ທ່ານນາງ ອົ້ນ ພອນສະຫວັດ ຜູ້ອໍານວຍການໂຮງຮຽນອະນຸບານກະຊວງສາທາລະນະສຸກໄດ້ກ່າວວ່າ: ເນື່ອງໃນໂອກາດສະເຫຼີມສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ 1 ມິຖຸນາ ໂຮງຮຽນອະນຸບານກະຊວງສາທາລະນະສຸກໄດ້ຮ່ວມກັນຈັດກິດຈະກຳ ແລະ ນໍາພາຫຼານນ້ອຍພາຍໃນໂຮງຮຽນຈໍານວນ 200 ກວ່າຄົນ ສະເຫຼີມສະຫຼອງວັນດັ່ງກ່າວໃຫ້ມີບັນຍາກາດຟົດຟື້ນມ່ວນຊື່ນ ແລະ ອີກດ້ານໜຶ່ງກໍເປັນການສົ່ງເສີມຄວາມຮູ້ຄວາມສາມາດ ແລະ ຄວາມກ້າສະແດງອອກໃນສິ່ງທີ່ຖືກຕ້ອງ, ເປັນຄົນດີຂອງສັງຄົມ ແລະ ຄອບຄົວ, ບັນດາຜູ້ປົກຄອງເພີ່ມທະວີຄວາມເອົາໃຈໃສ່ ແລະ ການປົກປ້ອງເດັກ, ມີສ່ວນຮ່ວມ, ເດັກໄດ້ຮັບການຍ້ອງຍໍສັນລະເສີນ ແລະໄດ້ຮັບການຊຸກຍູ້ສົ່ງເສີມໃຫ້ມີການພັດທະນາທຸກດ້ານເພື່ອອະນາຄົດອັນແຈ່ມໃສຂອງຊາດ ແລະ ທຸກຄົນຈົ່ງພ້ອມກັນສະແດງຄວາມຮູ້ສຶກດັ່ງກ່າວອອກມາຢ່າງສະໝໍ່າສະເໝີໃນຊີວິດປະຈຳວັນ ແລະ ຈົ່ງພ້ອມພຽງກັນມອບແຕ່ສິ່ງດີໆ ໃຫ້ລູກຫຼານຂອງຕົນໂດຍຖືເອົາວັນທີ 1 ມິຖຸນາ ເປັນສັນຍາລັກໃຫ້ແກ່ຄວາມຮູ້ສຶກທີ່ດີງາມດັ່ງກ່າວເພາະວ່າການສ້າງສັງຄົມທີ່ມີສະພາບແວດລ້ອມຂອງຄອບຄົວ, ຊຸມຊົນ ແລະ ສັງຄົມ ທີ່ເຕັມໄປດ້ວຍຄວາມຮັກ, ຄວາມອົບອຸ່ນ, ຄວາມເຂົ້າໃຈ ແລະ ໃຫ້ໂອກາດເດັກແມ່ນກຽດອັນສູງສົ່ງ ແລະ ຄວາມພູມໃຈຂອງທຸກຄົນ"
(ຂ່າວ-ພາບ: ບຸນອູ້ມ)
ຄໍາເຫັນ