ຫວຽດນາມ ເປີດນຳໃຊ້ຫໍພິພິຕະພັນອາວະກາດ

10:55 22/08/2025

ວິທະຍຸກະຈາຍສຽງຫວຽດນາມ ລາຍງານວ່າ: ເນື່ອງໃນໂອກາດສະເຫຼີມສະຫຼອງ 80 ປີ ວັນຊາດຫວຽດນາມ (ວັນທີ 2 ກັນຍາ 1945 – 2 ກັນຍາ 2025) ແລະ 50 ປີ ວັນສ້າງຕັ້ງສູນສະຖາບັນດິດວິທະຍາສາດ ແລະ ເຕັກໂນໂລຊີ ຫວຽດນາມ (1975 – 2025), ໃນວັນທີ 21 ສິງຫາ ຜ່ານມາ, ສູນອາວະກາດ ຫວຽດນາມ ໄດ້ຈັດພິທີເປີດນຳໃຊ້ “ຫໍພິພິຕະພັນອາວະກາດ ຫວຽດນາມ” ຢູ່ເຂດອຸດສາຫະກຳເຕັກໂນໂລຊີສູງ ຮວ່າລາກ ນະຄອນຫຼວງຮ່າໂນ້ຍ.

ຂ່າວລະບຸວ່າ: ກິດຈະກຳດັ່ງກ່າວມີເນື້ອທີ່ກາງແຈ້ງກວ້າງ 1.500 ກວ່າຕາແມັດ ແລະ ໃນຮົ່ມ 1.600 ກວ່າຕາແມັດ, ລວມມີ 2 ຊັ້ນ ໄດ້ອອກແບບຕາມຄວາມຮູ້ສຶກທີ່ກວ້າງໃຫຍ່ຂອງອາວະກາດ. ການຈັດແບ່ງໄດ້ສັບຊ້ອນຈາກອະດີດການກຳເນີດຂອງອາວະກາດ ຕະຫຼອດຮອດບັນດາຜົນສຳເລັດໃນປັດຈຸບັນ ແລະ ອະນາຄົດ.

ທ່ານ ເລຊວັນຮຸຍ ຮອງຜູ້ອຳນວຍການໃຫຍ່ສູນອາວະກາດ ຫວຽດນາມ ກ່າວວ່າ: ຈຸດພົ້ນເດັ່ນຂອງຫໍພິພິຕະພັນອາວະກາດ ຫວຽດນາມ ແມ່ນຕິດພັນກັບການພັດທະນາເຕັກໂນໂລຊີອາວະກາດຂອງ ຫວຽດນາມ. ພວກຂ້າພະເຈົ້າກໍຢາກສົ່ງສານເຖິງເພື່ອນໜຸ່ມທີ່ມີຄວາມສົນໃຈໃນຂົງເຂດວິທະຍາສາດເຕັກໂນໂລຊີອາວະກາດວ່າ: ຫວຽດນາມ ໄດ້ມີການເຄື່ອນໄຫວກ່ຽວກັບວິທະຍາສາດເຕັກໂນໂລຊີພັດທະນາ, ໃນນັ້ນມີວິທະຍາສາດເຕັກໂນໂລຊີອາວະກາດ. ສະນັ້ນ, ຫວັງວ່າ ພວກເພື່ອນໜຸ່ມຈະປະກອບສ່ວນໃຫ້ແກ່ວິທະຍາສາດ ຫວຽດນາມ.

ທ່ານ ຫງວຽນຈິຢຸງ ຮອງນາຍົກລັດຖະມົນຕີ ຫວຽດນາມ ກ່າວຄຳເຫັນໃນພິທີວ່າ: ສູນອາວະກາດ ຫວຽດນາມ ແມ່ນພື້ນຖານເພື່ອພັດທະນາເຕັກໂນໂລຊີ ແລະ ຜະລິດດາວທຽມແຖວໜ້າຂອງ ຫວຽດນາມ, ກາຍເປັນຫົວໜ່ວຍຄົ້ນຄວ້າແຖວໜ້າຢູ່ພາກພື້ນ ແລະ ໃນໂລກເທື່ອລະກ້າວ.

