ວັນທີ 16 ພະຈິກ ຜ່ານມານີ້, ທ່ານ ນາງ ປານີ ຢາທໍ່ຕູ້ ຮອງປະທານປະເທດ ລົງເຄື່ອນໄຫວຢ້ຽມຢາມ, ພົບປະພໍ່ແມ່ປະຊາຊົນ ບ້ານປາກຕວຍ ເມືອງປະທຸມພອນ ແຂວງຈຳປາສັກ ໂດຍມີ ທ່ານ ໂສມ ບຸດຕະກູນ ຮອງເຈົ້າແຂວງຈຳປາສັກ, ທ່ານ ວຽງສະໄໝ ສີລິພອນພັນ ເຈົ້າເມືອງປະທຸມພອນ ພ້ອມຄະນະນຳຂັ້ນແຂວງ, ເມືອງ, ອົງການປົກຄອງບ້ານປາກຕວຍ, ຕະຫຼອດຮອດພໍ່ແມ່ປະຊາຊົນບ້ານປາກຕວຍ ໃຫ້ການຕ້ອນຮັບ.
ທ່ານ ວຽງສະໄໝ ສີລິພອນພັນ ເຈົ້າເມືອງປະທຸມພອນ ໄດ້ລາຍງານໂດຍຫຍໍ້ ການຈັດຕັ້ງປະຕິບັດວຽກງານຮອບດ້ານຂອງ ເມືອງປະທຸມພອນ, ຈາກນັ້ນ ກໍໄດ້ຮັບຟັງການລາຍງານຄອບຄົວຕົວແບບຂອງບ້ານປາກຕວຍ ນຳສະເໜີໂດຍ ທ່ານ ຄຳພັນ ນະຄອນສີ ຊຶ່ງເປັນຄອບຄົວຕົວແບບຜະລິດກະສິກໍາການປູກໝາກນາວຂອງບ້ານ.
ໂອກາດນີ້, ທ່ານ ນາງ ປານີ ຢາທໍ່ຕູ້ ກໍໄດ້ມີຄຳເຫັນໂອ້ລົມ ຢ້ຽມຢາມຖາມຂ່າວ ຊີວິດການເປັນຢູ່ຂອງພໍ່ແມ່ປະຊາຊົນ ແລະ ໄດ້ເນັ້ນ ໃຫ້ປະຊາຊົນ ເປັນເຈົ້າການພັດທະນາຊີວິດການເປັນຢູ່ດ້ວຍການອອກແຮງງານ ເພີ່ມພູນຜະລິດຜົນ ປູກຝັງ-ລ້ຽງສັດ ພັດທະນາຊີວິດຄອບຄົວໃຫ້ມີຢູ່ມີກິນ ຫຼຸດພົ້ນຈາກຄວາມທຸກຍາກເທື່ອລະກ້າວ, ປຸກລະດົມສົ່ງເສີມໃຫ້ເດັກນ້ອຍ, ຊາວໜຸ່ມ-ເຍົາວະຊົນ ໃຫ້ໄດ້ຮັບການສຶກສາຮ່ຳຮຽນຢ່າງທົ່ວເຖິງ ແລະ ໄດ້ເນັ້ນໃຫ້ຄະນະພັກ, ອຳນາດການປົກຄອງບ້ານປາກຕວຍ ຈົ່ງເພີ່ມຄວາມຮັບຜິດຊອບຂອງຕົນໃນການນຳພາ-ຊີ້ນຳພໍ່ແມ່ປະຊາຊົນໃຫ້ເປັນເຈົ້າການໃນການປະຕິບັດລະບຽບກົດ
ໝາຍ, ສ້າງສາພັດທະນາຊີວິດການເປັນຢູ່ຂອງຄອບຄົວ ແລະ ເນັ້ນໃຫ້ 2 ກຳລັງ ຈົ່ງໜັກແໜ້ນໃນການຮັກສາຄວາມສະຫງົບ, ຄວາມປອດໄພ ພາຍໃນບ້ານ ຢ່າງເຂັ້ມແຂງ ແລະ ຕໍ່ເນື່ອງ.
