ອະນຸບານ ແລະ ປະຖົມປີຊາໄຊ ສາຂາທີ2ໄດ້ໃຫ້ສຳພາດຕໍ່ສື່ມວນຊົນເມື່ອບໍ່ດົນມານີ້ວ່າ: ໂຮງຮຽນຂອງພວກເຮົາເປັນໂຮງຮຽນເອກະຊົນ ປັດຈຸບັນມີທັງໝົດ 2 ສາຂາ, ສາຂາທີ 1 ຕັ້ງຢູ່ບ້ານຈອມມະນີ ເມືອງໄຊເສດຖາ ແລະ ສາຂາທີ 2 ຕັ້ງຢູ່ບ້ານໄຊສົມບູນ ເມືອງໄຊທານີ ນະຄອນຫຼວງວຽງຈັນດຳເນີນການຮຽນ-ການສອນຕາມຫຼັກສູດຂອງກະຊວງສຶກສາທິການ ແລະ ກິລາ ແລະ ວາງແຜນການຮຽນ-ການສອນຂອງໂຮງຮຽນຢ່າງເຄັ່ງຄັດຕາມ 3 ລັກສະນະ 5 ຫຼັກມູນຂອງການສຶກສາ.
ໂຮງຮຽນປີຊາໄຊສາຂາທີ 1ສ້າງຕັ້ງຂຶ້ນໃນປີ 2014ເປັນອາຄານ 4ຊັ້ນ ປະກອບມີຫ້ອງຮຽນທັງໝົດ20ຫ້ອງ ແຕ່ລະຫ້ອງມີສິ່ງອໍານວຍຄວາມສະດວກມີແອເຢັນ, ພັດລົມ, ຕິດຕັ້ງກ້ອງວົງຈອນປິດທຸກຫ້ອງ ເພື່ອຕິດຕາມການຮຽນ-ການສອນຂອງນັກຮຽນ. ສໍາລັບຫ້ອງເດັກມີໂຟມກັນກະແທກທັງພື້ນແລະຝາເພື່ອຮັບປະກັນຄວາມປອດໄພຂອງເດັກ, ມີຫ້ອງການ2ຫ້ອງ, ຫ້ອງປະຊຸມ 1ຫ້ອງ ແລະ ຫ້ອງອາຫານ 3ຫ້ອງ. ປັດຈຸບັນມີນັກຮຽນທັງໝົດ418 ຄົນ ຍິງ152ຄົນ, ມີນັກຮຽນຊັ້ນລ້ຽງເດັກ 78 ຄົນ, ຊັ້ນອະນຸບານ 176 ຄົນ, ຊັ້ນປະຖົມ 164 ຄົນ,ມີພະນັກງານບໍລິຫານ 8ຄົນ ຍິງ 5ຄົນ, ຄູສອນທັງໝົດ29ຄົນ, ໃນນັ້ນມີຄູຕ່າງປະເທດສອນພາສາອັງກິດ 2ຄົນ, ວຸດທິການສຶກສາຂອງຄູ:ຂັ້ນປະລິນຍາໂທ 2ຄົນ, ປະລິນຍາຕີ 12ຄົນ, ຊັ້ນສູງ 10ຄົນ, ຊັ້ນກາງ 3ຄົນ ແລະບຳລຸງ 2ຄົນ.
