ໂຮງຮຽນປະຖົມບ້ານນໍ້າເຕົ່າ ໄດ້ຮັບສັງກະສີ 360 ກວ່າແຜ່ນ

ຄະນະໂຄສະນາອົບຮົມ ນະຄອນຫຼວງວຽງຈັນ (ນວ) ສ້າງຂະ ບວນການແຂ່ງຂັນກິລາເຕະບານ ມິດຕະພາບ ເພື່ອເປັນການສະເຫຼີມສະຫຼອງວັນສໍາຄັນຕ່າງໆຂອງຊາດ ຂອງພັກ ຂຶ້ນໃນວັນທີ 29 ສິງຫາ 2026 ຢູ່ເດີ່ນບານເຕະຫຍ້າທຽມ ເບສະ ຫວັນ ບ້ານຄໍາສະຫວາດ ເມືອງໄຊເສດຖາ ນວ ໂດຍມີທ່ານ ສາຄອນ ພົມມະລາດ ຮອງຫົວໜ້າຄະນະໂຄສະນາອົບຮົມສູງກາງພັກ ,ທ່ານ ທະນົງໄຊ ຄຸດໄພທູນ ຮອງປະທານສະພາປະຊາຊົນ ນວ ,ທ່ານ ທະວີໄຊ ເໝົາຊົມພູ ຮອງເລຂາຄະນະບໍລິຫານງານພັກ ນວ ມີບັນດາທ່ານຄະນະພັກ ຄະນະນຳ ຂັ້ນສູນກາງ ນວ ຕາງໜ້າບໍລິສັດ ເບຍລາວ ຈໍາກັດ ວິສາຫະກິດສ່ວນບຸກຄົນ ໝາຍເວ ສະປອດແວລາວ ພ້ອມດ້ວຍບັນດານັກກີລາ ແລະ ພະນັກງານວິຊາການ ເຂົ້າຮ່ວມ.

ກະຊວງສຶກສາທິການແລະກິລາ (ສສກ), ໂດຍໄດ້ຮັບການສະໜັບສະໜູນຈາກລັດຖະບານອົດສະຕຣາລີຜ່ານແຜນງານການປັບປຸງຄຸນນະພາບແລະຂະຫຍາຍໂອກາດເຂົ້າຮຽນສຳລັບການສຶກສາຂັ້ນພື້ນຖານໃນສປປລາວ (ແຜນງານບີຄວາ), ໄດ້ອອກຟາຍສຽງບົດເລື່ອງປະກອບພາບໃໝ່ມີທັງໝົດ 50 ເລື່ອງເພື່ອສົ່ງເສີມການຮຽນການສອນບົດຮຽນຝຶກເວົ້າພາສາລາວຊັ້ນປະຖົມປິທີ 1 ທົ່ວປະເທດ. ເນື່ອງຈາກປະມານ 40% ຂອງນັກຮຽນຊັ້ນປະຖົມປີທີ 1 ຍັງບໍ່ໝັ້ນໃຈໃນການເວົ້າພາສາລາວເມື່ອເລີ່ມເຂົ້າໂຮງຮຽນ, ວິທີການນຳໃຊ້ສື່ການຮຽນ-ການສອນຝຶກເວົ້າພາສາລາວຊ່ວຍໃຫ້ເຂົາເຈົ້າມີທັກສະການເວົ້າແລະການຟັງທີ່ຈຳເປັນສຳລັບການຮຽນຮູ້.

ທ້າວ ບຸນທະວີ ໄຊຍະລາດ ຫຼື ເອເດັ້ນ ນັກກິລາເຍົາວະຊົນມືອັນດັບຕົ້ນຂອງປະເທດລາວ ໃນຮຸ່ນອາຍຸບໍ່ເກີນ 13 ປີ ໄດ້ເຂົ້າຮ່ວມແຂ່ງຂັນກິລາດອກປີກໄກ່ ລາຍການ Jorakay Junior Badminton Championship 2026 ຊຶ່ງເປັນການລາຍການໃຫຍ່ທີ່ສຸດ ຂອງປະເທດໄທ ຈັດຂຶ້ນ ທີ່ນະຄອນຫຼວງ ບາງກອກ ປະເທດໄທ ລະຫວ່າງວັນທີ 28 ສິງຫາ-1 ກັນຍາ 2026

