ 200 ໜ້າ 50 ຫົວ, ປາກກາລູກລຶ້ນ 20 ກ້ານ, ດິນສໍດຳ 2 B 10 ກັບ, ດິນສໍ 1B 46 ກັບ, ນ້ຳລຶບ 400 ຊຸດ ແລະ ອຸປະກອນຮຽນອື່ນໆ ລວມມູນຄ່າທັງໝົດ 100 ລ້ານກີບ. ການມອບເຄື່ອງຊ່ວຍເຫຼືອໃນຄັ້ງນີ້, ກໍເພື່ອເປັນການຊຸກຍູ້ວຽກງານການສຶກສາໂດຍສະເພາະໃຫ້ນ້ອງໆນັກຮຽນໄດ້ນຳໃຊ້ປື້ມ, ບິກຂຽນ ແລະ ອຸປະກອນຕ່າງໆ ເຂົ້າໃນການສຶກສາຮ່ຳຮຽນໃຫ້ມີຄວາມຮູ້ຄວາມສາມາດ, ຄຸນສົມບັດ ເເລະ ເປັນກຳລັງແຮງສືບທອດທີ່ດີໃນອະນາຄົດ.
ໂອກາດນີ້, ທ່ານ ເຈົ້າເມືອງ ພູວົງ ໄດ້ຕາງໜ້າໃຫ້ເມືອງ ກໍຄືໂຮງຮຽນ ກ່າວສະແດງຄວາມຍ້ອງຍໍ ແລະ ຂອບໃຈເປັນຢ່າງຍິງ ຕໍ່ບໍລິສັດ ອາເອັມເອລາວ, ສະພາການຄ້າ ແລະ ອຸດສະຫະກຳແຂວງ ທີ່ໄດ້ນຳເອົາອຸປະກອບການຮຽນມາຊ່ວຍເຫຼືອໃນຄັ້ງນີ້, ອຸປະກອນດັ່ງກ່າວແມ່ນຈະຈັດແບ່ງໃຫ້ນ້ອງນັກຮຽນຢ່າງທົ່ວເຖິງ ແລະ ໃຫ້ເກີດປະໂຫຍດສູງສຸດ.
(ພາບ-ຂ່າວ:ສິງໂຕ)
ຄໍາເຫັນ