ສຳລັບສາຂາທີ2 ໄດ້ສ້າງຕັ້ງຂຶ້ນໃນປີ 2023ຊຶ່ງເປັນອາຄານ 2ຊັ້ນປະກອບມີຫ້ອງຮຽນທັງໝົດ21ຫ້ອງ ແຕ່ລະຫ້ອງມີສິ່ງອໍານວຍຄວາມສະດວກມີແອເຢັນ, ພັດລົມ, ຕິດຕັ້ງກ້ອງວົງຈອນປິດທຸກຫ້ອງ ເພື່ອຕິດຕາມການຮຽນ-ການສອນ, ສໍາລັບຫ້ອງເດັກມີໂຟມກັນກະແທກທັງພື້ນແລະຝາເພື່ອຮັບປະກັນຄວາມປອດໄພຂອງເດັກພ້ອມນັ້ນຍັງມີຫ້ອງການ2ຫ້ອງ, ຫ້ອງປະຊຸມ 1ຫ້ອງ, ມີໂຮງອາຫານໃຫຍ່ກວ້າງຂວາງ. ປັດຈຸບັນມີນັກຮຽນທັງໝົດ401ຄົນ ຍິງ228ຄົນ, ໃນນັ້ນມີນັກຮຽນຊັ້ນລ້ຽງເດັກ 66ຄົນ, ຊັ້ນອະນຸບານ 195ຄົນ, ຊັ້ນປະຖົມ 140 ຄົນ. ມີພະນັກງານບໍລິຫານ7ຄົນ, ຄູສອນທັງໝົດ 28ຄົນ, ໃນນັ້ນຄູຕ່າງປະເທດສອນພາສາອັງກິດມີ 2ຄົນ, ສອນພາສາຈີນ 2ຄົນ, ວຸດທິການສຶກສາຂອງຄູ: ຂັ້ນປະລິນຍາໂທ 1ຄົນ, ປະລິນຍາຕີ 15ຄົນ, ຊັ້ນສູງ 5ຄົນ, ຊັ້ນກາງ 2ຄົນ ແລະ ບຳລຸງ 2ຄົນ.
ທ່ານນາງ ຈັນສະໄໝ ລໍໄພບູນ ກ່າວໃຫ້ຮູ້ອີກວ່າ:ຜົນງານການເຄື່ອນໄຫວໃນໄລຍະ 1ປີຜ່ານມາ(ສົກຮຽນ 2023-2024) ໂຮງຮຽນໄດ້ສິດສອນຫຼານນ້ອຍຊັ້ນລ້ຽງເດັກແລະອະນຸບານໃຫ້ເປັນເດັກດີ, ເດັກຄໍາຮູ້ມີພັດທະນະນາການສົມໄວສາມາດເຮັດໄດ້ 100%, ນັກຮຽນຊັ້ນ ປ.1 ເຖິງ ປ.4 ສາມາດເສັງຂຶ້ນຫ້ອງໄດ້ 100%, ນັກຮຽນເສັງຈົບຊັ້ນປ.5 ມີທັງໝົດ 41 ຄົນສາມາດເສັງຈົບຊັ້ນໄດ້ 100%, ພິເສດໃນນີ້ມີນັກຮຽນທີ່ເສັງຈົບຊັ້ນປ.5 ໄດ້ທີ1 ຂັ້ນເມືອງມີ 2 ຄົນ, ເສັງໄດ້ທີ 2 ຂັ້ນເມືອງມີ 2 ຄົນ, ມີນັກຮຽນທີ່ເສັງຈົບຊັ້ນໄດ້ຄະແນນ 7ຂຶ້ນໄປທຸກວິຊາອີກ 30 ຄົນລວມນັກຮຽນເກັ່ງທັງໝົດມີ 34 ຄົນເທົ່າກັບ82.9% ຂອງນັກຮຽນທັງໝົດ ຊຶ່ງໄດ້ຮັບໃບຍ້ອງຍໍຈາກຂັ້ນເມືອງ. ພ້ອມນີ້ມີນັກຮຽນທີ່ຮຽນດີ-ຮຽນເກັ່ງຊັ້ນອະນຸບານໄດ້ຮັບໃບຍ້ອງຍໍຂອງໂຮງຮຽນມີ 21 ຄົນ, ຊັ້ນປະຖົມມີ 32 ຄົນ,ຄູດີເດັ່ນໄດ້ຮັບໃບຍ້ອງຍໍຂັ້ນເມືອງມີ48ທ່ານ ແລະ ໄດ້ຮັບໃບຍ້ອງຍໍຈາກໂຮງຮຽນ9ທ່ານ.
