 |
ທ່ານ ແສງຕາວັນ ວິຣະຖາວອນ ຣາຊະພົນ ຮອງຜູ້ອໍານວຍການໂຮງຮຽນວິຣະຖາວອນ ກ່າວວ່າ: ການຮຽນຈິນຕະຄະນິດບໍ່ແມ່ນເພື່ອໃຫ້ນັກຮຽນຄິດເລກໄດ້ໄວເທົ່ານັ້ນ ແຕ່ເປັນການພັດທະນາສະໝອງທັງສອງຂ້າງ ເພີ່ມທັກສະຄວາມຈໍາ ສະມາທິ ແລະ ການຄິດວິເຄາະຢ່າງມີລະບົບ ພ້ອມທັງສ້າງຄວາມໝັ້ນໃຈໃຫ້ນັກຮຽນ.
 |
ການແຂ່ງຂັນໃນຄັ້ງນີ້, ມີໂຮງຮຽນເຂົ້າຮ່ວມຫຼາຍແຫ່ງ ເຊັ່ນ: ໂຮງຮຽນວິຣະຖາວອນ, ໂຮງຮຽນວິທະຍາ, ໂຮງຮຽນຫຼວງປະເສີດ 1-2, ໂຮງຮຽນພອນໄຊ ຈາກກາລະສິນ, ໂຮງຮຽນເສກກະສັດ, ໂຮງຮຽນສີປະເສີດ ແລະ ນາດະ Kid ເພັດສະບູນ ປະເທດໄທ. ການແຂ່ງຂັນບໍ່ແມ່ນເນັ້ນແຕ່ລາງວັນ ຍັງເປີດໂອກາດໃຫ້ນັກຮຽນໄດ້ຮຽນຮູ້ ທົບທວນຄວາມສາມາດ ແລະ ພັດທະນາຕົນເອງ ພ້ອມສະແດງຄວາມສາມາດຢ່າງເຕັມທີ່.
 |
ຜົນການແຂ່ງຂັນແບ່ງອອກເປັນຫຼາຍລະດັບ ໂດຍມີລະດັບອະນຸບານ 3 ທີ 1 ທ້າວ ວິລະໄຊ ບໍລິບູນ; ທີ 2 ທ້າວ ພຸດທະວີກອນ ປາງປະເສີດ ແລະ ທີ 3 ທ້າວ ອານັນດາ ສຸພັນດາ; ລະດັບປະຖົມຊັ້ນ ປ1 ທີ 1 ທ້າວ ຄຳປະເສີດ ໄຊຍະຈັກ; ປ2 ທີ 1 ທ້າວ ກິດສະໜາ ແລະ ຊັ້ນ ປ4 ທີ 1 ທ້າວ ພອນປະເສີດ ພັນດານຸວົງ. ນອກນັ້ນ, ຍັງມີການມອບລາງວັນຫຼຽນຄຳ, ຫຼຽນເງິນ, ຫຼຽນທອງໃຫ້ນັກຮຽນທີ່ເຂົ້າຮ່ວມການແຂ່ງຂັນ.
ການຈັດງານໃນຄັ້ງນີ້, ຖືເປັນເວທີສຳຄັນໃນການຍົກລະດັບທັກສະ ແລະ ສົ່ງເສີມການຮຽນຮູ້ດ້ານຄະນິດ ສາດຢ່າງສ້າງສັນໃຫ້ເດັກນ້ອຍລາວ ພ້ອມສ້າງແຮງບັນດານໃຈໃຫ້ກ້າຄິດ ແລະ ກ້າສະແດງອອກ ປະກອບ
ສ່ວນພັດທະນາຊັບພະຍາກອນມະນຸດ ຍົກລະດັບການສຶກສາຂອງປະເທດໃນອະນາຄົດ.
ຂ່າວ: ວຽງຈັນໃໝ່
ຄໍາເຫັນ