ຫວຽດເຈັດນຳໃຊ້ເຮືອບິນລຳໃໝ່ ພ້ອມເປີດເສັ້ນທາງບິນສາກົນ ຫວຽດນາມ-ຮົງກົງ

ຂປລ. ເມື່ອບໍ່ດົນມານີ້, ສາຍການບິນຫວຽດເຈັດ (Vietjet) ມີຄວາມພາກພູມໃຈຕ້ອນຮັບເຮືອບິນ Airbus 321neo ACF ທີ່ທັນສະໄໝທີ່ສຸດ, ເປັນການເພີ່ມເຮືອບິນລໍາທີ 102 ທີ່ທັນສະໄໝ ແລະໃໝ່ທີ່ສຸດຂອງສາຍການບິນ. ພ້ອມກັນນັ້ນ, Vietjetໄດ້ສະເຫຼີມສະຫຼອງເສັ້ນທາງການບິນໃໝ່ທີ່ເຊື່ອມຕໍ່ນະຄອນຫຼວງຮ່າໂນ້ຍ ສສ ຫວຽດນາມ ໄປສູ່ນະຄອນຮົງກົງ (ຈີນ)ຊຶ່ງແມ່ນເສັ້ນທາງສາກົນເສັ້ນທີ 5 ທີ່ເປີດນຳໃຊ້ໃນເດືອນທັນວາ 2023.
ເຮືອບິນລຳໃໝ່ ແລະ ການເປີດເສັ້ນທາງ ຮ່າໂນ້ຍ-ຮົງກົງ ຢູ່ໃນໄລຍະແຫ່ງການການສະເຫຼີມສະຫຼອງວັນຄົບຮອບຂອງ Vietjetທີ່ເປີດນໍາໃຊ້ໃນວັນທີ 24 ທັນວາ 2011 ແລະ ກົງກັບບັນຍາກາດຂອງວັນຄຣິດສະມາດ. ເຮືອບິນ A321neo ACF ປະດັບດ້ວຍທຸງຊາດຫວຽດນາມ,ໄດ້ມາຮອດສະໜາມບິນສາກົນTan Son Nhat ໃນວັນທີ 22 ທັນວາ 2023. ສາຍການບິນຈະນຳໃຊ້ເຮືອບິນລຳໃໝ່ນີ້ ເພື່ອຮັບໃຊ້ຜູ້ໂດຍສານໃນຫຼາຍເສັ້ນທາງທີ່ກວມເອົາຫວຽດນາມ ແລະ ຕ່າງປະເທດ. Vietjetເປັນສາຍການບິນທຳອິດໃນໂລກທີ່ໃຫ້ບໍລິການເຮືອບິນ A321neo ACF 240 ບ່ອນນັ່ງ, ນັບຕັ້ງແຕ່ກໍ່ຕັ້ງໃນປີ 2019. A321neo ACF ຊ່ວຍຫຼຸດຜ່ອນການໃຊ້ນ້ຳມັນເຊື້ອໄຟໄດ້ເຖິງ 20%, ຫຼຸດການປ່ອຍສຽງລົບກວນໄດ້ເຖິງ 75%  ແລະ ຍັງຊ່ວຍຫຼຸດການປ່ອຍອາຍພິດສູ່ສິ່ງແວດລ້ອມເຖິງ 50%. ສາຍການບິນໄດ້ເປີດບໍລິການແບບສາກົນລວມມີ: ຊຽງໄຮ້ - ໂຮ່ຈິມິນ, ຟູກວັກ - ປູຊານ, ຮ່າໂນຍ - ຈາກາຕາ, ຮ່າໂນ້ຍ - ສຽມຣຽບ ແລະ ເມື່ອບໍ່ດົນມານີ້ ແມ່ນເສັ້ນທາງຮ່າໂນຍ - ຮົງກົງ ຊຶ່ງສະແດງເຖິງຍຸດທະສາດ ແລະ ການຂະຫຍາຍເຄືອຂ່າຍເຮືອບິນ ແລະ ສາຍການບິນໃນທົ່ວພາກພື້ນອາຊີປາຊີຟິກ.
ຖ້ຽວບິນ ຮ່າໂນ້ຍ-ຮົງກົງ ໃຫ້ບໍລິການໃນທຸກໆວັນຈັນ, ວັນພຸດ ແລະ ວັນສຸກ ເປັນ 3 ມື້ຕໍ່ອາທິດ, ເພີ່ມເຄືອຂ່າຍການບິນຫວຽດນາມ-ຮົງກົງ ຂອງ VietJet ເປັນ 4 ເສັ້ນທາງບິນກົງ. ເສັ້ນທາງນະຄອນໂຮ່ຈິມິນ-ຮົງກົງ, ດານັງ-ຮົງກົງ ແລະ ຟູກວັກ-ຮົງກົງ ຈະຖືກເພີ່ມຂຶ້ນໃນຖ້ຽວບິນປະຈໍາວັນນັບແຕ່ເດືອນກຸມພາເປັນຕົ້ນໄປ. ພ້ອມດຽວກັນ VietJet ສົມມະນາຄຸນຜູ້ໃຊ້ບໍລິການເທີງທາງໄປຫວຽດນາມ ແລະ ຕ່າງປະເທດ ດ້ວຍຄ່າປີ້ຍົນທີ່ລາຄາພຽງແຕ່ 0 ໂດລາ (ບໍ່ລວມພາສີ ແລະ ຄ່າທຳນຽມ) ທຸກໆວັນພຸດ, ວັນພະຫັດ ແລະ ວັນສຸກ ຊຶ່ງເປັນໂອກາດດີສຳລັບຜູ້ໂດຍສານຈາກລາວ ທີ່ຈະເດີນທາງຖ້ຽວບິນວຽງຈັນ - ໂຮ່ຈິມິນ ແຕ່ວັນທີ 25 ກຸມພາ 2024 ເປັນຕົ້ນໄປ ຜູ້ໂດຍສານທັງໝົດຂອງ VietJet ຍັງຈະໄດ້ຮັບປະກັນໄພ Sky Care ສຳລັບການເດີນທາງ ແລະ ຍັງມີໂອກາດໄດ້ສະສົມຄະແນນ ເພື່ອແລກຂອງຂວັນທີ່ໜ້າສົນໃຈກັບໂຄງການ VietJet SkyJoy.