ຄໍາເຫັນ

ຂ່າວຕ່າງປະເທດ

ສະຫະລັດ ອາເມຣິກາ ຈະລົງທຶນເກືອບ 1 ຕື້ໂດລາ ພັດທະນາບໍ່ແຮ່ ແລະ ວັດສະດຸທີ່ສໍາຄັນ

22/08/2025 13:28

ຂ່າວຕ່າງປະເທດລາຍງານ ຫວ່າງບໍ່ດົນມານີ້ວ່າ: ກະຊວງພະລັງງານ ຂອງສະຫະລັດ ອາເມຣິກາ ປະກາດວ່າ, ຈະຈັດສັນເງິນເກືອບ 1 ຕື້ໂດລາ ເພື່ອເສີມຂະຫຍາຍເຕັກໂນໂລຊີການຂຸດຄົ້ນບໍ່ແຮ່, ການປຸງແຕ່ງ ແລະ ການຜະລິດໃນຕ່ອງໂສ້ການສະໜອງແຮ່ທາດ ແລະ ວັດສະດຸທີ່ສໍາຄັນ.

ນັກທ່ອງທ່ຽວຕ່າງປະເທດເດີນມາຢ້ຽມຢາມຍີ່ປຸ່ນ ເພີ່ມຂຶ້ນ 4.4%

22/08/2025 11:28

ຂ່າວຕ່າງປະເທດລາຍງານວ່າ: ອົງການສົ່ງເສີມການທ່ອງທ່ຽວແຫ່ງຊາດຍີ່ປຸ່ນ (JNTO) ປະກາດໃນວັນທີ 20 ສິງຫາ ຜ່ານມາວ່າ, ຈຳນວນນັກທ່ອງທ່ຽວທີ່ເດີນມາຢ້ຽມຢາມຍີ່ປຸ່ນໃນເດືອນກໍລະກົດ ຜ່ານມາ ເພີ່ມຂຶ້ນ 4.4% ເມື່ອທຽບໃສ່ປີກາຍ ເປັນ 3.4 ລ້ານເທື່ອຄົນ ຊຶ່ງຖືເປັນສະຖິຕິສູງທີ່ສຸດເມື່ອທຽບໃສ່ເດືອນດຽວກັນ ຍ້ອນວ່າຫຼາຍປະເທດພວມຢູ່ໃນໄລຍະພັກຮຽນ.

7 ເດືອນຕົ້ນປີ ການຄ້າກັບຕ່າງປະເທດຂອງຈີນເພີ່ມຂຶ້ນ 3.5%

22/08/2025 10:59

ຂ່າວສານຊີອາໄອລາຍງານວ່າ, ໃນກອງປະຊຸມຂ່າວທີ່ຈັດຂຶ້ນວັນທີ 21 ສິງຫາ ຜ່ານມານີ້, ທ່ານ ເຮີຢົງຊຽນ ໂຄສົກກະຊວງການຄ້າຈີນ ກ່າວວ່າ: ນັບແຕ່ປີນີ້ເປັນຕົ້ນມາ, ຄວາມສ່ຽງທີ່ການພັດທະນາເສດຖະກິດການຄ້າສາກົນຕ້ອງຜະເຊີນເພີ່ມຫຼາຍຂຶ້ນຢ່າງຊັດເຈນ, ການຄ້າກັບຕ່າງປະເທດຂອງຈີນຮັກສາທ່າອ່ຽງໝັ້ນຄົງ ແລະ ກ້າວໜ້າ, ໃນ 7 ເດືອນຕົ້ນປີນີ້ ຈັງຫວະເຕີບໂຕແມ່ນ 3.5%.

ອົສຕຣາລີ ຈະສ້າງຫ້ອງທົດລອງກວດສານພິດໃນອາຫານທະເລ

21/08/2025 15:03

ຂ່າວຕ່າງປະເທດລາຍງານວ່າ: ທ່ານ ອັນໂຕນີ ອານບາເນັສ ນາຍົກລັດຖະມົນຕີ ອົສຕຣາລີ ປະກາດໃນວັນທີ 20 ສິງຫາ ຜ່ານມາວ່າ: ລັດຖະບານຈະສ້າງຫ້ອງທົດລອງໃໝ່ ຢູ່ລັດ South Australia ເພື່ອກວດຫາສານພິດ ໃນອາຫານທະເລ ໂດຍມີເປົ້າໝາຍເພື່ອແນໃສ່ແກ້ໄຂການລະບາດຂອງສາຫຼ່າຍພິດ ທີ່ເກີດຢູ່ບໍລິເວນນອກຊາຍຝັ່ງຂອງລັດດັ່ງກ່າວ.