ທ່ານກ່າວເນັ້ນໃຫ້ຮູ້ຕື່ມອີກວ່າ: ສໍາລັບແຜນພັດທະນາໂຮງຮຽນໃນຕໍ່ໜ້າ ພວກເຮົາມີເປົ້າໝາຍສ້າງໂຮງຮຽນໃຫ້ມີຄຸນນະພາບແບບທັນສະໄໝ, ຮັບປະກັນໄດ້ການຮັກສາມາດຕະຖານທີ່ມີຢູ່ແລ້ວ ແລະ ຈະນຳເອົາຫຼັກສູດການຮຽນ-ການສອນກ່ຽວກັບໄອຊີທີເຂົ້າມາສິດສອນໃຫ້ແກ່ນ້ອງນັກຮຽນ ເພື່ອເຮັດໃຫ້ນັກຮຽນມີຄວາມຮູ້ທາງດ້ານໄອຊີທີ ຮອງຮັບການຫັນເປັນດີຈີຕອນຂອງພັກ-ລັດ, ຕັ້ງໜ້າປະຕິບັດຂໍ້ກໍານົດກົດລະບຽບ ກໍຄືມາດຖານການຮຽນ-ການສອນທີ່ຂັ້ນເທິງກໍານົດ ແລະ ໂຮງຮຽນວາງອອກຢ່າງເຂັ້ມງວດ. ເອົາໃຈໃສ່ຍົກລະດັບຄວາມຮູ້-ຄວາມສາມາດ ຂອງຄູໃຫ້ສູງຂຶ້ນໄປເລື້ອຍໆ, ເອົາໃຈໃສ່ຝຶກຝົນ ແລະສ້າງນັກຮຽນໃຫ້ເປັນນັກຮຽນຮຽນເກັ່ງເຂົ້າສອບເສັງຂັ້ນຕ່າງໆໃຫ້ໄດ້ຮັບໝາກຜົນຫຼາຍກ່ວາເກົ່າ, ສືບຕໍ່ເບິ່ງແຍງນັກຮຽນໃຫ້ມີຄວາມປອດໄພໄດ້ຄວາມຮູ້ ແລະ ມີພັດທະນາການທີ່ດີ ແລະ ຈັດຕັ້ງຝຶກຊ້ອມສິລະປະ-ກິລາໃນໂຮງຮຽນຂັ້ນກຸ່ມ, ຂັ້ນເມືອງ, ຂັ້ນນະຄອນຫຼວງ ແລະ ຂັ້ນປະເທດໃນອະນາຄົດ.
ເນື່ອງໃນໂອກາດວັນຄູແຫ່ງຊາດ ວັນທີ 7 ຕຸລາ ຄົບຮອບ 30 ປີໂຮງຮຽນຂອງພວກເຮົາທັງ 2ສາຂາຈະໄດ້ຈັດພິທີສະເຫຼີມສະຫຼອງວັນຄູແຫ່ງຊາດດ້ວຍຫຼາຍກິດຈະກໍາ ເປັນຕົ້ນການຫວນຄືນມູນເຊື້ອປະຫວັດຄວາມເປັນມາຂອງວັນຄູແຫ່ງຊາດ, ອວຍພອນບັນດາຄູສອນ, ສະແດງສິລະປະ-ວັນນະຄະດີຂອງນັກຮຽນໃນແຕ່ລະຊັ້ນ ແລະ ກິດຈະກຳຮັດແໜ້ນຄວາມສາມັກຄີລະຫວ່າງພະນັກງານ-ຄູອາຈານ ແລະ ຜູ້ບໍລິຫານໂຮງຮຽນ.
ໃນໂອກາດນີ້, ທ່ານນາງ ຈັນສະໄໝ ລໍໄພບູນຍັງໄດ້ອວຍພອນໄຊອັນປະເສີດມາຍັງຄະນະນຳຂອງຂະແໜງການສຶກສາທິການ ແລະ ກິລາທຸກຂັ້ນ, ຜູ້ບໍລິຫານການສຶກສາ ແລະ ຄູ-ອາຈານທຸກຖ້ວນໜ້າຈົ່ງມີສຸຂະພາບແຂງແຮງປະສົບຜົນສຳເລັດໃນໜ້າທີ່ວຽກງານ, ມີຄວາມຜາສຸກໃນຊີວິດຄອບຄົວ ແລະ ເປັນຄູສອນທີ່ສ້າງນັກຮຽນໃຫ້ມີຄວາມຮູ້-ຄວາມສາມາດຮອບດ້ານ ກາຍເປັນຊັບພະຍາກອນອັນລ້ຳຄ່າຂອງປະເທດຊາດ ພ້ອມດຽວກັນນີ້ຂໍໃຫ້ນັກຮຽນຕັ້ງໃຈຮໍ່າຮຽນຝຶກຝົນຫຼໍ່ຫຼອມຕົນເອງໃຫ້ກາຍເປັນນັກຮຽນດີ, ນັກຮຽນເກັ່ງ ແລະ ເປັນຄົນດີຂອງສັງຄົມ.
ຄໍາເຫັນ