ໄດ້ສະແດງຄວາມເຄົາລົບນັບຖື ແລະ ຮູ້ບຸນຄຸນຕໍ່ກຳມະກອນ ແລະ ຊາວຜູ້ອອກແຮງງານໃນທຸກສາຂາອາຊີບທີ່ເປັນກຳລັງອັນສຳຄັນ ໃນການພັດທະນາສ້າງສາປະເທດຊາດ ໂດຍສະເພາະການພັດທະນາເສດຖະກິດ-ສັງຄົມແຫ່ງຊາດ ເພື່ອກ້າວເຂົ້າສູ່ຍຸກໂລກາພິວັດ.
ທ່ານ ຄຳພຽງ ແກ້ວລັງສີ ກ່າວໃຫ້ຮູ້ອີກວ່າ: ການຕໍ່ສູ້ຂອງຊົນຊັ້ນກຳມະກອນແມ່ນຖືກຕ້ອງ ແລະ ເປັນທຳທີ່ສຸດ ເພາະວ່າຊົນຊັ້ນນີ້ຖືກກົດຂີ່ຂູດຮີດແຮງງານຈາກນາຍທຶນມາຍາວນານ ຈົນສາມາດໄດ້ຮັບອິດສະຫຼະພາບຕາມທີ່ກົດໝາຍກຳນົດ. ເພື່ອຂໍ່ານັບຮັບຕ້ອນວັນສຳຄັນດັ່ງກ່າວ ໂຮງຮຽນເຕັກນິກ-ວິຊາຊີບເວດສະພົງໄດ້ສ້າງແຮງງານໃນສາຂາອາຊີບຕ່າງໆຈຳນວນຫຼາຍເຂົ້າສູ່ຕະຫຼາດແຮງງານ (ໂຮງຈັກ, ໂຮງງານ, ຜູ້ປະກອບການຕ່າງໆ. ນອກຈາກນີ້ພວກເຮົາຍັງໄດ້ຖ່າຍທອດຄວາມຮູ້-ຄວາມສາມາດໃຫ້ແກ່ໂຮງງານຕ່າງໆໃນການບໍລິຫານ-ຈັດການ, ຄຸ້ມຄອງໂຮງງານໃນການຜະລິດໃຫ້ມີຄວາມປອດໄພ ແລະ ຮັກສາສິ່ງແວດລ້ອມໃນໂຮງງານຂະໜາດນ້ອຍ(ຊ່າງໄມ້ເຟີນີເຈີ) ໃຫ້ນໍາໃຊ້ໄມ້ເສດຈາກໂຮງງານໃຫຍ່ມາທຳການຜະລິດ ເປັນຜະລິດຕະພັນຮັບໃຊ້ສັງຄົມມີຫຼາຍກວ່າ 25 ໂຮງງານ.
ທ່ານ ຄຳພຽງ ແກ້ວລັງສີ ກ່າວເນັ້ນໃຫ້ຮູ້ອີກວ່າ: ສິ່ງທີ່ພົ້ນເດັ່ນໃນປີ 2025 ທາງໂຮງຮຽນໄດ້ສ້າງນັກແຂ່ງຂັນສີມືແຮງງານຊ່າງໄມ້ເຄື່ອງເຮືອນ ເຂົ້າຮ່ວມການແຂ່ງຂັນລະດັບສະຖາບັນໃນເດືອນກຸມພາ 2025 ຜ່ານມາໄດ້ຮັບຫຼຽນຄຳ 1 ຫຼຽນ (ທ້າວ ຊາຍ ທິບພະວັນດີ) ໃນປັດຈຸບັນກໍໄດ້ເຂົ້າຮ່ວມການແຂ່ງຂັນສີມືແຮງງານແຫ່ງຊາດ ຄັ້ງທີ V ອີກ ຊຶ່ງຈັດຂຶ້ນໃນລະຫວ່າງວັນທີ 28-30 ເມສາ 2025) ຄາດໝາຍສູ້ຊົນໃຫ້ໄດ້ຫຼຽນຄຳ ນັບວ່າເປັນຜົນງານອັນສຳຄັນທີ່ທາງຄະນະອຳນວຍການ, ຄູ-ອາຈານ, ພະນັກງານ, ນັກຮຽນທຸ່ມເທເຫື່ອແຮງມັນສະໝອງສຸມໃສ່ທຸກວຽກງານເພື່ອໃຫ້ບັນລຸຕາມແຜນການ ແຜນງານທີ່ກະຊວງແຮງງານ ແລະ ສະຫວັດດີການ-ສັງຄົມວາງອອກ ທັງນີ້ແນໃສ່ເພື່ອສ້າງສີມືແຮງງານທີ່ມີຄຸນນະພາບອອກຮັບໃຊ້ສັງຄົມໃຫ້ໄດ້ຕາມຄວາມຮຽກຮ້ອງຕ້ອງການຂອງຕະຫຼາດແຮງງານ.
ຄໍາເຫັນ