 |
ອາຄານຮຽນຫຼັງໃໝ່ນີ້, ໄດ້ເລີ່ມລົງມືກໍ່ສ້າງນັບແຕ່ວັນທີ 20 ທັນວາ 2025 ແລະ ໄດ້ສໍາເລັດລົງໃນວັນທີ 25 ພຶດສະພາ 2026 ເປັນອາຄານຖາວອນ ປະກອບມີ 6 ຫ້ອງຮຽນ, 5 ຫ້ອງນໍ້າ, ມີຂະໜາດຫ້ອງຮຽນກວ້າງ 7 ແມັດ ຍາວ 8 ແມັດ ໂດຍແມ່ນທຶນສົມທົບຈາກຊຸມຊົນ 232 ລ້ານກວ່າກີບ ແລະ ທຶນຈາກມູນນິທິ ສໍ ແຫ່ງຄວາມຫວັງ 1 ຕື້ 200 ລ້ານກວ່າກີບ.
 |
ໂອກາດນີ້, ທ່ານ ນາງ ບົວເງິນ ແກ້ວສຸບັນ ໄດ້ກ່າວມອບອາຄານຮຽນຫຼັງໃໝ່ ແລະ ກ່າວຮັບໂດຍທ່ານ ອ່ອນຈັນ ແສງຄຳ; ຕອນທ້າຍທ່ານ ນາງ ວິໄລພອນ ຖະໜອມສັກ ໄດ້ສະແດງຄວາມຂອບໃຈຢ່າງສູງຕໍ່ມູນນິທິ ສໍ ແຫ່ງຄວາມຫວັງທີ່ໄດ້ມອບໂອກາດທາງການສຶກສາໃຫ້ລູກຫຼານ ເພື່ອປະກອບສ່ວນອັນສໍາຄັນເຂົ້າໃນການພັດທະນາຊັບພະຍາກອນມະນຸດ ກໍຄືການພັດທະນາດ້ານພື້ນຖານໂຄງລ່າງ ຂອງວຽກງານການສຶກສາໃຫ້ນັບມື້ມີປະສິດທິພາບສູງຂຶ້ນເລື້ອຍໆ. ພ້ອມທັງເນັ້ນໜັກໃຫ້ພະນັງງານຄູ, ນັກຮຽນ ຕະຫຼອດຮອດປະຊາຊົນພາຍໃນບ້ານຜານົມ ຈົ່ງໄດ້ພ້ອມກັນເອົາໃຈໃສ່ໃນການປົກປັກຮັກສາ ແລະ ນໍາໃຊ້ອາຄານຮຽນຫຼັງນີ້ໃຫ້ຖືກຕາມຈຸດປະສົງ ແລະ ເປົ້າໝາຍໃຫ້ຫຼາຍທີ່ສຸດ ເຮັດໃຫ້ໂຮງຮຽນມີຄວາມສະອາດສວຍງາມໃຊ້ໄດ້ຍາວນານ.
 |
ພາບ-ຂ່າວ: ສົມແພງ
ຄໍາເຫັນ