ຫ້ອງການສຶກສາທິການ ແລະ ກິລາເມືອງທຸລະຄົມ ແຂວງວຽງຈັນ ຈັດພິທີເປີດສົກຮຽນໃໝ່ ປະຈຳສົກ ຮຽນ 2026-2027 ຂຶ້ນໃນວັນທີ 1 ກັນຍາຜ່ານມາ, ທີ່ໂຮງຮຽນມັດທະຍົມສົມບູນຖິ່ນຄໍາ ໃຫ້ກຽດເຂົ້າຮ່ວມເປັນປະທານຂອງທ່ານ ບຸນເລີດ ສີຫາປັນຍາ ຮອງເລຂາພັກເມືອງ ປະທານຄະນະກຳມະການປົກຄອງເມືອງ, ຮອງປະທານຄະນະກຳມະການປົກຄອງຕາແສງຕານປ່ຽວ ພ້ອມດ້ວຍຄູ-ອາຈານ ແລະ ນັກຮຽນເຂົ້າຮ່ວມ.

ນັກກິລາລອຍນໍ້າ ຍິງ-ຊາຍ ຂອງສະຫະພັນລອຍນໍ້ານະຄອນຫຼວງວຽງຈັນ(ນວ) ສ້າງຜົນງານໄດ້ຢ່າງໂດດເດັ່ນ ຍາດໄດ້10 ຫຼຽນຄຳ 18 ຫຼຽນເງິນ 24 ຫຼຽນທອງ ໃນການແຂ່ງຂັນລອຍນໍ້າຊີງແຊັມນາໆຊາດ ລາຍການ AOSI Swimming Championship Bangkok 2026 ຈັດຂຶ້ນວັນທີ 29-30 ສິງຫາ 2026 ຢູ່ນະຄອນ ຫຼວງບາງກອກ ປະເທດໄທ.

ພິທີມອບ-ຮັບໜ້າທີ່ລະຫວ່າງທ່ານ ນາງ ລີປາເອ້ຍ ລີບົວປາວ ຫົວໜ້າພະແນກສຶກສາທິການ ແລະ ກິ ລາ ນະຄອນຫຼວງວຽງຈັນ (ນວ) ຜູ້ເກົ່າ ແລະ ທ່ານ ນາງ ບົວວອນ ສຸກລາແສງ ຫົວໜ້າພະແນກສຶກສາທິການ ແລະ ກິລາ ນວ ຜູ້ໃໝ່ ຈັດຂຶ້ນໃນວັນທີ 31 ສິງຫາຜ່ານມາ ທີ່ໂຮງຮຽນມັດທະຍົມສົມບູນ (ມສ) ວຽງຈັນ ມີທ່ານ ທະວີໄຊ ເໝົາຊົມພູ ຮອງເລຂາຄະນະພັກ ນວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ວັນທີ 1 ກັນຍາ 2026, ທີສະໂມສອນແຂວງສາລະວັນ ໄດ້ມີພິທີ ໄຂສົກຮຽນໃຫມ່ 2026 – 2027ໂດຍການເປັນປະທານຂອງທ່ານ ປະເດີມພອນ ສົນທະນີ ຮອງເລຂາຄະນະບໍລິຫານງານພັກແຂວງ ປະທານຄະນະກໍາມະການປົກຄອງແຂວງ, ທ່ານ ແຫວນເພັດ ລັດດາວົງ ຄະນະປະຈຳພັກແຂວງ ຮອງປະທານຄະນະກໍາມະການປົກຄອງແຂວງ, ຜູ້ຊີ້ນໍາວຽກງານວັດທະນະທໍາ-ສັງຄົມ, ທ່ານ ສຸນີ ນາມມະບົວລີ ກໍາມະການພັກແຂວງ ຫົວໜ້າພະແນກສຶກສາທິການ ແລະ ກິລາແຂວງ, ມີຜູ້ບໍລິຫານການສຶກສາ ຂັ້ນແຂວງ ແລະ ຂັ້ນເມືອງ ພ້ອມດ້ວຍພະນັກງານຄູອາຈານ ແລະນັກຮຽນເຂົ້າຮ່ວມ.