ຈຳນວນຜູ້ເສຍຊີວິດຈາກໄພນໍ້າຖ້ວມຢູ່ພາກເໜືອປາກິສຖານ ຫຼາຍກວ່າ 400 ຄົນ

21/08/2025 14:41

ຂ່າວຕ່າງປະເທດລາຍງານຈາກເມືອງເປສະວາ ປະເທດປາກິສຖານ ໃນວັນທີ 20 ສິງຫາ ຜ່ານມາວ່າ: ຝົນຕົກໜັກໃນທົ່ວພາກເໜືອຂອງປາກິສຖານ ເຮັດໃຫ້ເກີດນໍ້າຖ້ວມ ແລະ ດິນເຈື່ອນ ຊຶ່ງສ້າງຄວາມເສຍຫາຍຢ່າງໜັກໜ່ວງໃຫ້ແກ່ບ້ານເຮືອນຕ່າງໆ, ເຮັດໃຫ້ມີຜູ້ຄົນຈຳນວນຫຼາຍຕິດຢູ່ໃຕ້ຊາກຫັກພັງ ແລະ ອີກຫຼາຍຄົນສູນຫາຍ.

ໄຟປ່າໃນເອີຣົບທຳລາຍພື້ນທີ່ເກືອບ 895,000 ເຮັກຕາ

21/08/2025 13:29

ຂ່າວຕ່າງປະເທດລາຍງານ ໃນວັນທີ 20 ສິງຫາ ຜ່ານມາວ່າ: ສູນຄົ້ນຄວ້າຮ່ວມຂອງຄະນະກຳມາທິການເອີຣົບເປີດເຜີຍວ່າ: ໄຟປ່າໄດ້ທໍາລາຍພື້ນທີ່ທົ່ວສະຫະພາບເອີຣົບ (EU)ເກືອບ 895,000 ເຮັກຕາ ໃນປີ 2025 ຫຼາຍກວ່າໄລຍະດຽວກັນຂອງປີ 2024 ກວ່າ 4 ເທົ່າ ແລະ ເພີ່ມຂຶ້ນຫຼາຍກວ່າ 2 ເທົ່າ ເມື່ອທຽບກັບໂຕເລກ 439,568 ເຮັກຕາ ໃນອາທິດກ່ອນໜ້ານີ້ ຊຶ່ງຊີ້ໃຫ້ເຫັນເຖິງການແຜ່ລາມຢ່າງໄວວາຂອງໄຟປ່າໃນສອງສາມມື້ຜ່ານມາ.

ເດືອນກໍລະກົດ ການສົ່ງອອກຂອງຍີ່ປຸ່ນ ຫຼຸດລົງ 2.6%

21/08/2025 13:23

ຂ່າວຕ່າງປະເທດລາຍງານວ່າ: ກະຊວງການເງິນຍີ່ປຸ່ນລາຍງານໃນວັນທີ 20 ສິງຫາ ຜ່ານມາວ່າ, ການສົ່ງອອກໄດ້ຫຼຸດລົງ 2.6% ໃນເດືອນກໍລະກົດ ມາເປັນ 9.36 ພັນຕື້ເຢນ ເມື່ອທຽບໃສ່ໄລຍະດຽວກັນຂອງປີກາຍ ຊຶ່ງເປັນການຫຼຸດລົງຢ່າງໜັກໜ່ວງທີ່ສຸດໃນຮອບຫຼາຍກວ່າ 4 ປີ ຫຼື ນັບແຕ່ເດືອນກຸມພາ 2021 ແລະ ຫຼຸດລົງຢ່າງຫຼວງຫຼາຍຈາກເດືອນມິຖຸນາ ຊຶ່ງໄດ້ຫຼຸດລົງພຽງແຕ່ 0.5%. ນອກຈາກນີ້, ການສົ່ງອອກໃນເດືອນກໍລະກົດຍັງຫຼຸດລົງຫຼາຍກວ່າທີ່ນັກວິເຄາະຄາດຄະເນໄວ້ວ່າຈະຫຼຸດລົງ 2.1%.

ການຄ້າສິນຄ້າລະຫວ່າງຈີນ ກັບ ປະເທດສະມາຊິກອົງການຮ່ວມມືຊຽງໄຮ້ ບັນລຸ 247 ຕື້ 700 ລ້ານໂດລາ