ຈາກນັ້ນ, ທ່ານຮອງປະທານປະເທດ ພ້ອມຄະນະ ກໍໄດ້ເດີນທາງໄປຢ້ຽມຢາມພື້ນຖານການຜະລິດ ສວນໝາກນາວຂອງຄອບຄົວພໍ່ແມ່ປະຊາຊົນບ້ານດັ່ງກ່າວຕື່ມອີກ.
ຂ່າວ-ພາບ: ສີສົມບູນວົງວຽງຄຳ
ທ່ານ ວຽງສະໄໝ ສີລິພອນພັນ ເຈົ້າເມືອງປະທຸມພອນ ໄດ້ລາຍງານໂດຍຫຍໍ້ ການຈັດຕັ້ງປະຕິບັດວຽກງານຮອບດ້ານຂອງ ເມືອງປະທຸມພອນ, ຈາກນັ້ນ ກໍໄດ້ຮັບຟັງການລາຍງານຄອບຄົວຕົວແບບຂອງບ້ານປາກຕວຍ ນຳສະເໜີໂດຍ ທ່ານ ຄຳພັນ ນະຄອນສີ ຊຶ່ງເປັນຄອບຄົວຕົວແບບຜະລິດກະສິກໍາການປູກໝາກນາວຂອງບ້ານ.
ໂອກາດນີ້, ທ່ານ ນາງ ປານີ ຢາທໍ່ຕູ້ ກໍໄດ້ມີຄຳເຫັນໂອ້ລົມ ຢ້ຽມຢາມຖາມຂ່າວ ຊີວິດການເປັນຢູ່ຂອງພໍ່ແມ່ປະຊາຊົນ ແລະ ໄດ້ເນັ້ນ ໃຫ້ປະຊາຊົນ ເປັນເຈົ້າການພັດທະນາຊີວິດການເປັນຢູ່ດ້ວຍການອອກແຮງງານ ເພີ່ມພູນຜະລິດຜົນ ປູກຝັງ-ລ້ຽງສັດ ພັດທະນາຊີວິດຄອບຄົວໃຫ້ມີຢູ່ມີກິນ ຫຼຸດພົ້ນຈາກຄວາມທຸກຍາກເທື່ອລະກ້າວ, ປຸກລະດົມສົ່ງເສີມໃຫ້ເດັກນ້ອຍ, ຊາວໜຸ່ມ-ເຍົາວະຊົນ ໃຫ້ໄດ້ຮັບການສຶກສາຮ່ຳຮຽນຢ່າງທົ່ວເຖິງ ແລະ ໄດ້ເນັ້ນໃຫ້ຄະນະພັກ, ອຳນາດການປົກຄອງບ້ານປາກຕວຍ ຈົ່ງເພີ່ມຄວາມຮັບຜິດຊອບຂອງຕົນໃນການນຳພາ-ຊີ້ນຳພໍ່ແມ່ປະຊາຊົນໃຫ້ເປັນເຈົ້າການໃນການປະຕິບັດລະບຽບກົດ
ໝາຍ, ສ້າງສາພັດທະນາຊີວິດການເປັນຢູ່ຂອງຄອບຄົວ ແລະ ເນັ້ນໃຫ້ 2 ກຳລັງ ຈົ່ງໜັກແໜ້ນໃນການຮັກສາຄວາມສະຫງົບ, ຄວາມປອດໄພ ພາຍໃນບ້ານ ຢ່າງເຂັ້ມແຂງ ແລະ ຕໍ່ເນື່ອງ.
ຈາກນັ້ນ, ທ່ານຮອງປະທານປະເທດ ພ້ອມຄະນະ ກໍໄດ້ເດີນທາງໄປຢ້ຽມຢາມພື້ນຖານການຜະລິດ ສວນໝາກນາວຂອງຄອບຄົວພໍ່ແມ່ປະຊາຊົນບ້ານດັ່ງກ່າວຕື່ມອີກ.
ຂ່າວ-ພາບ: ສີສົມບູນວົງວຽງຄຳ
ຄໍາເຫັນ