 |
ການລົງຕິດຕາມໃນຄັ້ງນີ້, ເພື່ອຮັບປະກັນໃຫ້ການສອບເສັງດຳເນີນໄປດ້ວຍຄວາມໂປ່ງໃສ, ຍຸຕິທຳ ແລະ ຖືກຕ້ອງຕາມລະບຽບການ ທີ່ກະຊວງ ສສກ ວາງອອກຢ່າງເຂັ້ມງວດ, ທັງເປັນການສ້າງຂວັນກຳລັງໃຈໃຫ້ຄະນະກຳມະການຍາມຫ້ອງສອບເສັງ ແລະ ນັກຮຽນທຸກຄົນ.
ໂອກາດດັ່ງກ່າວ, ທ່ານ ນາງ ດາລາວອນ ກິດຕິພັນ ໄດ້ຢ້ຽມຢາມບັນດາຫ້ອງສອບເສັງແຕ່ລະສູນ ແລະ ຮັບຟັງການລາຍງານສະພາບລວມ ຈາກປະທານສູນສອບເສັງແຕ່ລະແຫ່ງ. ໂດຍລວມແລ້ວ ເຫັນວ່າແຕ່ລະສູນມີຄວາມພ້ອມຮອບດ້ານທາງດ້ານສະຖານທີ່, ຄວາມເປັນລະບຽບຮຽບຮ້ອຍ ແລະ ລະບຽບວິໄນຂອງກຳມະການ ແລະ ນັກຮຽນ ຊຶ່ງເຮັດໃຫ້ບັນຍາກາດການສອບເສັງເຕັມໄປດ້ວຍຄວາມສະຫງົບ ແລະ ມີຄວາມຮັບຜິດຊອບສູງ.
ພ້ອມທັງເນັ້ນໜັກໃຫ້ຄະນະກຳມະການຮັກສາຄວາມປອດໄພ ແລະ ກຳມະການຍາມຫ້ອງສອບເສັງ ຈັດຕັ້ງປະຕິບັດໜ້າທີ່ຕາມທິດທາງແຜນການ ແລະ ເອກະສານຄຳສັ່ງຕ່າງໆ ຂອງຂັ້ນເທິງວາງອອກຢ່າງເຄັ່ງຄັດ, ເພີ່ມທະ ວີຄວາມເອົາໃຈໃສ່ໃນການກວດກາ, ປ້ອງກັນບໍ່ໃຫ້ມີການທຸຈະລິດໃນການສອບເສັງໃນທຸກຮູບແບບ, ພ້ອມທັງອຳ ນວຍຄວາມສະດວກໃຫ້ນັກຮຽນຢ່າງເຕັມສ່ວນ ເພື່ອໃຫ້ນັກຮຽນສາມາດນຳໃຊ້ຄວາມຮູ້ທີ່ໄດ້ຮຽນມາເຂົ້າໃນການເຮັດບົດສອບເສັງໃຫ້ໄດ້ຮັບຜົນດີທີ່ສຸດ.
 |
ການສອບເສັງຈົບຊັ້ນ ມ.4 ໃນສົກຮຽນນີ້, ຢູ່ສູນສອບເສັງທັງ 3 ແຫ່ງດັ່ງກ່າວ ປະກອບມີສູນສອບເສັງ ມສ ສາລະຄຳ, ມສ ເຄເອັນຊີ ແລະ ມ.ປາຍ ສົງ ໂສກປ່າຫຼວງ ມີນັກຮຽນເຂົ້າຮ່ວມສອບເສັງທັງໝົດ 1,262 ຄົນ ຍິງ 559 ຄົນ ຊຶ່ງໄລຍະເວລາສອບເສັງຈະດຳເນີນໄປຮອດວັນທີ 12 ມິຖຸນາ 2026 ແລະ ສະຖິຕິທົ່ວ ນວ ມີສູນສອບເສັງທັງໝົດ 30 ສູນ, ມີຈຳນວນນັກສອບເສັງທັງໝົດ 12,616 ຄົນ ຍິງ 6,303 ຄົນ.
ຂ່າວ-ພາບ: ການຈະນາ ວົງປັນຍາ
ຄໍາເຫັນ