21/08/2025 13:18

ຂ່າວສານຊີອາໄອລາຍງານໃນວັນທີ 20 ສິງຫາ ຜ່ານມາວ່າ: ກະຊວງການຄ້າຈີນແຈ້ງໃຫ້ຮູ້ວ່າ, ໃນຊຸມປີມໍ່ໆມານີ້ການຮ່ວມມືດ້ານເສດຖະກິດລະດັບພາກພື້ນຂອງອົງການຮ່ວມມືຊຽງໄຮ້ໄດ້ຮັບການພັດທະນາຢ່າງບໍ່ຢຸດຢັ້ງ. ໃນນັ້ນ, ຂະໜາດການຄ້າດ້ານສິນຄ້າຂະຫຍາຍຕົວຢ່າງຕໍ່ເນື່ອງ. ໃນ 6 ເດືອນຕົ້ນປີນີ້, ຍອດມູນຄ່າການຄ້າສິນຄ້າລະຫວ່າງຈີນ ກັບ ປະເທດສະມາຊິກອື່ນໆຂອງອົງການຮ່ວມມືຊຽງໄຮ້ໄດ້ບັນລຸເຖິງ 247 ຕື້ 700 ລ້ານໂດລາ, ເພີ່ມຂຶ້ນ 0.8% ເມື່ອທຽບກັບໄລຍະດຽວກັນຂອງປີ 2024. ໃນ 5 ປີມໍ່ໆມານີ້, ຍອດມູນຄ່າການຄ້າລະຫວ່າງຈີນ ກັບປະເທດສະມາຊິກອື່ນໆຂອງອົງການຮ່ວມມືຊຽງໄດ້ບັນລຸເຖິງ 300 ຕື້, 400 ຕື້ ແລະ 500 ຕື້ໂດລາ ຢ່າງລຽນຕິດ ແລະ ບັນລຸຮອດ 512 ຕື້ 400 ລ້ານໂດລາໃນປີ 2024 ຊຶ່ງໄດ້ສ້າງສະຖິຕິສູງສຸດໃນປະຫວັດສາດ, ເພີ່ມຂຶ້ນ 2.7% ເມື່ອທຽບໃສ່ປີ 2023.

ຫວຽດນາມ ກາຍເປັນປະເທດນຳໜ້າໃນການດຶງດູດເງິນລົງທຶນ FDI

21/08/2025 13:15

ວິທະຍຸກະຈາຍສຽງຫວຽດນາມລາຍງານວ່າ: ຫວ່າງມໍ່ໆມານີ້, ເວັບໄຊ ໄດ້ລົງບົດວິເຄາະຂອງທ່ານ ຫງວຽນຈາງ ແລະ ທ່ານ ບໍຣິສ ຊັລລິແວນ ຊຶ່ງໃຫ້ຂໍ້ສັງເກດວ່າ ຫວຽດນາມ ພວມພົ້ນເດັ່ນຂຶ້ນແມ່ນສະຖານທີ່ນັດພົບຂອງການລົງທຶນໂດຍກົງຈາກຕ່າງປະເທດ (FDI) ແຖວໜ້າໂລກ, ດ້ວຍກຳລັງແຮງໜຸ່ມທີ່ມີຄວາມຂະຫຍັນຂັບເຄື່ອນ, ບັນດາສັນຍາການຄ້າ ທີ່ສະດວກ ແລະ ສະພາບແວດລ້ອມດ້ານການເມືອງທີ່ເປັນປົກກະຕິ. ບົດຂຽນລະບຸວ່າ: ທຶນ FDI ຂອງ ຫວຽດນາມ ພວມມີທ່າເຕີບໂຕຢ່າງບໍ່ຢຸດຢັ້ງ. ປີ 2023, ຫວຽດນາມໄດ້ດຶງດູດເງິນລົງທຶນຈົດທະບຽນ FDI 36.6 ຕື້ກວ່າໂດລາ, ເພີ່ມຂຶ້ນ 32% ເມື່ອທຽບໃສ່ກັບປີກາຍນີ້. ນີ້ແມ່ນລະດັບສະຖິຕິທີ່ສູງໃນຫຼາຍປີມານີ້.

ຊີວະປະຫວັດຫຍໍ້

20/08/2025 15:00

- ຊື່ ແລະ ນາມສະກຸນ: ນາງ ຫວໍ ທິ ແອ໋ງ ຊວນ (VO THI ANH XUAN). ເພດ: ຍິງ. - ວັນເດືອນປີເກີດ: 8/1/1970. ຊົນເຜົ່າ: ກິງ. - ບ້ານເກີດ: ຕາແສງ ເຖີ່ຍເຊີນ ເມືອງຕິ້ງບຽນ ແຂວງອານຢາງ. - ລະດັບວິຊາສະເພາະ: ປະລິນຍາໂທການຄຸ້ມຄອງສາທາລະນະ. - ລະດັບທິດສະດີການເມືອງ: ຂັ້ນສູງ. - ວັນເດືອນປີເຂົ້າພັກສຳຮອງ: 20/12/1994. ວັນເດືອນປີເຂົ້າພັກສົມບູນ: 20/12/1995.

ເພີ່ມເຕີມ