ວັນທີ 1 ກັນຍາ ແມ່ນວັນເປີດສົກຮຽນໃໝ່ຂອງໂຮງຮຽນສາມັນສຶກສາໃນຂອບເຂດທົ່ວປະເທດ ໂດຍສະເພາະ ນະຄອນຫຼວງວຽງຈັນ (ນວ) ຈຶ່ງເກີດມີການອັ່ງອໍຂອງຍານພາຫະນະ ເຮັດໃຫ້ການສັນຈອນຕິດຂັດ ບາງສາຍທາງ. ສະນັ້ນ, ພະແນກຕຳຫຼວດຈະລາຈອນ ຫ້ອງຕຳຫຼວດກອງບັນຊາການປ້ອງກັນຄວາມສະຫງົບ (ປກສ) ນວ ໄດ້ຈັດຕັ້ງກຳລັງວິຊາສະເພາະອຳນວຍຄວາມສະດວກໃຫ້ປະຊາຊົນຕາມສາຍທາງຫຼວງ ໂດຍສະເພາະໃນເຂດໂຮງຮຽນ.

ພະແນກສຶກສາທິການ ແລະ ກິລາ (ສກ) ນະຄອນຫຼວງວຽງຈັນ (ນວ) ຈັດພິທີເປີດສົກຮຽນໃໝ່ ປະຈຳສົກຮຽນ 2026-2027 ຂຶ້ນໃນວັນທີ 31 ສິງຫາຜ່ານມາ ທີ່ໂຮງຮຽນມັດທະຍົມສຶກສາສົມບູນ (ມສ) ວຽງຈັນ ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ອາດສະພັງທອງ ສີພັນດອນ ກຳມະການສູນກາງພັກ ເລຂາຄະນະພັກປະທານສະພາປະຊາຊົນ ນະຄອນຫຼວງວຽງຈັນ, ມີກຳມະການປະຈຳພັກ ນວ, ຄະນະພະແນກ ສກ.ນວ ພ້ອມດ້ວຍຜູ້ບໍລິຫານການສຶກສາ ພາກລັດ-ເອກະຊົນ, ຄູ-ອາຈານ, ນັກຮຽນເຂົ້າຮ່ວມ.

ໃນວັນທີ 1 ກັນຍາ ຂອງທຸກໆປີ ແມ່ນມື້ເປີດສົກຮຽນໃໝ່ ໂດຍສະເພາະມື້ນີ້ ກໍເປັນມື້ເປີດສົກຮຽນໃໝ່ 2026-2027 ຂອງໂຮງຮຽນແຫ່ງຕ່າງໆ ທັງພາກລັດ ແລະ ເອກະຊົນໃນຂອບເຂດທົ່ວປະເທດ ຢ່າງເປັນຂະບວນຟົດຟື້ນ. ໃນນັ້ນ, ໂຮງຮຽນມັດທະຍົມສຶກສາສົມບູນ ວຽງຈັນ (ມສ ວຽງຈັນ) ເປັນໜຶ່ງໂຮງຮຽນລັດ ທີ່ປະຕິບັດຫຼັກສູດການຮຽນ-ການສອນຕາມ 5 ຫຼັກມູນການສຶກສາ ທີ່ກະຊວງສຶກສາທິການ ແລະ ກິລາ (ສສກ) ວາງອອກຢ່າງເຂັ້ມງວດ ແລະ ກໍໄດ້ມີຄວາມພ້ອມຮອບດ້ານ 100% ໃນການເປີດສົກຮຽນໃໝ່ ປະຈໍາປີ 2026-2027 ໂດຍໄດ້ເນັ້ນໃສ່ການຍົກລະດັບຄຸນນະພາບການສຶກສາ, ການນໍາໃຊ້ເຕັກໂນໂລຊີເຂົ້າໃນການສອນ, ພ້ອມທັງປັບປຸງພື້ນຖານໂຄງລ່າງ ແລະ ສິ່ງອໍານວຍຄວາມສະດວກ ເພື່ອຮອງຮັບນັກຮຽນຫຼາຍກວ່າ 3,000 ຄົນ.